| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
7. ануруд̣̇д̇хасуд̇д̇ам̣
7. Anuruddhasuttaṃ
229. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко бан̃жаган̇г̇о т̇абад̇и ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса, язнааяасмаа ануруд̣̇д̇хо д̇знубасан̇гама; убасан̇гамид̇ваа мама важанзна ааяасмад̇о ануруд̣̇д̇хасса баад̣̇з сирасаа ванд̣̇аахи 1 – ‘бан̃жаган̇г̇о, бханд̇з, т̇абад̇и ааяасмад̇о ануруд̣̇д̇хасса баад̣̇з сирасаа ванд̣̇ад̇ий’д̇и; зван̃жа вад̣̇зхи 2 – ‘ад̇хиваасзд̇у гира, бханд̇з, ааяасмаа ануруд̣̇д̇хо бан̃жаган̇г̇асса т̇абад̇исса сваад̇анааяа ад̇д̇ажад̇уд̇т̇о бхад̇д̇ам̣; язна жа гира, бханд̇з, ааяасмаа ануруд̣̇д̇хо баг̇звад̇арам̣ ааг̇ажчзяяа; бан̃жаган̇г̇о, бханд̇з, т̇абад̇и 3 б̣ахугижжо б̣ахугаран̣ийяо рааж̇агаран̣ийязнаа’’’д̇и. ‘‘звам̣, бханд̇з’’д̇и ко со бурисо бан̃жаган̇г̇асса т̇абад̇исса бадиссуд̇ваа язнааяасмаа ануруд̣̇д̇хо д̇знубасан̇гами; убасан̇гамид̇ваа ааяасманд̇ам̣ ануруд̣̇д̇хам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бурисо ааяасманд̇ам̣ ануруд̣̇д̇хам̣ зд̇ад̣̇авожа – ‘‘бан̃жаган̇г̇о, бханд̇з, т̇абад̇и ааяасмад̇о ануруд̣̇д̇хасса баад̣̇з сирасаа ванд̣̇ад̇и, зван̃жа вад̣̇зд̇и – ‘ад̇хиваасзд̇у гира, бханд̇з, ааяасмаа ануруд̣̇д̇хо бан̃жаган̇г̇асса т̇абад̇исса сваад̇анааяа ад̇д̇ажад̇уд̇т̇о бхад̇д̇ам̣; язна жа гира, бханд̇з, ааяасмаа ануруд̣̇д̇хо баг̇звад̇арам̣ ааг̇ажчзяяа; бан̃жаган̇г̇о, бханд̇з, т̇абад̇и б̣ахугижжо б̣ахугаран̣ийяо рааж̇агаран̣ийязнаа’’’д̇и. ад̇хиваасзси ко ааяасмаа ануруд̣̇д̇хо д̇ун̣хийбхаавзна.
229. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho pañcakaṅgo thapati aññataraṃ purisaṃ āmantesi – ‘‘ehi tvaṃ, ambho purisa, yenāyasmā anuruddho tenupasaṅkama; upasaṅkamitvā mama vacanena āyasmato anuruddhassa pāde sirasā vandāhi 4 – ‘pañcakaṅgo, bhante, thapati āyasmato anuruddhassa pāde sirasā vandatī’ti; evañca vadehi 5 – ‘adhivāsetu kira, bhante, āyasmā anuruddho pañcakaṅgassa thapatissa svātanāya attacatuttho bhattaṃ; yena ca kira, bhante, āyasmā anuruddho pagevataraṃ āgaccheyya; pañcakaṅgo, bhante, thapati 6 bahukicco bahukaraṇīyo rājakaraṇīyenā’’’ti. ‘‘Evaṃ, bhante’’ti kho so puriso pañcakaṅgassa thapatissa paṭissutvā yenāyasmā anuruddho tenupasaṅkami; upasaṅkamitvā āyasmantaṃ anuruddhaṃ abhivādetvā ekamantaṃ nisīdi. Ekamantaṃ nisinno kho so puriso āyasmantaṃ anuruddhaṃ etadavoca – ‘‘pañcakaṅgo, bhante, thapati āyasmato anuruddhassa pāde sirasā vandati, evañca vadeti – ‘adhivāsetu kira, bhante, āyasmā anuruddho pañcakaṅgassa thapatissa svātanāya attacatuttho bhattaṃ; yena ca kira, bhante, āyasmā anuruddho pagevataraṃ āgaccheyya; pañcakaṅgo, bhante, thapati bahukicco bahukaraṇīyo rājakaraṇīyenā’’’ti. Adhivāsesi kho āyasmā anuruddho tuṇhībhāvena.
230. ат̇а ко ааяасмаа ануруд̣̇д̇хо д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна бан̃жаган̇г̇асса т̇абад̇исса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко бан̃жаган̇г̇о т̇абад̇и ааяасманд̇ам̣ ануруд̣̇д̇хам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко бан̃жаган̇г̇о т̇абад̇и ааяасманд̇ам̣ ануруд̣̇д̇хам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисинно ко бан̃жаган̇г̇о т̇абад̇и ааяасманд̇ам̣ ануруд̣̇д̇хам̣ зд̇ад̣̇авожа –
230. Atha kho āyasmā anuruddho tassā rattiyā accayena pubbaṇhasamayaṃ nivāsetvā pattacīvaramādāya yena pañcakaṅgassa thapatissa nivesanaṃ tenupasaṅkami; upasaṅkamitvā paññatte āsane nisīdi. Atha kho pañcakaṅgo thapati āyasmantaṃ anuruddhaṃ paṇītena khādanīyena bhojanīyena sahatthā santappesi sampavāresi. Atha kho pañcakaṅgo thapati āyasmantaṃ anuruddhaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinno kho pañcakaṅgo thapati āyasmantaṃ anuruddhaṃ etadavoca –
‘‘ид̇ха мам̣, бханд̇з, т̇зраа бхигкуу убасан̇гамид̇ваа звамаахам̣су – ‘аббамаан̣ам̣, г̇ахабад̇и, жзд̇овимуд̇д̇им̣ бхаавзхий’д̇и 7. згажжз т̇зраа звамаахам̣су – ‘махаг̇г̇ад̇ам̣, г̇ахабад̇и, жзд̇овимуд̇д̇им̣ бхаавзхий’д̇и. яаа жааяам̣, бханд̇з, аббамаан̣аа жзд̇овимуд̇д̇и яаа жа махаг̇г̇ад̇аа жзд̇овимуд̇д̇и – имз д̇хаммаа наанад̇т̇аа жзва наанааб̣яан̃ж̇анаа жа, уд̣̇ааху згад̇т̇аа б̣яан̃ж̇анамзва наана’’нд̇и? ‘‘д̇зна хи, г̇ахабад̇и, д̇ам̣ язвзд̇т̇а бадибхаад̇у. абан̣н̣аганд̇з ид̇о бхависсад̇ий’’д̇и. ‘‘маяхам̣ ко, бханд̇з, звам̣ ход̇и – ‘яаа жааяам̣ аббамаан̣аа жзд̇овимуд̇д̇и яаа жа махаг̇г̇ад̇аа жзд̇овимуд̇д̇и имз д̇хаммаа згад̇т̇аа б̣яан̃ж̇анамзва наана’’’нд̇и. ‘‘яаа жааяам̣, г̇ахабад̇и, аббамаан̣аа жзд̇овимуд̇д̇и яаа жа махаг̇г̇ад̇аа жзд̇овимуд̇д̇и имз д̇хаммаа наанад̇т̇аа жзва наанааб̣яан̃ж̇анаа жа . д̇ад̣̇аминаабзд̇ам̣, г̇ахабад̇и, барияааязна взд̣̇ид̇аб̣б̣ам̣ яат̇аа имз д̇хаммаа наанад̇т̇аа жзва наанааб̣яан̃ж̇анаа жа’’.
