| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਅਨੁਰੁਦ੍ਧਮਹਾવਿਤਕ੍ਕਸੁਤ੍ਤવਣ੍ਣਨਾ
10. Anuruddhamahāvitakkasuttavaṇṇanā
੩੦. ਦਸਮੇ ਅਪ੍ਪਿਚ੍ਛਸ੍ਸਾਤਿ ਨ ਇਚ੍ਛਸ੍ਸ। ਅਭਾવਤ੍ਥੋ ਹੇਤ੍ਥ ਅਪ੍ਪਸਦ੍ਦੋ ‘‘ਅਪ੍ਪਡਂਸਮਕਸવਾਤਾਤਪਾ’’ਤਿਆਦੀਸੁ (ਅ॰ ਨਿ॰ ੧੦.੧੧) વਿਯ। ਪਚ੍ਚਯੇਸੁ ਅਪ੍ਪਿਚ੍ਛੋ ਪਚ੍ਚਯਪ੍ਪਿਚ੍ਛੋ, ਚੀવਰਾਦਿਪਚ੍ਚਯੇਸੁ ਇਚ੍ਛਾਰਹਿਤੋ। ਅਧਿਗਮਪ੍ਪਿਚ੍ਛੋਤਿ ਝਾਨਾਦਿਅਧਿਗਮવਿਭਾવਨੇ ਇਚ੍ਛਾਰਹਿਤੋ । ਪਰਿਯਤ੍ਤਿਅਪ੍ਪਿਚ੍ਛੋਤਿ ਪਰਿਯਤ੍ਤਿਯਂ ਬਾਹੁਸਚ੍ਚવਿਭਾવਨੇ ਇਚ੍ਛਾਰਹਿਤੋ। ਧੁਤਙ੍ਗਪ੍ਪਿਚ੍ਛੋਤਿ ਧੁਤਙ੍ਗੇਸੁ ਅਪ੍ਪਿਚ੍ਛੋ ਧੁਤਙ੍ਗਭਾવવਿਭਾવਨੇ ਇਚ੍ਛਾਰਹਿਤੋ। ਸਨ੍ਤਗੁਣਨਿਗੁਹਨੇਨਾਤਿ ਅਤ੍ਤਨਿ ਸਂવਿਜ੍ਜਮਾਨਾਨਂ ਝਾਨਾਦਿਗੁਣਾਨਞ੍ਚੇવ ਬਾਹੁਸਚ੍ਚਗੁਣਸ੍ਸ ਧੁਤਙ੍ਗਗੁਣਸ੍ਸ ਚ ਨਿਗੁਹਨੇਨ ਛਾਦਨੇਨ। ਸਮ੍ਪਜ੍ਜਤੀਤਿ ਨਿਪ੍ਫਜ੍ਜਤਿ ਸਿਜ੍ਝਤਿ। ਨੋ ਮਹਿਚ੍ਛਸ੍ਸਾਤਿ ਮਹਤਿਯਾ ਇਚ੍ਛਾਯ ਸਮਨ੍ਨਾਗਤਸ੍ਸ ਨੋ ਸਮ੍ਪਜ੍ਜਤਿ ਅਨੁਧਮ੍ਮਸ੍ਸਪਿ ਅਨਿਪ੍ਫਜ੍ਜਨਤੋ। ਪવਿવਿਤ੍ਤਸ੍ਸਾਤਿ ਪਕਾਰੇਹਿ વਿવਿਤ੍ਤਸ੍ਸ। ਤੇਨਾਹ ‘‘ਕਾਯਚਿਤ੍ਤਉਪਧਿવਿવੇਕੇਹਿ વਿવਿਤ੍ਤਸ੍ਸਾ’’ਤਿ। ਆਰਮ੍ਭવਤ੍ਥੁવਸੇਨਾਤਿ ਭਾવਨਾਭਿਯੋਗવਸੇਨ ਏਕੀਭਾવੋવ ਕਾਯવਿવੇਕੋਤਿ ਅਧਿਪ੍ਪੇਤੋ, ਨ ਗਣਸਙ੍ਗਣਿਕਾਭਾવਮਤ੍ਤਨ੍ਤਿ ਦਸ੍ਸੇਤਿ। ਕਮ੍ਮਨ੍ਤਿ ਯੋਗਕਮ੍ਮਂ।
30. Dasame appicchassāti na icchassa. Abhāvattho hettha appasaddo ‘‘appaḍaṃsamakasavātātapā’’tiādīsu (a. ni. 10.11) viya. Paccayesu appiccho paccayappiccho, cīvarādipaccayesu icchārahito. Adhigamappicchoti jhānādiadhigamavibhāvane icchārahito . Pariyattiappicchoti pariyattiyaṃ bāhusaccavibhāvane icchārahito. Dhutaṅgappicchoti dhutaṅgesu appiccho dhutaṅgabhāvavibhāvane icchārahito. Santaguṇaniguhanenāti attani saṃvijjamānānaṃ jhānādiguṇānañceva bāhusaccaguṇassa dhutaṅgaguṇassa ca niguhanena chādanena. Sampajjatīti nipphajjati sijjhati. No mahicchassāti mahatiyā icchāya samannāgatassa no sampajjati anudhammassapi anipphajjanato. Pavivittassāti pakārehi vivittassa. Tenāha ‘‘kāyacittaupadhivivekehi vivittassā’’ti. Ārambhavatthuvasenāti bhāvanābhiyogavasena ekībhāvova kāyavivekoti adhippeto, na gaṇasaṅgaṇikābhāvamattanti dasseti. Kammanti yogakammaṃ.
