| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. ануруд̣̇д̇хамахаавид̇аггасуд̇д̇ам̣
10. Anuruddhamahāvitakkasuttaṃ
30. згам̣ самаяам̣ бхаг̇аваа бхаг̇г̇зсу вихарад̇и сум̣сумаараг̇ирз бхзсагал̣ааванз миг̇ад̣̇ааяз. д̇зна ко бана самаязна ааяасмаа ануруд̣̇д̇хо жзд̇ийсу вихарад̇и баажийнавам̣сад̣̇ааяз. ат̇а ко ааяасмад̇о ануруд̣̇д̇хасса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘аббижчассааяам̣ д̇хаммо, нааяам̣ д̇хаммо махижчасса; санд̇удтассааяам̣ д̇хаммо , нааяам̣ д̇хаммо асанд̇удтасса; бавивид̇д̇ассааяам̣ д̇хаммо, нааяам̣ д̇хаммо сан̇г̇ан̣игаараамасса; аарад̣̇д̇хавийрияассааяам̣ д̇хаммо, нааяам̣ д̇хаммо гусийд̇асса; убадтид̇ассад̇иссааяам̣ 1 д̇хаммо, нааяам̣ д̇хаммо мудтассад̇исса 2; самаахид̇ассааяам̣ д̇хаммо, нааяам̣ д̇хаммо асамаахид̇асса; бан̃н̃авад̇о аяам̣ д̇хаммо, нааяам̣ д̇хаммо д̣̇уббан̃н̃ассаа’’д̇и.
30. Ekaṃ samayaṃ bhagavā bhaggesu viharati suṃsumāragire bhesakaḷāvane migadāye. Tena kho pana samayena āyasmā anuruddho cetīsu viharati pācīnavaṃsadāye. Atha kho āyasmato anuruddhassa rahogatassa paṭisallīnassa evaṃ cetaso parivitakko udapādi – ‘‘appicchassāyaṃ dhammo, nāyaṃ dhammo mahicchassa; santuṭṭhassāyaṃ dhammo , nāyaṃ dhammo asantuṭṭhassa; pavivittassāyaṃ dhammo, nāyaṃ dhammo saṅgaṇikārāmassa; āraddhavīriyassāyaṃ dhammo, nāyaṃ dhammo kusītassa; upaṭṭhitassatissāyaṃ 3 dhammo, nāyaṃ dhammo muṭṭhassatissa 4; samāhitassāyaṃ dhammo, nāyaṃ dhammo asamāhitassa; paññavato ayaṃ dhammo, nāyaṃ dhammo duppaññassā’’ti.
ат̇а ко бхаг̇аваа ааяасмад̇о ануруд̣̇д̇хасса жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа; звамзвам̣ – бхаг̇г̇зсу сум̣сумаараг̇ирз бхзсагал̣ааванз миг̇ад̣̇ааяз анд̇арахид̇о жзд̇ийсу баажийнавам̣сад̣̇ааяз ааяасмад̇о ануруд̣̇д̇хасса саммукз баад̇урахоси. нисийд̣̇и бхаг̇аваа бан̃н̃ад̇д̇з аасанз. ааяасмааби ко ануруд̣̇д̇хо бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣
Atha kho bhagavā āyasmato anuruddhassa cetasā cetoparivitakkamaññāya – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya; evamevaṃ – bhaggesu suṃsumāragire bhesakaḷāvane migadāye antarahito cetīsu pācīnavaṃsadāye āyasmato anuruddhassa sammukhe pāturahosi. Nisīdi bhagavā paññatte āsane. Āyasmāpi kho anuruddho bhagavantaṃ abhivādetvā ekamantaṃ nisīdi. Ekamantaṃ
нисиннам̣ ко ааяасманд̇ам̣ ануруд̣̇д̇хам̣ бхаг̇аваа зд̇ад̣̇авожа –
Nisinnaṃ kho āyasmantaṃ anuruddhaṃ bhagavā etadavoca –
‘‘саад̇ху саад̇ху, ануруд̣̇д̇ха! саад̇ху ко д̇вам̣, ануруд̣̇д̇ха, (яам̣ д̇ам̣ махаабурисавид̇аггам̣) 5 вид̇аггзси – ‘аббижчассааяам̣ д̇хаммо, нааяам̣ д̇хаммо махижчасса; санд̇удтассааяам̣ д̇хаммо, нааяам̣ д̇хаммо асанд̇удтасса; бавивид̇д̇ассааяам̣ д̇хаммо, нааяам̣ д̇хаммо сан̇г̇ан̣игаараамасса; аарад̣̇д̇хавийрияассааяам̣ д̇хаммо, нааяам̣ д̇хаммо гусийд̇асса; убадтид̇ассад̇иссааяам̣ д̇хаммо, нааяам̣ д̇хаммо мудтассад̇исса; самаахид̇ассааяам̣ д̇хаммо, нааяам̣ д̇хаммо асамаахид̇асса; бан̃н̃авад̇о аяам̣ д̇хаммо, нааяам̣ д̇хаммо д̣̇уббан̃н̃ассаа’д̇и. д̇зна хи д̇вам̣, ануруд̣̇д̇ха, имамби адтамам̣ махаабурисавид̇аггам̣ вид̇аггзхи – ‘ниббабан̃жаараамассааяам̣ д̇хаммо ниббабан̃жарад̇ино, нааяам̣ д̇хаммо бабан̃жаараамасса бабан̃жарад̇ино’’’д̇и.
