| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
४. अनुराधसुत्तवण्णना
4. Anurādhasuttavaṇṇanā
८६. तस्सेव विहारस्साति महावने यस्मिं विहारे भगवा विहरति, तस्सेव विहारस्स। इमेति अञ्ञतित्थिया। यस्मा अयं थेरो ठपनीयं पञ्हं ठपनीयभावेन न ठपेसि, तस्मा। अञ्ञतित्थिया…पे॰… एतदवोचुं। तेनाह ‘‘एकदेसेन सासनसमयं जानन्ता’’ति।
86.Tasseva vihārassāti mahāvane yasmiṃ vihāre bhagavā viharati, tasseva vihārassa. Imeti aññatitthiyā. Yasmā ayaṃ thero ṭhapanīyaṃ pañhaṃ ṭhapanīyabhāvena na ṭhapesi, tasmā. Aññatitthiyā…pe… etadavocuṃ. Tenāha ‘‘ekadesena sāsanasamayaṃ jānantā’’ti.
गहितमेव होति ततो पगेव सिद्धत्ता। तेनाह ‘‘तस्स मूलत्ता’’ति। एवन्ति ‘‘दुक्खञ्चेव पञ्ञपेमि, दुक्खस्स च निरोध’’न्ति एवं। वट्टविवट्टमेवाति पञ्चन्नं पन खन्धानं समनुपस्सनाय वसेन वट्टं, ‘‘एवं पस्स’’न्तिआदिना विवट्टं कथितमेव।
Gahitameva hoti tato pageva siddhattā. Tenāha ‘‘tassa mūlattā’’ti. Evanti ‘‘dukkhañceva paññapemi, dukkhassa ca nirodha’’nti evaṃ. Vaṭṭavivaṭṭamevāti pañcannaṃ pana khandhānaṃ samanupassanāya vasena vaṭṭaṃ, ‘‘evaṃ passa’’ntiādinā vivaṭṭaṃ kathitameva.
अनुराधसुत्तवण्णना निट्ठिता।
Anurādhasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ४. अनुराधसुत्तं • 4. Anurādhasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ४. अनुराधसुत्तवण्णना • 4. Anurādhasuttavaṇṇanā
