| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. анусаяаяамагам̣
7. Anusayayamakaṃ
барижчзд̣̇абарижчиннуд̣̇д̣̇зсаваараван̣н̣анаа
Paricchedaparicchinnuddesavāravaṇṇanā
1. ид̣̇аани д̇зсан̃н̃зва муулаяамагз д̣̇зсид̇аанам̣ гусалаад̣̇ид̇хаммаанам̣ лаб̣бхамаанавасзна згад̣̇зсам̣ сан̇г̇ан̣хид̇ваа сан̇каараяамагаананд̇арам̣ д̣̇зсид̇асса анусаяаяамагасса ад̇т̇аван̣н̣анаа ход̇и. д̇ад̇т̇а баал̣ивавад̇т̇аанам̣ д̇аава взд̣̇ид̇аб̣б̣ам̣ – имасмин̃хи анусаяаяамагз канд̇хаяамагаад̣̇ийсу вияа д̣̇зсанам̣ агад̇ваа ан̃н̃зна наязна баал̣ид̣̇зсанаа гад̇аа. гат̇ам̣? батамам̣ д̇аава барижчзд̣̇ад̇о, уд̣̇д̣̇зсад̇о, уббад̇д̇идтаанад̇од̇и д̇ийхаагаарзхи анусаяз г̇ахаабзд̇ум̣ барижчзд̣̇авааро, барижчиннуд̣̇д̣̇зсавааро, уббад̇д̇идтаанаваарод̇и, д̇аяо ваараа д̣̇зсид̇аа. д̇ад̇о сад̇д̇аннам̣ махааваараанам̣ васзна анусаяз яож̇зд̇ваа яамагад̣̇зсанаа гад̇аа. д̇ад̇т̇а сад̇д̇аанусаяаад̇и аяам̣ ‘‘сад̇д̇зва, на д̇ад̇о уд̣̇д̇хам̣, на хздтаа’’д̇и г̇ан̣анабарижчзд̣̇зна барижчинд̣̇ид̇ваа анусаяаанам̣ д̣̇зсид̇ад̇д̇аа барижчзд̣̇авааро наама. гаамарааг̇аанусаяо…бз… авиж̇ж̇аанусаяод̇и аяам̣ барижчзд̣̇аваарзна барижчиннаанам̣ наамамад̇д̇ам̣ уд̣̇д̣̇исид̇ваа ‘‘имз наама д̇з’’д̇и д̣̇зсид̇ад̇д̇аа барижчиннуд̣̇д̣̇зсавааро наама. гад̇т̇а гаамарааг̇аанусаяо анусзд̇и…бз… зд̇т̇а авиж̇ж̇аанусаяо анусзд̇ийд̇и аяам̣ ‘‘имзсу наама таанзсу имз анусаяаа анусзнд̇и’’д̇и звам̣ д̇зсам̣язва уббад̇д̇идтаанасса д̣̇зсид̇ад̇д̇аа уббад̇д̇идтаанавааро наама.
1. Idāni tesaññeva mūlayamake desitānaṃ kusalādidhammānaṃ labbhamānavasena ekadesaṃ saṅgaṇhitvā saṅkhārayamakānantaraṃ desitassa anusayayamakassa atthavaṇṇanā hoti. Tattha pāḷivavatthānaṃ tāva veditabbaṃ – imasmiñhi anusayayamake khandhayamakādīsu viya desanaṃ akatvā aññena nayena pāḷidesanā katā. Kathaṃ? Paṭhamaṃ tāva paricchedato, uddesato, uppattiṭṭhānatoti tīhākārehi anusaye gahāpetuṃ paricchedavāro, paricchinnuddesavāro, uppattiṭṭhānavāroti, tayo vārā desitā. Tato sattannaṃ mahāvārānaṃ vasena anusaye yojetvā yamakadesanā katā. Tattha sattānusayāti ayaṃ ‘‘satteva, na tato uddhaṃ, na heṭṭhā’’ti gaṇanaparicchedena paricchinditvā anusayānaṃ desitattā paricchedavāro nāma. Kāmarāgānusayo…pe… avijjānusayoti ayaṃ paricchedavārena paricchinnānaṃ nāmamattaṃ uddisitvā ‘‘ime nāma te’’ti desitattā paricchinnuddesavāro nāma. Kattha kāmarāgānusayo anuseti…pe… ettha avijjānusayo anusetīti ayaṃ ‘‘imesu nāma ṭhānesu ime anusayā anusenti’’ti evaṃ tesaṃyeva uppattiṭṭhānassa desitattā uppattiṭṭhānavāro nāma.
язсам̣ бана сад̇д̇аннам̣ махааваараанам̣ васзна анусаяз яож̇зд̇ваа яамагад̣̇зсанаа гад̇аа, д̇зсам̣ имаани наамаани – анусаяавааро, саанусаяавааро, баж̇аханавааро, барин̃н̃аавааро, бахийнавааро, уббаж̇ж̇анавааро д̇хаад̇уваарод̇и. д̇зсу батамо анусаяавааро. со ануломабадиломанаяавасзна д̣̇увид̇хо ход̇и.
Yesaṃ pana sattannaṃ mahāvārānaṃ vasena anusaye yojetvā yamakadesanā katā, tesaṃ imāni nāmāni – anusayavāro, sānusayavāro, pajahanavāro, pariññāvāro, pahīnavāro, uppajjanavāro dhātuvāroti. Tesu paṭhamo anusayavāro. So anulomapaṭilomanayavasena duvidho hoti.
д̇ад̇т̇а ануломанаяз ‘‘яасса анусзд̇и, яад̇т̇а анусзд̇и, яасса яад̇т̇а анусзд̇ий’’д̇и буг̇г̇алогаасад̇ад̣̇убхаяавасзна д̇аяо анд̇араваараа хонд̇и. д̇зсу батамз буг̇г̇алаваарз ‘‘яасса гаамарааг̇аанусаяо анусзд̇и, д̇асса бадигхаанусаяо анусзд̇и; яасса ваа бана бадигхаанусаяо анусзд̇и, д̇асса гаамарааг̇аанусаяо анусзд̇и; яасса гаамарааг̇аанусаяо анусзд̇и, д̇асса маанаанусаяо, д̣̇идтаанусаяо, вижигижчаанусаяо, бхаварааг̇аанусаяо, авиж̇ж̇аанусаяо анусзд̇и. яасса ваа бана авиж̇ж̇аанусаяо анусзд̇и, д̇асса гаамарааг̇аанусаяо анусзд̇ий’’д̇и гаамарааг̇аанусаяамуулагаани ча яамагаани. буна аг̇ахид̇аг̇г̇ахан̣авасзна бадигхаанусаяамуулагаани бан̃жа, маанаанусаяамуулагаани жад̇д̇аари, д̣̇идтаанусаяамуулагаани д̇ийн̣и, вижигижчаанусаяамуулагаани д̣̇вз, бхаварааг̇аанусаяамуулагам̣ зганд̇и звам̣ саб̣б̣ааниби згамуулагаани згавийсад̇и. буна ‘‘яасса гаамарааг̇аанусаяо жа бадигхаанусаяо жа анусзнд̇ий’’д̇и звам̣ ааг̇ад̇аани д̣̇угамуулагаани бан̃жа, д̇игамуулагаани жад̇д̇аари, жад̇уггамуулагаани д̇ийн̣и, бан̃жагамуулагаани д̣̇вз, чаггамуулагам̣ зганд̇и абарааниби баннараса хонд̇и. д̇аани буримзхи згавийсад̇ияаа сад̣̇д̇хим̣ чад̇д̇им̣саад̇и буг̇г̇алаваарз чад̇д̇им̣са яамагаани. д̇ат̇аа огаасаваарз, д̇ат̇аа буг̇г̇алогаасаваарзд̇и саб̣б̣ааниби ануломанаяз адтасад̇ам̣ яамагаани. д̇ат̇аа бадиломанаязд̇и анусаяаваарз сол̣асаад̇хигаани д̣̇вз яамагасад̇аани, д̇ад̇о д̣̇иг̇ун̣аа бужчаа, д̇ад̇о д̣̇иг̇ун̣аа ад̇т̇аа жа взд̣̇ид̇аб̣б̣аа. яат̇аа жзд̇т̇а, звам̣ саанусаяавааро, баж̇аханавааро, барин̃н̃аавааро, бахийнавааро, уббаж̇ж̇анаваарод̇и имзсамби бан̃жаннам̣ ваараанам̣, згзгасмим̣ яамагаг̇ан̣анаа; яамагад̣̇иг̇ун̣аа бужчаа, бужчаад̣̇иг̇ун̣аа жа ад̇т̇аа взд̣̇ид̇аб̣б̣аа. аяам̣ банзд̇т̇а буримзсу д̇ийсу ваарзсу висзсо. огаасаваарз ‘‘яад̇т̇а д̇ад̇т̇аа’’д̇и авад̇ваа яад̇о д̇ад̇од̇и ниссаггаважанзна д̣̇зсанаа гад̇аа. сзсам̣ д̇аад̣̇исамзва.
Tattha anulomanaye ‘‘yassa anuseti, yattha anuseti, yassa yattha anusetī’’ti puggalokāsatadubhayavasena tayo antaravārā honti. Tesu paṭhame puggalavāre ‘‘yassa kāmarāgānusayo anuseti, tassa paṭighānusayo anuseti; yassa vā pana paṭighānusayo anuseti, tassa kāmarāgānusayo anuseti; yassa kāmarāgānusayo anuseti, tassa mānānusayo, diṭṭhānusayo, vicikicchānusayo, bhavarāgānusayo, avijjānusayo anuseti. Yassa vā pana avijjānusayo anuseti, tassa kāmarāgānusayo anusetī’’ti kāmarāgānusayamūlakāni cha yamakāni. Puna agahitaggahaṇavasena paṭighānusayamūlakāni pañca, mānānusayamūlakāni cattāri, diṭṭhānusayamūlakāni tīṇi, vicikicchānusayamūlakāni dve, bhavarāgānusayamūlakaṃ ekanti evaṃ sabbānipi ekamūlakāni ekavīsati. Puna ‘‘yassa kāmarāgānusayo ca paṭighānusayo ca anusentī’’ti evaṃ āgatāni dukamūlakāni pañca, tikamūlakāni cattāri, catukkamūlakāni tīṇi, pañcakamūlakāni dve, chakkamūlakaṃ ekanti aparānipi pannarasa honti. Tāni purimehi ekavīsatiyā saddhiṃ chattiṃsāti puggalavāre chattiṃsa yamakāni. Tathā okāsavāre, tathā puggalokāsavāreti sabbānipi anulomanaye aṭṭhasataṃ yamakāni. Tathā paṭilomanayeti anusayavāre soḷasādhikāni dve yamakasatāni, tato diguṇā pucchā, tato diguṇā atthā ca veditabbā. Yathā cettha, evaṃ sānusayavāro, pajahanavāro, pariññāvāro, pahīnavāro, uppajjanavāroti imesampi pañcannaṃ vārānaṃ, ekekasmiṃ yamakagaṇanā; yamakadiguṇā pucchā, pucchādiguṇā ca atthā veditabbā. Ayaṃ panettha purimesu tīsu vāresu viseso. Okāsavāre ‘‘yattha tatthā’’ti avatvā yato tatoti nissakkavacanena desanā katā. Sesaṃ tādisameva.
