| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. ануруд̣̇д̇хамахаавид̇аггасуд̇д̇аван̣н̣анаа
10. Anuruddhamahāvitakkasuttavaṇṇanā
30. д̣̇асамз жзд̇ийсууд̇и жзд̇инаамагаанам̣ рааж̇уунам̣ ниваасадтаанад̇д̇аа звам̣лад̣̇д̇хавохаарз радтз. баажийнавам̣сад̣̇ааязд̇и д̣̇асаб̣аласса васанадтаанад̇о баажийнад̣̇исааяа тид̇з вам̣сад̣̇ааяз нийлобхаасзхи взл̣уухи сан̃чаннз аран̃н̃з. звам̣ жзд̇асо баривид̇агго уд̣̇абаад̣̇ийд̇и т̇зро гира баб̣б̣аж̇ид̇ваа батамаанд̇овассамхиязва самаабад̇д̇илаабхий худ̇ваа сахассалогад̇хаад̇уд̣̇ассанасамад̇т̇ам̣ д̣̇иб̣б̣ажагкун̃аан̣ам̣ уббаад̣̇зси. со саарибуд̇д̇ад̇т̇зрасса санд̇игам̣ г̇анд̇ваа звамааха – ‘‘ид̇хаахам̣, аавусо саарибуд̇д̇а, д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сахассалогам̣ ологзми. аарад̣̇д̇хам̣ ко бана мз вийрияам̣ асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣. ат̇а жа бана мз анубаад̣̇ааяа аасавзхи жид̇д̇ам̣ на вимужжад̇ий’’д̇и. ат̇а нам̣ т̇зро ааха – ‘‘яам̣ ко д̇з, аавусо ануруд̣̇д̇ха, звам̣ ход̇и ‘ахам̣ д̣̇иб̣б̣зна жагкунаа…бз… ологзмий’д̇и, ид̣̇ам̣ д̇з маанасмим̣. яамби д̇з, аавусо, ануруд̣̇д̇ха звам̣ ход̇и ‘аарад̣̇д̇хам̣ ко бана мз вийрияам̣…бз… згаг̇г̇а’нд̇и, ид̣̇ам̣ д̇з уд̣̇д̇хажжасмим̣. яамби д̇з, аавусо ануруд̣̇д̇ха, звам̣ ход̇и ‘ат̇а жа бана мз анубаад̣̇ааяа аасавзхи жид̇д̇ам̣ на вимужжад̇ий’д̇и, ид̣̇ам̣ д̇з гуггужжасмим̣. саад̇ху вад̇ааяасмаа ануруд̣̇д̇хо имз д̇аяо д̇хаммз бахааяа имз д̇аяо д̇хаммз аманасигарид̇ваа амад̇ааяа д̇хаад̇уяаа жид̇д̇ам̣ убасам̣харад̇уу’’д̇и звамасса т̇зро гаммадтаанам̣ гат̇зси. со гаммадтаанам̣ г̇ахзд̇ваа сад̇т̇аарам̣ аабужчид̇ваа жзд̇ирадтам̣ г̇анд̇ваа саман̣ад̇хаммам̣ гаронд̇о адтамаасам̣ жан̇гамзна вийд̇инаамзси. со бад̇хаанавзг̇аниммат̇ид̇ад̇д̇аа гиланд̇агааяо згасса взл̣уг̇умб̣асса хздтаа нисийд̣̇и. ат̇ассааяам̣ звам̣ жзд̇асо баривид̇агго уд̣̇абаад̣̇и, зса махаабурисавид̇агго уббаж̇ж̇ийд̇и ад̇т̇о.