‘‘Sādhu sādhu, anuruddha! Sādhu kho tvaṃ, anuruddha, (yaṃ taṃ mahāpurisavitakkaṃ) 6 vitakkesi – ‘appicchassāyaṃ dhammo, nāyaṃ dhammo mahicchassa; santuṭṭhassāyaṃ dhammo, nāyaṃ dhammo asantuṭṭhassa; pavivittassāyaṃ dhammo, nāyaṃ dhammo saṅgaṇikārāmassa; āraddhavīriyassāyaṃ dhammo, nāyaṃ dhammo kusītassa; upaṭṭhitassatissāyaṃ dhammo, nāyaṃ dhammo muṭṭhassatissa; samāhitassāyaṃ dhammo, nāyaṃ dhammo asamāhitassa; paññavato ayaṃ dhammo, nāyaṃ dhammo duppaññassā’ti. Tena hi tvaṃ, anuruddha, imampi aṭṭhamaṃ mahāpurisavitakkaṃ vitakkehi – ‘nippapañcārāmassāyaṃ dhammo nippapañcaratino, nāyaṃ dhammo papañcārāmassa papañcaratino’’’ti.
‘‘яад̇о ко д̇вам̣, ануруд̣̇д̇ха, имз адта махаабурисавид̇аггз вид̇аггзссаси, д̇ад̇о д̇вам̣, ануруд̣̇д̇ха, яаавад̣̇зва 7 ааган̇киссаси, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихариссаси.
‘‘Yato kho tvaṃ, anuruddha, ime aṭṭha mahāpurisavitakke vitakkessasi, tato tvaṃ, anuruddha, yāvadeva 8 ākaṅkhissasi, vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharissasi.
‘‘яад̇о ко д̇вам̣, ануруд̣̇д̇ха, имз адта махаабурисавид̇аггз вид̇аггзссаси, д̇ад̇о д̇вам̣, ануруд̣̇д̇ха, яаавад̣̇зва ааган̇киссаси, вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихариссаси.
‘‘Yato kho tvaṃ, anuruddha, ime aṭṭha mahāpurisavitakke vitakkessasi, tato tvaṃ, anuruddha, yāvadeva ākaṅkhissasi, vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharissasi.
‘‘яад̇о ко д̇вам̣, ануруд̣̇д̇ха, имз адта махаабурисавид̇аггз вид̇аггзссаси, д̇ад̇о д̇вам̣, ануруд̣̇д̇ха , яаавад̣̇зва ааган̇киссаси, бийд̇ияаа жа вирааг̇аа убзгкаго жа вихариссаси сад̇о жа самбаж̇аано сукан̃жа гааязна бадисам̣взд̣̇иссаси яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихариссаси.
‘‘Yato kho tvaṃ, anuruddha, ime aṭṭha mahāpurisavitakke vitakkessasi, tato tvaṃ, anuruddha , yāvadeva ākaṅkhissasi, pītiyā ca virāgā upekkhako ca viharissasi sato ca sampajāno sukhañca kāyena paṭisaṃvedissasi yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharissasi.
‘‘яад̇о ко д̇вам̣, ануруд̣̇д̇ха, имз адта махаабурисавид̇аггз вид̇аггзссаси, д̇ад̇о д̇вам̣, ануруд̣̇д̇ха, яаавад̣̇зва ааган̇киссаси, сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихариссаси.
