| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
7. ануруд̣̇д̇хасуд̇д̇аван̣н̣анаа
7. Anuruddhasuttavaṇṇanā
230. звам̣ мз суд̇анд̇и ануруд̣̇д̇хасуд̇д̇ам̣. д̇ад̇т̇а звамаахам̣сууд̇и д̇асса убаасагасса апаасугагаало ахоси, д̇ад̣̇аа убасан̇гамид̇ваа звамаахам̣су. абан̣н̣аганд̇и авираад̇хид̇ам̣. згад̇т̇аад̇и аббамаан̣аад̇и ваа махаг̇г̇ад̇аад̇и ваа жхаанамзва жид̇д̇згаг̇г̇ад̇ааязва звам̣ вужжад̇ийд̇и имам̣ санд̇хааяа звамааха.
230.Evaṃme sutanti anuruddhasuttaṃ. Tattha evamāhaṃsūti tassa upāsakassa aphāsukakālo ahosi, tadā upasaṅkamitvā evamāhaṃsu. Apaṇṇakanti avirādhitaṃ. Ekatthāti appamāṇāti vā mahaggatāti vā jhānameva cittekaggatāyeva evaṃ vuccatīti imaṃ sandhāya evamāha.
231. яаавад̇аа згам̣ ругкамуулам̣ махаг̇г̇ад̇анд̇и парид̇ваа ад̇химужжид̇ваа вихарад̇ийд̇и згаругкамуулабамаан̣адтаанам̣ гасин̣анимид̇д̇зна од̇т̇арид̇ваа д̇асмим̣ гасин̣анимид̇д̇з махаг̇г̇ад̇аж̇жхаанам̣ парид̇ваа ад̇химужжид̇ваа вихарад̇и. махаг̇г̇ад̇анд̇и банасса аабхог̇о над̇т̇и, гзвалам̣ махаг̇г̇ад̇аж̇жхаанабавад̇д̇ивасзна банзд̇ам̣ вуд̇д̇ам̣. зса наяо саб̣б̣ад̇т̇а. иминаа ко зд̇ам̣ г̇ахабад̇и барияааязнаад̇и иминаа гааран̣зна. зд̇т̇а хи аббамаан̣аад̇и вуд̇д̇аанам̣ б̣рахмавихаараанам̣ нимид̇д̇ам̣ на вад̣дхад̇и, уг̇гхааданам̣ на ж̇ааяад̇и, д̇аани жхаанаани абхин̃н̃аанам̣ ваа нирод̇хасса ваа баад̣̇агаани на хонд̇и, вибассанаабаад̣̇агаани бана ваддабаад̣̇агаани бхавоггаманаани жа хонд̇и. ‘‘махаг̇г̇ад̇аа’’д̇и вуд̇д̇аанам̣ бана гасин̣аж̇жхаанаанам̣ нимид̇д̇ам̣ вад̣дхад̇и, уг̇гхааданам̣ ж̇ааяад̇и, самад̇иггамаа хонд̇и, абхин̃н̃аабаад̣̇агаани нирод̇хабаад̣̇агаани ваддабаад̣̇агаани бхавоггаманаани жа хонд̇и. звамимз д̇хаммаа наанад̇т̇аа, аббамаан̣аа махаг̇г̇ад̇аад̇и звам̣ наанааб̣яан̃ж̇анаа жа.
231.Yāvatāekaṃ rukkhamūlaṃ mahaggatanti pharitvā adhimuccitvā viharatīti ekarukkhamūlapamāṇaṭṭhānaṃ kasiṇanimittena ottharitvā tasmiṃ kasiṇanimitte mahaggatajjhānaṃ pharitvā adhimuccitvā viharati. Mahaggatanti panassa ābhogo natthi, kevalaṃ mahaggatajjhānapavattivasena panetaṃ vuttaṃ. Esa nayo sabbattha. Iminā kho etaṃ gahapati pariyāyenāti iminā kāraṇena. Ettha hi appamāṇāti vuttānaṃ brahmavihārānaṃ nimittaṃ na vaḍḍhati, ugghāṭanaṃ na jāyati, tāni jhānāni abhiññānaṃ vā nirodhassa vā pādakāni na honti, vipassanāpādakāni pana vaṭṭapādakāni bhavokkamanāni ca honti. ‘‘Mahaggatā’’ti vuttānaṃ pana kasiṇajjhānānaṃ nimittaṃ vaḍḍhati, ugghāṭanaṃ jāyati, samatikkamā honti, abhiññāpādakāni nirodhapādakāni vaṭṭapādakāni bhavokkamanāni ca honti. Evamime dhammā nānatthā, appamāṇā mahaggatāti evaṃ nānābyañjanā ca.