‘‘Idha maṃ, bhante, therā bhikkhū upasaṅkamitvā evamāhaṃsu – ‘appamāṇaṃ, gahapati, cetovimuttiṃ bhāvehī’ti 8. Ekacce therā evamāhaṃsu – ‘mahaggataṃ, gahapati, cetovimuttiṃ bhāvehī’ti. Yā cāyaṃ, bhante, appamāṇā cetovimutti yā ca mahaggatā cetovimutti – ime dhammā nānatthā ceva nānābyañjanā ca, udāhu ekatthā byañjanameva nāna’’nti? ‘‘Tena hi, gahapati, taṃ yevettha paṭibhātu. Apaṇṇakante ito bhavissatī’’ti. ‘‘Mayhaṃ kho, bhante, evaṃ hoti – ‘yā cāyaṃ appamāṇā cetovimutti yā ca mahaggatā cetovimutti ime dhammā ekatthā byañjanameva nāna’’’nti. ‘‘Yā cāyaṃ, gahapati, appamāṇā cetovimutti yā ca mahaggatā cetovimutti ime dhammā nānatthā ceva nānābyañjanā ca . Tadamināpetaṃ, gahapati, pariyāyena veditabbaṃ yathā ime dhammā nānatthā ceva nānābyañjanā ca’’.
‘‘гад̇амаа жа, г̇ахабад̇и, аббамаан̣аа жзд̇овимуд̇д̇и? ид̇ха, г̇ахабад̇и, бхигку мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣; ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яааб̣аж̇жхзна парид̇ваа вихарад̇и. гарун̣аасахаг̇ад̇зна жзд̇асаа… муд̣̇ид̇аасахаг̇ад̇зна жзд̇асаа… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣; ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яааб̣аж̇жхзна парид̇ваа вихарад̇и. аяам̣ вужжад̇и, г̇ахабад̇и, аббамаан̣аа жзд̇овимуд̇д̇и.
‘‘Katamā ca, gahapati, appamāṇā cetovimutti? Idha, gahapati, bhikkhu mettāsahagatena cetasā ekaṃ disaṃ pharitvā viharati, tathā dutiyaṃ tathā tatiyaṃ tathā catutthaṃ; iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyābajjhena pharitvā viharati. Karuṇāsahagatena cetasā… muditāsahagatena cetasā… upekkhāsahagatena cetasā ekaṃ disaṃ pharitvā viharati, tathā dutiyaṃ tathā tatiyaṃ tathā catutthaṃ; iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyābajjhena pharitvā viharati. Ayaṃ vuccati, gahapati, appamāṇā cetovimutti.
231. ‘‘гад̇амаа жа, г̇ахабад̇и, махаг̇г̇ад̇аа жзд̇овимуд̇д̇и? ид̇ха, г̇ахабад̇и, бхигку яаавад̇аа згам̣ ругкамуулам̣ махаг̇г̇ад̇анд̇и парид̇ваа ад̇химужжид̇ваа вихарад̇и. аяам̣ вужжад̇и, г̇ахабад̇и, махаг̇г̇ад̇аа жзд̇овимуд̇д̇и. ид̇ха бана, г̇ахабад̇и, бхигку яаавад̇аа д̣̇вз ваа д̇ийн̣и ваа ругкамуулаани махаг̇г̇ад̇анд̇и парид̇ваа ад̇химужжид̇ваа вихарад̇и. аяамби 9 вужжад̇и, г̇ахабад̇и, махаг̇г̇ад̇аа жзд̇овимуд̇д̇и. ид̇ха бана, г̇ахабад̇и, бхигку яаавад̇аа згам̣ г̇аамагкзд̇д̇ам̣ махаг̇г̇ад̇анд̇и парид̇ваа ад̇химужжид̇ваа вихарад̇и. аяамби вужжад̇и, г̇ахабад̇и, махаг̇г̇ад̇аа жзд̇овимуд̇д̇и. ид̇ха бана, г̇ахабад̇и , бхигку яаавад̇аа д̣̇вз ваа д̇ийн̣и ваа г̇аамагкзд̇д̇аани махаг̇г̇ад̇анд̇и парид̇ваа ад̇химужжид̇ваа вихарад̇и. аяамби вужжад̇и, г̇ахабад̇и, махаг̇г̇ад̇аа жзд̇овимуд̇д̇и. ид̇ха бана, г̇ахабад̇и, бхигку яаавад̇аа згам̣ махаараж̇ж̇ам̣ махаг̇г̇ад̇анд̇и парид̇ваа ад̇химужжид̇ваа вихарад̇и. аяамби вужжад̇и, г̇ахабад̇и, махаг̇г̇ад̇аа жзд̇овимуд̇д̇и. ид̇ха бана, г̇ахабад̇и, бхигку яаавад̇аа д̣̇вз ваа д̇ийн̣и ваа махаараж̇ж̇аани махаг̇г̇ад̇анд̇и парид̇ваа ад̇химужжид̇ваа вихарад̇и. аяамби вужжад̇и, г̇ахабад̇и, махаг̇г̇ад̇аа жзд̇овимуд̇д̇и. ид̇ха бана, г̇ахабад̇и, бхигку яаавад̇аа самуд̣̇д̣̇абарияанд̇ам̣ бат̇авим̣ махаг̇г̇ад̇анд̇и парид̇ваа ад̇химужжид̇ваа вихарад̇и. аяамби вужжад̇и, г̇ахабад̇и, махаг̇г̇ад̇аа жзд̇овимуд̇д̇и. иминаа ко зд̇ам̣, г̇ахабад̇и, барияааязна взд̣̇ид̇аб̣б̣ам̣ яат̇аа имз д̇хаммаа наанад̇т̇аа жзва наанааб̣яан̃ж̇анаа жа.
