| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
அனுஸாஸனீகதா²வண்ணனா
Anusāsanīkathāvaṇṇanā
பராஜிதகிலேஸேனாதி ஸந்தானே புன அனுப்பத்தித⁴ம்மதாபாத³னேன சதூஹி மக்³க³ஞாணேஹி ஸஹ வாஸனாய ஸமுச்சி²ன்னஸப்³ப³கிலேஸேன. இதா⁴தி இமஸ்மிங் ஸாஸனே. தேன ஸிக்கா²பதே³ன ஸமங் அஞ்ஞங் அனேகனயவோகிண்ணங் க³ம்பீ⁴ரத்த²வினிச்ச²யங் கிஞ்சி ஸிக்கா²பத³ங் ந விஜ்ஜதீதி யோஜேதப்³ப³ங். அத்தோ² ச வினிச்ச²யோ ச அத்த²வினிச்ச²யா, க³ம்பீ⁴ரா அத்த²வினிச்ச²யா அஸ்ஸாதி க³ம்பீ⁴ரத்த²வினிச்ச²யங். வத்து²ம்ஹி ஓதிண்ணேதி சோத³னாவத்து²ம்ஹி ஸங்க⁴மஜ்ஜ²ங் ஓதிண்ணே, ஏகேன ஏகஸ்மிங் சோதி³தே, ஸயமேவ வா ஆக³ந்த்வா அத்தனோ கதவீதிக்கமே ஆரோசிதேதி வுத்தங் ஹோதி. எத்தா²தி ஓதிண்ணே வத்து²ம்ஹி.
Parājitakilesenāti santāne puna anuppattidhammatāpādanena catūhi maggañāṇehi saha vāsanāya samucchinnasabbakilesena. Idhāti imasmiṃ sāsane. Tena sikkhāpadena samaṃ aññaṃ anekanayavokiṇṇaṃ gambhīratthavinicchayaṃ kiñci sikkhāpadaṃ na vijjatīti yojetabbaṃ. Attho ca vinicchayo ca atthavinicchayā, gambhīrā atthavinicchayā assāti gambhīratthavinicchayaṃ. Vatthumhi otiṇṇeti codanāvatthumhi saṅghamajjhaṃ otiṇṇe, ekena ekasmiṃ codite, sayameva vā āgantvā attano katavītikkame ārociteti vuttaṃ hoti. Etthāti otiṇṇe vatthumhi.
வினிச்ச²யங் கரொந்தேன ஸஹஸா ‘‘பாராஜிக’’ந்தி அவத்வா யங் கத்தப்³ப³ங், தங் த³ஸ்ஸேதுங் ‘‘பாளி’’ந்திஆதி³மாஹ. வினிச்ச²யோதி பாராஜிகாபத்திவினிச்ச²யோ. அவத்வாவாதி ‘‘த்வங் பாராஜிகங் ஆபன்னோ’’தி அவத்வாவ. கப்பியேபி ச வத்து²ஸ்மிந்தி அவத்வாபி க³ண்ஹிதுங் கப்பியே மாதுபிதுஸந்தகேபி வத்து²ஸ்மிங். லஹுவத்தினோதி தெ²ய்யசித்துப்பாதே³ன லஹுபரிவத்தினோ. ஆஸீவிஸந்தி ஸீக⁴மேவ ஸகலஸரீரே ப²ரணஸமத்த²விஸங்.
Vinicchayaṃ karontena sahasā ‘‘pārājika’’nti avatvā yaṃ kattabbaṃ, taṃ dassetuṃ ‘‘pāḷi’’ntiādimāha. Vinicchayoti pārājikāpattivinicchayo. Avatvāvāti ‘‘tvaṃ pārājikaṃ āpanno’’ti avatvāva. Kappiyepi ca vatthusminti avatvāpi gaṇhituṃ kappiye mātupitusantakepi vatthusmiṃ. Lahuvattinoti theyyacittuppādena lahuparivattino. Āsīvisanti sīghameva sakalasarīre pharaṇasamatthavisaṃ.
அனுஸாஸனீகதா²வண்ணனா நிட்டி²தா.
Anusāsanīkathāvaṇṇanā niṭṭhitā.
பாராஜிககண்ட³ட்ட²கதா²ய பட²மபா⁴க³வண்ணனா ஸமத்தா.
Pārājikakaṇḍaṭṭhakathāya paṭhamabhāgavaṇṇanā samattā.
