| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
7. ануруд̣̇д̇хасуд̇д̇аван̣н̣анаа
7. Anuruddhasuttavaṇṇanā
230. убасан̇гамид̇ваа звамаахам̣сууд̇и вуд̇д̇ам̣ убасан̇гаманагааран̣ам̣ д̣̇ассзнд̇о, ‘‘д̇асса убаасагасса апаасугагаало ахосий’’д̇и ааха. авираад̇хид̇анд̇и авираж̇жханагам̣. яад̣̇и ваа д̇з д̇хаммаа наанад̇т̇аа, яад̣̇и ваа згад̇т̇аа, яам̣ д̇ад̇т̇а авираж̇жханагам̣, д̇ам̣ д̇ам̣язва бадибхаад̇ууд̇и яож̇анаа. жхаанамзваад̇и аббамаан̣аж̇жхаанамзва, ‘‘жзд̇овимуд̇д̇ий’’д̇и бана вуд̇д̇ад̇д̇аа жид̇д̇згаг̇г̇ад̇ааязва звам̣ вужжад̇ийд̇и убаасагасса ад̇хиббааяо.
230.Upasaṅkamitvāevamāhaṃsūti vuttaṃ upasaṅkamanakāraṇaṃ dassento, ‘‘tassa upāsakassa aphāsukakālo ahosī’’ti āha. Avirādhitanti avirajjhanakaṃ. Yadi vā te dhammā nānatthā, yadi vā ekatthā, yaṃ tattha avirajjhanakaṃ, taṃ taṃyeva paṭibhātūti yojanā. Jhānamevāti appamāṇajjhānameva, ‘‘cetovimuttī’’ti pana vuttattā cittekaggatāyeva evaṃ vuccatīti upāsakassa adhippāyo.
231. яаавад̇аа маж̇жханхигз гаалз чааяаа парад̇и, ниваад̇з бан̣н̣аани бад̇анд̇и, зд̇д̇аавад̇аа ‘‘ругкамуула’’нд̇и вужжад̇ийд̇и звам̣ вуд̇д̇ам̣ згаругкамуулаббамаан̣адтаанам̣. гасин̣анимид̇д̇зна од̇т̇арид̇ваад̇и гасин̣аарамман̣ам̣ жхаанам̣ самаабаж̇ж̇анд̇о д̇асмим̣ гасин̣а…бз… вихарад̇ийд̇и вуд̇д̇о. аабхог̇о над̇т̇и жхаанагкан̣з. гаамам̣ самаабад̇д̇игкан̣з аабхог̇о над̇т̇и д̇ад̇о бана буб̣б̣з ваа сияаа со аабхог̇о, д̇амби санд̇хааяа махаг̇г̇ад̇анд̇и гзжи. ид̣̇аани д̇аасам̣ жзд̇овимуд̇д̇ийнам̣ сад̇иби гзнажи висзсзна абхзд̣̇з висаяаад̣̇ид̇о лаб̣бхамаанабхзд̣̇ам̣ д̣̇ассзд̇ум̣, ‘‘зд̇т̇аа’’д̇иаад̣̇и вуд̇д̇ам̣. нимид̇д̇ам̣ на вад̣дхад̇и вад̣дхзд̇аб̣б̣асса нимид̇д̇ассзва абхаавад̇о. бат̇авийгасин̣аад̣̇ийнам̣ вияа аагаасабхааванааяа уг̇гхааданам̣ на ж̇ааяад̇и. д̇аани жхаанаанийд̇и б̣рахмавихаараж̇жхаанаани. жуд̣̇д̣̇асавид̇хзна барид̣̇аманаабхаавад̇о абхин̃н̃аанам̣ баад̣̇агаани на хонд̇и. нимид̇д̇уг̇гхаадассзва абхаавад̇о аруубаж̇жхаанаанам̣ анад̇хидтаанад̇ааяа нирод̇хасса баад̣̇агаани на хонд̇ийд̇и. гаммаваддабхаавзна гилзсаваддавибаагаваддаанам̣ д̇ин̣н̣ам̣ ваддаанам̣ бажжаяабхааво ваддабаад̣̇агад̇аа. убабаж̇ж̇анавасзнзва д̇ам̣ д̇ам̣ бхавам̣ оггамад̇и зд̇зхийд̇и бхавоггаманаани. д̣̇уд̇ияанаяасса вуд̇д̇авибарияааязна ад̇т̇о