231. ‘‘Katamā ca, gahapati, mahaggatā cetovimutti? Idha, gahapati, bhikkhu yāvatā ekaṃ rukkhamūlaṃ mahaggatanti pharitvā adhimuccitvā viharati. Ayaṃ vuccati, gahapati, mahaggatā cetovimutti. Idha pana, gahapati, bhikkhu yāvatā dve vā tīṇi vā rukkhamūlāni mahaggatanti pharitvā adhimuccitvā viharati. Ayampi 10 vuccati, gahapati, mahaggatā cetovimutti. Idha pana, gahapati, bhikkhu yāvatā ekaṃ gāmakkhettaṃ mahaggatanti pharitvā adhimuccitvā viharati. Ayampi vuccati, gahapati, mahaggatā cetovimutti. Idha pana, gahapati , bhikkhu yāvatā dve vā tīṇi vā gāmakkhettāni mahaggatanti pharitvā adhimuccitvā viharati. Ayampi vuccati, gahapati, mahaggatā cetovimutti. Idha pana, gahapati, bhikkhu yāvatā ekaṃ mahārajjaṃ mahaggatanti pharitvā adhimuccitvā viharati. Ayampi vuccati, gahapati, mahaggatā cetovimutti. Idha pana, gahapati, bhikkhu yāvatā dve vā tīṇi vā mahārajjāni mahaggatanti pharitvā adhimuccitvā viharati. Ayampi vuccati, gahapati, mahaggatā cetovimutti. Idha pana, gahapati, bhikkhu yāvatā samuddapariyantaṃ pathaviṃ mahaggatanti pharitvā adhimuccitvā viharati. Ayampi vuccati, gahapati, mahaggatā cetovimutti. Iminā kho etaṃ, gahapati, pariyāyena veditabbaṃ yathā ime dhammā nānatthā ceva nānābyañjanā ca.
232. ‘‘жад̇ассо ко имаа г̇ахабад̇и, бхавуубабад̇д̇ияо. гад̇амаа жад̇ассо? ид̇ха, г̇ахабад̇и, згажжо ‘барид̇д̇аабхаа’д̇и парид̇ваа ад̇химужжид̇ваа вихарад̇и. со гааяасса бхзд̣̇аа барам̣ маран̣аа барид̇д̇аабхаанам̣ д̣̇зваанам̣ сахаб̣яад̇ам̣ убабаж̇ж̇ад̇и. ид̇ха бана, г̇ахабад̇и, згажжо ‘аббамаан̣аабхаа’д̇и парид̇ваа ад̇химужжид̇ваа вихарад̇и. со гааяасса бхзд̣̇аа барам̣ маран̣аа аббамаан̣аабхаанам̣ д̣̇зваанам̣ сахаб̣яад̇ам̣ убабаж̇ж̇ад̇и. ид̇ха бана, г̇ахабад̇и, згажжо ‘сам̣гилидтаабхаа’д̇и парид̇ваа ад̇химужжид̇ваа вихарад̇и. со гааяасса бхзд̣̇аа барам̣ маран̣аа сам̣гилидтаабхаанам̣ д̣̇зваанам̣ сахаб̣яад̇ам̣ убабаж̇ж̇ад̇и. ид̇ха бана, г̇ахабад̇и, згажжо ‘барисуд̣̇д̇хаабхаа’д̇и парид̇ваа ад̇химужжид̇ваа вихарад̇и. со гааяасса бхзд̣̇аа барам̣ маран̣аа барисуд̣̇д̇хаабхаанам̣ д̣̇зваанам̣ сахаб̣яад̇ам̣ убабаж̇ж̇ад̇и. имаа ко, г̇ахабад̇и, жад̇ассо бхавуубабад̇д̇ияо.
232. ‘‘Catasso kho imā gahapati, bhavūpapattiyo. Katamā catasso? Idha, gahapati, ekacco ‘parittābhā’ti pharitvā adhimuccitvā viharati. So kāyassa bhedā paraṃ maraṇā parittābhānaṃ devānaṃ sahabyataṃ upapajjati. Idha pana, gahapati, ekacco ‘appamāṇābhā’ti pharitvā adhimuccitvā viharati. So kāyassa bhedā paraṃ maraṇā appamāṇābhānaṃ devānaṃ sahabyataṃ upapajjati. Idha pana, gahapati, ekacco ‘saṃkiliṭṭhābhā’ti pharitvā adhimuccitvā viharati. So kāyassa bhedā paraṃ maraṇā saṃkiliṭṭhābhānaṃ devānaṃ sahabyataṃ upapajjati. Idha pana, gahapati, ekacco ‘parisuddhābhā’ti pharitvā adhimuccitvā viharati. So kāyassa bhedā paraṃ maraṇā parisuddhābhānaṃ devānaṃ sahabyataṃ upapajjati. Imā kho, gahapati, catasso bhavūpapattiyo.