‘‘Yato kho tvaṃ, anuruddha, ime aṭṭha mahāpurisavitakke vitakkessasi, tato tvaṃ, anuruddha, yāvadeva ākaṅkhissasi, sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharissasi.
‘‘яад̇о ко д̇вам̣, ануруд̣̇д̇ха, имз жа адта махаабурисавид̇аггз вид̇аггзссаси, имзсан̃жа жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий бхависсаси агижчалаабхий агасиралаабхий, д̇ад̇о д̇уяхам̣, ануруд̣̇д̇ха, сзяяат̇ааби наама г̇ахабад̇исса ваа г̇ахабад̇ибуд̇д̇асса ваа наанаарад̇д̇аанам̣ д̣̇уссаанам̣ д̣̇уссагаран̣д̣аго бууро; звамзвам̣ д̇з бам̣сугуулажийварам̣ кааяиссад̇и санд̇удтасса вихарад̇о рад̇ияаа абарид̇ассааяа паасувихаарааяа оггаманааяа ниб̣б̣аанасса.
‘‘Yato kho tvaṃ, anuruddha, ime ca aṭṭha mahāpurisavitakke vitakkessasi, imesañca catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī bhavissasi akicchalābhī akasiralābhī, tato tuyhaṃ, anuruddha, seyyathāpi nāma gahapatissa vā gahapatiputtassa vā nānārattānaṃ dussānaṃ dussakaraṇḍako pūro; evamevaṃ te paṃsukūlacīvaraṃ khāyissati santuṭṭhassa viharato ratiyā aparitassāya phāsuvihārāya okkamanāya nibbānassa.
‘‘яад̇о ко д̇вам̣, ануруд̣̇д̇ха, имз жа адта махаабурисавид̇аггз вид̇аггзссаси, имзсан̃жа жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий бхависсаси агижчалаабхий агасиралаабхий, д̇ад̇о д̇уяхам̣, ануруд̣̇д̇ха, сзяяат̇ааби наама г̇ахабад̇исса ваа г̇ахабад̇ибуд̇д̇асса ваа саалийнам̣ од̣̇ано вижид̇агаал̣аго анзгасуубо анзгаб̣яан̃ж̇ано; звамзвам̣ д̇з бин̣д̣ияаалобабхож̇анам̣ кааяиссад̇и санд̇удтасса вихарад̇о рад̇ияаа абарид̇ассааяа паасувихаарааяа оггаманааяа ниб̣б̣аанасса.
‘‘Yato kho tvaṃ, anuruddha, ime ca aṭṭha mahāpurisavitakke vitakkessasi, imesañca catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī bhavissasi akicchalābhī akasiralābhī, tato tuyhaṃ, anuruddha, seyyathāpi nāma gahapatissa vā gahapatiputtassa vā sālīnaṃ odano vicitakāḷako anekasūpo anekabyañjano; evamevaṃ te piṇḍiyālopabhojanaṃ khāyissati santuṭṭhassa viharato ratiyā aparitassāya phāsuvihārāya okkamanāya nibbānassa.
‘‘яад̇о ко д̇вам̣, ануруд̣̇д̇ха, имз жа адта махаабурисавид̇аггз вид̇аггзссаси, имзсан̃жа жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий бхависсаси агижчалаабхий агасиралаабхий, д̇ад̇о д̇уяхам̣, ануруд̣̇д̇ха, сзяяат̇ааби наама г̇ахабад̇исса ваа г̇ахабад̇ибуд̇д̇асса ваа гуудааг̇аарам̣ уллид̇д̇аавалид̇д̇ам̣ ниваад̇ам̣ пусид̇аг̇г̇ал̣ам̣ бихид̇аваад̇абаанам̣; звамзвам̣ д̇з ругкамууласзнаасанам̣ кааяиссад̇и санд̇удтасса вихарад̇о рад̇ияаа абарид̇ассааяа паасувихаарааяа оггаманааяа ниб̣б̣аанасса.
‘‘Yato kho tvaṃ, anuruddha, ime ca aṭṭha mahāpurisavitakke vitakkessasi, imesañca catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī bhavissasi akicchalābhī akasiralābhī, tato tuyhaṃ, anuruddha, seyyathāpi nāma gahapatissa vā gahapatiputtassa vā kūṭāgāraṃ ullittāvalittaṃ nivātaṃ phusitaggaḷaṃ pihitavātapānaṃ; evamevaṃ te rukkhamūlasenāsanaṃ khāyissati santuṭṭhassa viharato ratiyā aparitassāya phāsuvihārāya okkamanāya nibbānassa.