яо банааяам̣ саб̣б̣абажчимо д̇хаад̇увааро наама, со бужчаавааро, виссаж̇ж̇анааваарод̇и д̣̇вид̇хаа тид̇о. д̇асса бужчааваарз гаамад̇хаад̇уяаа жуд̇асса гаамад̇хаад̇ум̣ убабаж̇ж̇анд̇ассаад̇и вад̇ваа ‘‘гаамад̇хаад̇ум̣ ваа бана убабаж̇ж̇анд̇асса гаамад̇хаад̇уяаа жуд̇ассаа’’д̇и на вуд̇д̇ам̣. гим̣ гааран̣аа? ад̇т̇ависзсаабхаавад̇о. д̣̇взби хи зд̇аа бужчаа згад̇т̇ааязва, д̇асмаа згзгасмаа яамагаа згзгамзва бужчам̣ бужчид̇ваа саб̣б̣абужчаавасаанз бужчаануггамзнзва ‘‘гаамад̇хаад̇уяаа жуд̇асса гаамад̇хаад̇ум̣ убабаж̇ж̇анд̇асса гассажи сад̇д̇а анусаяаа анусзнд̇ий’’д̇иаад̣̇инаа наязна виссаж̇ж̇анам̣ гад̇ам̣.
Yo panāyaṃ sabbapacchimo dhātuvāro nāma, so pucchāvāro, vissajjanāvāroti dvidhā ṭhito. Tassa pucchāvāre kāmadhātuyā cutassa kāmadhātuṃ upapajjantassāti vatvā ‘‘kāmadhātuṃ vā pana upapajjantassa kāmadhātuyā cutassā’’ti na vuttaṃ. Kiṃ kāraṇā? Atthavisesābhāvato. Dvepi hi etā pucchā ekatthāyeva, tasmā ekekasmā yamakā ekekameva pucchaṃ pucchitvā sabbapucchāvasāne pucchānukkameneva ‘‘kāmadhātuyā cutassa kāmadhātuṃ upapajjantassa kassaci satta anusayā anusentī’’tiādinā nayena vissajjanaṃ kataṃ.
д̇ад̇т̇а ‘‘гаамад̇хаад̇уяаа жуд̇асса гаамад̇хаад̇ум̣ убабаж̇ж̇анд̇асса, руубад̇хаад̇ум̣, аруубад̇хаад̇ум̣, нагаамад̇хаад̇ум̣, наруубад̇хаад̇ум̣ нааруубад̇хаад̇ум̣ , убабаж̇ж̇анд̇ассаа’’д̇и ча суд̣̇д̇хигабужчаа; ‘‘нагаамад̇хаад̇ум̣, нааруубад̇хаад̇ум̣, наруубад̇хаад̇ум̣; нааруубад̇хаад̇ум̣, нагаамад̇хаад̇ум̣, наруубад̇хаад̇ум̣, убабаж̇ж̇анд̇ассаа’’д̇и д̇иссо миссагаа бужчаа жаад̇и гаамад̇хаад̇умуулагаа нава ануломабужчаа хонд̇и. д̇ат̇аа руубад̇хаад̇умуулагаа нава, аруубад̇хаад̇умуулагаа наваад̇и сад̇д̇авийсад̇и ануломабужчаа хонд̇и. д̇ат̇аа нагаамад̇хаад̇унаруубад̇хаад̇унааруубад̇хаад̇умуулагаа сад̇д̇авийсад̇и бадиломабужчаа. буна ‘‘нагаамад̇хаад̇уяаа, нааруубад̇хаад̇уяаа, наруубад̇хаад̇уяаа, нааруубад̇хаад̇уяаа, нагаамад̇хаад̇уяаа, нааруубад̇хаад̇уяаа’’д̇и сад̇д̇авийсад̇и д̣̇угамуулагаа бужчаад̇и саб̣б̣ааби самбин̣д̣ид̇аа згаасийд̇и бужчаа хонд̇и. д̇аасам̣ васзнзд̇т̇а виссаж̇ж̇анам̣ гад̇анд̇и ид̣̇ам̣ д̇хаад̇уваарз баал̣ивавад̇т̇аанам̣. звам̣ д̇аава сагалзби анусаяаяамагз баал̣ивавад̇т̇аанамзд̇ам̣ взд̣̇ид̇аб̣б̣ам̣.
Tattha ‘‘kāmadhātuyā cutassa kāmadhātuṃ upapajjantassa, rūpadhātuṃ, arūpadhātuṃ, nakāmadhātuṃ, narūpadhātuṃ naarūpadhātuṃ , upapajjantassā’’ti cha suddhikapucchā; ‘‘nakāmadhātuṃ, naarūpadhātuṃ, narūpadhātuṃ; naarūpadhātuṃ, nakāmadhātuṃ, narūpadhātuṃ, upapajjantassā’’ti tisso missakā pucchā cāti kāmadhātumūlakā nava anulomapucchā honti. Tathā rūpadhātumūlakā nava, arūpadhātumūlakā navāti sattavīsati anulomapucchā honti. Tathā nakāmadhātunarūpadhātunaarūpadhātumūlakā sattavīsati paṭilomapucchā. Puna ‘‘nakāmadhātuyā, naarūpadhātuyā, narūpadhātuyā, naarūpadhātuyā, nakāmadhātuyā, naarūpadhātuyā’’ti sattavīsati dukamūlakā pucchāti sabbāpi sampiṇḍitā ekāsīti pucchā honti. Tāsaṃ vasenettha vissajjanaṃ katanti idaṃ dhātuvāre pāḷivavatthānaṃ. Evaṃ tāva sakalepi anusayayamake pāḷivavatthānametaṃ veditabbaṃ.
аад̣̇ид̇о бадтааяа банзд̇т̇а яам̣ яам̣ ануд̇д̇аанам̣, д̇ад̇т̇а д̇ад̇т̇а аяам̣ винижчаяагат̇аа – анусаяаад̇и гзнадтзна анусаяаа? анусаяанадтзна. го зса анусаяанадто наамаад̇и? аббахийнадто. зд̇з хи аббахийнадтзна д̇асса д̇асса санд̇аанз анусзнд̇и наама, д̇асмаа анусаяаад̇и вужжанд̇и. анусзнд̇ийд̇и ануруубам̣ гааран̣ам̣ лабхид̇ваа уббаж̇ж̇анд̇ийд̇и ад̇т̇о. ат̇ааби сияаа – анусаяанадто наама аббахийнаагааро. аббахийнаагааро жа уббаж̇ж̇ад̇ийд̇и вад̇д̇ум̣ на яуж̇ж̇ад̇и, д̇асмаа на анусаяаа уббаж̇ж̇анд̇ийд̇и . д̇ад̇рид̣̇ам̣ бадиважанам̣ – аббахийнаагааро анусаяо, анусаяод̇и бана аббахийнадтзна т̇аамаг̇ад̇агилзсо вужжад̇и. со жид̇д̇асамбаяуд̇д̇о саарамман̣о саббажжаяадтзна сахзд̇уго зганд̇аагусало ад̇ийд̇оби ход̇и анааг̇ад̇оби бажжуббанноби, д̇асмаа уббаж̇ж̇ад̇ийд̇и вад̇д̇ум̣ яуж̇ж̇ад̇и.
Ādito paṭṭhāya panettha yaṃ yaṃ anuttānaṃ, tattha tattha ayaṃ vinicchayakathā – anusayāti kenaṭṭhena anusayā? Anusayanaṭṭhena. Ko esa anusayanaṭṭho nāmāti? Appahīnaṭṭho. Ete hi appahīnaṭṭhena tassa tassa santāne anusenti nāma, tasmā anusayāti vuccanti. Anusentīti anurūpaṃ kāraṇaṃ labhitvā uppajjantīti attho. Athāpi siyā – anusayanaṭṭho nāma appahīnākāro. Appahīnākāro ca uppajjatīti vattuṃ na yujjati, tasmā na anusayā uppajjantīti . Tatridaṃ paṭivacanaṃ – appahīnākāro anusayo, anusayoti pana appahīnaṭṭhena thāmagatakileso vuccati. So cittasampayutto sārammaṇo sappaccayaṭṭhena sahetuko ekantākusalo atītopi hoti anāgatopi paccuppannopi, tasmā uppajjatīti vattuṃ yujjati.
д̇ад̇рид̣̇ам̣ бамаан̣ам̣ – абхид̇хаммз д̇аава гат̇аавад̇т̇усмим̣ (гат̇аа. 554 аад̣̇аяо) ‘‘анусаяаа аб̣яаагад̇аа, анусаяаа ахзд̇угаа, анусаяаа жид̇д̇авиббаяуд̇д̇аа’’д̇и саб̣б̣з ваад̣̇аа бадисзд̇хид̇аа. бадисамбхид̣̇аамаг̇г̇з (бади. ма. 3.21) ‘‘бажжуббаннз гилзсз баж̇ахад̇ий’’д̇и бужчам̣ гад̇ваа анусаяаанам̣ бажжуббаннабхаавасса ад̇т̇ид̇ааяа ‘‘т̇аамаг̇ад̇аанусаяам̣ баж̇ахад̇ий’’д̇и вуд̇д̇ам̣. д̇хаммасан̇г̇ахз бана мохасса бад̣̇абхааж̇анз ‘‘авиж̇ж̇аанусаяо авиж̇ж̇аабарияудтаанам̣ авиж̇ж̇аалан̇г̇ий мохо агусаламуулам̣, аяам̣ д̇асмим̣ самаяз мохо ход̇ий’’д̇и (д̇ха. са. 390) агусалажид̇д̇зна сад̣̇д̇хим̣ авиж̇ж̇аанусаяасса уббаннабхааво вуд̇д̇о. имасмим̣язва анусаяаяамагз сад̇д̇аннам̣ махааваараанам̣ ан̃н̃ад̇арасмим̣ уббаж̇ж̇анаваарз ‘‘яасса гаамарааг̇аанусаяо уббаж̇ж̇ад̇и, д̇асса бадигхаанусаяо уббаж̇ж̇ад̇ий’’д̇иаад̣̇и вуд̇д̇ам̣. д̇асмаа ‘‘анусзнд̇ийд̇и ануруубам̣ гааран̣ам̣ лабхид̇ваа уббаж̇ж̇анд̇ий’’д̇и яам̣ вуд̇д̇ам̣, д̇ам̣ иминаа д̇анд̇иббамаан̣зна сувуд̇д̇анд̇и взд̣̇ид̇аб̣б̣ам̣. яамби ‘‘жид̇д̇асамбаяуд̇д̇о саарамман̣о’’д̇иаад̣̇и вуд̇д̇ам̣, д̇амби сувуд̇д̇амзва. анусаяо хи наамзса баринибпанно жид̇д̇асамбаяуд̇д̇о агусалад̇хаммод̇и нидтамзд̇т̇а г̇анд̇аб̣б̣ам̣. гаамарааг̇аанусаяод̇иаад̣̇ийсу гаамарааг̇о жа со аббахийнадтзна анусаяо жаад̇и гаамарааг̇аанусаяо. сзсабад̣̇зсуби зсзва наяо.
Tatridaṃ pamāṇaṃ – abhidhamme tāva kathāvatthusmiṃ (kathā. 554 ādayo) ‘‘anusayā abyākatā, anusayā ahetukā, anusayā cittavippayuttā’’ti sabbe vādā paṭisedhitā. Paṭisambhidāmagge (paṭi. ma. 3.21) ‘‘paccuppanne kilese pajahatī’’ti pucchaṃ katvā anusayānaṃ paccuppannabhāvassa atthitāya ‘‘thāmagatānusayaṃ pajahatī’’ti vuttaṃ. Dhammasaṅgahe pana mohassa padabhājane ‘‘avijjānusayo avijjāpariyuṭṭhānaṃ avijjālaṅgī moho akusalamūlaṃ, ayaṃ tasmiṃ samaye moho hotī’’ti (dha. sa. 390) akusalacittena saddhiṃ avijjānusayassa uppannabhāvo vutto. Imasmiṃyeva anusayayamake sattannaṃ mahāvārānaṃ aññatarasmiṃ uppajjanavāre ‘‘yassa kāmarāgānusayo uppajjati, tassa paṭighānusayo uppajjatī’’tiādi vuttaṃ. Tasmā ‘‘anusentīti anurūpaṃ kāraṇaṃ labhitvā uppajjantī’’ti yaṃ vuttaṃ, taṃ iminā tantippamāṇena suvuttanti veditabbaṃ. Yampi ‘‘cittasampayutto sārammaṇo’’tiādi vuttaṃ, tampi suvuttameva. Anusayo hi nāmesa parinipphanno cittasampayutto akusaladhammoti niṭṭhamettha gantabbaṃ. Kāmarāgānusayotiādīsu kāmarāgo ca so appahīnaṭṭhena anusayo cāti kāmarāgānusayo. Sesapadesupi eseva nayo.