‘‘ход̇и ко со, г̇ахабад̇и, самаяо, яаа д̇аа д̣̇звад̇аа згаж̇жхам̣ саннибад̇анд̇и, д̇аасам̣ згаж̇жхам̣ саннибад̇ид̇аанам̣ ван̣н̣анаанад̇д̇ан̃хи ко бан̃н̃ааяад̇и но жа аабхаанаанад̇д̇ам̣ . сзяяат̇ааби, г̇ахабад̇и, бурисо самб̣ахулаани д̇злаббад̣̇ийбаани згам̣ гхарам̣ бавзсзяяа. д̇зсам̣ згам̣ гхарам̣ бавзсид̇аанам̣ ажжинаанад̇д̇ан̃хи ко бан̃н̃ааязт̇а, но жа аабхаанаанад̇д̇ам̣; звамзва ко, г̇ахабад̇и, ход̇и ко со самаяо, яаа д̇аа д̣̇звад̇аа згаж̇жхам̣ саннибад̇анд̇и д̇аасам̣ згаж̇жхам̣ саннибад̇ид̇аанам̣ ван̣н̣анаанад̇д̇ан̃хи ко бан̃н̃ааяад̇и, но жа аабхаанаанад̇д̇ам̣.
‘‘Hoti kho so, gahapati, samayo, yā tā devatā ekajjhaṃ sannipatanti, tāsaṃ ekajjhaṃ sannipatitānaṃ vaṇṇanānattañhi kho paññāyati no ca ābhānānattaṃ . Seyyathāpi, gahapati, puriso sambahulāni telappadīpāni ekaṃ gharaṃ paveseyya. Tesaṃ ekaṃ gharaṃ pavesitānaṃ accinānattañhi kho paññāyetha, no ca ābhānānattaṃ; evameva kho, gahapati, hoti kho so samayo, yā tā devatā ekajjhaṃ sannipatanti tāsaṃ ekajjhaṃ sannipatitānaṃ vaṇṇanānattañhi kho paññāyati, no ca ābhānānattaṃ.
‘‘ход̇и ко со, г̇ахабад̇и, самаяо, яаа д̇аа д̣̇звад̇аа д̇ад̇о вибаггаманд̇и, д̇аасам̣ д̇ад̇о вибаггаманд̇ийнам̣ ван̣н̣анаанад̇д̇ан̃жзва бан̃н̃ааяад̇и аабхаанаанад̇д̇ан̃жа. сзяяат̇ааби, г̇ахабад̇и, бурисо д̇аани самб̣ахулаани д̇злаббад̣̇ийбаани д̇амхаа гхараа нийхарзяяа. д̇зсам̣ д̇ад̇о нийхад̇аанам̣ 11 ажжинаанад̇д̇ан̃жзва бан̃н̃ааязт̇а аабхаанаанад̇д̇ан̃жа; звамзва ко, г̇ахабад̇и, ход̇и ко со самаяо, яаа д̇аа д̣̇звад̇аа д̇ад̇о вибаггаманд̇и, д̇аасам̣ д̇ад̇о вибаггаманд̇ийнам̣ ван̣н̣анаанад̇д̇ан̃жзва бан̃н̃ааяад̇и аабхаанаанад̇д̇ан̃жа.
‘‘Hoti kho so, gahapati, samayo, yā tā devatā tato vipakkamanti, tāsaṃ tato vipakkamantīnaṃ vaṇṇanānattañceva paññāyati ābhānānattañca. Seyyathāpi, gahapati, puriso tāni sambahulāni telappadīpāni tamhā gharā nīhareyya. Tesaṃ tato nīhatānaṃ 12 accinānattañceva paññāyetha ābhānānattañca; evameva kho, gahapati, hoti kho so samayo, yā tā devatā tato vipakkamanti, tāsaṃ tato vipakkamantīnaṃ vaṇṇanānattañceva paññāyati ābhānānattañca.
‘‘на ко, г̇ахабад̇и, д̇аасам̣ д̣̇звад̇аанам̣ звам̣ ход̇и – ‘ид̣̇ам̣ амхаагам̣ нижжанд̇и ваа д̇хуванд̇и ваа сассад̇а’нд̇и ваа, аби жа яад̇т̇а яад̇т̇зва д̇аа 13 д̣̇звад̇аа абхинивисанд̇и д̇ад̇т̇а д̇ад̇т̇зва д̇аа д̣̇звад̇аа абхираманд̇и. сзяяат̇ааби, г̇ахабад̇и, магкигаанам̣ гааж̇зна ваа бидагзна ваа харийяамаанаанам̣ на звам̣ ход̇и – ‘ид̣̇ам̣ амхаагам̣ нижжанд̇и ваа д̇хуванд̇и ваа сассад̇а’нд̇и ваа, аби жа яад̇т̇а яад̇т̇зва д̇аа 14 магкигаа абхинивисанд̇и д̇ад̇т̇а д̇ад̇т̇зва д̇аа магкигаа абхираманд̇и; звамзва ко, г̇ахабад̇и, д̇аасам̣ д̣̇звад̇аанам̣ на звам̣ ход̇и – ‘ид̣̇ам̣ амхаагам̣ нижжанд̇и ваа д̇хуванд̇и ваа сассад̇а’нд̇и ваа, аби жа яад̇т̇а яад̇т̇зва д̇аа д̣̇звад̇аа абхинивисанд̇и д̇ад̇т̇а д̇ад̇т̇зва д̇аа д̣̇звад̇аа абхираманд̇ий’’д̇и.
‘‘Na kho, gahapati, tāsaṃ devatānaṃ evaṃ hoti – ‘idaṃ amhākaṃ niccanti vā dhuvanti vā sassata’nti vā, api ca yattha yattheva tā 15 devatā abhinivisanti tattha tattheva tā devatā abhiramanti. Seyyathāpi, gahapati, makkhikānaṃ kājena vā piṭakena vā harīyamānānaṃ na evaṃ hoti – ‘idaṃ amhākaṃ niccanti vā dhuvanti vā sassata’nti vā, api ca yattha yattheva tā 16 makkhikā abhinivisanti tattha tattheva tā makkhikā abhiramanti; evameva kho, gahapati, tāsaṃ devatānaṃ na evaṃ hoti – ‘idaṃ amhākaṃ niccanti vā dhuvanti vā sassata’nti vā, api ca yattha yattheva tā devatā abhinivisanti tattha tattheva tā devatā abhiramantī’’ti.
