| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਅਨੁਰਾਧਸੁਤ੍ਤવਣ੍ਣਨਾ
4. Anurādhasuttavaṇṇanā
੮੬. ਚਤੁਤ੍ਥੇ ਅਰਞ੍ਞਕੁਟਿਕਾਯਨ੍ਤਿ ਤਸ੍ਸੇવ વਿਹਾਰਸ੍ਸ ਪਚ੍ਚਨ੍ਤੇ ਪਣ੍ਣਸਾਲਾਯਂ। ਤਂ ਤਥਾਗਤੋਤਿ ਤੁਮ੍ਹਾਕਂ ਸਤ੍ਥਾ ਤਥਾਗਤੋ ਤਂ ਸਤ੍ਤਂ ਤਥਾਗਤਂ। ਅਞ੍ਞਤ੍ਰ ਇਮੇਹੀਤਿ ਤਸ੍ਸ ਕਿਰ ਏવਂ ਅਹੋਸਿ ‘‘ਇਮੇ ਸਾਸਨਸ੍ਸ ਪਟਿਪਕ੍ਖਾ ਪਟਿવਿਲੋਮਾ, ਯਥਾ ਇਮੇ ਭਣਨ੍ਤਿ, ਨ ਏવਂ ਸਤ੍ਥਾ ਪਞ੍ਞਾਪੇਸ੍ਸਤਿ, ਅਞ੍ਞਥਾ ਪਞ੍ਞਾਪੇਸ੍ਸਤੀ’’ਤਿ। ਤਸ੍ਮਾ ਏવਮਾਹ। ਏવਂ વੁਤ੍ਤੇ ਤੇ ਅਞ੍ਞਤਿਤ੍ਥਿਯਾਤਿ ਏવਂ ਥੇਰੇਨ ਅਤ੍ਤਨੋ ਚ ਪਰੇਸਞ੍ਚ ਸਮਯਂ ਅਜਾਨਿਤ੍વਾ વੁਤ੍ਤੇ ਏਕਦੇਸੇਨ ਸਾਸਨਸਮਯਂ ਜਾਨਨ੍ਤਾ ਥੇਰਸ੍ਸ વਾਦੇ ਦੋਸਂ ਦਾਤੁਕਾਮਾ ਤੇ ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਆਯਸ੍ਮਨ੍ਤਂ ਅਨੁਰਾਧਂ ਏਤਦવੋਚੁਂ।
86. Catutthe araññakuṭikāyanti tasseva vihārassa paccante paṇṇasālāyaṃ. Taṃ tathāgatoti tumhākaṃ satthā tathāgato taṃ sattaṃ tathāgataṃ. Aññatra imehīti tassa kira evaṃ ahosi ‘‘ime sāsanassa paṭipakkhā paṭivilomā, yathā ime bhaṇanti, na evaṃ satthā paññāpessati, aññathā paññāpessatī’’ti. Tasmā evamāha. Evaṃ vutte te aññatitthiyāti evaṃ therena attano ca paresañca samayaṃ ajānitvā vutte ekadesena sāsanasamayaṃ jānantā therassa vāde dosaṃ dātukāmā te aññatitthiyā paribbājakā āyasmantaṃ anurādhaṃ etadavocuṃ.