232. ид̣̇аани махаг̇г̇ад̇асамаабад̇д̇ид̇о нийхарид̇ваа бхавуубабад̇д̇игааран̣ам̣ д̣̇ассзнд̇о жад̇ассо ко имаад̇иаад̣̇имааха. барид̇д̇аабхаад̇и парид̇ваа ж̇аананд̇асса аяамаабхог̇о ад̇т̇и, барид̇д̇аабхзсу бана д̣̇звзсу ниб̣б̣ад̇д̇игааран̣ам̣ жхаанам̣ бхаавзнд̇о звам̣ вуд̇д̇о. зса наяо саб̣б̣ад̇т̇а. барид̇д̇аабхаа сияаа сам̣гилидтаабхаа хонд̇и сияаа барисуд̣̇д̇хаабхаа, аббамаан̣аабхаа сияаа сам̣гилидтаабхаа хонд̇и сияаа барисуд̣̇д̇хаабхаа. гат̇ам̣? суббамад̇д̇з ваа сараавамад̇д̇з ваа гасин̣абаригаммам̣ гад̇ваа самаабад̇д̇им̣ ниб̣б̣ад̇д̇зд̇ваа бан̃жахаагаарзхи аажин̣н̣авасибхааво бажжанийгад̇хаммаанам̣ судту абарисод̇хид̇ад̇д̇аа д̣̇уб̣б̣аламзва самаабад̇д̇им̣ вал̣ан̃ж̇ид̇ваа аббаг̇ун̣аж̇жхаанз тид̇о гаалам̣ гад̇ваа барид̇д̇аабхзсу ниб̣б̣ад̇д̇ад̇и, ван̣н̣о банасса барид̇д̇о жзва ход̇и сам̣гилидто жа. бан̃жахи банаагаарзхи аажин̣н̣авасибхааво бажжанийгад̇хаммаанам̣ судту барисод̇хид̇ад̇д̇аа сувисуд̣̇д̇хам̣ самаабад̇д̇им̣ вал̣ан̃ж̇ид̇ваа баг̇ун̣аж̇жхаанз тид̇о гаалам̣ гад̇ваа барид̇д̇аабхзсу ниб̣б̣ад̇д̇ад̇и, ван̣н̣о банасса барид̇д̇о жзва ход̇и барисуд̣̇д̇хо жа. звам̣ барид̇д̇аабхаа сияаа сам̣гилидтаабхаа хонд̇и сияаа барисуд̣̇д̇хаабхаа. гасин̣з бана вибулабаригаммам̣ гад̇ваа самаабад̇д̇им̣ ниб̣б̣ад̇д̇зд̇ваа бан̃жахаагаарзхи аажин̣н̣авасибхаавод̇и саб̣б̣ам̣ буримасад̣̇исамзва взд̣̇ид̇аб̣б̣ам̣. звам̣ аббамаан̣аабхаа сияаа сам̣гилидтаабхаа хонд̇и сияаа барисуд̣̇д̇хаабхаад̇и.
232. Idāni mahaggatasamāpattito nīharitvā bhavūpapattikāraṇaṃ dassento catasso kho imātiādimāha. Parittābhāti pharitvā jānantassa ayamābhogo atthi, parittābhesu pana devesu nibbattikāraṇaṃ jhānaṃ bhāvento evaṃ vutto. Esa nayo sabbattha. Parittābhā siyā saṃkiliṭṭhābhā honti siyā parisuddhābhā, appamāṇābhā siyā saṃkiliṭṭhābhā honti siyā parisuddhābhā. Kathaṃ? Suppamatte vā sarāvamatte vā kasiṇaparikammaṃ katvā samāpattiṃ nibbattetvā pañcahākārehi āciṇṇavasibhāvo paccanīkadhammānaṃ suṭṭhu aparisodhitattā dubbalameva samāpattiṃ vaḷañjitvā appaguṇajjhāne ṭhito kālaṃ katvā parittābhesu nibbattati, vaṇṇo panassa paritto ceva hoti saṃkiliṭṭho ca. Pañcahi panākārehi āciṇṇavasibhāvo paccanīkadhammānaṃ suṭṭhu parisodhitattā suvisuddhaṃ samāpattiṃ vaḷañjitvā paguṇajjhāne ṭhito kālaṃ katvā parittābhesu nibbattati, vaṇṇo panassa paritto ceva hoti parisuddho ca. Evaṃ parittābhā siyā saṃkiliṭṭhābhā honti siyā parisuddhābhā. Kasiṇe pana vipulaparikammaṃ katvā samāpattiṃ nibbattetvā pañcahākārehi āciṇṇavasibhāvoti sabbaṃ purimasadisameva veditabbaṃ. Evaṃ appamāṇābhā siyā saṃkiliṭṭhābhā honti siyā parisuddhābhāti.
ван̣н̣анаанад̇д̇анд̇и сарийраван̣н̣асса наанад̇д̇ам̣. но жа аабхаанаанад̇д̇анд̇и аалогз наанад̇д̇ам̣ на бан̃н̃ааяад̇и. ажжинаанад̇д̇анд̇и д̣̇ийгхарассаан̣ут̇уулавасзна ажжияаа наанад̇д̇ам̣.
Vaṇṇanānattanti sarīravaṇṇassa nānattaṃ. No ca ābhānānattanti āloke nānattaṃ na paññāyati. Accinānattanti dīgharassaaṇuthūlavasena acciyā nānattaṃ.