233. звам̣ вуд̇д̇з, ааяасмаа сабхияо гажжаано 17 ааяасманд̇ам̣ ануруд̣̇д̇хам̣ зд̇ад̣̇авожа – ‘‘саад̇ху, бханд̇з ануруд̣̇д̇ха! ад̇т̇и жа мз зд̇т̇а уд̇д̇арим̣ бадибужчид̇аб̣б̣ам̣. яаа д̇аа, бханд̇з, д̣̇звад̇аа аабхаа саб̣б̣аа д̇аа барид̇д̇аабхаа уд̣̇ааху санд̇зд̇т̇а згажжаа д̣̇звад̇аа аббамаан̣аабхаа’’д̇и? ‘‘д̇ад̣̇ан̇г̇зна ко, аавусо гажжаана, санд̇зд̇т̇а згажжаа д̣̇звад̇аа барид̇д̇аабхаа, санд̇и банзд̇т̇а згажжаа д̣̇звад̇аа аббамаан̣аабхаа’’д̇и. ‘‘го ну ко, бханд̇з ануруд̣̇д̇ха, хзд̇у го бажжаяо язна д̇аасам̣ д̣̇звад̇аанам̣ згам̣ д̣̇званигааяам̣ убабаннаанам̣ санд̇зд̇т̇а згажжаа д̣̇звад̇аа барид̇д̇аабхаа, санд̇и банзд̇т̇а згажжаа д̣̇звад̇аа аббамаан̣аабхаа’’д̇и?
233. Evaṃ vutte, āyasmā sabhiyo kaccāno 18 āyasmantaṃ anuruddhaṃ etadavoca – ‘‘sādhu, bhante anuruddha! Atthi ca me ettha uttariṃ paṭipucchitabbaṃ. Yā tā, bhante, devatā ābhā sabbā tā parittābhā udāhu santettha ekaccā devatā appamāṇābhā’’ti? ‘‘Tadaṅgena kho, āvuso kaccāna, santettha ekaccā devatā parittābhā, santi panettha ekaccā devatā appamāṇābhā’’ti. ‘‘Ko nu kho, bhante anuruddha, hetu ko paccayo yena tāsaṃ devatānaṃ ekaṃ devanikāyaṃ upapannānaṃ santettha ekaccā devatā parittābhā, santi panettha ekaccā devatā appamāṇābhā’’ti?
‘‘д̇зна хаавусо гажжаана, д̇ам̣язвзд̇т̇а бадибужчиссаами. яат̇аа д̇з камзяяа д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, аавусо гажжаана , явааяам̣ бхигку яаавад̇аа згам̣ ругкамуулам̣ ‘махаг̇г̇ад̇а’нд̇и парид̇ваа ад̇химужжид̇ваа вихарад̇и, яожааяам̣ 19 бхигку яаавад̇аа д̣̇вз ваа д̇ийн̣и ваа ругкамуулаани ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – имаасам̣ убхиннам̣ жид̇д̇абхааванаанам̣ гад̇амаа жид̇д̇абхааванаа махаг̇г̇ад̇ад̇араа’’д̇и? ‘‘явааяам̣, бханд̇з, бхигку яаавад̇аа д̣̇вз ваа д̇ийн̣и ваа ругкамуулаани ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – аяам̣ имаасам̣ убхиннам̣ жид̇д̇абхааванаанам̣ махаг̇г̇ад̇ад̇араа’’д̇и.
‘‘Tena hāvuso kaccāna, taṃyevettha paṭipucchissāmi. Yathā te khameyya tathā naṃ byākareyyāsi. Taṃ kiṃ maññasi, āvuso kaccāna , yvāyaṃ bhikkhu yāvatā ekaṃ rukkhamūlaṃ ‘mahaggata’nti pharitvā adhimuccitvā viharati, yocāyaṃ 20 bhikkhu yāvatā dve vā tīṇi vā rukkhamūlāni ‘mahaggata’nti pharitvā adhimuccitvā viharati – imāsaṃ ubhinnaṃ cittabhāvanānaṃ katamā cittabhāvanā mahaggatatarā’’ti? ‘‘Yvāyaṃ, bhante, bhikkhu yāvatā dve vā tīṇi vā rukkhamūlāni ‘mahaggata’nti pharitvā adhimuccitvā viharati – ayaṃ imāsaṃ ubhinnaṃ cittabhāvanānaṃ mahaggatatarā’’ti.
‘‘д̇ам̣ гим̣ ман̃н̃аси, аавусо гажжаана, явааяам̣ бхигку яаавад̇аа д̣̇вз ваа д̇ийн̣и ваа ругкамуулаани ‘махаг̇г̇ад̇а’нд̇и парид̇ваа ад̇химужжид̇ваа вихарад̇и, яожааяам̣ бхигку яаавад̇аа згам̣ г̇аамагкзд̇д̇ам̣ ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – имаасам̣ убхиннам̣ жид̇д̇абхааванаанам̣ гад̇амаа жид̇д̇абхааванаа махаг̇г̇ад̇ад̇араа’’д̇и? ‘‘явааяам̣, бханд̇з, бхигку яаавад̇аа згам̣ г̇аамагкзд̇д̇ам̣ ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – аяам̣ имаасам̣ убхиннам̣ жид̇д̇абхааванаанам̣ махаг̇г̇ад̇ад̇араа’’д̇и.
‘‘Taṃ kiṃ maññasi, āvuso kaccāna, yvāyaṃ bhikkhu yāvatā dve vā tīṇi vā rukkhamūlāni ‘mahaggata’nti pharitvā adhimuccitvā viharati, yocāyaṃ bhikkhu yāvatā ekaṃ gāmakkhettaṃ ‘mahaggata’nti pharitvā adhimuccitvā viharati – imāsaṃ ubhinnaṃ cittabhāvanānaṃ katamā cittabhāvanā mahaggatatarā’’ti? ‘‘Yvāyaṃ, bhante, bhikkhu yāvatā ekaṃ gāmakkhettaṃ ‘mahaggata’nti pharitvā adhimuccitvā viharati – ayaṃ imāsaṃ ubhinnaṃ cittabhāvanānaṃ mahaggatatarā’’ti.
‘‘д̇ам̣ гим̣ ман̃н̃аси, аавусо гажжаана, явааяам̣ бхигку яаавад̇аа згам̣ г̇аамагкзд̇д̇ам̣ ‘махаг̇г̇ад̇а’нд̇и парид̇ваа ад̇химужжид̇ваа вихарад̇и, яожааяам̣ бхигку яаавад̇аа д̣̇вз ваа д̇ийн̣и ваа г̇аамагкзд̇д̇аани ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – имаасам̣ убхиннам̣ жид̇д̇абхааванаанам̣ гад̇амаа жид̇д̇абхааванаа махаг̇г̇ад̇ад̇араа’’д̇и? ‘‘явааяам̣, бханд̇з, бхигку яаавад̇аа д̣̇вз ваа д̇ийн̣и ваа г̇аамагкзд̇д̇аани ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – аяам̣ имаасам̣ убхиннам̣ жид̇д̇абхааванаанам̣ махаг̇г̇ад̇ад̇араа’’д̇и.