‘‘яад̇о ко д̇вам̣, ануруд̣̇д̇ха, имз жа адта махаабурисавид̇аггз вид̇аггзссаси, имзсан̃жа жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий бхависсаси агижчалаабхий агасиралаабхий, д̇ад̇о д̇уяхам̣, ануруд̣̇д̇ха , сзяяат̇ааби наама г̇ахабад̇исса ваа г̇ахабад̇ибуд̇д̇асса ваа баллан̇го г̇онагад̇т̇ад̇о бадигад̇т̇ад̇о бадалигад̇т̇ад̇о гад̣̇алимиг̇абаварабажжад̇т̇аран̣о 9 сауд̇д̇аражчад̣̇о убхад̇олохид̇агуубад̇хаано; звамзвам̣ д̇з д̇ин̣асант̇аарагасаяанаасанам̣ кааяиссад̇и санд̇удтасса вихарад̇о рад̇ияаа абарид̇ассааяа паасувихаарааяа оггаманааяа ниб̣б̣аанасса.
‘‘Yato kho tvaṃ, anuruddha, ime ca aṭṭha mahāpurisavitakke vitakkessasi, imesañca catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī bhavissasi akicchalābhī akasiralābhī, tato tuyhaṃ, anuruddha , seyyathāpi nāma gahapatissa vā gahapatiputtassa vā pallaṅko gonakatthato paṭikatthato paṭalikatthato kadalimigapavarapaccattharaṇo 10 sauttaracchado ubhatolohitakūpadhāno; evamevaṃ te tiṇasanthārakasayanāsanaṃ khāyissati santuṭṭhassa viharato ratiyā aparitassāya phāsuvihārāya okkamanāya nibbānassa.
‘‘яад̇о ко д̇вам̣, ануруд̣̇д̇ха, имз жа адта махаабурисавид̇аггз вид̇аггзссаси, имзсан̃жа жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий бхависсаси агижчалаабхий агасиралаабхий, д̇ад̇о д̇уяхам̣, ануруд̣̇д̇ха, сзяяат̇ааби наама г̇ахабад̇исса ваа г̇ахабад̇ибуд̇д̇асса ваа наанаабхзсаж̇ж̇аани, сзяяат̇ид̣̇ам̣ – сабби наванийд̇ам̣ д̇злам̣ мад̇ху паан̣ид̇ам̣; звамзвам̣ д̇з бууд̇имуд̇д̇абхзсаж̇ж̇ам̣ кааяиссад̇и санд̇удтасса вихарад̇о рад̇ияаа абарид̇ассааяа паасувихаарааяа оггаманааяа ниб̣б̣аанасса. д̇зна хи д̇вам̣, ануруд̣̇д̇ха, ааяад̇игамби вассааваасам̣ ид̇хзва жзд̇ийсу баажийнавам̣сад̣̇ааяз вихарзяяаасий’’д̇и. ‘‘звам̣, бханд̇з’’д̇и ко ааяасмаа ануруд̣̇д̇хо бхаг̇авад̇о бажжассоси.
‘‘Yato kho tvaṃ, anuruddha, ime ca aṭṭha mahāpurisavitakke vitakkessasi, imesañca catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī bhavissasi akicchalābhī akasiralābhī, tato tuyhaṃ, anuruddha, seyyathāpi nāma gahapatissa vā gahapatiputtassa vā nānābhesajjāni, seyyathidaṃ – sappi navanītaṃ telaṃ madhu phāṇitaṃ; evamevaṃ te pūtimuttabhesajjaṃ khāyissati santuṭṭhassa viharato ratiyā aparitassāya phāsuvihārāya okkamanāya nibbānassa. Tena hi tvaṃ, anuruddha, āyatikampi vassāvāsaṃ idheva cetīsu pācīnavaṃsadāye vihareyyāsī’’ti. ‘‘Evaṃ, bhante’’ti kho āyasmā anuruddho bhagavato paccassosi.