30. Dasame cetīsūti cetināmakānaṃ rājūnaṃ nivāsaṭṭhānattā evaṃladdhavohāre raṭṭhe. Pācīnavaṃsadāyeti dasabalassa vasanaṭṭhānato pācīnadisāya ṭhite vaṃsadāye nīlobhāsehi veḷūhi sañchanne araññe. Evaṃ cetaso parivitakko udapādīti thero kira pabbajitvā paṭhamaantovassamhiyeva samāpattilābhī hutvā sahassalokadhātudassanasamatthaṃ dibbacakkhuñāṇaṃ uppādesi. So sāriputtattherassa santikaṃ gantvā evamāha – ‘‘idhāhaṃ, āvuso sāriputta, dibbena cakkhunā visuddhena atikkantamānusakena sahassalokaṃ olokemi. Āraddhaṃ kho pana me vīriyaṃ asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekaggaṃ. Atha ca pana me anupādāya āsavehi cittaṃ na vimuccatī’’ti. Atha naṃ thero āha – ‘‘yaṃ kho te, āvuso anuruddha, evaṃ hoti ‘ahaṃ dibbena cakkhunā…pe… olokemī’ti, idaṃ te mānasmiṃ. Yampi te, āvuso, anuruddha evaṃ hoti ‘āraddhaṃ kho pana me vīriyaṃ…pe… ekagga’nti, idaṃ te uddhaccasmiṃ. Yampi te, āvuso anuruddha, evaṃ hoti ‘atha ca pana me anupādāya āsavehi cittaṃ na vimuccatī’ti, idaṃ te kukkuccasmiṃ. Sādhu vatāyasmā anuruddho ime tayo dhamme pahāya ime tayo dhamme amanasikaritvā amatāya dhātuyā cittaṃ upasaṃharatū’’ti evamassa thero kammaṭṭhānaṃ kathesi. So kammaṭṭhānaṃ gahetvā satthāraṃ āpucchitvā cetiraṭṭhaṃ gantvā samaṇadhammaṃ karonto aṭṭhamāsaṃ caṅkamena vītināmesi. So padhānaveganimmathitattā kilantakāyo ekassa veḷugumbassa heṭṭhā nisīdi. Athassāyaṃ evaṃ cetaso parivitakko udapādi, esa mahāpurisavitakko uppajjīti attho.
аббижчассаад̇и зд̇т̇а бажжаяаббижчо, ад̇хиг̇амаббижчо, барияад̇д̇иаббижчо, д̇худ̇ан̇г̇аббижчод̇и жад̇д̇ааро аббижчаа. д̇ад̇т̇а бажжаяаббижчо б̣ахум̣ д̣̇знд̇з аббам̣ г̇ан̣хаад̇и, аббам̣ д̣̇знд̇з аббад̇арам̣ г̇ан̣хаад̇и, на анавасзсаг̇г̇аахий ход̇и. ад̇хиг̇амаббижчо маж̇жханд̇игад̇т̇зро вияа ад̇д̇ано ад̇хиг̇амам̣ ан̃н̃зсам̣ ж̇аанид̇ум̣ на д̣̇зд̇и. барияад̇д̇иаббижчо д̇збидагоби самаано на б̣ахуссуд̇абхаавам̣ ж̇аанаабзд̇угаамо ход̇и саагзд̇ад̇иссад̇т̇зро вияа. д̇худ̇ан̇г̇аббижчо д̇худ̇ан̇г̇абарихаран̣абхаавам̣ ан̃н̃зсам̣ ж̇аанид̇ум̣ на д̣̇зд̇и д̣̇взбхаад̇игад̇т̇зрзсу ж̇здтад̇т̇зро вияа. вад̇т̇у висуд̣̇д̇химаг̇г̇з гат̇ид̇ам̣. аяам̣ д̇хаммод̇и звам̣ санд̇аг̇ун̣аниг̇уханзна жа бадиг̇г̇ахан̣з мад̇д̇ан̃н̃уд̇ааяа жа аббижчасса буг̇г̇аласса аяам̣ навалогуд̇д̇арад̇хаммо самбаж̇ж̇ад̇и, но махижчасса. звам̣ саб̣б̣ад̇т̇а яож̇зд̇аб̣б̣ам̣.
