| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๒. ทุติยวโคฺค
2. Dutiyavaggo
๑๑. อนุสยสุตฺตวณฺณนา
11. Anusayasuttavaṇṇanā
๒๐๐. ทุติยวเคฺค อตฺตโนติ อายสฺมา ราหุโล อตฺตโน สวิญฺญาณกํ กายํ ทเสฺสติฯ ปรสฺสาติ ปรสฺส อวิญฺญาณกกายํ ทเสฺสติฯ ปรสนฺตาเน วา อรูเป ธเมฺม อคฺคเหตฺวา รูปกายเมว คณฺหโนฺต วทติฯ อปเร ‘‘อสญฺญสตฺตานํ อตฺตภาวํ สนฺธาย ตถา วุตฺต’’นฺติ วทนฺติฯ ปุริเมนาติ ‘‘อิมสฺมิํ สวิญฺญาณเก กาเย’’ติ อิมินา ปเทนฯ ปจฺฉิเมนาติ ‘‘พหิทฺธา’’ติ อิมินา ปเทนฯ เอเต กิเลสาติ เอเต ทิฎฺฐิตณฺหามานสญฺญิตา กิเลสาฯ เอเตสุ วตฺถูสูติ อชฺฌตฺตพหิทฺธาวตฺถูสุฯ สมฺม…เป.… ปสฺสตีติ ปุพฺพภาเค วิปสฺสนาญาเณน สมฺมสนวเสน, มคฺคกฺขเณ อภิสมยวเสน สุฎฺฐุ อตฺตปจฺจเกฺขน ญาเณน ปสฺสติฯ
200. Dutiyavagge attanoti āyasmā rāhulo attano saviññāṇakaṃ kāyaṃ dasseti. Parassāti parassa aviññāṇakakāyaṃ dasseti. Parasantāne vā arūpe dhamme aggahetvā rūpakāyameva gaṇhanto vadati. Apare ‘‘asaññasattānaṃ attabhāvaṃ sandhāya tathā vutta’’nti vadanti. Purimenāti ‘‘imasmiṃ saviññāṇake kāye’’ti iminā padena. Pacchimenāti ‘‘bahiddhā’’ti iminā padena. Ete kilesāti ete diṭṭhitaṇhāmānasaññitā kilesā. Etesu vatthūsūti ajjhattabahiddhāvatthūsu. Samma…pe… passatīti pubbabhāge vipassanāñāṇena sammasanavasena, maggakkhaṇe abhisamayavasena suṭṭhu attapaccakkhena ñāṇena passati.
อนุสยสุตฺตวณฺณนา นิฎฺฐิตาฯ
Anusayasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๑. อนุสยสุตฺตํ • 11. Anusayasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๑. อนุสยสุตฺตวณฺณนา • 11. Anusayasuttavaṇṇanā