барижчзд̣̇абарижчиннуд̣̇д̣̇зсаваараван̣н̣анаа.
Paricchedaparicchinnuddesavāravaṇṇanā.
уббад̇д̇идтаанаваараван̣н̣анаа
Uppattiṭṭhānavāravaṇṇanā
2. ид̣̇аани д̇зсам̣ уббад̇д̇идтаанам̣ багаасзд̇ум̣ гад̇т̇а гаамарааг̇аанусаяо анусзд̇ийд̇иаад̣̇имааха. д̇ад̇т̇а гаамад̇хаад̇уяаа д̣̇вийсу взд̣̇анаасууд̇и гаамааважарабхуумияам̣ сукааяа жа убзгкааяа жаад̇и д̣̇вийсу взд̣̇анаасу. зд̇т̇а гаамарааг̇аанусаяо анусзд̇ийд̇и имаасу д̣̇вийсу взд̣̇анаасу уббаж̇ж̇ад̇и. со банзса агусалавзд̣̇анаасу сахаж̇аад̇авасзна аарамман̣авасзна жаад̇и д̣̇вийхаагаарзхи анусзд̇и. агусалааяа сукааяа взд̣̇анааяа жзва убзгкааяа взд̣̇анааяа жа сахаж̇аад̇оби худ̇ваа уббаж̇ж̇ад̇и. д̇аа взд̣̇анаа аарамман̣ам̣ гад̇вааби уббаж̇ж̇ад̇ийд̇и ад̇т̇о. авасзсаа бана гаамааважарагусалавибаагагирияавзд̣̇анаа аарамман̣амзва гад̇ваа уббаж̇ж̇ад̇и. гаамад̇хаад̇уяаа д̣̇вийсу взд̣̇анаасу анусаяамаано жзса д̇аахи взд̣̇анаахи самбаяуд̇д̇зсу сан̃н̃аасан̇кааравин̃н̃аан̣зсуби анусзд̇иязва. на хи саггаа взд̣̇анаасу анусаяамаанзна д̇ам̣самбаяуд̇д̇зхи сан̃н̃аад̣̇ийхи сад̣̇д̇хим̣ асахаж̇аад̇зна ваа бхавид̇ум̣, д̇ам̣самбаяуд̇д̇з ваа сан̃н̃аад̣̇аяо аарамман̣ам̣ агад̇ваа уббаж̇ж̇ид̇ум̣. звам̣ санд̇зби бана яасмаа имаа д̣̇вз взд̣̇анаава саад̇асанд̇асукад̇д̇аа ассаад̣̇адтзна гаамарааг̇аанусаяасса уббад̇д̇ияаа сзсасамбаяуд̇д̇ад̇хаммзсу бад̇хаанаа, д̇асмаа ‘‘д̣̇вийсу взд̣̇анаасу зд̇т̇а гаамарааг̇аанусаяо анусзд̇ий’’д̇и вуд̇д̇ам̣, ол̣ааригавасзна хи б̣од̇ханзяяз сукам̣ б̣од̇хзд̇унд̇и.
2. Idāni tesaṃ uppattiṭṭhānaṃ pakāsetuṃ kattha kāmarāgānusayo anusetītiādimāha. Tattha kāmadhātuyā dvīsu vedanāsūti kāmāvacarabhūmiyaṃ sukhāya ca upekkhāya cāti dvīsu vedanāsu. Ettha kāmarāgānusayo anusetīti imāsu dvīsu vedanāsu uppajjati. So panesa akusalavedanāsu sahajātavasena ārammaṇavasena cāti dvīhākārehi anuseti. Akusalāya sukhāya vedanāya ceva upekkhāya vedanāya ca sahajātopi hutvā uppajjati. Tā vedanā ārammaṇaṃ katvāpi uppajjatīti attho. Avasesā pana kāmāvacarakusalavipākakiriyavedanā ārammaṇameva katvā uppajjati. Kāmadhātuyā dvīsu vedanāsu anusayamāno cesa tāhi vedanāhi sampayuttesu saññāsaṅkhāraviññāṇesupi anusetiyeva. Na hi sakkā vedanāsu anusayamānena taṃsampayuttehi saññādīhi saddhiṃ asahajātena vā bhavituṃ, taṃsampayutte vā saññādayo ārammaṇaṃ akatvā uppajjituṃ. Evaṃ santepi pana yasmā imā dve vedanāva sātasantasukhattā assādaṭṭhena kāmarāgānusayassa uppattiyā sesasampayuttadhammesu padhānā, tasmā ‘‘dvīsu vedanāsu ettha kāmarāgānusayo anusetī’’ti vuttaṃ, oḷārikavasena hi bodhaneyye sukhaṃ bodhetunti.
нану жзса аарамман̣авасзна анусаяамаано на гзвалам̣ имаасу д̣̇вийсу взд̣̇анаасу жзва взд̣̇анаасамбаяуд̇д̇ад̇хаммзсу жа анусзд̇и, идтзсу бана руубаад̣̇ийсуби анусзд̇иязва. вуд̇д̇амби жзд̇ам̣ вибхан̇г̇аббагаран̣з (вибха. 816) ‘‘яам̣ логз бияаруубам̣ саад̇аруубам̣, зд̇т̇а сад̇д̇аанам̣ гаамарааг̇аанусаяо анусзд̇ий’’д̇и имасмимби багаран̣з анусаяаваарасса бадиломанаяз вуд̇д̇ам̣. ‘‘яад̇т̇а гаамарааг̇аанусаяо наанусзд̇и д̇ад̇т̇а д̣̇идтаанусаяо наанусзд̇ийд̇и д̣̇угкааяа взд̣̇анааяа руубад̇хаад̇уяаа аруубад̇хаад̇уяаа зд̇т̇а гаамарааг̇аанусаяо наанусзд̇и, но жа д̇ад̇т̇а д̣̇идтаанусаяо наанусзд̇и. абарияаабаннз зд̇т̇а гаамарааг̇аанусаяо жа наанусзд̇и, д̣̇идтаанусаяо жа наанусзд̇ий’’д̇и. зд̇т̇а хи д̣̇угкавзд̣̇анааяа жзва руубад̇хаад̇уаад̣̇ийсу жа наанусзд̇ийд̇и вуд̇д̇ад̇д̇аа сасамбаяуд̇д̇ад̇хаммам̣ д̣̇угкавзд̣̇анам̣ саогаасз руубааруубааважарад̇хаммз нава жа, логуд̇д̇арад̇хаммз табзд̇ваа авасзсзсу руубасад̣̇д̣̇аг̇анд̇харасаподтаб̣б̣зсу анусзд̇ийд̇и вуд̇д̇ам̣ ход̇и. д̇ам̣ ид̇ха гасмаа на вуд̇д̇анд̇и? анол̣ааригад̇д̇аа. хздтаа вуд̇д̇анаязна хи взд̣̇анаанан̃н̃зва ол̣ааригад̇д̇аа имзсам̣ бана анол̣ааригад̇д̇аа зд̇зсу руубаад̣̇ийсу анусзд̇ийд̇и на вуд̇д̇ам̣, ад̇т̇ад̇о бана лаб̣бхад̇и. д̇асмаа зд̇зсуби гаамарааг̇аанусаяо анусзд̇иязваад̇и взд̣̇ид̇аб̣б̣о. на хи сад̇т̇аа саб̣б̣ам̣ саб̣б̣ад̇т̇а гат̇зд̇и. б̣од̇ханзяяасад̇д̇аанам̣ бана васзна гад̇т̇ажи яам̣ лаб̣бхад̇и, д̇ам̣ саб̣б̣ам̣ гат̇зд̇и, гад̇т̇ажи на гат̇зд̇и. д̇ат̇аа хи анзна гад̇т̇ажи д̣̇идтаанусаяо анусзд̇ийд̇и бужчид̇ваа ‘‘саб̣б̣асаггааяабарияаабаннзсу д̇хаммзсу зд̇т̇а д̣̇идтаанусаяо анусзд̇ий’’д̇и яам̣ лаб̣бхад̇и д̇ам̣ саб̣б̣ам̣ гат̇ид̇ам̣. абарасмим̣ таанз виссаж̇ж̇анд̇зна ‘‘руубад̇хаад̇уяаа аруубад̇хаад̇уяаа зд̇т̇а вижигижчаанусаяо жа маанаанусаяо жа д̣̇идтаанусаяо жа анусзнд̇и, гаамад̇хаад̇уяаа д̣̇вийсу взд̣̇анаасу зд̇т̇а вижигижчаанусаяо жа гаамарааг̇аанусаяо жа маанаанусаяо жа д̣̇идтаанусаяо жа анусзнд̇и, д̣̇угкааяа взд̣̇анааяа зд̇т̇а вижигижчаанусаяо жа бадигхаанусаяо жа д̣̇идтаанусаяо жа авиж̇ж̇аанусаяо жа анусзнд̇ий’’д̇и яам̣ лаб̣бхад̇и д̇ам̣ саб̣б̣ам̣ агат̇зд̇ваа руубад̇хаад̇уаруубад̇хаад̇уухи сад̣̇д̇хим̣ д̇иссо взд̣̇анаава гат̇ид̇аа. взд̣̇анаасамбаяуд̇д̇аа бана аруубад̇хаммаа, саб̣б̣ан̃жа руубам̣ на гат̇ид̇ам̣. гин̃жааби на гат̇ид̇ам̣, д̣̇идтаанусаяо банзд̇т̇а анусзд̇иязва. звамзва гин̃жааби ид̇ха руубаад̣̇иидтаарамман̣ам̣ на гат̇ид̇ам̣, гаамарааг̇аанусаяо банзд̇т̇а анусзд̇иязваад̇и. звам̣ д̇аава гаамарааг̇аанусаяасса анусаяанадтаанам̣ взд̣̇ид̇аб̣б̣ам̣.