ат̇а ко бхаг̇аваа ааяасманд̇ам̣ ануруд̣̇д̇хам̣ иминаа оваад̣̇зна овад̣̇ид̇ваа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзвам̣ – жзд̇ийсу баажийнавам̣сад̣̇ааяз анд̇арахид̇о бхаг̇г̇зсу сум̣сумаараг̇ирз бхзсагал̣ааванз миг̇ад̣̇ааяз баад̇урахосийд̇и. нисийд̣̇и бхаг̇аваа бан̃н̃ад̇д̇з аасанз. нисаж̇ж̇а ко бхаг̇аваа бхигкуу ааманд̇зси – ‘‘адта ко, бхигкавз, махаабурисавид̇аггз д̣̇зсзссаами, д̇ам̣ сун̣аат̇а…бз… гад̇амз жа, бхигкавз, адта махаабурисавид̇аггаа? аббижчассааяам̣, бхигкавз, д̇хаммо, нааяам̣ д̇хаммо махижчасса; санд̇удтассааяам̣, бхигкавз, д̇хаммо, нааяам̣ д̇хаммо асанд̇удтасса; бавивид̇д̇ассааяам̣, бхигкавз, д̇хаммо, нааяам̣ д̇хаммо сан̇г̇ан̣игаараамасса; аарад̣̇д̇хавийрияассааяам̣, бхигкавз, д̇хаммо, нааяам̣ д̇хаммо гусийд̇асса; убадтид̇ассад̇иссааяам̣, бхигкавз, д̇хаммо, нааяам̣ д̇хаммо мудтассад̇исса; самаахид̇ассааяам̣, бхигкавз, д̇хаммо, нааяам̣ д̇хаммо асамаахид̇асса; бан̃н̃авад̇о аяам̣, бхигкавз, д̇хаммо, нааяам̣ д̇хаммо д̣̇уббан̃н̃асса; ниббабан̃жаараамассааяам̣, бхигкавз, д̇хаммо ниббабан̃жарад̇ино, нааяам̣ д̇хаммо бабан̃жаараамасса бабан̃жарад̇ино’’.
Atha kho bhagavā āyasmantaṃ anuruddhaṃ iminā ovādena ovaditvā – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evamevaṃ – cetīsu pācīnavaṃsadāye antarahito bhaggesu suṃsumāragire bhesakaḷāvane migadāye pāturahosīti. Nisīdi bhagavā paññatte āsane. Nisajja kho bhagavā bhikkhū āmantesi – ‘‘aṭṭha kho, bhikkhave, mahāpurisavitakke desessāmi, taṃ suṇātha…pe… katame ca, bhikkhave, aṭṭha mahāpurisavitakkā? Appicchassāyaṃ, bhikkhave, dhammo, nāyaṃ dhammo mahicchassa; santuṭṭhassāyaṃ, bhikkhave, dhammo, nāyaṃ dhammo asantuṭṭhassa; pavivittassāyaṃ, bhikkhave, dhammo, nāyaṃ dhammo saṅgaṇikārāmassa; āraddhavīriyassāyaṃ, bhikkhave, dhammo, nāyaṃ dhammo kusītassa; upaṭṭhitassatissāyaṃ, bhikkhave, dhammo, nāyaṃ dhammo muṭṭhassatissa; samāhitassāyaṃ, bhikkhave, dhammo, nāyaṃ dhammo asamāhitassa; paññavato ayaṃ, bhikkhave, dhammo, nāyaṃ dhammo duppaññassa; nippapañcārāmassāyaṃ, bhikkhave, dhammo nippapañcaratino, nāyaṃ dhammo papañcārāmassa papañcaratino’’.