взд̣̇ид̇аб̣б̣о. уг̇гхааданасса лаб̣бханад̇о аруубаж̇жхаанобари самад̇иггамо ход̇ийд̇и аяамзва висзсо. званд̇и яат̇аавуд̇д̇зна нимид̇д̇аавад̣дхананимид̇д̇авад̣дханаад̣̇иббагаарзна. наанад̇т̇аад̇и наанаасабхааваа. званд̇и аббамаан̣амахаг̇г̇ад̇асад̣̇д̣̇аважанийяад̇ааяа наанааб̣яан̃ж̇анаа. гааман̃жзд̇т̇а аббамаан̣асамаабад̇д̇ид̇оби нийхарид̇ваа вагкамаанабхавуубабад̇д̇игааран̣ам̣ д̣̇ассзд̇ум̣ саггаа, адтагат̇ааяам̣ бана гасин̣ажхаанад̇ова нийхарид̇ваа яож̇анаа гад̇аад̇и д̇ат̇аа вуд̇д̇ам̣. ат̇а ваа махаг̇г̇ад̇аг̇ахан̣знзд̇т̇а аббамаан̣аад̇и вуд̇д̇аб̣рахмавихаараанамби сан̇г̇ахо взд̣̇ид̇аб̣б̣о д̇ассаа саман̃н̃ааяа убхаязсамби саад̇хааран̣абхаавад̇о.
231. Yāvatā majjhanhike kāle chāyā pharati, nivāte paṇṇāni patanti, ettāvatā ‘‘rukkhamūla’’nti vuccatīti evaṃ vuttaṃ ekarukkhamūlappamāṇaṭṭhānaṃ. Kasiṇanimittena ottharitvāti kasiṇārammaṇaṃ jhānaṃ samāpajjanto tasmiṃ kasiṇa…pe… viharatīti vutto. Ābhogo natthi jhānakkhaṇe. Kāmaṃ samāpattikkhaṇe ābhogo natthi tato pana pubbe vā siyā so ābhogo, tampi sandhāya mahaggatanti keci. Idāni tāsaṃ cetovimuttīnaṃ satipi kenaci visesena abhede visayādito labbhamānabhedaṃ dassetuṃ, ‘‘etthā’’tiādi vuttaṃ. Nimittaṃ na vaḍḍhati vaḍḍhetabbassa nimittasseva abhāvato. Pathavīkasiṇādīnaṃ viya ākāsabhāvanāya ugghāṭanaṃ na jāyati. Tāni jhānānīti brahmavihārajjhānāni. Cuddasavidhena paridamanābhāvato abhiññānaṃ pādakāni na honti. Nimittugghāṭasseva abhāvato arūpajjhānānaṃ anadhiṭṭhānatāya nirodhassa pādakāni na hontīti. Kammavaṭṭabhāvena kilesavaṭṭavipākavaṭṭānaṃ tiṇṇaṃ vaṭṭānaṃ paccayabhāvo vaṭṭapādakatā. Upapajjanavaseneva taṃ taṃ bhavaṃ okkamati etehīti bhavokkamanāni. Dutiyanayassa vuttavipariyāyena attho veditabbo. Ugghāṭanassa labbhanato arūpajjhānopari samatikkamo hotīti ayameva viseso. Evanti yathāvuttena nimittāvaḍḍhananimittavaḍḍhanādippakārena. Nānatthāti nānāsabhāvā. Evanti appamāṇamahaggatasaddavacanīyatāya nānābyañjanā. Kāmañcettha appamāṇasamāpattitopi nīharitvā vakkhamānabhavūpapattikāraṇaṃ dassetuṃ sakkā, aṭṭhakathāyaṃ pana kasiṇajhānatova nīharitvā yojanā katāti tathā vuttaṃ. Atha vā mahaggatagahaṇenettha appamāṇāti vuttabrahmavihārānampi saṅgaho veditabbo tassā samaññāya ubhayesampi sādhāraṇabhāvato.