Appicchassāti ettha paccayappiccho, adhigamappiccho, pariyattiappiccho, dhutaṅgappicchoti cattāro appicchā. Tattha paccayappiccho bahuṃ dente appaṃ gaṇhāti, appaṃ dente appataraṃ gaṇhāti, na anavasesaggāhī hoti. Adhigamappiccho majjhantikatthero viya attano adhigamaṃ aññesaṃ jānituṃ na deti. Pariyattiappiccho tepiṭakopi samāno na bahussutabhāvaṃ jānāpetukāmo hoti sāketatissatthero viya. Dhutaṅgappiccho dhutaṅgapariharaṇabhāvaṃ aññesaṃ jānituṃ na deti dvebhātikattheresu jeṭṭhatthero viya. Vatthu visuddhimagge kathitaṃ. Ayaṃ dhammoti evaṃ santaguṇaniguhanena ca paṭiggahaṇe mattaññutāya ca appicchassa puggalassa ayaṃ navalokuttaradhammo sampajjati, no mahicchassa. Evaṃ sabbattha yojetabbaṃ.
санд̇удтассаад̇и жад̇уусу бажжаязсу д̇ийхи санд̇осзхи санд̇удтасса. бавивид̇д̇ассаад̇и гааяажид̇д̇аубад̇хививзгзхи вивид̇д̇асса. д̇ад̇т̇а гааяавивзго наама г̇ан̣асан̇г̇ан̣игам̣ винод̣̇зд̇ваа аарамбхавад̇т̇увасзна згийбхааво. згийбхаавамад̇д̇знзва гаммам̣ на нибпаж̇ж̇ад̇ийд̇и гасин̣абаригаммам̣ гад̇ваа адта самаабад̇д̇ияо ниб̣б̣ад̇д̇зд̇и, аяам̣ жид̇д̇авивзго наама. самаабад̇д̇имад̇д̇знзва гаммам̣ на нибпаж̇ж̇ад̇ийд̇и жхаанам̣ баад̣̇агам̣ гад̇ваа сан̇каарз саммасид̇ваа саха бадисамбхид̣̇аахи арахад̇д̇ам̣ баабун̣аад̇и, аяам̣ саб̣б̣аагаарад̇о убад̇хививзго наама. д̇знааха бхаг̇аваа – ‘‘гааяавивзго жа вивзгадтагааяаанам̣ нзгкаммаабхирад̇аанам̣, жид̇д̇авивзго жа барисуд̣̇д̇хажид̇д̇аанам̣ барамавод̣̇аанаббад̇д̇аанам̣, убад̇хививзго жа нирубад̇хийнам̣ буг̇г̇алаанам̣ висан̇каараг̇ад̇аана’’нд̇и (махаани. 7, 49).
Santuṭṭhassāti catūsu paccayesu tīhi santosehi santuṭṭhassa. Pavivittassāti kāyacittaupadhivivekehi vivittassa. Tattha kāyaviveko nāma gaṇasaṅgaṇikaṃ vinodetvā ārambhavatthuvasena ekībhāvo. Ekībhāvamatteneva kammaṃ na nipphajjatīti kasiṇaparikammaṃ katvā aṭṭha samāpattiyo nibbatteti, ayaṃ cittaviveko nāma. Samāpattimatteneva kammaṃ na nipphajjatīti jhānaṃ pādakaṃ katvā saṅkhāre sammasitvā saha paṭisambhidāhi arahattaṃ pāpuṇāti, ayaṃ sabbākārato upadhiviveko nāma. Tenāha bhagavā – ‘‘kāyaviveko ca vivekaṭṭhakāyānaṃ nekkhammābhiratānaṃ, cittaviveko ca parisuddhacittānaṃ paramavodānappattānaṃ, upadhiviveko ca nirupadhīnaṃ puggalānaṃ visaṅkhāragatāna’’nti (mahāni. 7, 49).
сан̇г̇ан̣игаараамассаад̇и г̇ан̣асан̇г̇ан̣игааяа жзва гилзсасан̇г̇ан̣игааяа жа рад̇асса. аарад̣̇д̇хавийрияассаад̇и гааяигажзд̇асигавийрияавасзна аарад̣̇д̇хавийрияасса. убадтид̇ассад̇иссаад̇и жад̇усад̇ибадтаанавасзна убадтид̇ассад̇исса. самаахид̇ассаад̇и згаг̇г̇ажид̇д̇асса. бан̃н̃авад̇од̇и гаммассагад̇абан̃н̃ааяа бан̃н̃авад̇о.
