| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. ануруд̣̇д̇хасуд̇д̇аван̣н̣анаа
6. Anuruddhasuttavaṇṇanā
226. ананд̇арз ад̇д̇абхаавзд̇и ад̇ийд̇аананд̇арз д̣̇звад̇д̇абхаавз. т̇зро хи д̇аавад̇им̣сад̣̇звалогаа жавид̇ваа ид̇хуубабанно. аг̇г̇амахзсийд̇и гаажи барижааригаа д̣̇звад̇хийд̇аа жид̇д̇абан̣ид̇хаанамад̇д̇зна ид̣̇ааниби д̣̇звагааяз бхависсад̇и убажид̇агусалад̇хаммад̇д̇аад̇и ман̃н̃амаанаа д̇асмим̣ вад̇д̇амаанам̣ вияа гат̇знд̇ий ‘‘собхасий’’д̇и ааха. звам̣ ад̇ийд̇амбисса д̣̇иб̣б̣асод̇ам̣ бажжуббаннам̣ вияа ман̃н̃зяяа наад̇ижирагаалад̇д̇аад̇и д̣̇ассзнд̇о ‘‘буб̣б̣зби собхасий’’д̇и ааха. суг̇ад̇инираяаад̣̇ид̣̇уг̇г̇ад̇ияаа васзна д̣̇уг̇г̇ад̇аа зд̇арахийд̇и ад̇хиббааяо. бадибад̇д̇ид̣̇уг̇г̇ад̇ияаа гаамзсу саммужчид̇абхаавад̇о.
226.Anantareattabhāveti atītānantare devattabhāve. Thero hi tāvatiṃsadevalokā cavitvā idhūpapanno. Aggamahesīti kāci paricārikā devadhītā cittapaṇidhānamattena idānipi devakāye bhavissati upacitakusaladhammattāti maññamānā tasmiṃ vattamānaṃ viya kathentī ‘‘sobhasī’’ti āha. Evaṃ atītampissa dibbasotaṃ paccuppannaṃ viya maññeyya nāticirakālattāti dassento ‘‘pubbepi sobhasī’’ti āha. Sugatinirayādiduggatiyā vasena duggatā etarahīti adhippāyo. Paṭipattiduggatiyā kāmesu sammucchitabhāvato.
бад̇идтаханд̇од̇и нивисанд̇о. адтахи гааран̣зхийд̇и жирагаалабарибхааванааяа вирул̣хамуулзхи аяонисоманасигаараад̣̇ибажжаяамуулагзхи вужжамаанзхи адтахи гааран̣зхи. рад̇д̇о рааг̇авасзнаад̇и сабхаавад̇о сан̇габбад̇о жа яат̇аасамийхид̇з идтаагаарз саггааяз сан̃ж̇аад̇арааг̇авасаа рад̇д̇о г̇ид̣̇д̇хо г̇ад̇хид̇о. бад̇идтаад̇ийд̇и оруяха д̇идтад̇и. д̣̇удто д̣̇осавасзнаад̇и сабхаавад̇о сан̇габбад̇о жа яат̇аасамийхид̇з анидтаагаарз саггааяз сан̃ж̇аад̇ад̣̇осавасзна д̣̇удто рубид̇ажид̇д̇о. муул̣хо мохавасзнаад̇и асамабзгканзна муул̣хо муяханавасзна. виниб̣ад̣̇д̇ход̇и ахам̣гаарзна висзсад̇о ниб̣анд̇ханад̇о маанавад̇т̇усмим̣ б̣анд̇хид̇о. маанавасзнаад̇и д̇зна д̇зна ман̃н̃анаагаарзна. бараамадтод̇и д̇хаммасабхаавам̣ нижжаад̣̇ивасзна барад̇о аамадто. д̣̇идтивасзнаад̇и мижчаад̣̇ассанавасзна. т̇аамаг̇ад̇од̇и рааг̇аад̣̇игилзсавасзна т̇аамам̣ т̇ирабхаавам̣ убаг̇ад̇о. анусаяавасзнаад̇и маг̇г̇зна аббахийнад̇ааяа ану ану санд̇аанз саяанавасзна. аббахийнадто хи д̇зсам̣ анусаяадто. анидтан̇г̇ад̇од̇и сам̣саяид̇о. вигкзбаг̇ад̇од̇и вигкид̇д̇абхаавам̣ убаг̇ад̇о. уд̣̇д̇хажжавасзнаад̇и жид̇д̇асса уд̣̇д̇хад̇абхаававасзна. д̇аабийд̇и д̇ааби д̣̇зваган̃н̃ааяо. звам̣ бад̇идтид̇ааваад̇и яат̇аавуд̇д̇анаязна рад̇д̇абхааваад̣̇инаа саггааяасмим̣ бад̇идтид̇аа зва. нарад̣̇зваананд̇и бурисабхууд̇ад̣̇зваанам̣.