яад̇т̇а яад̇т̇аад̇и уяяаанавимаанагаббаругканад̣̇ийд̇ийрабогкаран̣ийд̇ийрзсу яад̇т̇а яад̇т̇а. абхинивисанд̇ийд̇и васанд̇и. абхираманд̇ийд̇и раманд̇и на угган̣танд̇и. гааж̇знаад̇и яааг̇убхад̇д̇ад̇злапаан̣ид̇амажчамам̣сагааж̇зсу язна гзнажи гааж̇зна. ‘‘гаажзнаад̇и’’би баато, аяамзва ад̇т̇о. бидагзнаад̇и бажчияаа. д̇ад̇т̇а д̇ад̇т̇зваад̇и саббимад̇хупаан̣ид̇аад̣̇ийнам̣ сулабхадтаанад̇о лон̣абууд̇имажчаад̣̇ийнам̣ уссаннадтаанам̣ нийд̇аа ‘‘буб̣б̣з амхаагам̣ васанадтаанам̣ паасугам̣, д̇ад̇т̇а сукам̣ васимхаа, ид̇ха лон̣ам̣ ваа но б̣аад̇хад̇и бууд̇имажчаг̇анд̇хо ваа сийсарог̇ам̣ уббаад̣̇зд̇ий’’д̇и звам̣ жид̇д̇ам̣ ануббаад̣̇зд̇ваа д̇ад̇т̇а д̇ад̇т̇зва раманд̇и.
Yattha yatthāti uyyānavimānakapparukkhanadītīrapokkharaṇītīresu yattha yattha. Abhinivisantīti vasanti. Abhiramantīti ramanti na ukkaṇṭhanti. Kājenāti yāgubhattatelaphāṇitamacchamaṃsakājesu yena kenaci kājena. ‘‘Kācenāti’’pi pāṭho, ayameva attho. Piṭakenāti pacchiyā. Tattha tatthevāti sappimadhuphāṇitādīnaṃ sulabhaṭṭhānato loṇapūtimacchādīnaṃ ussannaṭṭhānaṃ nītā ‘‘pubbe amhākaṃ vasanaṭṭhānaṃ phāsukaṃ, tattha sukhaṃ vasimhā, idha loṇaṃ vā no bādhati pūtimacchagandho vā sīsarogaṃ uppādetī’’ti evaṃ cittaṃ anuppādetvā tattha tattheva ramanti.
234. аабхаад̇и аабхаасамбаннаа. д̇ад̣̇ан̇г̇знаад̇и д̇ассаа бхавуубабад̇д̇ияаа ан̇г̇зна, бхавуубабад̇д̇игааран̣знаад̇и ад̇т̇о. ид̣̇аани д̇ам̣ гааран̣ам̣ бужчанд̇о го ну ко, бханд̇зд̇иаад̣̇имааха.
234.Ābhāti ābhāsampannā. Tadaṅgenāti tassā bhavūpapattiyā aṅgena, bhavūpapattikāraṇenāti attho. Idāni taṃ kāraṇaṃ pucchanto ko nu kho, bhantetiādimāha.
гааяад̣̇удтулланд̇и гааяааласияабхааво. жхааяад̇од̇и ж̇алад̇о.
Kāyaduṭṭhullanti kāyālasiyabhāvo. Jhāyatoti jalato.
235. д̣̇ийгхарад̇д̇ам̣ ко мзд̇и т̇зро гира баарамияо буурзнд̇о исибаб̣б̣аж̇ж̇ам̣ баб̣б̣аж̇ид̇ваа самаабад̇д̇им̣ ниб̣б̣ад̇д̇зд̇ваа ниранд̇арам̣ д̇ийн̣и ад̇д̇абхаавасад̇аани б̣рахмалогз бадилабхи, д̇ам̣ санд̇хааязд̇ам̣ ааха. вуд̇д̇амби жзд̇ам̣ –
235.Dīgharattaṃ kho meti thero kira pāramiyo pūrento isipabbajjaṃ pabbajitvā samāpattiṃ nibbattetvā nirantaraṃ tīṇi attabhāvasatāni brahmaloke paṭilabhi, taṃ sandhāyetaṃ āha. Vuttampi cetaṃ –
‘‘авогин̣н̣ам̣ д̇ийн̣и сад̇ам̣, яам̣ баб̣б̣аж̇им̣ исибаб̣б̣аж̇ж̇ам̣;
‘‘Avokiṇṇaṃ tīṇi sataṃ, yaṃ pabbajiṃ isipabbajjaṃ;
асан̇кад̇ам̣ г̇авзсанд̇о, буб̣б̣з сан̃жарид̇ам̣ мама’’нд̇и.
Asaṅkhataṃ gavesanto, pubbe sañcaritaṃ mama’’nti.
сзсам̣ саб̣б̣ад̇т̇а уд̇д̇аанамзваад̇и.
Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
ануруд̣̇д̇хасуд̇д̇аван̣н̣анаа нидтид̇аа.
Anuruddhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. ануруд̣̇д̇хасуд̇д̇ам̣ • 7. Anuruddhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. ануруд̣̇д̇хасуд̇д̇аван̣н̣анаа • 7. Anuruddhasuttavaṇṇanā