Saṅgaṇikārāmassāti gaṇasaṅgaṇikāya ceva kilesasaṅgaṇikāya ca ratassa. Āraddhavīriyassāti kāyikacetasikavīriyavasena āraddhavīriyassa. Upaṭṭhitassatissāti catusatipaṭṭhānavasena upaṭṭhitassatissa. Samāhitassāti ekaggacittassa. Paññavatoti kammassakatapaññāya paññavato.
саад̇ху саад̇хууд̇и т̇зрасса вид̇аггам̣ самбахам̣сзнд̇о звамааха. имам̣ адтаманд̇и сад̇д̇а нид̇хий лад̣̇д̇хабурисасса адтамам̣ д̣̇знд̇о вияа, сад̇д̇а ман̣ирад̇анаани, сад̇д̇а хад̇т̇ирад̇анаани, сад̇д̇а ассарад̇анаани лад̣̇д̇хабурисасса адтамам̣ д̣̇знд̇о вияа сад̇д̇а махаабурисавид̇аггз вид̇аггзд̇ваа тид̇асса адтамам̣ аажигканд̇о звамааха. ниббабан̃жаараамассаад̇и д̇ан̣хаамаанад̣̇идтибабан̃жарахид̇ад̇д̇аа ниббабан̃жасан̇каад̇з ниб̣б̣аанабад̣̇з абхирад̇асса. ид̇арам̣ д̇ассзва взважанам̣. бабан̃жаараамассаад̇и яат̇аавуд̇д̇зсу бабан̃жзсу абхирад̇асса. ид̇арам̣ д̇ассзва взважанам̣.
Sādhu sādhūti therassa vitakkaṃ sampahaṃsento evamāha. Imaṃ aṭṭhamanti satta nidhī laddhapurisassa aṭṭhamaṃ dento viya, satta maṇiratanāni, satta hatthiratanāni, satta assaratanāni laddhapurisassa aṭṭhamaṃ dento viya satta mahāpurisavitakke vitakketvā ṭhitassa aṭṭhamaṃ ācikkhanto evamāha. Nippapañcārāmassāti taṇhāmānadiṭṭhipapañcarahitattā nippapañcasaṅkhāte nibbānapade abhiratassa. Itaraṃ tasseva vevacanaṃ. Papañcārāmassāti yathāvuttesu papañcesu abhiratassa. Itaraṃ tasseva vevacanaṃ.
яад̇од̇и яад̣̇аа. д̇ад̇од̇и д̇ад̣̇аа. наанаарад̇д̇аананд̇и нилабийд̇алохид̇од̣̇аад̇аван̣н̣зхи наанаараж̇анзхи рад̇д̇аанам̣. бам̣сугууланд̇и д̇звийсад̇ияаа кзд̇д̇зсу тид̇абам̣сугуулажийварам̣. кааяиссад̇ийд̇и яат̇аа д̇асса буб̣б̣ан̣хасамаяаад̣̇ийсу яасмим̣ самаяз яам̣ ижчад̇и, д̇асмим̣ самаяз д̇ам̣ баарубанд̇асса со д̣̇уссагаран̣д̣аго манаабо худ̇ваа кааяад̇и, звам̣ д̇уяхамби жийварасанд̇осамахааарияавам̣сзна д̇удтасса вихарад̇о бам̣сугуулажийварам̣ кааяиссад̇и убадтахиссад̇и. рад̇ияаад̇и рад̇иад̇т̇ааяа. абарид̇ассааяаад̇и д̇ан̣хаад̣̇идтибарид̇ассанаахи абарид̇ассанад̇т̇ааяа. паасувихаарааяаад̇и сукавихаарад̇т̇ааяа. оггаманааяа ниб̣б̣аанассаад̇и амад̇ам̣ ниб̣б̣аанам̣ од̇аран̣ад̇т̇ааяа.