‘‘‘аббижчассааяам̣ , бхигкавз, д̇хаммо, нааяам̣ д̇хаммо махижчассаа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхигкавз, бхигку аббижчо самаано ‘аббижчод̇и мам̣ ж̇аанзяяу’нд̇и на ижчад̇и, санд̇удто самаано ‘санд̇удтод̇и мам̣ ж̇аанзяяу’нд̇и на ижчад̇и, бавивид̇д̇о самаано ‘бавивид̇д̇од̇и мам̣ ж̇аанзяяу’нд̇и на ижчад̇и, аарад̣̇д̇хавийрияо самаано ‘аарад̣̇д̇хавийрияод̇и мам̣ ж̇аанзяяу’нд̇и на ижчад̇и, убадтид̇ассад̇и самаано ‘убадтид̇ассад̇ийд̇и мам̣ ж̇аанзяяу’нд̇и на ижчад̇и, самаахид̇о самаано ‘самаахид̇од̇и мам̣ ж̇аанзяяу’нд̇и на ижчад̇и, бан̃н̃аваа самаано ‘бан̃н̃аваад̇и мам̣ ж̇аанзяяу’нд̇и на ижчад̇и, ниббабан̃жаараамо самаано ‘ниббабан̃жаараамод̇и мам̣ ж̇аанзяяу’нд̇и на ижчад̇и. ‘аббижчассааяам̣, бхигкавз, д̇хаммо, нааяам̣ д̇хаммо махижчассаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Appicchassāyaṃ , bhikkhave, dhammo, nāyaṃ dhammo mahicchassā’ti, iti kho panetaṃ vuttaṃ. Kiñcetaṃ paṭicca vuttaṃ? Idha, bhikkhave, bhikkhu appiccho samāno ‘appicchoti maṃ jāneyyu’nti na icchati, santuṭṭho samāno ‘santuṭṭhoti maṃ jāneyyu’nti na icchati, pavivitto samāno ‘pavivittoti maṃ jāneyyu’nti na icchati, āraddhavīriyo samāno ‘āraddhavīriyoti maṃ jāneyyu’nti na icchati, upaṭṭhitassati samāno ‘upaṭṭhitassatīti maṃ jāneyyu’nti na icchati, samāhito samāno ‘samāhitoti maṃ jāneyyu’nti na icchati, paññavā samāno ‘paññavāti maṃ jāneyyu’nti na icchati, nippapañcārāmo samāno ‘nippapañcārāmoti maṃ jāneyyu’nti na icchati. ‘Appicchassāyaṃ, bhikkhave, dhammo, nāyaṃ dhammo mahicchassā’ti, iti yaṃ taṃ vuttaṃ idametaṃ paṭicca vuttaṃ.
‘‘‘санд̇удтассааяам̣, бхигкавз, д̇хаммо, нааяам̣ д̇хаммо асанд̇удтассаа’д̇и, ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? ид̇ха, бхигкавз, бхигку санд̇удто ход̇и ид̇арийд̇аражийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарзна. ‘санд̇удтассааяам̣, бхигкавз, д̇хаммо, нааяам̣ д̇хаммо асанд̇удтассаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Santuṭṭhassāyaṃ, bhikkhave, dhammo, nāyaṃ dhammo asantuṭṭhassā’ti, iti kho panetaṃ vuttaṃ, kiñcetaṃ paṭicca vuttaṃ? Idha, bhikkhave, bhikkhu santuṭṭho hoti itarītaracīvarapiṇḍapātasenāsanagilānapaccayabhesajjaparikkhārena. ‘Santuṭṭhassāyaṃ, bhikkhave, dhammo, nāyaṃ dhammo asantuṭṭhassā’ti, iti yaṃ taṃ vuttaṃ idametaṃ paṭicca vuttaṃ.
‘‘‘бавивид̇д̇ассааяам̣, бхигкавз, д̇хаммо, нааяам̣ д̇хаммо сан̇г̇ан̣игаараамассаа’д̇и, ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? ид̇ха, бхигкавз, бхигкуно бавивид̇д̇асса вихарад̇о бхаванд̇и убасан̇гамид̇ааро бхигкуу бхигкунияо убаасагаа убаасигааяо рааж̇аано рааж̇амахаамад̇д̇аа д̇ид̇т̇ияаа д̇ид̇т̇ияасаавагаа. д̇ад̇ра бхигку вивзганиннзна жид̇д̇зна вивзгабон̣зна вивзгабаб̣бхаарзна вивзгадтзна нзгкаммаабхирад̇зна ан̃н̃ад̣̇ад̇т̇у уяяож̇анигабадисам̣яуд̇д̇ам̣язва гат̇ам̣ гад̇д̇аа 11 ход̇и. ‘бавивид̇д̇ассааяам̣ , бхигкавз, д̇хаммо, нааяам̣ д̇хаммо сан̇г̇ан̣игаараамассаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Pavivittassāyaṃ, bhikkhave, dhammo, nāyaṃ dhammo saṅgaṇikārāmassā’ti, iti kho panetaṃ vuttaṃ, kiñcetaṃ paṭicca vuttaṃ? Idha, bhikkhave, bhikkhuno pavivittassa viharato bhavanti upasaṅkamitāro bhikkhū bhikkhuniyo upāsakā upāsikāyo rājāno rājamahāmattā titthiyā titthiyasāvakā. Tatra bhikkhu vivekaninnena cittena vivekapoṇena vivekapabbhārena vivekaṭṭhena nekkhammābhiratena aññadatthu uyyojanikapaṭisaṃyuttaṃyeva kathaṃ kattā 12 hoti. ‘Pavivittassāyaṃ , bhikkhave, dhammo, nāyaṃ dhammo saṅgaṇikārāmassā’ti, iti yaṃ taṃ vuttaṃ idametaṃ paṭicca vuttaṃ.