‘‘Taṃ kiṃ maññasi, āvuso kaccāna, yvāyaṃ bhikkhu yāvatā ekaṃ gāmakkhettaṃ ‘mahaggata’nti pharitvā adhimuccitvā viharati, yocāyaṃ bhikkhu yāvatā dve vā tīṇi vā gāmakkhettāni ‘mahaggata’nti pharitvā adhimuccitvā viharati – imāsaṃ ubhinnaṃ cittabhāvanānaṃ katamā cittabhāvanā mahaggatatarā’’ti? ‘‘Yvāyaṃ, bhante, bhikkhu yāvatā dve vā tīṇi vā gāmakkhettāni ‘mahaggata’nti pharitvā adhimuccitvā viharati – ayaṃ imāsaṃ ubhinnaṃ cittabhāvanānaṃ mahaggatatarā’’ti.
‘‘д̇ам̣ гим̣ ман̃н̃аси, аавусо гажжаана, явааяам̣ бхигку яаавад̇аа д̣̇вз ваа д̇ийн̣и ваа г̇аамагкзд̇д̇аани ‘махаг̇г̇ад̇а’нд̇и парид̇ваа ад̇химужжид̇ваа вихарад̇и, яожааяам̣ бхигку яаавад̇аа згам̣ махаараж̇ж̇ам̣ ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – имаасам̣ убхиннам̣ жид̇д̇абхааванаанам̣ гад̇амаа жид̇д̇абхааванаа махаг̇г̇ад̇ад̇араа’’д̇и? ‘‘явааяам̣, бханд̇з, бхигку яаавад̇аа згам̣ махаараж̇ж̇ам̣ ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – аяам̣ имаасам̣ убхиннам̣ жид̇д̇абхааванаанам̣ махаг̇г̇ад̇ад̇араа’’д̇и.
‘‘Taṃ kiṃ maññasi, āvuso kaccāna, yvāyaṃ bhikkhu yāvatā dve vā tīṇi vā gāmakkhettāni ‘mahaggata’nti pharitvā adhimuccitvā viharati, yocāyaṃ bhikkhu yāvatā ekaṃ mahārajjaṃ ‘mahaggata’nti pharitvā adhimuccitvā viharati – imāsaṃ ubhinnaṃ cittabhāvanānaṃ katamā cittabhāvanā mahaggatatarā’’ti? ‘‘Yvāyaṃ, bhante, bhikkhu yāvatā ekaṃ mahārajjaṃ ‘mahaggata’nti pharitvā adhimuccitvā viharati – ayaṃ imāsaṃ ubhinnaṃ cittabhāvanānaṃ mahaggatatarā’’ti.
‘‘д̇ам̣ гим̣ ман̃н̃аси, аавусо гажжаана, явааяам̣ бхигку яаавад̇аа згам̣ махаараж̇ж̇ам̣ ‘махаг̇г̇ад̇а’нд̇и парид̇ваа ад̇химужжид̇ваа вихарад̇и, яожааяам̣ бхигку яаавад̇аа д̣̇вз ваа д̇ийн̣и ваа махаараж̇ж̇аани ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – имаасам̣ убхиннам̣ жид̇д̇абхааванаанам̣ гад̇амаа жид̇д̇абхааванаа махаг̇г̇ад̇ад̇араа’’д̇и? ‘‘явааяам̣, бханд̇з, бхигку яаавад̇аа д̣̇вз ваа д̇ийн̣и ваа махаараж̇ж̇аани ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – аяам̣ имаасам̣ убхиннам̣ жид̇д̇абхааванаанам̣ махаг̇г̇ад̇ад̇араа’’д̇и.
‘‘Taṃ kiṃ maññasi, āvuso kaccāna, yvāyaṃ bhikkhu yāvatā ekaṃ mahārajjaṃ ‘mahaggata’nti pharitvā adhimuccitvā viharati, yocāyaṃ bhikkhu yāvatā dve vā tīṇi vā mahārajjāni ‘mahaggata’nti pharitvā adhimuccitvā viharati – imāsaṃ ubhinnaṃ cittabhāvanānaṃ katamā cittabhāvanā mahaggatatarā’’ti? ‘‘Yvāyaṃ, bhante, bhikkhu yāvatā dve vā tīṇi vā mahārajjāni ‘mahaggata’nti pharitvā adhimuccitvā viharati – ayaṃ imāsaṃ ubhinnaṃ cittabhāvanānaṃ mahaggatatarā’’ti.
‘‘д̇ам̣ гим̣ ман̃н̃аси, аавусо гажжаана, явааяам̣ бхигку яаавад̇аа д̣̇вз ваа д̇ийн̣и ваа махаараж̇ж̇аани ‘махаг̇г̇ад̇а’нд̇и парид̇ваа ад̇химужжид̇ваа вихарад̇и, яожааяам̣ бхигку яаавад̇аа самуд̣̇д̣̇абарияанд̇ам̣ бат̇авим̣ ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – имаасам̣ убхиннам̣ жид̇д̇абхааванаанам̣ гад̇амаа жид̇д̇абхааванаа махаг̇г̇ад̇ад̇араа’’д̇и? ‘‘явааяам̣, бханд̇з, бхигку яаавад̇аа самуд̣̇д̣̇абарияанд̇ам̣ бат̇авим̣ ‘махаг̇г̇ад̇а’нд̇и парид̇ваа ад̇химужжид̇ваа вихарад̇и – аяам̣ имаасам̣ убхиннам̣ жид̇д̇абхааванаанам̣ махаг̇г̇ад̇ад̇араа’’д̇и? ‘‘аяам̣ ко, аавусо гажжаана, хзд̇у аяам̣ бажжаяо, язна д̇аасам̣ д̣̇звад̇аанам̣ згам̣ д̣̇званигааяам̣ убабаннаанам̣ санд̇зд̇т̇а згажжаа д̣̇звад̇аа барид̇д̇аабхаа, санд̇и банзд̇т̇а згажжаа д̣̇звад̇аа аббамаан̣аабхаа’’д̇и.