Patiṭṭhahantoti nivisanto. Aṭṭhahi kāraṇehīti cirakālaparibhāvanāya viruḷhamūlehi ayonisomanasikārādipaccayamūlakehi vuccamānehi aṭṭhahi kāraṇehi. Ratto rāgavasenāti sabhāvato saṅkappato ca yathāsamīhite iṭṭhākāre sakkāye sañjātarāgavasā ratto giddho gadhito. Patiṭṭhātīti oruyha tiṭṭhati. Duṭṭho dosavasenāti sabhāvato saṅkappato ca yathāsamīhite aniṭṭhākāre sakkāye sañjātadosavasena duṭṭho rupitacitto. Mūḷho mohavasenāti asamapekkhanena mūḷho muyhanavasena. Vinibaddhoti ahaṃkārena visesato nibandhanato mānavatthusmiṃ bandhito. Mānavasenāti tena tena maññanākārena. Parāmaṭṭhoti dhammasabhāvaṃ niccādivasena parato āmaṭṭho. Diṭṭhivasenāti micchādassanavasena. Thāmagatoti rāgādikilesavasena thāmaṃ thirabhāvaṃ upagato. Anusayavasenāti maggena appahīnatāya anu anu santāne sayanavasena. Appahīnaṭṭho hi tesaṃ anusayaṭṭho. Aniṭṭhaṅgatoti saṃsayito. Vikkhepagatoti vikkhittabhāvaṃ upagato. Uddhaccavasenāti cittassa uddhatabhāvavasena. Tāpīti tāpi devakaññāyo. Evaṃ patiṭṭhitāvāti yathāvuttanayena rattabhāvādinā sakkāyasmiṃ patiṭṭhitā eva. Naradevānanti purisabhūtadevānaṃ.
бадиг̇анд̇унд̇и абзгкаавасзна д̇ад̇о абаг̇анд̇ум̣ абзгкам̣ виссаж̇ж̇зд̇ум̣. д̣̇уссанд̇анд̇и д̣̇асанд̇ам̣, ‘‘вад̇т̇а’’нд̇и гзжи. суужим̣ яож̇зд̇ваад̇и сиб̣б̣анасуд̇д̇зна суужим̣ яож̇зд̇ваа баасз жа бавзсзд̇ваа. манаабагааяз д̣̇званигааяз ж̇аад̇аа манаабагааяигаа. д̇зсам̣ бабхаавам̣ д̣̇ассзд̇ум̣ ‘‘манасаа’’д̇иаад̣̇и вуд̇д̇ам̣. самаж̇ж̇анд̇и сам̣хид̇ам̣. г̇аманабхааванд̇и г̇аманаж̇жхаасаяам̣. вигкийн̣од̇и вижчинд̣̇анавасзна кийн̣о. д̣̇звад̇аанам̣ уд̇д̇аримануссад̇хаммаарожанз д̣̇осо над̇т̇ийд̇и д̇аасам̣ буна анааг̇аманад̇т̇ам̣ арахад̇д̇ам̣ б̣яаагааси.
Paṭigantunti apekkhāvasena tato apagantuṃ apekkhaṃ vissajjetuṃ. Dussantanti dasantaṃ, ‘‘vattha’’nti keci. Sūciṃ yojetvāti sibbanasuttena sūciṃ yojetvā pāse ca pavesetvā. Manāpakāye devanikāye jātā manāpakāyikā. Tesaṃ pabhāvaṃ dassetuṃ ‘‘manasā’’tiādi vuttaṃ. Samajjanti saṃhitaṃ. Gamanabhāvanti gamanajjhāsayaṃ. Vikkhīṇoti vicchindanavasena khīṇo. Devatānaṃ uttarimanussadhammārocane doso natthīti tāsaṃ puna anāgamanatthaṃ arahattaṃ byākāsi.
ануруд̣̇д̇хасуд̇д̇аван̣н̣анаа нидтид̇аа.
Anuruddhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. ануруд̣̇д̇хасуд̇д̇ам̣ • 6. Anuruddhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. ануруд̣̇д̇хасуд̇д̇аван̣н̣анаа • 6. Anuruddhasuttavaṇṇanā