‘‘‘аарад̣̇д̇хавийрияассааяам̣, бхигкавз, д̇хаммо, нааяам̣ д̇хаммо гусийд̇ассаа’д̇и, ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? ид̇ха, бхигкавз, бхигку аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяа т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. ‘аарад̣̇д̇хавийрияассааяам̣ , бхигкавз, д̇хаммо, нааяам̣ д̇хаммо гусийд̇ассаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Āraddhavīriyassāyaṃ, bhikkhave, dhammo, nāyaṃ dhammo kusītassā’ti, iti kho panetaṃ vuttaṃ, kiñcetaṃ paṭicca vuttaṃ? Idha, bhikkhave, bhikkhu āraddhavīriyo viharati akusalānaṃ dhammānaṃ pahānāya kusalānaṃ dhammānaṃ upasampadāya thāmavā daḷhaparakkamo anikkhittadhuro kusalesu dhammesu. ‘Āraddhavīriyassāyaṃ , bhikkhave, dhammo, nāyaṃ dhammo kusītassā’ti, iti yaṃ taṃ vuttaṃ idametaṃ paṭicca vuttaṃ.
‘‘‘убадтид̇ассад̇иссааяам̣ , бхигкавз, д̇хаммо, нааяам̣ д̇хаммо мудтассад̇иссаа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхигкавз, бхигку сад̇имаа ход̇и барамзна сад̇инзбаггзна саманнааг̇ад̇о, жирагад̇амби жирабхаасид̇амби сарид̇аа ануссарид̇аа. ‘убадтид̇ассад̇иссааяам̣, бхигкавз, д̇хаммо, нааяам̣ д̇хаммо, мудтассад̇иссаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Upaṭṭhitassatissāyaṃ , bhikkhave, dhammo, nāyaṃ dhammo muṭṭhassatissā’ti, iti kho panetaṃ vuttaṃ. Kiñcetaṃ paṭicca vuttaṃ? Idha, bhikkhave, bhikkhu satimā hoti paramena satinepakkena samannāgato, cirakatampi cirabhāsitampi saritā anussaritā. ‘Upaṭṭhitassatissāyaṃ, bhikkhave, dhammo, nāyaṃ dhammo, muṭṭhassatissā’ti, iti yaṃ taṃ vuttaṃ idametaṃ paṭicca vuttaṃ.
‘‘‘самаахид̇ассааяам̣, бхигкавз, д̇хаммо, нааяам̣ д̇хаммо асамаахид̇ассаа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхигкавз, бхигку вивижжзва гаамзхи…бз… жад̇уд̇т̇ам̣ жхаанам̣ убасамбаж̇ж̇а вихарад̇и. ‘самаахид̇ассааяам̣, бхигкавз, д̇хаммо, нааяам̣ д̇хаммо асамаахид̇ассаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Samāhitassāyaṃ, bhikkhave, dhammo, nāyaṃ dhammo asamāhitassā’ti, iti kho panetaṃ vuttaṃ. Kiñcetaṃ paṭicca vuttaṃ? Idha, bhikkhave, bhikkhu vivicceva kāmehi…pe… catutthaṃ jhānaṃ upasampajja viharati. ‘Samāhitassāyaṃ, bhikkhave, dhammo, nāyaṃ dhammo asamāhitassā’ti, iti yaṃ taṃ vuttaṃ idametaṃ paṭicca vuttaṃ.
‘‘‘бан̃н̃авад̇о аяам̣, бхигкавз, д̇хаммо, нааяам̣ д̇хаммо д̣̇уббан̃н̃ассаа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхигкавз, бхигку бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. ‘бан̃н̃авад̇о аяам̣, бхигкавз, д̇хаммо, нааяам̣ д̇хаммо д̣̇уббан̃н̃ассаа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Paññavato ayaṃ, bhikkhave, dhammo, nāyaṃ dhammo duppaññassā’ti, iti kho panetaṃ vuttaṃ. Kiñcetaṃ paṭicca vuttaṃ? Idha, bhikkhave, bhikkhu paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. ‘Paññavato ayaṃ, bhikkhave, dhammo, nāyaṃ dhammo duppaññassā’ti, iti yaṃ taṃ vuttaṃ idametaṃ paṭicca vuttaṃ.