Nanu cesa ārammaṇavasena anusayamāno na kevalaṃ imāsu dvīsu vedanāsu ceva vedanāsampayuttadhammesu ca anuseti, iṭṭhesu pana rūpādīsupi anusetiyeva. Vuttampi cetaṃ vibhaṅgappakaraṇe (vibha. 816) ‘‘yaṃ loke piyarūpaṃ sātarūpaṃ, ettha sattānaṃ kāmarāgānusayo anusetī’’ti imasmimpi pakaraṇe anusayavārassa paṭilomanaye vuttaṃ. ‘‘Yattha kāmarāgānusayo nānuseti tattha diṭṭhānusayo nānusetīti dukkhāya vedanāya rūpadhātuyā arūpadhātuyā ettha kāmarāgānusayo nānuseti, no ca tattha diṭṭhānusayo nānuseti. Apariyāpanne ettha kāmarāgānusayo ca nānuseti, diṭṭhānusayo ca nānusetī’’ti. Ettha hi dukkhavedanāya ceva rūpadhātuādīsu ca nānusetīti vuttattā sasampayuttadhammaṃ dukkhavedanaṃ saokāse rūpārūpāvacaradhamme nava ca, lokuttaradhamme ṭhapetvā avasesesu rūpasaddagandharasaphoṭṭhabbesu anusetīti vuttaṃ hoti. Taṃ idha kasmā na vuttanti? Anoḷārikattā. Heṭṭhā vuttanayena hi vedanānaññeva oḷārikattā imesaṃ pana anoḷārikattā etesu rūpādīsu anusetīti na vuttaṃ, atthato pana labbhati. Tasmā etesupi kāmarāgānusayo anusetiyevāti veditabbo. Na hi satthā sabbaṃ sabbattha katheti. Bodhaneyyasattānaṃ pana vasena katthaci yaṃ labbhati, taṃ sabbaṃ katheti, katthaci na katheti. Tathā hi anena katthaci diṭṭhānusayo anusetīti pucchitvā ‘‘sabbasakkāyapariyāpannesu dhammesu ettha diṭṭhānusayo anusetī’’ti yaṃ labbhati taṃ sabbaṃ kathitaṃ. Aparasmiṃ ṭhāne vissajjantena ‘‘rūpadhātuyā arūpadhātuyā ettha vicikicchānusayo ca mānānusayo ca diṭṭhānusayo ca anusenti, kāmadhātuyā dvīsu vedanāsu ettha vicikicchānusayo ca kāmarāgānusayo ca mānānusayo ca diṭṭhānusayo ca anusenti, dukkhāya vedanāya ettha vicikicchānusayo ca paṭighānusayo ca diṭṭhānusayo ca avijjānusayo ca anusentī’’ti yaṃ labbhati taṃ sabbaṃ akathetvā rūpadhātuarūpadhātūhi saddhiṃ tisso vedanāva kathitā. Vedanāsampayuttā pana arūpadhammā, sabbañca rūpaṃ na kathitaṃ. Kiñcāpi na kathitaṃ, diṭṭhānusayo panettha anusetiyeva. Evameva kiñcāpi idha rūpādiiṭṭhārammaṇaṃ na kathitaṃ, kāmarāgānusayo panettha anusetiyevāti. Evaṃ tāva kāmarāgānusayassa anusayanaṭṭhānaṃ veditabbaṃ.
бадигхаанусаяасса бана ‘‘д̣̇угкааяа взд̣̇анааяаа’’д̇и важанад̇о д̣̇вз д̣̇оманассавзд̣̇анаа гааяавин̃н̃аан̣асамбаяуд̇д̇аа д̣̇угкавзд̣̇анаад̇и д̇иссо взд̣̇анаа анусаяанадтаанам̣. со банзса д̣̇оманассавзд̣̇анаасу сахаж̇аад̇авасзна аарамман̣авасзна жаад̇и д̣̇вийхаагаарзхи анусзд̇и. авасзсад̣̇угкавзд̣̇анааяа бана аарамман̣авасзнзва анусзд̇и. д̇аасу взд̣̇анаасу анусаяамаано жзса д̇аахи самбаяуд̇д̇зсу сан̃н̃аагканд̇хаад̣̇ийсуби анусзд̇иязва. яааяа хи взд̣̇анааяа зса сахаж̇аад̇о, д̇ам̣самбаяуд̇д̇зхи сан̃н̃аад̣̇ийхиби сахаж̇аад̇ова. яаа жа взд̣̇анаа аарамман̣ам̣ гарод̇и, д̇аахи самбаяуд̇д̇з сан̃н̃аад̣̇аяоби гарод̇иязва. звам̣ санд̇зби бана яасмаа д̣̇угкавзд̣̇анаава асаад̇ад̣̇угкавзд̣̇аяид̇ад̇д̇аа нирассаад̣̇адтзна бадигхаанусаяасса уббад̇д̇ияаа сзсасамбаяуд̇д̇ад̇хаммзсу ад̇хигаа; д̇асмаа ‘‘д̣̇угкааяа взд̣̇анааяа зд̇т̇а бадигхаанусаяо анусзд̇ий’’д̇и вуд̇д̇ам̣, ол̣ааригавасзна хи б̣од̇ханзяяз сукам̣ б̣од̇хзд̇унд̇и.
Paṭighānusayassa pana ‘‘dukkhāya vedanāyā’’ti vacanato dve domanassavedanā kāyaviññāṇasampayuttā dukkhavedanāti tisso vedanā anusayanaṭṭhānaṃ. So panesa domanassavedanāsu sahajātavasena ārammaṇavasena cāti dvīhākārehi anuseti. Avasesadukkhavedanāya pana ārammaṇavaseneva anuseti. Tāsu vedanāsu anusayamāno cesa tāhi sampayuttesu saññākkhandhādīsupi anusetiyeva. Yāya hi vedanāya esa sahajāto, taṃsampayuttehi saññādīhipi sahajātova. Yā ca vedanā ārammaṇaṃ karoti, tāhi sampayutte saññādayopi karotiyeva. Evaṃ santepi pana yasmā dukkhavedanāva asātadukkhavedayitattā nirassādaṭṭhena paṭighānusayassa uppattiyā sesasampayuttadhammesu adhikā; tasmā ‘‘dukkhāya vedanāya ettha paṭighānusayo anusetī’’ti vuttaṃ, oḷārikavasena hi bodhaneyye sukhaṃ bodhetunti.
нану жзса аарамман̣авасзна анусаяамаано на гзвалам̣ д̣̇угкавзд̣̇анааяа жзва д̇ам̣самбаяуд̇д̇ад̇хаммзсу жа анусзд̇и, анидтзсу бана руубаад̣̇ийсуби анусзд̇иязва? вуд̇д̇амби жзд̇ам̣ вибхан̇г̇аббагаран̣з (вибха. 816) ‘‘яам̣ логз аббияаруубам̣ асаад̇аруубам̣, зд̇т̇а сад̇д̇аанам̣ бадигхаанусаяо анусзд̇ий’’д̇и имасмимби багаран̣з анусаяаваарасса бадиломанаяз вуд̇д̇ам̣ – ‘‘гаамад̇хаад̇уяаа д̣̇вийсу взд̣̇анаасу зд̇т̇а бадигхаанусаяо наанусзд̇и, но жа д̇ад̇т̇а гаамарааг̇аанусаяо наанусзд̇и. руубад̇хаад̇уяаа аруубад̇хаад̇уяаа абарияаабаннз зд̇т̇а бадигхаанусаяо жа наанусзд̇и, гаамарааг̇аанусаяо жа наанусзд̇ий’’д̇и. зд̇т̇а хи д̣̇вийсу гаамааважаравзд̣̇анаасу жзва руубад̇хаад̇уаад̣̇ийсу жа наанусзд̇ийд̇и вуд̇д̇ад̇д̇аа сасамбаяуд̇д̇ад̇хаммаа д̣̇вз взд̣̇анаа саогаасз руубааруубааважарад̇хаммз нава жа, логуд̇д̇арад̇хаммз табзд̇ваа авасзсзсу руубаад̣̇ийсу анусзд̇ийд̇и вуд̇д̇ам̣ ход̇и . д̇ам̣ ид̇ха гасмаа на вуд̇д̇анд̇и? анол̣ааригад̇д̇аа. хздтаа вуд̇д̇анаязна хи д̣̇угкавзд̣̇анааяа зва ол̣ааригад̇д̇аа имзсам̣ бана анол̣ааригад̇д̇аа зд̇зсу руубаад̣̇ийсу анусзд̇ийд̇и на вуд̇д̇ам̣. ад̇т̇ад̇о бана лаб̣бхад̇и, д̇асмаа зд̇зсуби бадигхаанусаяо анусзд̇иязваад̇и взд̣̇ид̇аб̣б̣о.
Nanu cesa ārammaṇavasena anusayamāno na kevalaṃ dukkhavedanāya ceva taṃsampayuttadhammesu ca anuseti, aniṭṭhesu pana rūpādīsupi anusetiyeva? Vuttampi cetaṃ vibhaṅgappakaraṇe (vibha. 816) ‘‘yaṃ loke appiyarūpaṃ asātarūpaṃ, ettha sattānaṃ paṭighānusayo anusetī’’ti imasmimpi pakaraṇe anusayavārassa paṭilomanaye vuttaṃ – ‘‘kāmadhātuyā dvīsu vedanāsu ettha paṭighānusayo nānuseti, no ca tattha kāmarāgānusayo nānuseti. Rūpadhātuyā arūpadhātuyā apariyāpanne ettha paṭighānusayo ca nānuseti, kāmarāgānusayo ca nānusetī’’ti. Ettha hi dvīsu kāmāvacaravedanāsu ceva rūpadhātuādīsu ca nānusetīti vuttattā sasampayuttadhammā dve vedanā saokāse rūpārūpāvacaradhamme nava ca, lokuttaradhamme ṭhapetvā avasesesu rūpādīsu anusetīti vuttaṃ hoti . Taṃ idha kasmā na vuttanti? Anoḷārikattā. Heṭṭhā vuttanayena hi dukkhavedanāya eva oḷārikattā imesaṃ pana anoḷārikattā etesu rūpādīsu anusetīti na vuttaṃ. Atthato pana labbhati, tasmā etesupi paṭighānusayo anusetiyevāti veditabbo.
гим̣ бана ид̇араа д̣̇вз взд̣̇анаа идтаарамман̣ам̣ ваа бадигхасса аарамман̣ам̣ на хонд̇ийд̇и? но на хонд̇и. барихийнаж̇жхаанасса виббадисааравасзна сасамбаяуд̇д̇ад̇хаммаа д̇аа взд̣̇анаа аараб̣бха д̣̇оманассам̣ уббаж̇ж̇ад̇и. идтаарамман̣асса жа бадилад̣̇д̇хасса вибарин̣аамам̣ ваа аббадилад̣̇д̇хасса аббадилаабхам̣ ваа самануссарад̇оби д̣̇оманассам̣ уббаж̇ж̇ад̇и. д̣̇оманассамад̇д̇амзва бана д̇ам̣ ход̇и, на бадигхаанусаяо. бадигхаанусаяо хи анидтаарамман̣з бадихан̃н̃анавасзна уббанно т̇аамаг̇ад̇о гилзсо, д̇асмаа зд̇т̇а д̣̇оманассзна сад̣̇д̇хим̣ бадигхо уббанноби ад̇д̇ано бадигхагижжам̣ агаран̣абхаавзна зва бадигхаанусаяо на ход̇и аб̣б̣охааригад̇д̇ам̣ г̇ажчад̇и. яат̇аа хи баан̣аад̇ибаад̇ажзд̇анааяа сад̣̇д̇хим̣ уббанноби б̣яаабаад̣̇о маногаммам̣ наама на ход̇и аб̣б̣охааригад̇д̇ам̣ г̇ажчад̇и, звам̣ бадигхаанусаяо на ход̇и, аб̣б̣охааригад̇д̇ам̣ г̇ажчад̇и. вуд̇д̇амби жзд̇ам̣ згажжам̣ идтаарамман̣ам̣ нзгкаммасид̇амби ваа д̣̇оманассам̣ санд̇хааяа ‘‘яам̣ зваруубам̣ д̣̇оманассам̣ бадигхам̣ д̇зна баж̇ахад̇и на д̇ад̇т̇а бадигхаанусаяо анусзд̇ий’’д̇и (ма. ни. 1.465). звам̣ бадигхаанусаяасса анусаяанадтаанам̣ взд̣̇ид̇аб̣б̣ам̣.