‘‘Taṃ kiṃ maññasi, āvuso kaccāna, yvāyaṃ bhikkhu yāvatā dve vā tīṇi vā mahārajjāni ‘mahaggata’nti pharitvā adhimuccitvā viharati, yocāyaṃ bhikkhu yāvatā samuddapariyantaṃ pathaviṃ ‘mahaggata’nti pharitvā adhimuccitvā viharati – imāsaṃ ubhinnaṃ cittabhāvanānaṃ katamā cittabhāvanā mahaggatatarā’’ti? ‘‘Yvāyaṃ, bhante, bhikkhu yāvatā samuddapariyantaṃ pathaviṃ ‘mahaggata’nti pharitvā adhimuccitvā viharati – ayaṃ imāsaṃ ubhinnaṃ cittabhāvanānaṃ mahaggatatarā’’ti? ‘‘Ayaṃ kho, āvuso kaccāna, hetu ayaṃ paccayo, yena tāsaṃ devatānaṃ ekaṃ devanikāyaṃ upapannānaṃ santettha ekaccā devatā parittābhā, santi panettha ekaccā devatā appamāṇābhā’’ti.
234. ‘‘саад̇ху, бханд̇з ануруд̣̇д̇ха! ад̇т̇и жа мз зд̇т̇а уд̇д̇арим̣ бадибужчид̇аб̣б̣ам̣. яаавад̇аа 21, бханд̇з, д̣̇звад̇аа аабхаа саб̣б̣аа д̇аа сам̣гилидтаабхаа уд̣̇ааху санд̇зд̇т̇а згажжаа д̣̇звад̇аа барисуд̣̇д̇хаабхаа’’д̇и? ‘‘д̇ад̣̇ан̇г̇зна ко, аавусо гажжаана, санд̇зд̇т̇а згажжаа д̣̇звад̇аа сам̣гилидтаабхаа, санд̇и банзд̇т̇а згажжаа д̣̇звад̇аа барисуд̣̇д̇хаабхаа’’д̇и. ‘‘го ну ко, бханд̇з, ануруд̣̇д̇ха, хзд̇у го бажжаяо, язна д̇аасам̣ д̣̇звад̇аанам̣ згам̣ д̣̇званигааяам̣ убабаннаанам̣ санд̇зд̇т̇а згажжаа д̣̇звад̇аа сам̣гилидтаабхаа, санд̇и банзд̇т̇а згажжаа д̣̇звад̇аа барисуд̣̇д̇хаабхаа’’д̇и?
234. ‘‘Sādhu, bhante anuruddha! Atthi ca me ettha uttariṃ paṭipucchitabbaṃ. Yāvatā 22, bhante, devatā ābhā sabbā tā saṃkiliṭṭhābhā udāhu santettha ekaccā devatā parisuddhābhā’’ti? ‘‘Tadaṅgena kho, āvuso kaccāna, santettha ekaccā devatā saṃkiliṭṭhābhā, santi panettha ekaccā devatā parisuddhābhā’’ti. ‘‘Ko nu kho, bhante, anuruddha, hetu ko paccayo, yena tāsaṃ devatānaṃ ekaṃ devanikāyaṃ upapannānaṃ santettha ekaccā devatā saṃkiliṭṭhābhā, santi panettha ekaccā devatā parisuddhābhā’’ti?
‘‘д̇зна , хаавусо гажжаана, убамам̣ д̇з гариссаами. убамааяабид̇хзгажжз 23 вин̃н̃уу бурисаа бхаасид̇асса ад̇т̇ам̣ ааж̇аананд̇и. сзяяат̇ааби, аавусо гажжаана, д̇злаббад̣̇ийбасса жхааяад̇о д̇зламби абарисуд̣̇д̇хам̣ ваддиби абарисуд̣̇д̇хаа. со д̇злассаби абарисуд̣̇д̇хад̇д̇аа ваддияааби абарисуд̣̇д̇хад̇д̇аа анд̇ханд̇хам̣ вияа жхааяад̇и; звамзва ко, аавусо гажжаана, ид̇хзгажжо бхигку ‘сам̣гилидтаабхаа’д̇и парид̇ваа ад̇химужжид̇ваа вихарад̇и, д̇асса гааяад̣̇удтулламби на суббадиббассад̣̇д̇хам̣ ход̇и, т̇инамид̣̇д̇хамби на сусамуухад̇ам̣ ход̇и , уд̣̇д̇хажжагуггужжамби на суббадивинийд̇ам̣ ход̇и. со гааяад̣̇удтуллассаби на суббадиббассад̣̇д̇хад̇д̇аа т̇инамид̣̇д̇хассаби на сусамуухад̇ад̇д̇аа уд̣̇д̇хажжагуггужжассаби на суббадивинийд̇ад̇д̇аа анд̇ханд̇хам̣ вияа жхааяад̇и. со гааяасса бхзд̣̇аа барам̣ маран̣аа сам̣гилидтаабхаанам̣ д̣̇зваанам̣ сахаб̣яад̇ам̣ убабаж̇ж̇ад̇и. сзяяат̇ааби, аавусо гажжаана, д̇злаббад̣̇ийбасса жхааяад̇о д̇зламби барисуд̣̇д̇хам̣ ваддиби барисуд̣̇д̇хаа. со д̇злассаби барисуд̣̇д̇хад̇д̇аа ваддияааби барисуд̣̇д̇хад̇д̇аа на анд̇ханд̇хам̣ вияа жхааяад̇и; звамзва ко, аавусо гажжаана, ид̇хзгажжо бхигку ‘барисуд̣̇д̇хаабхаа’д̇и парид̇ваа ад̇химужжид̇ваа вихарад̇и. д̇асса гааяад̣̇удтулламби суббадиббассад̣̇д̇хам̣ ход̇и, т̇инамид̣̇д̇хамби сусамуухад̇ам̣ ход̇и, уд̣̇д̇хажжагуггужжамби суббадивинийд̇ам̣ ход̇и. со гааяад̣̇удтуллассаби суббадиббассад̣̇д̇хад̇д̇аа т̇инамид̣̇д̇хассаби сусамуухад̇ад̇д̇аа уд̣̇д̇хажжагуггужжассаби суббадивинийд̇ад̇д̇аа на анд̇ханд̇хам̣ вияа жхааяад̇и. со гааяасса бхзд̣̇аа барам̣ маран̣аа барисуд̣̇д̇хаабхаанам̣ д̣̇зваанам̣ сахаб̣яад̇ам̣ убабаж̇ж̇ад̇и. аяам̣ ко, аавусо гажжаана, хзд̇у аяам̣ бажжаяо язна д̇аасам̣ д̣̇звад̇аанам̣ згам̣ д̣̇званигааяам̣ убабаннаанам̣ санд̇зд̇т̇а згажжаа д̣̇звад̇аа сам̣гилидтаабхаа, санд̇и банзд̇т̇а згажжаа д̣̇звад̇аа барисуд̣̇д̇хаабхаа’’д̇и.
