| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. அனுருத்³த⁴ஸுத்தவண்ணனா
6. Anuruddhasuttavaṇṇanā
226. ச²ட்டே² புராணது³தியிகாதி அனந்தரே அத்தபா⁴வே அக்³க³மஹேஸீ. ஸோப⁴ஸீதி புப்³பே³பி ஸோப⁴ஸி, இதா³னிபி ஸோப⁴ஸி. து³க்³க³தாதி ந க³திது³க்³க³தியா து³க்³க³தா. தா ஹி ஸுக³தியங் டி²தா ஸம்பத்திங் அனுப⁴வந்தி, படிபத்திது³க்³க³தியா பன து³க்³க³தா. ததோ சுதா ஹி தா நிரயேபி உபபஜ்ஜந்தீதி து³க்³க³தா. பதிட்டி²தாதி ஸக்காயஸ்மிங் ஹி பதிட்ட²ஹந்தோ அட்ட²ஹி காரணேஹி பதிட்டா²தி – ரத்தோ ராக³வஸேன பதிட்டா²தி, து³ட்டோ² தோ³ஸவஸேன… மூள்ஹோ மோஹவஸேன… வினிப³த்³தோ⁴ மானவஸேன… பராமட்டோ² தி³ட்டி²வஸேன… தா²மக³தோ அனுஸயவஸேன… அனிட்ட²ங்க³தோ விசிகிச்சா²வஸேன… விக்கே²பக³தோ உத்³த⁴ச்சவஸேன பதிட்டா²தி. தாபி ஏவங் பதிட்டி²தாவ. நரதே³வானந்தி தே³வனரானங்.
226. Chaṭṭhe purāṇadutiyikāti anantare attabhāve aggamahesī. Sobhasīti pubbepi sobhasi, idānipi sobhasi. Duggatāti na gatiduggatiyā duggatā. Tā hi sugatiyaṃ ṭhitā sampattiṃ anubhavanti, paṭipattiduggatiyā pana duggatā. Tato cutā hi tā nirayepi upapajjantīti duggatā. Patiṭṭhitāti sakkāyasmiṃ hi patiṭṭhahanto aṭṭhahi kāraṇehi patiṭṭhāti – ratto rāgavasena patiṭṭhāti, duṭṭho dosavasena… mūḷho mohavasena… vinibaddho mānavasena… parāmaṭṭho diṭṭhivasena… thāmagato anusayavasena… aniṭṭhaṅgato vicikicchāvasena… vikkhepagato uddhaccavasena patiṭṭhāti. Tāpi evaṃ patiṭṭhitāva. Naradevānanti devanarānaṃ.
நத்தி² தா³னீதி ஸா கிர தே³வதீ⁴தா தே²ரே ப³லவஸினேஹா அஹோஸி, படிக³ந்துங் நாஸக்கி². காலேன ஆக³ந்த்வா பரிவேணங் ஸம்மஜ்ஜதி, முகோ²த³கங் த³ந்தகட்ட²ங் பானீயங் பரிபோ⁴ஜனீயங் உபட்ட²பேதி. தே²ரோ அனாவஜ்ஜனேன பரிபு⁴ஞ்ஜதி. ஏகஸ்மிங் தி³வஸே தே²ரஸ்ஸ ஜிண்ணசீவரஸ்ஸ சோளகபி⁴க்க²ங் சரதோ ஸங்காரகூடே தி³ப்³ப³து³ஸ்ஸங் ட²பெத்வா பக்கமி. தே²ரோ தங் தி³ஸ்வா உக்கி²பித்வா, ஓலோகெந்தோ து³ஸ்ஸந்தங் தி³ஸ்வா ‘‘து³ஸ்ஸமேத’’ந்தி ஞத்வா, ‘‘அலங் எத்தாவதா’’தி அக்³க³ஹேஸி. தேனேவஸ்ஸ சீவரங் நிட்டா²ஸி. அத² த்³வே அக்³க³ஸாவகா அனுருத்³த⁴த்தே²ரோ சாதி தயோ ஜனா சீவரங் கரிங்ஸு. ஸத்தா² ஸூசிங் யோஜெத்வா அதா³ஸி. நிட்டி²தசீவரஸ்ஸ பிண்டா³ய சரதோ தே³வதா பிண்ட³பாதங் ஸமாத³பேதி. ஸா காலேன ஏகிகா, காலேன அத்தது³தியா தே²ரஸ்ஸ ஸந்திகங் ஆக³ச்ச²தி. ததா³ பன அத்தததியா ஆக³ந்த்வா தி³வாட்டா²னே தே²ரங் உபஸங்கமித்வா – ‘‘மயங் மனாபகாயிகா நாம மனஸா இச்சி²திச்சி²தரூபங் மாபேமா’’தி ஆஹ. தே²ரோ – ‘‘ஏதா ஏவங் வத³ந்தி, வீமங்ஸிஸ்ஸாமி, ஸப்³பா³ நீலகா ஹொந்தூ’’தி