| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. ануруд̣̇д̇хасуд̇д̇аван̣н̣анаа
6. Anuruddhasuttavaṇṇanā
226. чадтз бураан̣ад̣̇уд̇ияигаад̇и ананд̇арз ад̇д̇абхаавз аг̇г̇амахзсий. собхасийд̇и буб̣б̣зби собхаси, ид̣̇ааниби собхаси. д̣̇уг̇г̇ад̇аад̇и на г̇ад̇ид̣̇уг̇г̇ад̇ияаа д̣̇уг̇г̇ад̇аа. д̇аа хи суг̇ад̇ияам̣ тид̇аа самбад̇д̇им̣ анубхаванд̇и, бадибад̇д̇ид̣̇уг̇г̇ад̇ияаа бана д̣̇уг̇г̇ад̇аа. д̇ад̇о жуд̇аа хи д̇аа нираязби убабаж̇ж̇анд̇ийд̇и д̣̇уг̇г̇ад̇аа. бад̇идтид̇аад̇и саггааяасмим̣ хи бад̇идтаханд̇о адтахи гааран̣зхи бад̇идтаад̇и – рад̇д̇о рааг̇авасзна бад̇идтаад̇и, д̣̇удто д̣̇осавасзна… муул̣хо мохавасзна… виниб̣ад̣̇д̇хо маанавасзна… бараамадто д̣̇идтивасзна… т̇аамаг̇ад̇о анусаяавасзна… анидтан̇г̇ад̇о вижигижчаавасзна… вигкзбаг̇ад̇о уд̣̇д̇хажжавасзна бад̇идтаад̇и. д̇ааби звам̣ бад̇идтид̇аава. нарад̣̇зваананд̇и д̣̇званараанам̣.
226. Chaṭṭhe purāṇadutiyikāti anantare attabhāve aggamahesī. Sobhasīti pubbepi sobhasi, idānipi sobhasi. Duggatāti na gatiduggatiyā duggatā. Tā hi sugatiyaṃ ṭhitā sampattiṃ anubhavanti, paṭipattiduggatiyā pana duggatā. Tato cutā hi tā nirayepi upapajjantīti duggatā. Patiṭṭhitāti sakkāyasmiṃ hi patiṭṭhahanto aṭṭhahi kāraṇehi patiṭṭhāti – ratto rāgavasena patiṭṭhāti, duṭṭho dosavasena… mūḷho mohavasena… vinibaddho mānavasena… parāmaṭṭho diṭṭhivasena… thāmagato anusayavasena… aniṭṭhaṅgato vicikicchāvasena… vikkhepagato uddhaccavasena patiṭṭhāti. Tāpi evaṃ patiṭṭhitāva. Naradevānanti devanarānaṃ.
над̇т̇и д̣̇аанийд̇и саа гира д̣̇звад̇хийд̇аа т̇зрз б̣алавасинзхаа ахоси, бадиг̇анд̇ум̣ наасагки. гаалзна ааг̇анд̇ваа баривзн̣ам̣ саммаж̇ж̇ад̇и, мукод̣̇агам̣ д̣̇анд̇агадтам̣ баанийяам̣ барибхож̇анийяам̣ убадтабзд̇и. т̇зро анааваж̇ж̇анзна барибхун̃ж̇ад̇и. згасмим̣ д̣̇ивасз т̇зрасса ж̇ин̣н̣ажийварасса жол̣агабхигкам̣ жарад̇о сан̇гаарагуудз д̣̇иб̣б̣ад̣̇уссам̣ табзд̇ваа баггами. т̇зро д̇ам̣ д̣̇исваа угкибид̇ваа, ологзнд̇о д̣̇уссанд̇ам̣ д̣̇исваа ‘‘д̣̇уссамзд̇а’’нд̇и н̃ад̇ваа, ‘‘алам̣ зд̇д̇аавад̇аа’’д̇и аг̇г̇ахзси. д̇знзвасса жийварам̣ нидтааси. ат̇а д̣̇вз аг̇г̇асаавагаа ануруд̣̇д̇хад̇т̇зро жаад̇и д̇аяо ж̇анаа жийварам̣ гарим̣су. сад̇т̇аа суужим̣ яож̇зд̇ваа ад̣̇ааси. нидтид̇ажийварасса бин̣д̣ааяа жарад̇о д̣̇звад̇аа бин̣д̣абаад̇ам̣ самаад̣̇абзд̇и. саа гаалзна згигаа, гаалзна ад̇д̇ад̣̇уд̇ияаа т̇зрасса санд̇игам̣ ааг̇ажчад̇и. д̇ад̣̇аа бана ад̇д̇ад̇ад̇ияаа ааг̇анд̇ваа д̣̇иваадтаанз т̇зрам̣ убасан̇гамид̇ваа – ‘‘маяам̣ манаабагааяигаа наама манасаа ижчид̇ижчид̇аруубам̣ маабзмаа’’д̇и ааха. т̇зро – ‘‘зд̇аа звам̣ вад̣̇анд̇и, виймам̣сиссаами, саб̣б̣аа нийлагаа хонд̇уу’’д̇и жинд̇зси. д̇аа т̇зрасса манам̣ н̃ад̇ваа саб̣б̣аава нийлаван̣н̣аа ахзсум̣, звам̣ бийд̇алохид̇аод̣̇аад̇аван̣н̣аад̇и. д̇ад̇о жинд̇аяим̣су – ‘‘т̇зро амхаагам̣ д̣̇ассанам̣ ассаад̣̇зд̇ий’’д̇и д̇аа самаж̇ж̇ам̣ гаад̇ум̣ аарад̣̇д̇хаа, згааби г̇ааяи, згааби нажжи, згааби ажчарам̣ бахари. т̇зро инд̣̇рияаани огкиби. д̇ад̇о – ‘‘на амхаагам̣ д̣̇ассанам̣ т̇зро ассаад̣̇зд̇ий’’д̇и н̃ад̇ваа синзхам̣ ваа сант̇авам̣ ваа алабхамаанаа ниб̣б̣инд̣̇ид̇ваа г̇анд̇умаарад̣̇д̇хаа. т̇зро д̇аасам̣ г̇аманабхаавам̣ н̃ад̇ваа – ‘‘маа бунаббунам̣ ааг̇ажчим̣суу’’д̇и арахад̇д̇ам̣ б̣яаагаронд̇о имам̣ г̇аат̇амааха. д̇ад̇т̇а вигкийн̣од̇и кийн̣о. ж̇аад̇исам̣саарод̇и д̇ад̇т̇а д̇ад̇т̇а ж̇аад̇исан̇каад̇о сам̣сааро. чадтам̣.
Natthi dānīti sā kira devadhītā there balavasinehā ahosi, paṭigantuṃ nāsakkhi. Kālena āgantvā pariveṇaṃ sammajjati, mukhodakaṃ dantakaṭṭhaṃ pānīyaṃ paribhojanīyaṃ upaṭṭhapeti. Thero anāvajjanena paribhuñjati. Ekasmiṃ divase therassa jiṇṇacīvarassa coḷakabhikkhaṃ carato saṅkārakūṭe dibbadussaṃ ṭhapetvā pakkami. Thero taṃ disvā ukkhipitvā, olokento dussantaṃ disvā ‘‘dussameta’’nti ñatvā, ‘‘alaṃ ettāvatā’’ti aggahesi. Tenevassa cīvaraṃ niṭṭhāsi. Atha dve aggasāvakā anuruddhatthero cāti tayo janā cīvaraṃ kariṃsu. Satthā sūciṃ yojetvā adāsi. Niṭṭhitacīvarassa piṇḍāya carato devatā piṇḍapātaṃ samādapeti. Sā kālena ekikā, kālena attadutiyā therassa santikaṃ āgacchati. Tadā pana attatatiyā āgantvā divāṭṭhāne theraṃ upasaṅkamitvā – ‘‘mayaṃ manāpakāyikā nāma manasā icchiticchitarūpaṃ māpemā’’ti āha. Thero – ‘‘etā evaṃ vadanti, vīmaṃsissāmi, sabbā nīlakā hontū’’ti cintesi. Tā therassa manaṃ ñatvā sabbāva nīlavaṇṇā ahesuṃ, evaṃ pītalohitaodātavaṇṇāti. Tato cintayiṃsu – ‘‘thero amhākaṃ dassanaṃ assādetī’’ti tā samajjaṃ kātuṃ āraddhā, ekāpi gāyi, ekāpi nacci, ekāpi accharaṃ pahari. Thero indriyāni okkhipi. Tato – ‘‘na amhākaṃ dassanaṃ thero assādetī’’ti ñatvā sinehaṃ vā santhavaṃ vā alabhamānā nibbinditvā gantumāraddhā. Thero tāsaṃ gamanabhāvaṃ ñatvā – ‘‘mā punappunaṃ āgacchiṃsū’’ti arahattaṃ byākaronto imaṃ gāthamāha. Tattha vikkhīṇoti khīṇo. Jātisaṃsāroti tattha tattha jātisaṅkhāto saṃsāro. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. ануруд̣̇д̇хасуд̇д̇ам̣ • 6. Anuruddhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. ануруд̣̇д̇хасуд̇д̇аван̣н̣анаа • 6. Anuruddhasuttavaṇṇanā