Yatoti yadā. Tatoti tadā. Nānārattānanti nilapītalohitodātavaṇṇehi nānārajanehi rattānaṃ. Paṃsukūlanti tevīsatiyā khettesu ṭhitapaṃsukūlacīvaraṃ. Khāyissatīti yathā tassa pubbaṇhasamayādīsu yasmiṃ samaye yaṃ icchati, tasmiṃ samaye taṃ pārupantassa so dussakaraṇḍako manāpo hutvā khāyati, evaṃ tuyhampi cīvarasantosamahāariyavaṃsena tuṭṭhassa viharato paṃsukūlacīvaraṃ khāyissati upaṭṭhahissati. Ratiyāti ratiatthāya. Aparitassāyāti taṇhādiṭṭhiparitassanāhi aparitassanatthāya. Phāsuvihārāyāti sukhavihāratthāya. Okkamanāya nibbānassāti amataṃ nibbānaṃ otaraṇatthāya.
бин̣д̣ияаалобабхож̇ананд̇и г̇ааманиг̇амарааж̇ад̇хаанийсу ж̇ан̇гхааб̣алам̣ ниссааяа гхарабадибаадияаа жаранд̇зна лад̣̇д̇хабин̣д̣ияаалобабхож̇анам̣. кааяиссад̇ийд̇и д̇асса г̇ахабад̇ино наанаг̇г̇арасабхож̇анам̣ вияа убадтахиссад̇и . санд̇удтасса вихарад̇од̇и бин̣д̣абаад̇асанд̇осамахааарияавам̣сзна санд̇удтасса вихарад̇о. ругкамууласзнаасанам̣ кааяиссад̇ийд̇и д̇асса г̇ахабад̇ино д̇збхуумагабаасаад̣̇з г̇анд̇хагусумаваасасуг̇анд̇хам̣ гуудааг̇аарам̣ вияа ругкамуулам̣ убадтахиссад̇и. санд̇удтассаад̇и сзнаасанасанд̇осамахааарияавам̣сзна санд̇удтасса. д̇ин̣асант̇аарагод̇и д̇ин̣зхи ваа бан̣н̣зхи ваа бхуумияам̣ ваа палагабаасаан̣ад̇алаани ваа ан̃н̃ад̇арасмим̣ сант̇ад̇асант̇ад̇о. бууд̇имуд̇д̇анд̇и яам̣гин̃жи муд̇д̇ам̣. д̇ан̇кан̣з г̇ахид̇амби бууд̇имуд̇д̇амзва вужжад̇и д̣̇уг̇г̇анд̇хад̇д̇аа. санд̇удтасса вихарад̇од̇и г̇илаанабажжаяабхзсаж̇ж̇абаригкаарасанд̇осзна санд̇удтасса вихарад̇о.
Piṇḍiyālopabhojananti gāmanigamarājadhānīsu jaṅghābalaṃ nissāya gharapaṭipāṭiyā carantena laddhapiṇḍiyālopabhojanaṃ. Khāyissatīti tassa gahapatino nānaggarasabhojanaṃ viya upaṭṭhahissati . Santuṭṭhassa viharatoti piṇḍapātasantosamahāariyavaṃsena santuṭṭhassa viharato. Rukkhamūlasenāsanaṃ khāyissatīti tassa gahapatino tebhūmakapāsāde gandhakusumavāsasugandhaṃ kūṭāgāraṃ viya rukkhamūlaṃ upaṭṭhahissati. Santuṭṭhassāti senāsanasantosamahāariyavaṃsena santuṭṭhassa. Tiṇasanthārakoti tiṇehi vā paṇṇehi vā bhūmiyaṃ vā phalakapāsāṇatalāni vā aññatarasmiṃ santhatasanthato. Pūtimuttanti yaṃkiñci muttaṃ. Taṅkhaṇe gahitampi pūtimuttameva vuccati duggandhattā. Santuṭṭhassa viharatoti gilānapaccayabhesajjaparikkhārasantosena santuṭṭhassa viharato.
