| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
11. අනුසයසුත්‌තවණ්‌ණනා
11. Anusayasuttavaṇṇanā
200. එකාදසමෙ ඉමස්‌මිඤ්‌ච සවිඤ්‌ඤාණකෙ කායෙති අත්‌තනො සවිඤ්‌ඤාණකකායං දස්‌සෙති, බහිද්‌ධා චාති පරස්‌ස සවිඤ්‌ඤාණකං වා අවිඤ්‌ඤාණකං වා. පුරිමෙන වා අත්‌තනො ච පරස්‌ස ච විඤ්‌ඤාණමෙව දස්‌සෙති, පච්‌ඡිමෙන බහිද්‌ධා අනින්‌ද්‍රියබද්‌ධරූපං. අහඞ්‌කාරමමඞ්‌කාරමානානුසයාති අහංකාරදිට්‌ඨි ච මමංකාරතණ්‌හා ච මානානුසයා ච. න හොන්‌තීති එතෙ කිලෙසා කථං ජානන්‌තස්‌ස එතෙසු වත්‌ථූසු න හොන්‌තීති පුච්‌ඡති. සම්‌මප්‌පඤ්‌ඤාය පස්‌සතීති සහ විපස්‌සනාය මග්‌ගපඤ්‌ඤාය සුට්‌ඨු පස්‌සති. එකාදසමං.
200. Ekādasame imasmiñca saviññāṇake kāyeti attano saviññāṇakakāyaṃ dasseti, bahiddhā cāti parassa saviññāṇakaṃ vā aviññāṇakaṃ vā. Purimena vā attano ca parassa ca viññāṇameva dasseti, pacchimena bahiddhā anindriyabaddharūpaṃ. Ahaṅkāramamaṅkāramānānusayāti ahaṃkāradiṭṭhi ca mamaṃkārataṇhā ca mānānusayā ca. Na hontīti ete kilesā kathaṃ jānantassa etesu vatthūsu na hontīti pucchati. Sammappaññāya passatīti saha vipassanāya maggapaññāya suṭṭhu passati. Ekādasamaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 11. අනුසයසුත්‌තං • 11. Anusayasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 11. අනුසයසුත්‌තවණ්‌ණනා • 11. Anusayasuttavaṇṇanā
