| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
4. அனுஸயா அனாரம்மணகதா²வண்ணனா
4. Anusayā anārammaṇakathāvaṇṇanā
554-556. இதா³னி அனுஸயா அனாரம்மணாதிகதா² நாம ஹோதி. தத்த² யேஸங் அனுஸயா நாம சித்தவிப்பயுத்தா அஹேதுகா அப்³யாகதா, தேனேவ ச அனாரம்மணாதி லத்³தி⁴, ஸெய்யதா²பி அந்த⁴கானஞ்சேவ ஏகச்சானஞ்ச உத்தராபத²கானங்; தே ஸந்தா⁴ய அனுஸயாதி புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் அனாரம்மணேன நாம ஏவங்விதே⁴ன ப⁴விதப்³ப³ந்தி சோதே³துங் ரூபந்திஆதி³மாஹ. காமராகோ³திஆதி³ காமராகா³னுஸயதோ அனஞ்ஞத்தா த³ஸ்ஸிதங். ஸங்கா²ரக்க²ந்தோ⁴ அனாரம்மணோதி பஞ்ஹே சித்தஸம்பயுத்தஸங்கா²ரக்க²ந்த⁴ங் ஸந்தா⁴ய படிக்கி²பதி. அனுஸயங் ஜீவிதிந்த்³ரியங் காயகம்மாதி³ரூபஞ்ச ஸங்கா²ரக்க²ந்த⁴பரியாபன்னங், தங் ஸந்தா⁴ய படிஜானாதி. இமினாவுபாயேன ஸப்³ப³வாரேஸு அத்தோ² வேதி³தப்³போ³. ஸானுஸயோதி பஞ்ஹே பன அப்பஹீனானுஸயத்தா ஸானுஸயதா அனுஞ்ஞாதா. ந அனுஸயானங் பவத்திஸப்³பா⁴வா. யோ ஹி அப்பஹீனோ, ந ஸோ அதீதோ, நானாக³தோ, ந பச்சுப்பன்னோ ச. மக்³க³வஜ்ஜ²கிலேஸோ பனேஸ அப்பஹீனத்தாவ அத்தீ²தி வுச்சதி. ஏவரூபஸ்ஸ ச இத³ங் நாம ஆரம்மணந்தி ந வத்தப்³ப³ங். தஸ்மா தங் படிக்கி²த்தங். தங் பனேதங் ந கேவலங் அனுஸயஸ்ஸ, ராகா³தீ³னம்பி தாதி³ஸமேவ, தஸ்மா அனுஸயானங் அனாரம்மணதாஸாத⁴கங் ந ஹோதீதி.
554-556. Idāni anusayā anārammaṇātikathā nāma hoti. Tattha yesaṃ anusayā nāma cittavippayuttā ahetukā abyākatā, teneva ca anārammaṇāti laddhi, seyyathāpi andhakānañceva ekaccānañca uttarāpathakānaṃ; te sandhāya anusayāti pucchā sakavādissa, paṭiññā itarassa. Atha naṃ anārammaṇena nāma evaṃvidhena bhavitabbanti codetuṃ rūpantiādimāha. Kāmarāgotiādi kāmarāgānusayato anaññattā dassitaṃ. Saṅkhārakkhandho anārammaṇoti pañhe cittasampayuttasaṅkhārakkhandhaṃ sandhāya paṭikkhipati. Anusayaṃ jīvitindriyaṃ kāyakammādirūpañca saṅkhārakkhandhapariyāpannaṃ, taṃ sandhāya paṭijānāti. Imināvupāyena sabbavāresu attho veditabbo. Sānusayoti pañhe pana appahīnānusayattā sānusayatā anuññātā. Na anusayānaṃ pavattisabbhāvā. Yo hi appahīno, na so atīto, nānāgato, na paccuppanno ca. Maggavajjhakileso panesa appahīnattāva atthīti vuccati. Evarūpassa ca idaṃ nāma ārammaṇanti na vattabbaṃ. Tasmā taṃ paṭikkhittaṃ. Taṃ panetaṃ na kevalaṃ anusayassa, rāgādīnampi tādisameva, tasmā anusayānaṃ anārammaṇatāsādhakaṃ na hotīti.
அனுஸயா அனாரம்மணாதிகதா²வண்ணனா.
Anusayā anārammaṇātikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (87) 4. அனுஸயா அனாரம்மணகதா² • (87) 4. Anusayā anārammaṇakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 4. அனுஸயாஅனாரம்மணாதிகதா²வண்ணனா • 4. Anusayāanārammaṇātikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 4. அனுஸயாஅனாரம்மணாதிகதா²வண்ணனா • 4. Anusayāanārammaṇātikathāvaṇṇanā