சிந்தேஸி. தா தே²ரஸ்ஸ மனங் ஞத்வா ஸப்³பா³வ நீலவண்ணா அஹேஸுங், ஏவங் பீதலோஹிதஓதா³தவண்ணாதி. ததோ சிந்தயிங்ஸு – ‘‘தே²ரோ அம்ஹாகங் த³ஸ்ஸனங் அஸ்ஸாதே³தீ’’தி தா ஸமஜ்ஜங் காதுங் ஆரத்³தா⁴, ஏகாபி கா³யி, ஏகாபி நச்சி, ஏகாபி அச்ச²ரங் பஹரி. தே²ரோ இந்த்³ரியானி ஒக்கி²பி. ததோ – ‘‘ந அம்ஹாகங் த³ஸ்ஸனங் தே²ரோ அஸ்ஸாதே³தீ’’தி ஞத்வா ஸினேஹங் வா ஸந்த²வங் வா அலப⁴மானா நிப்³பி³ந்தி³த்வா க³ந்துமாரத்³தா⁴. தே²ரோ தாஸங் க³மனபா⁴வங் ஞத்வா – ‘‘மா புனப்புனங் ஆக³ச்சி²ங்ஸூ’’தி அரஹத்தங் ப்³யாகரொந்தோ இமங் கா³த²மாஹ. தத்த² விக்கீ²ணோதி கீ²ணோ. ஜாதிஸங்ஸாரோதி தத்த² தத்த² ஜாதிஸங்கா²தோ ஸங்ஸாரோ. ச²ட்ட²ங்.
Natthi dānīti sā kira devadhītā there balavasinehā ahosi, paṭigantuṃ nāsakkhi. Kālena āgantvā pariveṇaṃ sammajjati, mukhodakaṃ dantakaṭṭhaṃ pānīyaṃ paribhojanīyaṃ upaṭṭhapeti. Thero anāvajjanena paribhuñjati. Ekasmiṃ divase therassa jiṇṇacīvarassa coḷakabhikkhaṃ carato saṅkārakūṭe dibbadussaṃ ṭhapetvā pakkami. Thero taṃ disvā ukkhipitvā, olokento dussantaṃ disvā ‘‘dussameta’’nti ñatvā, ‘‘alaṃ ettāvatā’’ti aggahesi. Tenevassa cīvaraṃ niṭṭhāsi. Atha dve aggasāvakā anuruddhatthero cāti tayo janā cīvaraṃ kariṃsu. Satthā sūciṃ yojetvā adāsi. Niṭṭhitacīvarassa piṇḍāya carato devatā piṇḍapātaṃ samādapeti. Sā kālena ekikā, kālena attadutiyā therassa santikaṃ āgacchati. Tadā pana attatatiyā āgantvā divāṭṭhāne theraṃ upasaṅkamitvā – ‘‘mayaṃ manāpakāyikā nāma manasā icchiticchitarūpaṃ māpemā’’ti āha. Thero – ‘‘etā evaṃ vadanti, vīmaṃsissāmi, sabbā nīlakā hontū’’ti cintesi. Tā therassa manaṃ ñatvā sabbāva nīlavaṇṇā ahesuṃ, evaṃ pītalohitaodātavaṇṇāti. Tato cintayiṃsu – ‘‘thero amhākaṃ dassanaṃ assādetī’’ti tā samajjaṃ kātuṃ āraddhā, ekāpi gāyi, ekāpi nacci, ekāpi accharaṃ pahari. Thero indriyāni okkhipi. Tato – ‘‘na amhākaṃ dassanaṃ thero assādetī’’ti ñatvā sinehaṃ vā santhavaṃ vā alabhamānā nibbinditvā gantumāraddhā. Thero tāsaṃ gamanabhāvaṃ ñatvā – ‘‘mā punappunaṃ āgacchiṃsū’’ti arahattaṃ byākaronto imaṃ gāthamāha. Tattha vikkhīṇoti khīṇo. Jātisaṃsāroti tattha tattha jātisaṅkhāto saṃsāro. Chaṭṭhaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. அனுருத்³த⁴ஸுத்தங் • 6. Anuruddhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. அனுருத்³த⁴ஸுத்தவண்ணனா • 6. Anuruddhasuttavaṇṇanā