Kiṃ pana itarā dve vedanā iṭṭhārammaṇaṃ vā paṭighassa ārammaṇaṃ na hontīti? No na honti. Parihīnajjhānassa vippaṭisāravasena sasampayuttadhammā tā vedanā ārabbha domanassaṃ uppajjati. Iṭṭhārammaṇassa ca paṭiladdhassa vipariṇāmaṃ vā appaṭiladdhassa appaṭilābhaṃ vā samanussaratopi domanassaṃ uppajjati. Domanassamattameva pana taṃ hoti, na paṭighānusayo. Paṭighānusayo hi aniṭṭhārammaṇe paṭihaññanavasena uppanno thāmagato kileso, tasmā ettha domanassena saddhiṃ paṭigho uppannopi attano paṭighakiccaṃ akaraṇabhāvena eva paṭighānusayo na hoti abbohārikattaṃ gacchati. Yathā hi pāṇātipātacetanāya saddhiṃ uppannopi byāpādo manokammaṃ nāma na hoti abbohārikattaṃ gacchati, evaṃ paṭighānusayo na hoti, abbohārikattaṃ gacchati. Vuttampi cetaṃ ekaccaṃ iṭṭhārammaṇaṃ nekkhammasitampi vā domanassaṃ sandhāya ‘‘yaṃ evarūpaṃ domanassaṃ paṭighaṃ tena pajahati na tattha paṭighānusayo anusetī’’ti (ma. ni. 1.465). Evaṃ paṭighānusayassa anusayanaṭṭhānaṃ veditabbaṃ.
маанаанусаяасса бана ‘‘гаамад̇хаад̇уяаа д̣̇вийсу взд̣̇анаасуу’’д̇иаад̣̇иважанад̇о д̣̇вз гаамааважаравзд̣̇анаа руубааруубад̇хаад̇уяо жаад̇и ид̣̇ам̣ д̇ивид̇хам̣ анусаяанадтаанам̣. д̇асса агусалаасу взд̣̇анаасу гаамарааг̇аанусаяасса вияа сахаж̇аад̇аанусаяад̇аа взд̣̇ид̇аб̣б̣аа. сасамбаяуд̇д̇ад̇хаммаасу бана саб̣б̣аасуби гаамааважараасу сукаад̣̇угкамасукавзд̣̇анаасу руубааруубад̇хаад̇уусу жа аарамман̣авасзнзва анусзд̇и. анусаяаваарасса бана бадиломанаяз ‘‘д̣̇угкааяа взд̣̇анааяа абарияаабаннз зд̇т̇а гаамарааг̇аанусаяо жа наанусзд̇и, маанаанусаяо жа наанусзд̇ий’’д̇и вуд̇д̇ад̇д̇аа табзд̇ваа д̣̇угкавзд̣̇анан̃жзва нававид̇хам̣ логуд̇д̇арад̇хамман̃жа сзсаруубааруубад̇хаммзсуби аяам̣ анусзд̇иязваад̇и. звам̣ маанаанусаяасса анусаяанадтаанам̣ взд̣̇ид̇аб̣б̣ам̣.
Mānānusayassa pana ‘‘kāmadhātuyā dvīsu vedanāsū’’tiādivacanato dve kāmāvacaravedanā rūpārūpadhātuyo cāti idaṃ tividhaṃ anusayanaṭṭhānaṃ. Tassa akusalāsu vedanāsu kāmarāgānusayassa viya sahajātānusayatā veditabbā. Sasampayuttadhammāsu pana sabbāsupi kāmāvacarāsu sukhaadukkhamasukhavedanāsu rūpārūpadhātūsu ca ārammaṇavaseneva anuseti. Anusayavārassa pana paṭilomanaye ‘‘dukkhāya vedanāya apariyāpanne ettha kāmarāgānusayo ca nānuseti, mānānusayo ca nānusetī’’ti vuttattā ṭhapetvā dukkhavedanañceva navavidhaṃ lokuttaradhammañca sesarūpārūpadhammesupi ayaṃ anusetiyevāti. Evaṃ mānānusayassa anusayanaṭṭhānaṃ veditabbaṃ.
д̣̇идтаанусаяавижигижчаанусаяаа бана гзвалам̣ логуд̇д̇арад̇хаммзсвзва наанусзнд̇и. д̇збхуумагзсу бана саб̣б̣зсуби анусзнд̇иязва. д̇зна вуд̇д̇ам̣ – ‘‘саб̣б̣асаггааяабарияаабаннзсу д̇хаммзсу зд̇т̇а д̣̇идтаанусаяо анусзд̇и, зд̇т̇а вижигижчаанусаяо анусзд̇ий’’д̇и. д̇ад̇т̇а саб̣б̣асаггааяабарияаабаннзсууд̇и сам̣сааравадданиссид̇адтзна саггааяабарияаабаннзсу саб̣б̣ад̇хаммзсууд̇и ад̇т̇о. д̇ад̇т̇а банзд̇з бан̃жасу жид̇д̇уббаад̣̇зсу сахаж̇аад̇аанусаяанавасзна анусзнд̇и. д̇з ваа бана бан̃жа жид̇д̇уббаад̣̇з ан̃н̃з ваа д̇збхуумагад̇хаммз аараб̣бха бавад̇д̇игаалз аарамман̣аанусаяанавасзна анусзнд̇ийд̇и. звам̣ д̣̇идтаанусаяавижигижчаанусаяаанам̣ анусаяанадтаанам̣ взд̣̇ид̇аб̣б̣ам̣.
Diṭṭhānusayavicikicchānusayā pana kevalaṃ lokuttaradhammesveva nānusenti. Tebhūmakesu pana sabbesupi anusentiyeva. Tena vuttaṃ – ‘‘sabbasakkāyapariyāpannesu dhammesu ettha diṭṭhānusayo anuseti, ettha vicikicchānusayo anusetī’’ti. Tattha sabbasakkāyapariyāpannesūti saṃsāravaṭṭanissitaṭṭhena sakkāyapariyāpannesu sabbadhammesūti attho. Tattha panete pañcasu cittuppādesu sahajātānusayanavasena anusenti. Te vā pana pañca cittuppāde aññe vā tebhūmakadhamme ārabbha pavattikāle ārammaṇānusayanavasena anusentīti. Evaṃ diṭṭhānusayavicikicchānusayānaṃ anusayanaṭṭhānaṃ veditabbaṃ.
бхаварааг̇аанусаяо бана гин̃жааби д̣̇идтивиббаяуд̇д̇зсу жад̇уусу жид̇д̇зсу уббаж̇ж̇анад̇о сахаж̇аад̇аанусаяанавасзна ‘‘гаамад̇хаад̇уяаа д̣̇вийсу взд̣̇анаасу анусзд̇ий’’д̇и вад̇д̇аб̣б̣о бхавзяяа. гаамад̇хаад̇уяам̣ банзса д̣̇вийхи взд̣̇анаахи сад̣̇д̇хим̣ уббаж̇ж̇амааноби руубааруубааважарад̇хаммамзва бадилабхад̇и. гаамад̇хаад̇уяаа барияаабаннам̣ згад̇хаммамби аарамман̣ам̣ на гарод̇и, д̇асмаа аарамман̣аанусаяанавасзна нияамам̣ гад̇ваа ‘‘руубад̇хаад̇уяаа аруубад̇хаад̇уяаа зд̇т̇а бхаварааг̇аанусаяо анусзд̇ий’’д̇и вуд̇д̇ам̣. абижа рааг̇о наамзса гаамарааг̇абхаварааг̇авасзна д̣̇увид̇хо. д̇ад̇т̇а гаамарааг̇о гаамад̇хаад̇уяаа д̣̇вийсу взд̣̇анаасу анусзд̇ийд̇и вуд̇д̇о. сажз бана бхаварааг̇оби гаамарааг̇о вияа звам̣ вужжзяяа, гаамарааг̇зна сад̣̇д̇хим̣ д̣̇зсанаа сам̣гин̣н̣аа вияа бхавзяяаад̇и рааг̇агилзсам̣ д̣̇вид̇хаа бхинд̣̇ид̇ваа гаамарааг̇ад̇о бхаварааг̇асса висзсад̣̇ассанад̇т̇амби звам̣ д̣̇зсанаа гад̇аад̇и. звам̣ бхаварааг̇аанусаяасса анусаяанадтаанам̣ взд̣̇ид̇аб̣б̣ам̣.
Bhavarāgānusayo pana kiñcāpi diṭṭhivippayuttesu catūsu cittesu uppajjanato sahajātānusayanavasena ‘‘kāmadhātuyā dvīsu vedanāsu anusetī’’ti vattabbo bhaveyya. Kāmadhātuyaṃ panesa dvīhi vedanāhi saddhiṃ uppajjamānopi rūpārūpāvacaradhammameva paṭilabhati. Kāmadhātuyā pariyāpannaṃ ekadhammampi ārammaṇaṃ na karoti, tasmā ārammaṇānusayanavasena niyamaṃ katvā ‘‘rūpadhātuyā arūpadhātuyā ettha bhavarāgānusayo anusetī’’ti vuttaṃ. Apica rāgo nāmesa kāmarāgabhavarāgavasena duvidho. Tattha kāmarāgo kāmadhātuyā dvīsu vedanāsu anusetīti vutto. Sace pana bhavarāgopi kāmarāgo viya evaṃ vucceyya, kāmarāgena saddhiṃ desanā saṃkiṇṇā viya bhaveyyāti rāgakilesaṃ dvidhā bhinditvā kāmarāgato bhavarāgassa visesadassanatthampi evaṃ desanā katāti. Evaṃ bhavarāgānusayassa anusayanaṭṭhānaṃ veditabbaṃ.
авиж̇ж̇аанусаяо бана саб̣б̣зсуби д̇збхуумагад̇хаммзсу анусзд̇и. д̇зна вуд̇д̇ам̣ ‘‘саб̣б̣асаггааяабарияаабаннзсу д̇хаммзсу зд̇т̇а авиж̇ж̇аанусаяо анусзд̇ий’’д̇и. д̇асса д̣̇ваад̣̇асасу жид̇д̇уббаад̣̇зсу сахаж̇аад̇аанусаяад̇аа взд̣̇ид̇аб̣б̣аа. аарамман̣агаран̣авасзна бана на гин̃жи д̇збхуумагад̇хаммам̣ аараб̣бха на бавад̇д̇ад̇ийд̇и. звам̣ авиж̇ж̇аанусаяасса анусаяанадтаанам̣ взд̣̇ид̇аб̣б̣ам̣. аяам̣ д̇аава барижчзд̣̇аваарабарижчиннуд̣̇д̣̇зсаваарауббад̇д̇идтаанаваарзсу винижчаяагат̇аа.
Avijjānusayo pana sabbesupi tebhūmakadhammesu anuseti. Tena vuttaṃ ‘‘sabbasakkāyapariyāpannesu dhammesu ettha avijjānusayo anusetī’’ti. Tassa dvādasasu cittuppādesu sahajātānusayatā veditabbā. Ārammaṇakaraṇavasena pana na kiñci tebhūmakadhammaṃ ārabbha na pavattatīti. Evaṃ avijjānusayassa anusayanaṭṭhānaṃ veditabbaṃ. Ayaṃ tāva paricchedavāraparicchinnuddesavārauppattiṭṭhānavāresu vinicchayakathā.
уббад̇д̇идтаанаваараван̣н̣анаа.
Uppattiṭṭhānavāravaṇṇanā.
