| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៥-១០. អនុសយសុត្តាទិវណ្ណនា
5-10. Anusayasuttādivaṇṇanā
១៧៦-១៨១. ថាមគតដ្ឋេនាតិ សត្តសន្តានេ ថិរភាវូបគមនភាវេន។ ថាមគតន្តិ ច អញ្ញេហិ អសាធារណោ កាមរាគាទីនំយេវ អាវេណិកោ សភាវោ ទដ្ឋព្ពោ។ កាមរាគោវាតិ កាមរាគោ ឯវ អប្បហីនោ។ សោ សតិ បច្ចយលាភេ ឧប្បជ្ជនារហតាយ សន្តានេ អនុសេតីតិ អនុសយោ។ សេសេសុបីតិ បដិឃានុសយាទីសុ។ ឱរម្ភាគោ វុច្ចតិ កាមធាតុ រូបារូបភាវតោ ហេដ្ឋាភូតត្តា។ តត្ថ បវត្តិយា បច្ចយភាវតោ ឱរម្ភាគិយានិ យថា ‘‘បច្ឆិយោ គោទុហកោ’’តិ។ សំយោជេន្តីតិ សំយោជនានិ, ហេដ្ឋា វិយ អត្ថោ វត្តព្ពោ។ ឧទ្ធម្ភាគោ មហគ្គតភាគោ, តស្ស ហិតានីតិ សព្ពំ ហេដ្ឋា វុត្តនយត្តា ន វុត្តន្តិ អធិប្បាយោ។
176-181.Thāmagataṭṭhenāti sattasantāne thirabhāvūpagamanabhāvena. Thāmagatanti ca aññehi asādhāraṇo kāmarāgādīnaṃyeva āveṇiko sabhāvo daṭṭhabbo. Kāmarāgovāti kāmarāgo eva appahīno. So sati paccayalābhe uppajjanārahatāya santāne anusetīti anusayo. Sesesupīti paṭighānusayādīsu. Orambhāgo vuccati kāmadhātu rūpārūpabhāvato heṭṭhābhūtattā. Tattha pavattiyā paccayabhāvato orambhāgiyāni yathā ‘‘pacchiyo goduhako’’ti. Saṃyojentīti saṃyojanāni, heṭṭhā viya attho vattabbo. Uddhambhāgo mahaggatabhāgo, tassa hitānīti sabbaṃ heṭṭhā vuttanayattā na vuttanti adhippāyo.
អនុសយសុត្តាទិវណ្ណនា និដ្ឋិតា។
Anusayasuttādivaṇṇanā niṭṭhitā.
ឱឃវគ្គវណ្ណនា និដ្ឋិតា។
Oghavaggavaṇṇanā niṭṭhitā.
មគ្គសំយុត្តវណ្ណនា និដ្ឋិតា។
Maggasaṃyuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
៥. អនុសយសុត្តំ • 5. Anusayasuttaṃ
៦. កាមគុណសុត្តំ • 6. Kāmaguṇasuttaṃ
៧. នីវរណសុត្តំ • 7. Nīvaraṇasuttaṃ
៨. ឧបាទានក្ខន្ធសុត្តំ • 8. Upādānakkhandhasuttaṃ
៩. ឱរម្ភាគិយសុត្តំ • 9. Orambhāgiyasuttaṃ
១០. ឧទ្ធម្ភាគិយសុត្តំ • 10. Uddhambhāgiyasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៥-១០. អនុសយសុត្តាទិវណ្ណនា • 5-10. Anusayasuttādivaṇṇanā