ид̇и бхаг̇аваа жад̇уусу таанзсу арахад̇д̇ам̣ багкибанд̇о гаммадтаанам̣ гат̇зд̇ваа ‘‘гад̇арасзнаасанз ну ко васанд̇асса гаммадтаанам̣ саббааяам̣ бхависсад̇ий’’д̇и ааваж̇ж̇знд̇о ‘‘д̇асмин̃н̃зва васанд̇ассаа’’д̇и н̃ад̇ваа д̇зна хи д̇вам̣, ануруд̣̇д̇хаад̇иаад̣̇имааха. бавивид̇д̇асса вихарад̇од̇и д̇ийхи вивзгзхи вивид̇д̇асса вихаранд̇асса. уяяож̇анигабадисам̣яуд̇д̇анд̇и уяяож̇анигзхзва важанзхи бадисам̣яуд̇д̇ам̣, д̇зсам̣ убадтаанаг̇аманагам̣язваад̇и ад̇т̇о. бабан̃жанирод̇хзд̇и ниб̣б̣аанабад̣̇з . багканд̣̇ад̇ийд̇и аарамман̣агаран̣авасзна багканд̣̇ад̇и. басийд̣̇ад̇ийд̇иаад̣̇ийсуби аарамман̣авасзнзва басийд̣̇анасанд̇идтанамужжанаа взд̣̇ид̇аб̣б̣аа. ид̇и бхаг̇аваа жзд̇ирадтз баажийнавам̣сад̣̇ааяз ааяасмад̇о ануруд̣̇д̇хасса гат̇ид̇з адта махаабурисавид̇аггз буна бхзсагал̣ааванамахаавихаарз нисийд̣̇ид̇ваа бхигкусан̇гхасса вид̇т̇аарзна гат̇зси.
Iti bhagavā catūsu ṭhānesu arahattaṃ pakkhipanto kammaṭṭhānaṃ kathetvā ‘‘katarasenāsane nu kho vasantassa kammaṭṭhānaṃ sappāyaṃ bhavissatī’’ti āvajjento ‘‘tasmiññeva vasantassā’’ti ñatvā tena hi tvaṃ, anuruddhātiādimāha. Pavivittassa viharatoti tīhi vivekehi vivittassa viharantassa. Uyyojanikapaṭisaṃyuttanti uyyojanikeheva vacanehi paṭisaṃyuttaṃ, tesaṃ upaṭṭhānagamanakaṃyevāti attho. Papañcanirodheti nibbānapade . Pakkhandatīti ārammaṇakaraṇavasena pakkhandati. Pasīdatītiādīsupi ārammaṇavaseneva pasīdanasantiṭṭhanamuccanā veditabbā. Iti bhagavā cetiraṭṭhe pācīnavaṃsadāye āyasmato anuruddhassa kathite aṭṭha mahāpurisavitakke puna bhesakaḷāvanamahāvihāre nisīditvā bhikkhusaṅghassa vitthārena kathesi.
маномаязнаад̇и манзна ниб̣б̣ад̇д̇ид̇агааяоби маномаяод̇и вужжад̇и манзна г̇ад̇агааяоби, ид̇ха манзна г̇ад̇агааяам̣ санд̇хааязвамааха. яат̇аа мз аху сан̇габбод̇и яат̇аа маяхам̣ вид̇агго ахоси, д̇ад̇о уд̇д̇ари адтамам̣ махаабурисавид̇аггам̣ д̣̇ассзнд̇о д̇ад̇о уд̇д̇арим̣ д̣̇зсаяи. сзсам̣ саб̣б̣ад̇т̇а уд̇д̇аанамзваад̇и.
Manomayenāti manena nibbattitakāyopi manomayoti vuccati manena gatakāyopi, idha manena gatakāyaṃ sandhāyevamāha. Yathā me ahu saṅkappoti yathā mayhaṃ vitakko ahosi, tato uttari aṭṭhamaṃ mahāpurisavitakkaṃ dassento tato uttariṃ desayi. Sesaṃ sabbattha uttānamevāti.
г̇ахабад̇иваг̇г̇о д̇ад̇ияо.
Gahapativaggo tatiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. ануруд̣̇д̇хамахаавид̇аггасуд̇д̇ам̣ • 10. Anuruddhamahāvitakkasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. ануруд̣̇д̇хамахаавид̇аггасуд̇д̇аван̣н̣анаа • 10. Anuruddhamahāvitakkasuttavaṇṇanā