махаавааро
Mahāvāro
1. анусаяаваараван̣н̣анаа
1. Anusayavāravaṇṇanā
3. сад̇д̇аннам̣ бана махааваараанам̣ батамз анусаяаваарз яасса гаамарааг̇аанусаяо анусзд̇и, д̇асса бадигхаанусаяо анусзд̇ийд̇и зд̇т̇а яад̣̇зд̇ам̣ ‘‘ааманд̇аа’’д̇и бадиважанам̣ д̣̇иннам̣, д̇ам̣ д̣̇уд̣̇д̣̇иннам̣ вияа кааяад̇и. гасмаа? гаамарааг̇абадигхаанам̣ згагкан̣з ануббад̇д̇ид̇о. яат̇аа хи ‘‘яасса манааяад̇анам̣ уббаж̇ж̇ад̇и, д̇асса д̇хаммааяад̇анам̣ уббаж̇ж̇ад̇ийд̇и ‘ааманд̇аа’, ассаасабассаасаанам̣ уббаад̣̇агкан̣з д̇зсам̣ гааяасан̇кааро жа уббаж̇ж̇ад̇и, важийсан̇кааро жа уббаж̇ж̇ад̇ий’’д̇иаад̣̇ийсу манааяад̇анад̇хаммааяад̇анаани гааяасан̇каараважийсан̇каараа жа згагкан̣з уббаж̇ж̇анд̇и, на д̇ат̇аа гаамарааг̇абадигхаа. гаамарааг̇о хи адтасу лобхасахаг̇ад̇ажид̇д̇уббаад̣̇зсу уббаж̇ж̇ад̇и. бадигхо д̣̇вийсу д̣̇оманассасахаг̇ад̇зсууд̇и, над̇т̇и нзсам̣ згагкан̣з уббад̇д̇и; д̇асмаа зд̇т̇а ‘но’д̇и бадисзд̇хо гад̇д̇аб̣б̣о сияаа. д̇ам̣ агад̇ваа бана ‘ааманд̇аа’д̇и бадиважанасса д̣̇иннад̇д̇аа хздтааяамагзсу вияа зд̇т̇а кан̣абажжуббаннавасзна вад̇д̇амаанавохаарам̣ аг̇г̇ахзд̇ваа ан̃н̃ат̇аа г̇ахзд̇аб̣б̣о.
3. Sattannaṃ pana mahāvārānaṃ paṭhame anusayavāre yassa kāmarāgānusayo anuseti, tassa paṭighānusayo anusetīti ettha yadetaṃ ‘‘āmantā’’ti paṭivacanaṃ dinnaṃ, taṃ duddinnaṃ viya khāyati. Kasmā? Kāmarāgapaṭighānaṃ ekakkhaṇe anuppattito. Yathā hi ‘‘yassa manāyatanaṃ uppajjati, tassa dhammāyatanaṃ uppajjatīti ‘āmantā’, assāsapassāsānaṃ uppādakkhaṇe tesaṃ kāyasaṅkhāro ca uppajjati, vacīsaṅkhāro ca uppajjatī’’tiādīsu manāyatanadhammāyatanāni kāyasaṅkhāravacīsaṅkhārā ca ekakkhaṇe uppajjanti, na tathā kāmarāgapaṭighā. Kāmarāgo hi aṭṭhasu lobhasahagatacittuppādesu uppajjati. Paṭigho dvīsu domanassasahagatesūti, natthi nesaṃ ekakkhaṇe uppatti; tasmā ettha ‘no’ti paṭisedho kattabbo siyā. Taṃ akatvā pana ‘āmantā’ti paṭivacanassa dinnattā heṭṭhāyamakesu viya ettha khaṇapaccuppannavasena vattamānavohāraṃ aggahetvā aññathā gahetabbo.
гат̇ам̣? аббахийнавасзна. аббахийнад̇ан̃хи санд̇хааяа аяам̣ ‘‘анусзд̇ий’’д̇и вад̇д̇амаанавохааро вуд̇д̇о, на кан̣абажжуббаннад̇ам̣. яасмаа жа аббахийнад̇ам̣ санд̇хааяа вуд̇д̇о, д̇асмаа ‘‘яасса гаамарааг̇аанусаяо анусзд̇и, д̇асса бадигхаанусаяо анусзд̇ий’’д̇и бужчааяа яасса гаамарааг̇аанусаяо аббахийно, на ануббад̇д̇ид̇хаммад̇ам̣ аабаад̣̇ид̇о, д̇асса бадигхаанусаяоби аббахийнод̇и звамад̇т̇о д̣̇адтаб̣б̣о. яасмаа жа д̇зсу яассзго аббахийно, д̇асса ид̇ароби аббахийнова ход̇и, д̇асмаа ‘‘ааманд̇аа’’д̇и вуд̇д̇ам̣. яад̣̇и звам̣, яам̣ убари уббаж̇ж̇анаваарз ‘яасса гаамарааг̇аанусаяо уббаж̇ж̇ад̇и, д̇асса бадигхаанусаяо уббаж̇ж̇ад̇ий’д̇и бужчид̇ваа ‘ааманд̇аа’д̇и вуд̇д̇ам̣; д̇ад̇т̇а гат̇ам̣ ад̇т̇о г̇ахзд̇аб̣б̣од̇и? д̇ад̇т̇ааби аббахийнавасзнзва уббад̇д̇ибажжаяз сад̇и уббад̇д̇ияаа аниваарид̇авасзна ваа. яат̇аа хи жид̇д̇агаммаад̣̇ийни аарабхид̇ваа абаринидтид̇агамманд̇аа жид̇д̇агаараад̣̇аяо д̇зсам̣ гамманд̇аанам̣ агаран̣агкан̣зби мид̇д̇асухаж̇ж̇аад̣̇ийхи д̣̇идтад̣̇идтадтаанз ‘‘имзсу д̣̇ивасзсу гим̣ гарот̇аа’’д̇и вуд̇д̇аа, ‘‘жид̇д̇агаммам̣ гарома, гадтагаммам̣ гаромаа’’д̇и вад̣̇анд̇и. д̇з гин̃жааби д̇асмим̣ кан̣з на гаронд̇и авижчиннагамманд̇ад̇д̇аа бана гад̇акан̣ан̃жа гад̇д̇аб̣б̣акан̣ан̃жа убаад̣̇ааяа гаронд̇иязва наама хонд̇и. звамзва яамхи санд̇аанз анусаяаа аббахийнаа, яамхи ваа бана нзсам̣ санд̇аанз уббад̇д̇ибажжаяз сад̇и уббад̇д̇и аниваарид̇аа, д̇ад̇т̇а ануббаж̇ж̇анагкан̣зби уббаннабуб̣б̣ан̃жзва гааланд̇арз уббаж̇ж̇анаган̃жа убаад̣̇ааяа яасса гаамарааг̇аанусаяо уббаж̇ж̇ад̇и, д̇асса бадигхаанусаяо уббаж̇ж̇ад̇иязва наамаад̇и звамад̇т̇о взд̣̇ид̇аб̣б̣о. ид̇о барзсуби зваруубзсу виссаж̇ж̇анзсу зсзва наяо. но жа д̇ассаад̇и ид̣̇ам̣ анааг̇аамисса гаамарааг̇аб̣яаабаад̣̇аанам̣ анавасзсад̇о бахийнад̇д̇аа вуд̇д̇ам̣. д̇ин̣н̣ам̣ буг̇г̇алаананд̇и бут̇уж̇ж̇анасод̇аабаннасагад̣̇ааг̇аамийнам̣. д̣̇виннам̣ буг̇г̇алаананд̇и сод̇аабаннасагад̣̇ааг̇аамийнам̣. барад̇оби зваруубзсу таанзсу зсзва наяо.
Kathaṃ? Appahīnavasena. Appahīnatañhi sandhāya ayaṃ ‘‘anusetī’’ti vattamānavohāro vutto, na khaṇapaccuppannataṃ. Yasmā ca appahīnataṃ sandhāya vutto, tasmā ‘‘yassa kāmarāgānusayo anuseti, tassa paṭighānusayo anusetī’’ti pucchāya yassa kāmarāgānusayo appahīno, na anuppattidhammataṃ āpādito, tassa paṭighānusayopi appahīnoti evamattho daṭṭhabbo. Yasmā ca tesu yasseko appahīno, tassa itaropi appahīnova hoti, tasmā ‘‘āmantā’’ti vuttaṃ. Yadi evaṃ, yaṃ upari uppajjanavāre ‘yassa kāmarāgānusayo uppajjati, tassa paṭighānusayo uppajjatī’ti pucchitvā ‘āmantā’ti vuttaṃ; tattha kathaṃ attho gahetabboti? Tatthāpi appahīnavaseneva uppattipaccaye sati uppattiyā anivāritavasena vā. Yathā hi cittakammādīni ārabhitvā apariniṭṭhitakammantā cittakārādayo tesaṃ kammantānaṃ akaraṇakkhaṇepi mittasuhajjādīhi diṭṭhadiṭṭhaṭṭhāne ‘‘imesu divasesu kiṃ karothā’’ti vuttā, ‘‘cittakammaṃ karoma, kaṭṭhakammaṃ karomā’’ti vadanti. Te kiñcāpi tasmiṃ khaṇe na karonti avicchinnakammantattā pana katakhaṇañca kattabbakhaṇañca upādāya karontiyeva nāma honti. Evameva yamhi santāne anusayā appahīnā, yamhi vā pana nesaṃ santāne uppattipaccaye sati uppatti anivāritā, tattha anuppajjanakkhaṇepi uppannapubbañceva kālantare uppajjanakañca upādāya yassa kāmarāgānusayo uppajjati, tassa paṭighānusayo uppajjatiyeva nāmāti evamattho veditabbo. Ito paresupi evarūpesu vissajjanesu eseva nayo. No ca tassāti idaṃ anāgāmissa kāmarāgabyāpādānaṃ anavasesato pahīnattā vuttaṃ. Tiṇṇaṃ puggalānanti puthujjanasotāpannasakadāgāmīnaṃ. Dvinnaṃ puggalānanti sotāpannasakadāgāmīnaṃ. Paratopi evarūpesu ṭhānesu eseva nayo.
14. огаасаваарасса батамад̣̇уд̇ияабужчаасу яасмаа гаамарааг̇аанусаяо гаамад̇хаад̇уяаа д̣̇вийсу взд̣̇анаасу анусзд̇и, бадигхаанусаяо д̣̇угкавзд̣̇анааяа; д̇асмаа ‘но’д̇и бадисзд̇хо гад̇о. д̇ад̇ияабужчааяам̣ убхиннамби гаамад̇хаад̇уяаа д̣̇вийсу взд̣̇анаасу анусаяанад̇о ‘ааманд̇аа’д̇и бадиважанам̣ д̣̇иннам̣. руубад̇хаад̇уаруубад̇хаад̇уяаа бана маанаанусаяасса гаамарааг̇аанусаязна сад̣̇д̇хим̣ асаад̇хааран̣ам̣ уббад̇д̇идтаанам̣. д̇асмаа но жа д̇ад̇т̇а гаамарааг̇аанусаяод̇и вуд̇д̇ам̣. иминаа наязна саб̣б̣зсам̣ уббад̇д̇идтаанаваарам̣ ологзд̇ваа саад̇хааран̣аасаад̇хааран̣ам̣ уббад̇д̇идтаанам̣ взд̣̇ид̇аб̣б̣ам̣.
14. Okāsavārassa paṭhamadutiyapucchāsu yasmā kāmarāgānusayo kāmadhātuyā dvīsu vedanāsu anuseti, paṭighānusayo dukkhavedanāya; tasmā ‘no’ti paṭisedho kato. Tatiyapucchāyaṃ ubhinnampi kāmadhātuyā dvīsu vedanāsu anusayanato ‘āmantā’ti paṭivacanaṃ dinnaṃ. Rūpadhātuarūpadhātuyā pana mānānusayassa kāmarāgānusayena saddhiṃ asādhāraṇaṃ uppattiṭṭhānaṃ. Tasmā no ca tattha kāmarāgānusayoti vuttaṃ. Iminā nayena sabbesaṃ uppattiṭṭhānavāraṃ oloketvā sādhāraṇāsādhāraṇaṃ uppattiṭṭhānaṃ veditabbaṃ.