‘‘‘ниббабан̃жаараамассааяам̣ , бхигкавз, д̇хаммо ниббабан̃жарад̇ино, нааяам̣ д̇хаммо бабан̃жаараамасса бабан̃жарад̇ино’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхигкавз, бхигкуно бабан̃жанирод̇хз жид̇д̇ам̣ багканд̣̇ад̇и басийд̣̇ад̇и санд̇идтад̇и вимужжад̇и. ‘ниббабан̃жаараамассааяам̣, бхигкавз, д̇хаммо, ниббабан̃жарад̇ино, нааяам̣ д̇хаммо бабан̃жаараамасса бабан̃жарад̇ино’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇а’’нд̇и.
‘‘‘Nippapañcārāmassāyaṃ , bhikkhave, dhammo nippapañcaratino, nāyaṃ dhammo papañcārāmassa papañcaratino’ti, iti kho panetaṃ vuttaṃ. Kiñcetaṃ paṭicca vuttaṃ? Idha, bhikkhave, bhikkhuno papañcanirodhe cittaṃ pakkhandati pasīdati santiṭṭhati vimuccati. ‘Nippapañcārāmassāyaṃ, bhikkhave, dhammo, nippapañcaratino, nāyaṃ dhammo papañcārāmassa papañcaratino’ti, iti yaṃ taṃ vuttaṃ idametaṃ paṭicca vutta’’nti.
ат̇а ко ааяасмаа ануруд̣̇д̇хо ааяад̇игамби вассааваасам̣ д̇ад̇т̇зва жзд̇ийсу баажийнавам̣сад̣̇ааяз вихааси. ат̇а ко ааяасмаа ануруд̣̇д̇хо зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро жа банааяасмаа ануруд̣̇д̇хо арахад̇ам̣ ахосийд̇и. ат̇а ко ааяасмаа ануруд̣̇д̇хо арахад̇д̇аббад̇д̇о д̇ааяам̣ взлааяам̣ имаа г̇аат̇ааяо абхааси –
Atha kho āyasmā anuruddho āyatikampi vassāvāsaṃ tattheva cetīsu pācīnavaṃsadāye vihāsi. Atha kho āyasmā anuruddho eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti, tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti abbhaññāsi. Aññataro ca panāyasmā anuruddho arahataṃ ahosīti. Atha kho āyasmā anuruddho arahattappatto tāyaṃ velāyaṃ imā gāthāyo abhāsi –
13 ‘‘мама сан̇габбаман̃н̃ааяа, сад̇т̇аа логз ануд̇д̇аро;
14 ‘‘Mama saṅkappamaññāya, satthā loke anuttaro;
маномаязна гааязна, ид̣̇д̇хияаа убасан̇гами.
Manomayena kāyena, iddhiyā upasaṅkami.
‘‘яат̇аа мз аху сан̇габбо, д̇ад̇о уд̇д̇ари д̣̇зсаяи;
‘‘Yathā me ahu saṅkappo, tato uttari desayi;
ниббабан̃жарад̇о б̣уд̣̇д̇хо, ниббабан̃жам̣ ад̣̇зсаяи.
Nippapañcarato buddho, nippapañcaṃ adesayi.
‘‘д̇ассаахам̣ д̇хаммаман̃н̃ааяа, вихаасим̣ саасанз рад̇о;
‘‘Tassāhaṃ dhammamaññāya, vihāsiṃ sāsane rato;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. д̣̇асамам̣;
Tisso vijjā anuppattā, kataṃ buddhassa sāsana’’nti. dasamaṃ;
г̇ахабад̇иваг̇г̇о д̇ад̇ияо.
Gahapativaggo tatiyo.
д̇ассуд̣̇д̣̇аанам̣ –
Tassuddānaṃ –
д̣̇вз уг̇г̇аа д̣̇вз жа хад̇т̇агаа, махаанаамзна ж̇ийваго;
Dve uggā dve ca hatthakā, mahānāmena jīvako;
д̣̇вз б̣алаа агкан̣аа вуд̇д̇аа, ануруд̣̇д̇хзна д̇з д̣̇асаад̇и.
Dve balā akkhaṇā vuttā, anuruddhena te dasāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. ануруд̣̇д̇хамахаавид̇аггасуд̇д̇аван̣н̣анаа • 10. Anuruddhamahāvitakkasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. ануруд̣̇д̇хамахаавид̇аггасуд̇д̇аван̣н̣анаа • 10. Anuruddhamahāvitakkasuttavaṇṇanā