ਸਤ੍ਤੇਹਿ ਕਿਲੇਸੇਹਿ ਚ ਸਙ੍ਗਣਨਂ ਸਮੋਧਾਨਂ ਸਙ੍ਗਣਿਕਾ, ਸਾ ਆਰਮਿਤਬ੍ਬਟ੍ਠੇਨ ਆਰਾਮੋ ਏਤਸ੍ਸਾਤਿ ਸਙ੍ਗਣਿਕਾਰਾਮੋ, ਤਸ੍ਸ। ਤੇਨਾਹ ‘‘ਗਣਸਙ੍ਗਣਿਕਾਯ ਚੇવਾ’’ਤਿਆਦਿ। ਆਰਦ੍ਧવੀਰਿਯਸ੍ਸਾਤਿ ਪਗ੍ਗਹਿਤવੀਰਿਯਸ੍ਸ। ਤਞ੍ਚ ਖੋ ਉਪਧਿવਿવੇਕੇ ਨਿਨ੍ਨਤਾવਸੇਨ ‘‘ਅਯਂ ਧਮ੍ਮੋ’’ਤਿ વਚਨਤੋ। ਏਸ ਨਯੋ ਇਤਰੇਸੁਪਿ। વਿવਟ੍ਟਨਿਸ੍ਸਿਤਂਯੇવ ਹਿ ਸਮਾਧਾਨਂ ਇਧਾਧਿਪ੍ਪੇਤਂ, ਤਥਾ ਪਞ੍ਞਾਪਿ। ਕਮ੍ਮਸ੍ਸ-ਕਤਪਞ੍ਞਾਯ ਹਿ ਠਿਤੋ ਕਮ੍ਮવਸੇਨ ਭવੇਸੁ ਨਾਨਪ੍ਪਕਾਰੋ ਅਨਤ੍ਥੋਤਿ ਜਾਨਨ੍ਤੋ ਕਮ੍ਮਕ੍ਖਯਕਰਂ ਞਾਣਂ ਅਭਿਪਤ੍ਥੇਤਿ, ਤਦਤ੍ਥਞ੍ਚ ਉਸ੍ਸਾਹਂ ਕਰੋਤਿ। ਮਾਨਾਦਯੋ ਸਤ੍ਤਸਨ੍ਤਾਨਂ ਸਂਸਾਰੇ ਪਪਞ੍ਚੇਨ੍ਤਿ વਿਤ੍ਥਾਰੇਨ੍ਤੀਤਿ ਪਪਞ੍ਚਾਤਿ ਆਹ ‘‘ਤਣ੍ਹਾਮਾਨਦਿਟ੍ਠਿਪਪਞ੍ਚਰਹਿਤਤ੍ਤਾ’’ਤਿਆਦਿ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
Sattehi kilesehi ca saṅgaṇanaṃ samodhānaṃ saṅgaṇikā, sā āramitabbaṭṭhena ārāmo etassāti saṅgaṇikārāmo, tassa. Tenāha ‘‘gaṇasaṅgaṇikāya cevā’’tiādi. Āraddhavīriyassāti paggahitavīriyassa. Tañca kho upadhiviveke ninnatāvasena ‘‘ayaṃ dhammo’’ti vacanato. Esa nayo itaresupi. Vivaṭṭanissitaṃyeva hi samādhānaṃ idhādhippetaṃ, tathā paññāpi. Kammassa-katapaññāya hi ṭhito kammavasena bhavesu nānappakāro anatthoti jānanto kammakkhayakaraṃ ñāṇaṃ abhipattheti, tadatthañca ussāhaṃ karoti. Mānādayo sattasantānaṃ saṃsāre papañcenti vitthārentīti papañcāti āha ‘‘taṇhāmānadiṭṭhipapañcarahitattā’’tiādi. Sesamettha suviññeyyameva.
ਅਨੁਰੁਦ੍ਧਮਹਾવਿਤਕ੍ਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Anuruddhamahāvitakkasuttavaṇṇanā niṭṭhitā.
ਗਹਪਤਿવਗ੍ਗવਣ੍ਣਨਾ ਨਿਟ੍ਠਿਤਾ।
Gahapativaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਅਨੁਰੁਦ੍ਧਮਹਾવਿਤਕ੍ਕਸੁਤ੍ਤਂ • 10. Anuruddhamahāvitakkasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਅਨੁਰੁਦ੍ਧਮਹਾવਿਤਕ੍ਕਸੁਤ੍ਤવਣ੍ਣਨਾ • 10. Anuruddhamahāvitakkasuttavaṇṇanā