20. д̣̇угамуулагабужчааяам̣ яасмаа гаамарааг̇абадигхаанусаяаа нааби згасмим̣ таанз уббаж̇ж̇анд̇и, на згам̣ д̇хаммам̣ аарамман̣ам̣ гаронд̇и, д̇асмаа над̇т̇ийд̇и бадигкзбо гад̇о. аяан̃хзд̇т̇а ад̇хиббааяо. яасмим̣ имз д̣̇вз анусаяаа анусаязяяум̣, д̇ам̣ таанамзва над̇т̇и. д̇асмаа ‘‘гад̇т̇а маанаанусаяо анусзд̇ий’’д̇и аяам̣ бужчаа абужчааязваад̇и. ан̃н̃зсуби зваруубзсу зсзва наяо.
20. Dukamūlakapucchāyaṃ yasmā kāmarāgapaṭighānusayā nāpi ekasmiṃ ṭhāne uppajjanti, na ekaṃ dhammaṃ ārammaṇaṃ karonti, tasmā natthīti paṭikkhepo kato. Ayañhettha adhippāyo. Yasmiṃ ime dve anusayā anusayeyyuṃ, taṃ ṭhānameva natthi. Tasmā ‘‘kattha mānānusayo anusetī’’ti ayaṃ pucchā apucchāyevāti. Aññesupi evarūpesu eseva nayo.
27. буг̇г̇алогаасаваарз жад̇уннанд̇и бут̇уж̇ж̇анасод̇аабаннасагад̣̇ааг̇аамианааг̇аамийнам̣.
27. Puggalokāsavāre catunnanti puthujjanasotāpannasakadāgāmianāgāmīnaṃ.
36. бадиломанаяз яасса гаамарааг̇аанусаяо наанусзд̇ийд̇и аяам̣ бужчаа анааг̇аамим̣ г̇ахзд̇ваа бужчад̇и.
36. Paṭilomanaye yassa kāmarāgānusayo nānusetīti ayaṃ pucchā anāgāmiṃ gahetvā pucchati.
56. д̣̇виннам̣ буг̇г̇алаанам̣ саб̣б̣ад̇т̇а гаамарааг̇аанусаяо наанусзд̇ийд̇и анааг̇аамиараханд̇аанам̣. гаамад̇хаад̇уяаа д̇ийсу взд̣̇анаасууд̇и жа взд̣̇анааг̇г̇ахан̣зна взд̣̇анаасамбаяуд̇д̇агаанамби д̇зсам̣ вад̇т̇аарамман̣аанамбийд̇и саб̣б̣зсамби гаамааважарад̇хаммаанам̣ г̇ахан̣ам̣ взд̣̇ид̇аб̣б̣ам̣. аяам̣ анусаяаваарз винижчаяагат̇аа.
56. Dvinnaṃpuggalānaṃ sabbattha kāmarāgānusayonānusetīti anāgāmiarahantānaṃ. Kāmadhātuyā tīsu vedanāsūti ca vedanāggahaṇena vedanāsampayuttakānampi tesaṃ vatthārammaṇānampīti sabbesampi kāmāvacaradhammānaṃ gahaṇaṃ veditabbaṃ. Ayaṃ anusayavāre vinicchayakathā.
анусаяаваараван̣н̣анаа.
Anusayavāravaṇṇanā.
2. саанусаяаваараван̣н̣анаа
2. Sānusayavāravaṇṇanā
66-131. саанусаяаваарз бана яо гаамарааг̇аанусаязна саанусаяод̇и яат̇аа зганд̇аригаж̇араад̣̇ирог̇зна ааб̣аад̇хиго яаава д̇амхаа рог̇аа на мужжад̇и, д̇аава д̇асса рог̇асса ануббад̇д̇игкан̣зби сарог̇оязва наама ход̇и. звам̣ сасам̣гилзсасса ваддаг̇аамисад̇д̇асса яаава арияамаг̇г̇зна анусаяаа самуг̇гхаад̇ам̣ на г̇ажчанд̇и, д̇аава д̇зсам̣ анусаяаанам̣ ануббад̇д̇игкан̣зби саанусаяоязва наама ход̇и. зваруубам̣ саанусаяад̇ам̣ санд̇хааяа ‘ааманд̇аа’д̇и вуд̇д̇ам̣. сзсамзд̇т̇а анусаяаваарасад̣̇исамзва.
66-131. Sānusayavāre pana yo kāmarāgānusayena sānusayoti yathā ekantarikajarādirogena ābādhiko yāva tamhā rogā na muccati, tāva tassa rogassa anuppattikkhaṇepi sarogoyeva nāma hoti. Evaṃ sasaṃkilesassa vaṭṭagāmisattassa yāva ariyamaggena anusayā samugghātaṃ na gacchanti, tāva tesaṃ anusayānaṃ anuppattikkhaṇepi sānusayoyeva nāma hoti. Evarūpaṃ sānusayataṃ sandhāya ‘āmantā’ti vuttaṃ. Sesamettha anusayavārasadisameva.
огаасаваарз бана ‘‘руубад̇хаад̇уяаа аруубад̇хаад̇уяаа зд̇т̇а маанаанусаязна саанусаяо’’д̇и вуд̇д̇з д̇аасу д̇хаад̇уусу буг̇г̇аласса саанусаяад̇аа бан̃н̃ааязяяа, анусаяасса уббад̇д̇идтаанам̣ на бан̃н̃ааязяяа. анусаяасса жа уббад̇д̇идтаанад̣̇ассанад̇т̇ам̣ аяам̣ вааро аарад̣̇д̇хо, д̇асмаа д̇ад̇о маанаанусаязна саанусаяод̇и вуд̇д̇ам̣. зван̃хи сад̇и д̇ад̇о д̇хаад̇уд̣̇ваяад̇о уббаннзна маанаанусаязна саанусаяод̇и анусаяасса уббад̇д̇идтаанам̣ д̣̇ассид̇ам̣ ход̇и. имасса бана бан̃хасса ад̇т̇з авуд̇д̇з аад̣̇ибан̃хасса ад̇т̇о баагадо на ход̇ийд̇и батамам̣ на вуд̇д̇о, д̇асмаа со звам̣ взд̣̇ид̇аб̣б̣о. яад̇о гаамарааг̇аанусаязнаад̇и яад̇о уббаннзна гаамарааг̇аанусаязна саанусаяо, гим̣ со д̇ад̇о уббаннзна бадигхаанусаязнаби саанусаяод̇и? яасмаа банзд̇з д̣̇вз згасмаа таанаа нуббаж̇ж̇анд̇и; д̇асмаа ‘‘но’’д̇и бадисзд̇хо гад̇о. арахаа саб̣б̣ад̇т̇аад̇и арахаа саб̣б̣ад̇хаммзсу уббаж̇ж̇анагзна гзнажи анусаязна нираанусаяод̇и. иминаа ад̇т̇авасзна ниббад̣̇зсадтаанзсу бхуммаважанамзва гад̇анд̇и. иминаа убааязна саб̣б̣ад̇т̇а ад̇т̇авинижчаяо взд̣̇ид̇аб̣б̣од̇и.
Okāsavāre pana ‘‘rūpadhātuyā arūpadhātuyā ettha mānānusayena sānusayo’’ti vutte tāsu dhātūsu puggalassa sānusayatā paññāyeyya, anusayassa uppattiṭṭhānaṃ na paññāyeyya. Anusayassa ca uppattiṭṭhānadassanatthaṃ ayaṃ vāro āraddho, tasmā tato mānānusayena sānusayoti vuttaṃ. Evañhi sati tato dhātudvayato uppannena mānānusayena sānusayoti anusayassa uppattiṭṭhānaṃ dassitaṃ hoti. Imassa pana pañhassa atthe avutte ādipañhassa attho pākaṭo na hotīti paṭhamaṃ na vutto, tasmā so evaṃ veditabbo. Yato kāmarāgānusayenāti yato uppannena kāmarāgānusayena sānusayo, kiṃ so tato uppannena paṭighānusayenapi sānusayoti? Yasmā panete dve ekasmā ṭhānā nuppajjanti; tasmā ‘‘no’’ti paṭisedho kato. Arahā sabbatthāti arahā sabbadhammesu uppajjanakena kenaci anusayena nirānusayoti. Iminā atthavasena nippadesaṭṭhānesu bhummavacanameva katanti. Iminā upāyena sabbattha atthavinicchayo veditabboti.
саанусаяаваараван̣н̣анаа.
Sānusayavāravaṇṇanā.
3. баж̇аханаваараван̣н̣анаа
3. Pajahanavāravaṇṇanā
132-197. баж̇аханаваарз баж̇ахад̇ийд̇и д̇зна д̇зна маг̇г̇зна бахаанабарин̃н̃аавасзна баж̇ахад̇и, ааяад̇им̣ ануббад̇д̇ид̇хаммад̇ам̣ аабаад̣̇зд̇и. ааманд̇аад̇и анааг̇аамиймаг̇г̇адтам̣ санд̇хааяа бадиважанам̣. д̇ад̣̇згадтам̣ баж̇ахад̇ийд̇и бахаанзгадтад̇ам̣ санд̇хааяа вуд̇д̇ам̣. нод̇и арахад̇д̇амаг̇г̇адтам̣ санд̇хааяа бадисзд̇хо.
132-197. Pajahanavāre pajahatīti tena tena maggena pahānapariññāvasena pajahati, āyatiṃ anuppattidhammataṃ āpādeti. Āmantāti anāgāmīmaggaṭṭhaṃ sandhāya paṭivacanaṃ. Tadekaṭṭhaṃ pajahatīti pahānekaṭṭhataṃ sandhāya vuttaṃ. Noti arahattamaggaṭṭhaṃ sandhāya paṭisedho.
яад̇о гаамарааг̇аанусаяам̣ баж̇ахад̇ийд̇и яад̇о уббаж̇ж̇анагам̣ гаамарааг̇аанусаяам̣ баж̇ахад̇ийд̇и ад̇т̇о. адтамагод̇и арахад̇д̇апаладтад̇о бадтааяа бажжороханаг̇ан̣анааяа г̇ан̣ияамаано сод̇аабад̇д̇имаг̇г̇адто адтамаго наама. д̣̇агкин̣зяяаг̇ан̣анааяа хи арахаа аг̇г̇ад̣̇агкин̣зяяад̇д̇аа батамо, арахад̇д̇амаг̇г̇адто д̣̇уд̇ияо, анааг̇аамий д̇ад̇ияо…бз… сод̇аабад̇д̇имаг̇г̇адто адтамо. со ид̇ха ‘‘адтамаго’’д̇и вуд̇д̇о. наамасан̃н̃ааязва ваа зсаа д̇ассаад̇и. анааг̇аамимаг̇г̇асаман̇г̇ин̃жа адтамаган̃жа табзд̇ваа авасзсаад̇и сад̣̇д̇хим̣ бут̇уж̇ж̇анзна сзгкаасзгкаа. д̇зсу хи бут̇уж̇ж̇ано бахаанабарин̃н̃ааяа абхаавзна наббаж̇ахад̇и. сзсаа д̇зсам̣ анусаяаанам̣ бахийнад̇д̇аа. д̣̇виннам̣ маг̇г̇асаман̇г̇ийнанд̇и д̣̇вз маг̇г̇асаман̇г̇ино табзд̇ваад̇и ад̇т̇о. иминаа наязна саб̣б̣ад̇т̇а винижчаяо взд̣̇ид̇аб̣б̣од̇и.