232. звам̣ вуд̇д̇од̇и асад̇иби д̇ат̇ааруубз аабхог̇з ‘‘барид̇д̇аабхаад̇и парид̇ваа ад̇химужжид̇ваа вихарад̇ий’’д̇и вуд̇д̇о. аббамаан̣ам̣ гад̇ваа гасин̣ам̣ вад̣дхзнд̇асса гасин̣авад̣дханавасзна б̣ахулийгаарасамбхавад̇о сияаа жхаанасса б̣алавад̇арад̇аа, д̇ад̣̇абхаавз жа д̣̇уб̣б̣алад̇аа, аажин̣н̣авасид̇ааяа бана бажжанийгад̇хаммаанам̣ саммаа абарисод̇ханз вад̇д̇аб̣б̣амзва над̇т̇ийд̇и бан̃жахаагаарзхи жхаанасса аббаг̇ун̣ад̇ам̣ д̣̇ассзнд̇о, ‘‘суббамад̇д̇з ваа’’д̇иаад̣̇имааха. жхаанасса аббаанубхаавад̇ааяа зва д̇аннимид̇д̇аа бабхааби аббад̇араа абарисуд̣̇д̇хаава ход̇ийд̇и ааха – ‘‘ван̣н̣о…бз… сам̣гилидто жаа’’д̇и. д̣̇уд̇ияанаяо вуд̇д̇авибарияааязна взд̣̇ид̇аб̣б̣о. д̇ад̇т̇ааби гасин̣асса барид̇д̇абхаавзна ван̣н̣асса барид̇д̇ад̇аа, барид̇д̇аарамман̣ааяа ануруубад̇ааяа ваа нимид̇д̇ам̣ бабхааман̣д̣алагамби барид̇д̇амзва сияаад̇и ад̇хиббааяо. вибулабаригамманд̇и вибулабхаавзна баригаммам̣. сзсам̣ д̇ад̇ияажад̇уд̇т̇анаязсу вад̇д̇аб̣б̣ам̣ батамад̣̇уд̇ияанаязсу вуд̇д̇асад̣̇исамзва.
232.Evaṃvuttoti asatipi tathārūpe ābhoge ‘‘parittābhāti pharitvā adhimuccitvā viharatī’’ti vutto. Appamāṇaṃ katvā kasiṇaṃ vaḍḍhentassa kasiṇavaḍḍhanavasena bahulīkārasambhavato siyā jhānassa balavataratā, tadabhāve ca dubbalatā, āciṇṇavasitāya pana paccanīkadhammānaṃ sammā aparisodhane vattabbameva natthīti pañcahākārehi jhānassa appaguṇataṃ dassento, ‘‘suppamatte vā’’tiādimāha. Jhānassa appānubhāvatāya eva tannimittā pabhāpi appatarā aparisuddhāva hotīti āha – ‘‘vaṇṇo…pe… saṃkiliṭṭho cā’’ti. Dutiyanayo vuttavipariyāyena veditabbo. Tatthāpi kasiṇassa parittabhāvena vaṇṇassa parittatā, parittārammaṇāya anurūpatāya vā nimittaṃ pabhāmaṇḍalakampi parittameva siyāti adhippāyo. Vipulaparikammanti vipulabhāvena parikammaṃ. Sesaṃ tatiyacatutthanayesu vattabbaṃ paṭhamadutiyanayesu vuttasadisameva.
