| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៤. អនុរាធសុត្តវណ្ណនា
4. Anurādhasuttavaṇṇanā
៨៦. តស្សេវ វិហារស្សាតិ មហាវនេ យស្មិំ វិហារេ ភគវា វិហរតិ, តស្សេវ វិហារស្ស។ ឥមេតិ អញ្ញតិត្ថិយា។ យស្មា អយំ ថេរោ ឋបនីយំ បញ្ហំ ឋបនីយភាវេន ន ឋបេសិ, តស្មា។ អញ្ញតិត្ថិយា…បេ.… ឯតទវោចុំ។ តេនាហ ‘‘ឯកទេសេន សាសនសមយំ ជានន្តា’’តិ។
86.Tasseva vihārassāti mahāvane yasmiṃ vihāre bhagavā viharati, tasseva vihārassa. Imeti aññatitthiyā. Yasmā ayaṃ thero ṭhapanīyaṃ pañhaṃ ṭhapanīyabhāvena na ṭhapesi, tasmā. Aññatitthiyā…pe… etadavocuṃ. Tenāha ‘‘ekadesena sāsanasamayaṃ jānantā’’ti.
គហិតមេវ ហោតិ តតោ បគេវ សិទ្ធត្តា។ តេនាហ ‘‘តស្ស មូលត្តា’’តិ។ ឯវន្តិ ‘‘ទុក្ខញ្ចេវ បញ្ញបេមិ, ទុក្ខស្ស ច និរោធ’’ន្តិ ឯវំ។ វដ្ដវិវដ្ដមេវាតិ បញ្ចន្នំ បន ខន្ធានំ សមនុបស្សនាយ វសេន វដ្ដំ, ‘‘ឯវំ បស្ស’’ន្តិអាទិនា វិវដ្ដំ កថិតមេវ។
Gahitameva hoti tato pageva siddhattā. Tenāha ‘‘tassa mūlattā’’ti. Evanti ‘‘dukkhañceva paññapemi, dukkhassa ca nirodha’’nti evaṃ. Vaṭṭavivaṭṭamevāti pañcannaṃ pana khandhānaṃ samanupassanāya vasena vaṭṭaṃ, ‘‘evaṃ passa’’ntiādinā vivaṭṭaṃ kathitameva.
អនុរាធសុត្តវណ្ណនា និដ្ឋិតា។
Anurādhasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. អនុរាធសុត្តំ • 4. Anurādhasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. អនុរាធសុត្តវណ្ណនា • 4. Anurādhasuttavaṇṇanā
