| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. ануруд̣̇д̇хамахаавид̇аггасуд̇д̇аван̣н̣анаа
10. Anuruddhamahāvitakkasuttavaṇṇanā
30. д̣̇асамз аббижчассаад̇и на ижчасса. абхаавад̇т̇о хзд̇т̇а аббасад̣̇д̣̇о ‘‘аббад̣ам̣самагасаваад̇аад̇абаа’’д̇иаад̣̇ийсу (а. ни. 10.11) вияа. бажжаязсу аббижчо бажжаяаббижчо, жийвараад̣̇ибажжаязсу ижчаарахид̇о. ад̇хиг̇амаббижчод̇и жхаанаад̣̇иад̇хиг̇амавибхааванз ижчаарахид̇о . барияад̇д̇иаббижчод̇и барияад̇д̇ияам̣ б̣аахусажжавибхааванз ижчаарахид̇о. д̇худ̇ан̇г̇аббижчод̇и д̇худ̇ан̇г̇зсу аббижчо д̇худ̇ан̇г̇абхаававибхааванз ижчаарахид̇о. санд̇аг̇ун̣аниг̇уханзнаад̇и ад̇д̇ани сам̣виж̇ж̇амаанаанам̣ жхаанаад̣̇иг̇ун̣аанан̃жзва б̣аахусажжаг̇ун̣асса д̇худ̇ан̇г̇аг̇ун̣асса жа ниг̇уханзна чаад̣̇анзна. самбаж̇ж̇ад̇ийд̇и нибпаж̇ж̇ад̇и сиж̇жхад̇и. но махижчассаад̇и махад̇ияаа ижчааяа саманнааг̇ад̇асса но самбаж̇ж̇ад̇и ануд̇хаммассаби анибпаж̇ж̇анад̇о. бавивид̇д̇ассаад̇и багаарзхи вивид̇д̇асса. д̇знааха ‘‘гааяажид̇д̇аубад̇хививзгзхи вивид̇д̇ассаа’’д̇и. аарамбхавад̇т̇увасзнаад̇и бхааванаабхияог̇авасзна згийбхаавова гааяавивзгод̇и ад̇хиббзд̇о, на г̇ан̣асан̇г̇ан̣игаабхаавамад̇д̇анд̇и д̣̇ассзд̇и. гамманд̇и яог̇агаммам̣.
30. Dasame appicchassāti na icchassa. Abhāvattho hettha appasaddo ‘‘appaḍaṃsamakasavātātapā’’tiādīsu (a. ni. 10.11) viya. Paccayesu appiccho paccayappiccho, cīvarādipaccayesu icchārahito. Adhigamappicchoti jhānādiadhigamavibhāvane icchārahito . Pariyattiappicchoti pariyattiyaṃ bāhusaccavibhāvane icchārahito. Dhutaṅgappicchoti dhutaṅgesu appiccho dhutaṅgabhāvavibhāvane icchārahito. Santaguṇaniguhanenāti attani saṃvijjamānānaṃ jhānādiguṇānañceva bāhusaccaguṇassa dhutaṅgaguṇassa ca niguhanena chādanena. Sampajjatīti nipphajjati sijjhati. No mahicchassāti mahatiyā icchāya samannāgatassa no sampajjati anudhammassapi anipphajjanato. Pavivittassāti pakārehi vivittassa. Tenāha ‘‘kāyacittaupadhivivekehi vivittassā’’ti. Ārambhavatthuvasenāti bhāvanābhiyogavasena ekībhāvova kāyavivekoti adhippeto, na gaṇasaṅgaṇikābhāvamattanti dasseti. Kammanti yogakammaṃ.
сад̇д̇зхи гилзсзхи жа сан̇г̇ан̣анам̣ самод̇хаанам̣ сан̇г̇ан̣игаа, саа аарамид̇аб̣б̣адтзна аараамо зд̇ассаад̇и сан̇г̇ан̣игаараамо, д̇асса. д̇знааха ‘‘г̇ан̣асан̇г̇ан̣игааяа жзваа’’д̇иаад̣̇и. аарад̣̇д̇хавийрияассаад̇и баг̇г̇ахид̇авийрияасса. д̇ан̃жа ко убад̇хививзгз ниннад̇аавасзна ‘‘аяам̣ д̇хаммо’’д̇и важанад̇о. зса наяо ид̇арзсуби. вивадданиссид̇ам̣язва хи самаад̇хаанам̣ ид̇хаад̇хиббзд̇ам̣, д̇ат̇аа бан̃н̃ааби. гаммасса-гад̇абан̃н̃ааяа хи тид̇о гаммавасзна бхавзсу наанаббагааро анад̇т̇од̇и ж̇аананд̇о гаммагкаяагарам̣ н̃аан̣ам̣ абхибад̇т̇зд̇и, д̇ад̣̇ад̇т̇ан̃жа уссаахам̣ гарод̇и. маанаад̣̇аяо сад̇д̇асанд̇аанам̣ сам̣саарз бабан̃жзнд̇и вид̇т̇аарзнд̇ийд̇и бабан̃жаад̇и ааха ‘‘д̇ан̣хаамаанад̣̇идтибабан̃жарахид̇ад̇д̇аа’’д̇иаад̣̇и. сзсамзд̇т̇а сувин̃н̃зяяамзва.
Sattehi kilesehi ca saṅgaṇanaṃ samodhānaṃ saṅgaṇikā, sā āramitabbaṭṭhena ārāmo etassāti saṅgaṇikārāmo, tassa. Tenāha ‘‘gaṇasaṅgaṇikāya cevā’’tiādi. Āraddhavīriyassāti paggahitavīriyassa. Tañca kho upadhiviveke ninnatāvasena ‘‘ayaṃ dhammo’’ti vacanato. Esa nayo itaresupi. Vivaṭṭanissitaṃyeva hi samādhānaṃ idhādhippetaṃ, tathā paññāpi. Kammassa-katapaññāya hi ṭhito kammavasena bhavesu nānappakāro anatthoti jānanto kammakkhayakaraṃ ñāṇaṃ abhipattheti, tadatthañca ussāhaṃ karoti. Mānādayo sattasantānaṃ saṃsāre papañcenti vitthārentīti papañcāti āha ‘‘taṇhāmānadiṭṭhipapañcarahitattā’’tiādi. Sesamettha suviññeyyameva.
ануруд̣̇д̇хамахаавид̇аггасуд̇д̇аван̣н̣анаа нидтид̇аа.
Anuruddhamahāvitakkasuttavaṇṇanā niṭṭhitā.
г̇ахабад̇иваг̇г̇аван̣н̣анаа нидтид̇аа.
Gahapativaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. ануруд̣̇д̇хамахаавид̇аггасуд̇д̇ам̣ • 10. Anuruddhamahāvitakkasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. ануруд̣̇д̇хамахаавид̇аггасуд̇д̇аван̣н̣анаа • 10. Anuruddhamahāvitakkasuttavaṇṇanā