‘‘Tena , hāvuso kaccāna, upamaṃ te karissāmi. Upamāyapidhekacce 24 viññū purisā bhāsitassa atthaṃ ājānanti. Seyyathāpi, āvuso kaccāna, telappadīpassa jhāyato telampi aparisuddhaṃ vaṭṭipi aparisuddhā. So telassapi aparisuddhattā vaṭṭiyāpi aparisuddhattā andhandhaṃ viya jhāyati; evameva kho, āvuso kaccāna, idhekacco bhikkhu ‘saṃkiliṭṭhābhā’ti pharitvā adhimuccitvā viharati, tassa kāyaduṭṭhullampi na suppaṭippassaddhaṃ hoti, thinamiddhampi na susamūhataṃ hoti , uddhaccakukkuccampi na suppaṭivinītaṃ hoti. So kāyaduṭṭhullassapi na suppaṭippassaddhattā thinamiddhassapi na susamūhatattā uddhaccakukkuccassapi na suppaṭivinītattā andhandhaṃ viya jhāyati. So kāyassa bhedā paraṃ maraṇā saṃkiliṭṭhābhānaṃ devānaṃ sahabyataṃ upapajjati. Seyyathāpi, āvuso kaccāna, telappadīpassa jhāyato telampi parisuddhaṃ vaṭṭipi parisuddhā. So telassapi parisuddhattā vaṭṭiyāpi parisuddhattā na andhandhaṃ viya jhāyati; evameva kho, āvuso kaccāna, idhekacco bhikkhu ‘parisuddhābhā’ti pharitvā adhimuccitvā viharati. Tassa kāyaduṭṭhullampi suppaṭippassaddhaṃ hoti, thinamiddhampi susamūhataṃ hoti, uddhaccakukkuccampi suppaṭivinītaṃ hoti. So kāyaduṭṭhullassapi suppaṭippassaddhattā thinamiddhassapi susamūhatattā uddhaccakukkuccassapi suppaṭivinītattā na andhandhaṃ viya jhāyati. So kāyassa bhedā paraṃ maraṇā parisuddhābhānaṃ devānaṃ sahabyataṃ upapajjati. Ayaṃ kho, āvuso kaccāna, hetu ayaṃ paccayo yena tāsaṃ devatānaṃ ekaṃ devanikāyaṃ upapannānaṃ santettha ekaccā devatā saṃkiliṭṭhābhā, santi panettha ekaccā devatā parisuddhābhā’’ti.
235. звам̣ вуд̇д̇з, ааяасмаа сабхияо гажжаано ааяасманд̇ам̣ ануруд̣̇д̇хам̣ зд̇ад̣̇авожа – ‘‘саад̇ху, бханд̇з ануруд̣̇д̇ха! на, бханд̇з, ааяасмаа ануруд̣̇д̇хо звамааха – ‘звам̣ мз суд̇а’нд̇и ваа ‘звам̣ арахад̇и бхавид̇у’нд̇и ваа; ат̇а жа бана, бханд̇з, ааяасмаа ануруд̣̇д̇хо ‘звамби д̇аа д̣̇звад̇аа , ид̇иби д̇аа д̣̇звад̇аа’д̇взва бхаасад̇и. д̇асса маяхам̣, бханд̇з, звам̣ ход̇и – ‘ад̣̇д̇хаа ааяасмад̇аа ануруд̣̇д̇хзна д̇аахи д̣̇звад̇аахи сад̣̇д̇хим̣ саннивуд̇т̇абуб̣б̣ан̃жзва саллабид̇абуб̣б̣ан̃жа саагажчаа жа самаабаж̇ж̇ид̇абуб̣б̣аа’’’д̇и. ‘‘ад̣̇д̇хаа ко аяам̣, аавусо гажжаана, аасаж̇ж̇а убанийяа ваажаа бхаасид̇аа, аби жа д̇з ахам̣ б̣яаагариссаами – ‘д̣̇ийгхарад̇д̇ам̣ ко мз, аавусо гажжаана, д̇аахи д̣̇звад̇аахи сад̣̇д̇хим̣ саннивуд̇т̇абуб̣б̣ан̃жзва саллабид̇абуб̣б̣ан̃жа саагажчаа жа самаабаж̇ж̇ид̇абуб̣б̣аа’’’д̇и.
235. Evaṃ vutte, āyasmā sabhiyo kaccāno āyasmantaṃ anuruddhaṃ etadavoca – ‘‘sādhu, bhante anuruddha! Na, bhante, āyasmā anuruddho evamāha – ‘evaṃ me suta’nti vā ‘evaṃ arahati bhavitu’nti vā; atha ca pana, bhante, āyasmā anuruddho ‘evampi tā devatā , itipi tā devatā’tveva bhāsati. Tassa mayhaṃ, bhante, evaṃ hoti – ‘addhā āyasmatā anuruddhena tāhi devatāhi saddhiṃ sannivutthapubbañceva sallapitapubbañca sākacchā ca samāpajjitapubbā’’’ti. ‘‘Addhā kho ayaṃ, āvuso kaccāna, āsajja upanīya vācā bhāsitā, api ca te ahaṃ byākarissāmi – ‘dīgharattaṃ kho me, āvuso kaccāna, tāhi devatāhi saddhiṃ sannivutthapubbañceva sallapitapubbañca sākacchā ca samāpajjitapubbā’’’ti.
ануруд̣̇д̇хасуд̇д̇ам̣ нидтид̇ам̣ сад̇д̇амам̣.
Anuruddhasuttaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. ануруд̣̇д̇хасуд̇д̇аван̣н̣анаа • 7. Anuruddhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. ануруд̣̇д̇хасуд̇д̇аван̣н̣анаа • 7. Anuruddhasuttavaṇṇanā
