| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
4. අනුරාධසුත්‌තවණ්‌ණනා
4. Anurādhasuttavaṇṇanā
86. තස්‌සෙව විහාරස්‌සාති මහාවනෙ යස්‌මිං විහාරෙ භගවා විහරති, තස්‌සෙව විහාරස්‌ස. ඉමෙති අඤ්‌ඤතිත්‌ථියා. යස්‌මා අයං ථෙරො ඨපනීයං පඤ්‌හං ඨපනීයභාවෙන න ඨපෙසි, තස්‌මා. අඤ්‌ඤතිත්‌ථියා…පෙ.… එතදවොචුං. තෙනාහ ‘‘එකදෙසෙන සාසනසමයං ජානන්‌තා’’ති.
86.Tasseva vihārassāti mahāvane yasmiṃ vihāre bhagavā viharati, tasseva vihārassa. Imeti aññatitthiyā. Yasmā ayaṃ thero ṭhapanīyaṃ pañhaṃ ṭhapanīyabhāvena na ṭhapesi, tasmā. Aññatitthiyā…pe… etadavocuṃ. Tenāha ‘‘ekadesena sāsanasamayaṃ jānantā’’ti.
ගහිතමෙව හොති තතො පගෙව සිද්‌ධත්‌තා. තෙනාහ ‘‘තස්‌ස මූලත්‌තා’’ති. එවන්‌ති ‘‘දුක්‌ඛඤ්‌චෙව පඤ්‌ඤපෙමි, දුක්‌ඛස්‌ස ච නිරොධ’’න්‌ති එවං. වට්‌ටවිවට්‌ටමෙවාති පඤ්‌චන්‌නං පන ඛන්‌ධානං සමනුපස්‌සනාය වසෙන වට්‌ටං, ‘‘එවං පස්‌ස’’න්‌තිආදිනා විවට්‌ටං කථිතමෙව.
Gahitameva hoti tato pageva siddhattā. Tenāha ‘‘tassa mūlattā’’ti. Evanti ‘‘dukkhañceva paññapemi, dukkhassa ca nirodha’’nti evaṃ. Vaṭṭavivaṭṭamevāti pañcannaṃ pana khandhānaṃ samanupassanāya vasena vaṭṭaṃ, ‘‘evaṃ passa’’ntiādinā vivaṭṭaṃ kathitameva.
අනුරාධසුත්‌තවණ්‌ණනා නිට්‌ඨිතා.
Anurādhasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 4. අනුරාධසුත්‌තං • 4. Anurādhasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4. අනුරාධසුත්‌තවණ්‌ණනා • 4. Anurādhasuttavaṇṇanā