ਤਂ ਕਿਂ ਮਞ੍ਞਸਿ ਅਨੁਰਾਧਾਤਿ ਸਤ੍ਥਾ ਤਸ੍ਸ ਕਥਂ ਸੁਤ੍વਾ ਚਿਨ੍ਤੇਸਿ – ‘‘ਅਯਂ ਭਿਕ੍ਖੁ ਅਤ੍ਤਨੋ ਲਦ੍ਧਿਯਂ ਦੋਸਂ ਨ ਜਾਨਾਤਿ, ਕਾਰਕੋ ਪਨੇਸ ਯੁਤ੍ਤਯੋਗੋ, ਧਮ੍ਮਦੇਸਨਾਯ ਏવ ਨਂ ਜਾਨਾਪੇਸ੍ਸਾਮੀ’’ਤਿ ਤਿਪਰਿવਟ੍ਟਂ ਦੇਸਨਂ ਦੇਸੇਤੁਕਾਮੋ ‘‘ਤਂ ਕਿਂ ਮਞ੍ਞਸਿ, ਅਨੁਰਾਧਾ’’ਤਿਆਦਿਮਾਹ। ਅਥਸ੍ਸ ਤਾਯ ਦੇਸਨਾਯ ਅਰਹਤ੍ਤਪ੍ਪਤ੍ਤਸ੍ਸ ਅਨੁਯੋਗવਤ੍ਤਂ ਆਰੋਪੇਨ੍ਤੋ ਤਂ ਕਿਂ ਮਞ੍ਞਸਿ, ਅਨੁਰਾਧ? ਰੂਪਂ ਤਥਾਗਤੋਤਿਆਦਿਮਾਹ। ਦੁਕ੍ਖਞ੍ਚੇવ ਪਞ੍ਞਪੇਮਿ, ਦੁਕ੍ਖਸ੍ਸ ਚ ਨਿਰੋਧਨ੍ਤਿ વਟ੍ਟਦੁਕ੍ਖਞ੍ਚੇવ વਟ੍ਟਦੁਕ੍ਖਸ੍ਸ ਚ ਨਿਰੋਧਂ ਨਿਬ੍ਬਾਨਂ ਪਞ੍ਞਪੇਮਿ। ਦੁਕ੍ਖਨ੍ਤਿ વਾ વਚਨੇਨ ਦੁਕ੍ਖਸਚ੍ਚਂ ਗਹਿਤਂ। ਤਸ੍ਮਿਂ ਗਹਿਤੇ ਸਮੁਦਯਸਚ੍ਚਂ ਗਹਿਤਮੇવ ਹੋਤਿ, ਤਸ੍ਸ ਮੂਲਤ੍ਤਾ। ਨਿਰੋਧਨ੍ਤਿ વਚਨੇਨ ਨਿਰੋਧਸਚ੍ਚਂ ਗਹਿਤਂ। ਤਸ੍ਮਿਂ ਗਹਿਤੇ ਮਗ੍ਗਸਚ੍ਚਂ ਗਹਿਤਮੇવ ਹੋਤਿ ਤਸ੍ਸ ਉਪਾਯਤ੍ਤਾ। ਇਤਿ ਪੁਬ੍ਬੇ ਚਾਹਂ, ਅਨੁਰਾਧ, ਏਤਰਹਿ ਚ ਚਤੁਸਚ੍ਚਮੇવ ਪਞ੍ਞਪੇਮੀਤਿ ਦਸ੍ਸੇਤਿ। ਏવਂ ਇਮਸ੍ਮਿਂ ਸੁਤ੍ਤੇ વਟ੍ਟવਿવਟ੍ਟਮੇવ ਕਥਿਤਂ। ਚਤੁਤ੍ਥਂ।
Taṃ kiṃ maññasi anurādhāti satthā tassa kathaṃ sutvā cintesi – ‘‘ayaṃ bhikkhu attano laddhiyaṃ dosaṃ na jānāti, kārako panesa yuttayogo, dhammadesanāya eva naṃ jānāpessāmī’’ti tiparivaṭṭaṃ desanaṃ desetukāmo ‘‘taṃ kiṃ maññasi, anurādhā’’tiādimāha. Athassa tāya desanāya arahattappattassa anuyogavattaṃ āropento taṃ kiṃ maññasi, anurādha? Rūpaṃ tathāgatotiādimāha. Dukkhañceva paññapemi, dukkhassa ca nirodhanti vaṭṭadukkhañceva vaṭṭadukkhassa ca nirodhaṃ nibbānaṃ paññapemi. Dukkhanti vā vacanena dukkhasaccaṃ gahitaṃ. Tasmiṃ gahite samudayasaccaṃ gahitameva hoti, tassa mūlattā. Nirodhanti vacanena nirodhasaccaṃ gahitaṃ. Tasmiṃ gahite maggasaccaṃ gahitameva hoti tassa upāyattā. Iti pubbe cāhaṃ, anurādha, etarahi ca catusaccameva paññapemīti dasseti. Evaṃ imasmiṃ sutte vaṭṭavivaṭṭameva kathitaṃ. Catutthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਅਨੁਰਾਧਸੁਤ੍ਤਂ • 4. Anurādhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਅਨੁਰਾਧਸੁਤ੍ਤવਣ੍ਣਨਾ • 4. Anurādhasuttavaṇṇanā