ван̣н̣анаанад̇д̇анд̇и яад̣̇и бийд̇ам̣ яад̣̇и лохид̇ам̣ яад̣̇и ваа од̣̇аад̇анд̇и сарийраван̣н̣анаанад̇д̇ам̣. аабхаанаанад̇д̇анд̇и барид̇д̇авибулад̇аавасзна бабхааяа наанад̇д̇ам̣. ажжинаанад̇д̇анд̇и д̇зж̇од̇хаад̇усса д̣̇ийгхаад̣̇ивасзна взмад̇д̇ад̇аа. абхинивисанд̇ийд̇и абхирад̇ивасзна нивисанд̇и нисийд̣̇анд̇и д̇идтанд̇и. д̇знааха ‘‘васанд̇ий’’д̇и.
Vaṇṇanānattanti yadi pītaṃ yadi lohitaṃ yadi vā odātanti sarīravaṇṇanānattaṃ. Ābhānānattanti parittavipulatāvasena pabhāya nānattaṃ. Accinānattanti tejodhātussa dīghādivasena vemattatā. Abhinivisantīti abhirativasena nivisanti nisīdanti tiṭṭhanti. Tenāha ‘‘vasantī’’ti.
234. аабханд̇и д̣̇иб̣б̣анд̇ийд̇и аабхаад̇и ааха ‘‘аабхаасамбаннаа’’д̇и. д̇ад̣̇ан̇г̇знаад̇и ваа д̇ассаа барид̇д̇ад̇ааяа аббамаан̣ад̇ааяа жа аабхаагааран̣ам̣, д̇ам̣ бана ад̇т̇ад̇о бхавуубабад̇д̇игааран̣амзваад̇и ааха – ‘‘д̇ассаа бхавуубабад̇д̇ияаа ан̇г̇знаа’’д̇и. гааяааласияабхааво д̇анд̣̇ийаад̣̇ийнам̣ хзд̇убхууд̇аа гааяасса вид̇т̇ааяид̇ад̇аа.
234. Ābhanti dibbantīti ābhāti āha ‘‘ābhāsampannā’’ti. Tadaṅgenāti vā tassā parittatāya appamāṇatāya ca ābhākāraṇaṃ, taṃ pana atthato bhavūpapattikāraṇamevāti āha – ‘‘tassā bhavūpapattiyā aṅgenā’’ti. Kāyālasiyabhāvo tandīādīnaṃ hetubhūtā kāyassa vitthāyitatā.
235. баарамияод̇и махаасаавагасам̣вад̇д̇анигаа саавагабаарамияо буурзнд̇о. б̣рахмалогзд̇и б̣рахмад̇д̇абхаавз, б̣рахмалогз ваа уббад̇д̇им̣ бадилабхи, вуд̇д̇амби жзд̇ам̣ т̇зраг̇аат̇аасу. авогин̣н̣анд̇и ан̃н̃зхи асаммиссанд̇и ад̇т̇о. буб̣б̣з сан̃жарид̇анд̇и ад̇ийд̇абхавзсу ж̇аад̇ивасзна сан̃жаран̣ам̣ мама, сан̃жарид̇анд̇и д̇ам̣ мамассаад̇и ад̇т̇о. сзсам̣ сувин̃н̃зяяамзва.
235.Pāramiyoti mahāsāvakasaṃvattanikā sāvakapāramiyo pūrento. Brahmaloketi brahmattabhāve, brahmaloke vā uppattiṃ paṭilabhi, vuttampi cetaṃ theragāthāsu. Avokiṇṇanti aññehi asammissanti attho. Pubbe sañcaritanti atītabhavesu jātivasena sañcaraṇaṃ mama, sañcaritanti taṃ mamassāti attho. Sesaṃ suviññeyyameva.
ануруд̣̇д̇хасуд̇д̇аван̣н̣анааяа лийнад̇т̇аббагаасанаа самад̇д̇аа.
Anuruddhasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. ануруд̣̇д̇хасуд̇д̇ам̣ • 7. Anuruddhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. ануруд̣̇д̇хасуд̇д̇аван̣н̣анаа • 7. Anuruddhasuttavaṇṇanā
