| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. анураад̇хасуд̇д̇аван̣н̣анаа
4. Anurādhasuttavaṇṇanā
86. жад̇уд̇т̇з аран̃н̃агудигааяанд̇и д̇ассзва вихаарасса бажжанд̇з бан̣н̣асаалааяам̣. д̇ам̣ д̇ат̇ааг̇ад̇од̇и д̇умхаагам̣ сад̇т̇аа д̇ат̇ааг̇ад̇о д̇ам̣ сад̇д̇ам̣ д̇ат̇ааг̇ад̇ам̣. ан̃н̃ад̇ра имзхийд̇и д̇асса гира звам̣ ахоси ‘‘имз саасанасса бадибагкаа бадивиломаа, яат̇аа имз бхан̣анд̇и, на звам̣ сад̇т̇аа бан̃н̃аабзссад̇и, ан̃н̃ат̇аа бан̃н̃аабзссад̇ий’’д̇и. д̇асмаа звамааха. звам̣ вуд̇д̇з д̇з ан̃н̃ад̇ид̇т̇ияаад̇и звам̣ т̇зрзна ад̇д̇ано жа барзсан̃жа самаяам̣ аж̇аанид̇ваа вуд̇д̇з згад̣̇зсзна саасанасамаяам̣ ж̇аананд̇аа т̇зрасса ваад̣̇з д̣̇осам̣ д̣̇аад̇угаамаа д̇з ан̃н̃ад̇ид̇т̇ияаа бариб̣б̣ааж̇агаа ааяасманд̇ам̣ анураад̇хам̣ зд̇ад̣̇авожум̣.
86. Catutthe araññakuṭikāyanti tasseva vihārassa paccante paṇṇasālāyaṃ. Taṃ tathāgatoti tumhākaṃ satthā tathāgato taṃ sattaṃ tathāgataṃ. Aññatra imehīti tassa kira evaṃ ahosi ‘‘ime sāsanassa paṭipakkhā paṭivilomā, yathā ime bhaṇanti, na evaṃ satthā paññāpessati, aññathā paññāpessatī’’ti. Tasmā evamāha. Evaṃ vutte te aññatitthiyāti evaṃ therena attano ca paresañca samayaṃ ajānitvā vutte ekadesena sāsanasamayaṃ jānantā therassa vāde dosaṃ dātukāmā te aññatitthiyā paribbājakā āyasmantaṃ anurādhaṃ etadavocuṃ.
д̇ам̣ гим̣ ман̃н̃аси анураад̇хаад̇и сад̇т̇аа д̇асса гат̇ам̣ суд̇ваа жинд̇зси – ‘‘аяам̣ бхигку ад̇д̇ано лад̣̇д̇хияам̣ д̣̇осам̣ на ж̇аанаад̇и, гаараго банзса яуд̇д̇аяог̇о, д̇хаммад̣̇зсанааяа зва нам̣ ж̇аанаабзссаамий’’д̇и д̇ибариваддам̣ д̣̇зсанам̣ д̣̇зсзд̇угаамо ‘‘д̇ам̣ гим̣ ман̃н̃аси, анураад̇хаа’’д̇иаад̣̇имааха. ат̇асса д̇ааяа д̣̇зсанааяа арахад̇д̇аббад̇д̇асса ануяог̇авад̇д̇ам̣ ааробзнд̇о д̇ам̣ гим̣ ман̃н̃аси, анураад̇ха? руубам̣ д̇ат̇ааг̇ад̇од̇иаад̣̇имааха. д̣̇угкан̃жзва бан̃н̃абзми, д̣̇угкасса жа нирод̇ханд̇и ваддад̣̇угкан̃жзва ваддад̣̇угкасса жа нирод̇хам̣ ниб̣б̣аанам̣ бан̃н̃абзми. д̣̇угканд̇и ваа важанзна д̣̇угкасажжам̣ г̇ахид̇ам̣. д̇асмим̣ г̇ахид̇з самуд̣̇аяасажжам̣ г̇ахид̇амзва ход̇и, д̇асса муулад̇д̇аа. нирод̇ханд̇и важанзна нирод̇хасажжам̣ г̇ахид̇ам̣. д̇асмим̣ г̇ахид̇з маг̇г̇асажжам̣ г̇ахид̇амзва ход̇и д̇асса убааяад̇д̇аа. ид̇и буб̣б̣з жаахам̣, анураад̇ха, зд̇арахи жа жад̇усажжамзва бан̃н̃абзмийд̇и д̣̇ассзд̇и. звам̣ имасмим̣ суд̇д̇з ваддавиваддамзва гат̇ид̇ам̣. жад̇уд̇т̇ам̣.
Taṃ kiṃ maññasi anurādhāti satthā tassa kathaṃ sutvā cintesi – ‘‘ayaṃ bhikkhu attano laddhiyaṃ dosaṃ na jānāti, kārako panesa yuttayogo, dhammadesanāya eva naṃ jānāpessāmī’’ti tiparivaṭṭaṃ desanaṃ desetukāmo ‘‘taṃ kiṃ maññasi, anurādhā’’tiādimāha. Athassa tāya desanāya arahattappattassa anuyogavattaṃ āropento taṃ kiṃ maññasi, anurādha? Rūpaṃ tathāgatotiādimāha. Dukkhañceva paññapemi, dukkhassa ca nirodhanti vaṭṭadukkhañceva vaṭṭadukkhassa ca nirodhaṃ nibbānaṃ paññapemi. Dukkhanti vā vacanena dukkhasaccaṃ gahitaṃ. Tasmiṃ gahite samudayasaccaṃ gahitameva hoti, tassa mūlattā. Nirodhanti vacanena nirodhasaccaṃ gahitaṃ. Tasmiṃ gahite maggasaccaṃ gahitameva hoti tassa upāyattā. Iti pubbe cāhaṃ, anurādha, etarahi ca catusaccameva paññapemīti dasseti. Evaṃ imasmiṃ sutte vaṭṭavivaṭṭameva kathitaṃ. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. анураад̇хасуд̇д̇ам̣ • 4. Anurādhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. анураад̇хасуд̇д̇аван̣н̣анаа • 4. Anurādhasuttavaṇṇanā
