| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
10. அனுருத்³த⁴மஹாவிதக்கஸுத்தவண்ணனா
10. Anuruddhamahāvitakkasuttavaṇṇanā
30. த³ஸமே அப்பிச்ச²ஸ்ஸாதி ந இச்ச²ஸ்ஸ. அபா⁴வத்தோ² ஹெத்த² அப்பஸத்³தோ³ ‘‘அப்பட³ங்ஸமகஸவாதாதபா’’திஆதீ³ஸு (அ॰ நி॰ 10.11) விய. பச்சயேஸு அப்பிச்சோ² பச்சயப்பிச்சோ², சீவராதி³பச்சயேஸு இச்சா²ரஹிதோ. அதி⁴க³மப்பிச்சோ²தி ஜா²னாதி³அதி⁴க³மவிபா⁴வனே இச்சா²ரஹிதோ . பரியத்திஅப்பிச்சோ²தி பரியத்தியங் பா³ஹுஸச்சவிபா⁴வனே இச்சா²ரஹிதோ. து⁴தங்க³ப்பிச்சோ²தி து⁴தங்கே³ஸு அப்பிச்சோ² து⁴தங்க³பா⁴வவிபா⁴வனே இச்சா²ரஹிதோ. ஸந்தகு³ணனிகு³ஹனேனாதி அத்தனி ஸங்விஜ்ஜமானானங் ஜா²னாதி³கு³ணானஞ்சேவ பா³ஹுஸச்சகு³ணஸ்ஸ து⁴தங்க³கு³ணஸ்ஸ ச நிகு³ஹனேன சா²த³னேன. ஸம்பஜ்ஜதீதி நிப்ப²ஜ்ஜதி ஸிஜ்ஜ²தி. நோ மஹிச்ச²ஸ்ஸாதி மஹதியா இச்சா²ய ஸமன்னாக³தஸ்ஸ நோ ஸம்பஜ்ஜதி அனுத⁴ம்மஸ்ஸபி அனிப்ப²ஜ்ஜனதோ. பவிவித்தஸ்ஸாதி பகாரேஹி விவித்தஸ்ஸ. தேனாஹ ‘‘காயசித்தஉபதி⁴விவேகேஹி விவித்தஸ்ஸா’’தி. ஆரம்ப⁴வத்து²வஸேனாதி பா⁴வனாபி⁴யோக³வஸேன ஏகீபா⁴வோவ காயவிவேகோதி அதி⁴ப்பேதோ, ந க³ணஸங்க³ணிகாபா⁴வமத்தந்தி த³ஸ்ஸேதி. கம்மந்தி யோக³கம்மங்.
30. Dasame appicchassāti na icchassa. Abhāvattho hettha appasaddo ‘‘appaḍaṃsamakasavātātapā’’tiādīsu (a. ni. 10.11) viya. Paccayesu appiccho paccayappiccho, cīvarādipaccayesu icchārahito. Adhigamappicchoti jhānādiadhigamavibhāvane icchārahito . Pariyattiappicchoti pariyattiyaṃ bāhusaccavibhāvane icchārahito. Dhutaṅgappicchoti dhutaṅgesu appiccho dhutaṅgabhāvavibhāvane icchārahito. Santaguṇaniguhanenāti attani saṃvijjamānānaṃ jhānādiguṇānañceva bāhusaccaguṇassa dhutaṅgaguṇassa ca niguhanena chādanena. Sampajjatīti nipphajjati sijjhati. No mahicchassāti mahatiyā icchāya samannāgatassa no sampajjati anudhammassapi anipphajjanato. Pavivittassāti pakārehi vivittassa. Tenāha ‘‘kāyacittaupadhivivekehi vivittassā’’ti. Ārambhavatthuvasenāti bhāvanābhiyogavasena ekībhāvova kāyavivekoti adhippeto, na gaṇasaṅgaṇikābhāvamattanti dasseti. Kammanti yogakammaṃ.
ஸத்தேஹி கிலேஸேஹி ச ஸங்க³ணனங் ஸமோதா⁴னங் ஸங்க³ணிகா, ஸா ஆரமிதப்³ப³ட்டே²ன ஆராமோ ஏதஸ்ஸாதி ஸங்க³ணிகாராமோ, தஸ்ஸ. தேனாஹ ‘‘க³ணஸங்க³ணிகாய சேவா’’திஆதி³. ஆரத்³த⁴வீரியஸ்ஸாதி பக்³க³ஹிதவீரியஸ்ஸ. தஞ்ச கோ² உபதி⁴விவேகே நின்னதாவஸேன ‘‘அயங் த⁴ம்மோ’’தி வசனதோ. ஏஸ நயோ இதரேஸுபி. விவட்டனிஸ்ஸிதங்யேவ ஹி ஸமாதா⁴னங் இதா⁴தி⁴ப்பேதங், ததா² பஞ்ஞாபி. கம்மஸ்ஸ-கதபஞ்ஞாய ஹி டி²தோ கம்மவஸேன ப⁴வேஸு நானப்பகாரோ அனத்தோ²தி ஜானந்தோ கம்மக்க²யகரங் ஞாணங் அபி⁴பத்தே²தி, தத³த்த²ஞ்ச உஸ்ஸாஹங் கரோதி. மானாத³யோ ஸத்தஸந்தானங் ஸங்ஸாரே பபஞ்செந்தி வித்தா²ரெந்தீதி பபஞ்சாதி ஆஹ ‘‘தண்ஹாமானதி³ட்டி²பபஞ்சரஹிதத்தா’’திஆதி³. ஸேஸமெத்த² ஸுவிஞ்ஞெய்யமேவ.
Sattehi kilesehi ca saṅgaṇanaṃ samodhānaṃ saṅgaṇikā, sā āramitabbaṭṭhena ārāmo etassāti saṅgaṇikārāmo, tassa. Tenāha ‘‘gaṇasaṅgaṇikāya cevā’’tiādi. Āraddhavīriyassāti paggahitavīriyassa. Tañca kho upadhiviveke ninnatāvasena ‘‘ayaṃ dhammo’’ti vacanato. Esa nayo itaresupi. Vivaṭṭanissitaṃyeva hi samādhānaṃ idhādhippetaṃ, tathā paññāpi. Kammassa-katapaññāya hi ṭhito kammavasena bhavesu nānappakāro anatthoti jānanto kammakkhayakaraṃ ñāṇaṃ abhipattheti, tadatthañca ussāhaṃ karoti. Mānādayo sattasantānaṃ saṃsāre papañcenti vitthārentīti papañcāti āha ‘‘taṇhāmānadiṭṭhipapañcarahitattā’’tiādi. Sesamettha suviññeyyameva.
அனுருத்³த⁴மஹாவிதக்கஸுத்தவண்ணனா நிட்டி²தா.
Anuruddhamahāvitakkasuttavaṇṇanā niṭṭhitā.
க³ஹபதிவக்³க³வண்ணனா நிட்டி²தா.
Gahapativaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. அனுருத்³த⁴மஹாவிதக்கஸுத்தங் • 10. Anuruddhamahāvitakkasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10. அனுருத்³த⁴மஹாவிதக்கஸுத்தவண்ணனா • 10. Anuruddhamahāvitakkasuttavaṇṇanā