Yato kāmarāgānusayaṃ pajahatīti yato uppajjanakaṃ kāmarāgānusayaṃ pajahatīti attho. Aṭṭhamakoti arahattaphalaṭṭhato paṭṭhāya paccorohanagaṇanāya gaṇiyamāno sotāpattimaggaṭṭho aṭṭhamako nāma. Dakkhiṇeyyagaṇanāya hi arahā aggadakkhiṇeyyattā paṭhamo, arahattamaggaṭṭho dutiyo, anāgāmī tatiyo…pe… sotāpattimaggaṭṭho aṭṭhamo. So idha ‘‘aṭṭhamako’’ti vutto. Nāmasaññāyeva vā esā tassāti. Anāgāmimaggasamaṅgiñca aṭṭhamakañca ṭhapetvā avasesāti saddhiṃ puthujjanena sekkhāsekkhā. Tesu hi puthujjano pahānapariññāya abhāvena nappajahati. Sesā tesaṃ anusayānaṃ pahīnattā. Dvinnaṃ maggasamaṅgīnanti dve maggasamaṅgino ṭhapetvāti attho. Iminā nayena sabbattha vinicchayo veditabboti.
баж̇аханаваараван̣н̣анаа.
Pajahanavāravaṇṇanā.
4. барин̃н̃ааваараван̣н̣анаа
4. Pariññāvāravaṇṇanā
198-263. барин̃н̃ааваарз бариж̇аанаад̇ийд̇и д̇ийхи барин̃н̃аахи бариж̇аанаад̇и. сзсамзд̇т̇а хздтаа вуд̇д̇анаяамзва. аяамби хи вааро баж̇аханавааро вияа маг̇г̇адтаанан̃н̃зва васзна виссаж̇ж̇ид̇од̇и.
198-263. Pariññāvāre parijānātīti tīhi pariññāhi parijānāti. Sesamettha heṭṭhā vuttanayameva. Ayampi hi vāro pajahanavāro viya maggaṭṭhānaññeva vasena vissajjitoti.
барин̃н̃ааваараван̣н̣анаа.
Pariññāvāravaṇṇanā.
5. бахийнаваараван̣н̣анаа
5. Pahīnavāravaṇṇanā
264-274. бахийнаваарз паладтавасзнзва д̣̇зсанаа аарад̣̇д̇хаа. анааг̇аамисса хи убхобзд̇з анусаяаа бахийнаа, д̇асмаа ‘‘ааманд̇аа’’д̇и вуд̇д̇ам̣.
264-274. Pahīnavāre phalaṭṭhavaseneva desanā āraddhā. Anāgāmissa hi ubhopete anusayā pahīnā, tasmā ‘‘āmantā’’ti vuttaṃ.
275-296. огаасаваарз яад̇т̇а гаамарааг̇аанусаяо бахийно д̇ад̇т̇а бадигхаанусаяо бахийнод̇и бужчид̇ваа на вад̇д̇аб̣б̣о бахийнод̇и ваа аббахийнод̇и ваад̇и вуд̇д̇ам̣ д̇ам̣ гасмаад̇и? уббад̇д̇идтаанасса асаад̇хааран̣ад̇д̇аа. ан̃н̃ам̣ хи гаамарааг̇аанусаяасса уббад̇д̇идтаанам̣, ан̃н̃ам̣ бадигхаанусаяасса. абхаавид̇амаг̇г̇асса жа яад̇т̇а анусаяо уббаж̇ж̇ад̇и, маг̇г̇з бхаавид̇з д̇ад̇т̇зва со бахийно наама ход̇и . д̇ад̇т̇а яасмаа нзва гаамарааг̇аанусаяадтаанз бадигхаанусаяо уббаж̇ж̇ад̇и, на бадигхаанусаяадтаанз гаамарааг̇аанусаяо, д̇асмаа д̇ад̇т̇а со бахийнод̇и ваа аббахийнод̇и ваа на вад̇д̇аб̣б̣о. со хи яасмим̣ ад̇д̇ано уббад̇д̇идтаанз гаамарааг̇аанусаяо бахийно, д̇асмим̣ аббахийнад̇д̇аа д̇ад̇т̇а бахийнод̇и на вад̇д̇аб̣б̣о. яам̣ гаамарааг̇аанусаяасса уббад̇д̇идтаанам̣, д̇асмим̣ адтид̇ад̇д̇аа д̇ад̇т̇а аббахийнод̇и на вад̇д̇аб̣б̣о.
275-296. Okāsavāre yattha kāmarāgānusayo pahīno tattha paṭighānusayo pahīnoti pucchitvā na vattabbo pahīnoti vā appahīnoti vāti vuttaṃ taṃ kasmāti? Uppattiṭṭhānassa asādhāraṇattā. Aññaṃ hi kāmarāgānusayassa uppattiṭṭhānaṃ, aññaṃ paṭighānusayassa. Abhāvitamaggassa ca yattha anusayo uppajjati, magge bhāvite tattheva so pahīno nāma hoti . Tattha yasmā neva kāmarāgānusayaṭṭhāne paṭighānusayo uppajjati, na paṭighānusayaṭṭhāne kāmarāgānusayo, tasmā tattha so pahīnoti vā appahīnoti vā na vattabbo. So hi yasmiṃ attano uppattiṭṭhāne kāmarāgānusayo pahīno, tasmiṃ appahīnattā tattha pahīnoti na vattabbo. Yaṃ kāmarāgānusayassa uppattiṭṭhānaṃ, tasmiṃ aṭṭhitattā tattha appahīnoti na vattabbo.
яад̇т̇а гаамарааг̇аанусаяо бахийно, д̇ад̇т̇а маанаанусаяо бахийнод̇и зд̇т̇а бана саад̇хааран̣адтаанам̣ санд̇хааяа ааманд̇аад̇и вуд̇д̇ам̣. гаамарааг̇аанусаяо хи гаамад̇хаад̇уяаа д̣̇вийсу взд̣̇анаасу анусзд̇и. маанаанусаяо д̇аасу жзва руубааруубад̇хаад̇уусу жа. со табзд̇ваа асаад̇хааран̣адтаанам̣ саад̇хааран̣адтаанз д̇зна сад̣̇д̇хим̣ бахийно наама ход̇и. д̇асмаа ‘ааманд̇аа’д̇и вуд̇д̇ам̣. иминаа наязна саб̣б̣асмимби огаасаваарз бахийнад̇аа жа навад̇д̇аб̣б̣ад̇аа жа взд̣̇ид̇аб̣б̣аа. ‘над̇т̇ий’д̇и ааг̇ад̇адтаанзсу бана хздтаа вуд̇д̇асад̣̇исова винижчаяо. буг̇г̇алогаасавааро, огаасаваараг̇ад̇игоязва.
Yattha kāmarāgānusayo pahīno, tattha mānānusayo pahīnoti ettha pana sādhāraṇaṭṭhānaṃ sandhāya āmantāti vuttaṃ. Kāmarāgānusayo hi kāmadhātuyā dvīsu vedanāsu anuseti. Mānānusayo tāsu ceva rūpārūpadhātūsu ca. So ṭhapetvā asādhāraṇaṭṭhānaṃ sādhāraṇaṭṭhāne tena saddhiṃ pahīno nāma hoti. Tasmā ‘āmantā’ti vuttaṃ. Iminā nayena sabbasmimpi okāsavāre pahīnatā ca navattabbatā ca veditabbā. ‘Natthī’ti āgataṭṭhānesu pana heṭṭhā vuttasadisova vinicchayo. Puggalokāsavāro, okāsavāragatikoyeva.
297-307. бадиломанаяз яасса гаамарааг̇аанусаяо аббахийнод̇и бут̇уж̇ж̇анасод̇аабаннасагад̣̇ааг̇аамивасзна бужчад̇и. гин̃жааби хи имз д̣̇вз анусаяаа бут̇уж̇ж̇анад̇о бадтааяа яаава анааг̇аамимаг̇г̇адтаа чаннам̣ буг̇г̇алаанам̣ аббахийнаа. ид̇ха бана барад̇о ‘‘д̇ин̣н̣ам̣ буг̇г̇алаанам̣ д̣̇виннам̣ буг̇г̇алаана’’нд̇иаад̣̇иважанад̇о маг̇г̇адтаа анад̇хиббзд̇аа, д̇асмаа бут̇уж̇ж̇анасод̇аабаннасагад̣̇ааг̇ааминова санд̇хааяа ‘ааманд̇аа’д̇и вуд̇д̇ам̣. д̣̇виннам̣ буг̇г̇алаананд̇и сод̇аабаннасагад̣̇ааг̇аамийнам̣. иминаа наязна буг̇г̇алаваарз винижчаяо взд̣̇ид̇аб̣б̣о.
297-307. Paṭilomanaye yassa kāmarāgānusayo appahīnoti puthujjanasotāpannasakadāgāmivasena pucchati. Kiñcāpi hi ime dve anusayā puthujjanato paṭṭhāya yāva anāgāmimaggaṭṭhā channaṃ puggalānaṃ appahīnā. Idha pana parato ‘‘tiṇṇaṃ puggalānaṃ dvinnaṃ puggalāna’’ntiādivacanato maggaṭṭhā anadhippetā, tasmā puthujjanasotāpannasakadāgāminova sandhāya ‘āmantā’ti vuttaṃ. Dvinnaṃ puggalānanti sotāpannasakadāgāmīnaṃ. Iminā nayena puggalavāre vinicchayo veditabbo.
308-329. огаасаваарабуг̇г̇алогаасаваараа бана хздтаа вуд̇д̇анаязнзва взд̣̇ид̇аб̣б̣аад̇и.
308-329. Okāsavārapuggalokāsavārā pana heṭṭhā vuttanayeneva veditabbāti.
бахийнаваараван̣н̣анаа.
Pahīnavāravaṇṇanā.
6. уббаж̇ж̇анаваараван̣н̣анаа
6. Uppajjanavāravaṇṇanā
330. уббаж̇ж̇анавааро анусаяаваарасад̣̇исоязва.
330. Uppajjanavāro anusayavārasadisoyeva.
7. д̇хаад̇убужчааваараван̣н̣анаа
7. Dhātupucchāvāravaṇṇanā
332-340. д̇хаад̇уваарасса бужчааваарз д̇аава гад̇и анусаяаа анусзнд̇ийд̇и гад̇и анусаяаа санд̇аанам̣ ануг̇ад̇аа худ̇ваа саяанд̇и. гад̇и анусаяаа наанусзнд̇ийд̇и гад̇и анусаяаа санд̇аанам̣ на ануг̇ад̇аа худ̇ваа саяанд̇и. гад̇и анусаяаа бхан̇г̇аад̇и гад̇и анусаяаа анусзнд̇и наанусзнд̇ийд̇и звам̣ вибхаж̇ид̇аб̣б̣аад̇и ад̇т̇о. сзсамзд̇т̇а яам̣ вад̇д̇аб̣б̣ам̣ сияаа, д̇ам̣ хздтаа баал̣ивавад̇т̇аанз вуд̇д̇амзва.
332-340. Dhātuvārassa pucchāvāre tāva kati anusayā anusentīti kati anusayā santānaṃ anugatā hutvā sayanti. Kati anusayā nānusentīti kati anusayā santānaṃ na anugatā hutvā sayanti. Kati anusayā bhaṅgāti kati anusayā anusenti nānusentīti evaṃ vibhajitabbāti attho. Sesamettha yaṃ vattabbaṃ siyā, taṃ heṭṭhā pāḷivavatthāne vuttameva.
7. д̇хаад̇увиссаж̇ж̇анааваараван̣н̣анаа
7. Dhātuvissajjanāvāravaṇṇanā
341-349. нид̣̇д̣̇зсаваарз банасса гассажи сад̇д̇а анусаяаа анусзнд̇ийд̇и бут̇уж̇ж̇анавасзна вуд̇д̇ам̣. гассажи бан̃жаад̇и сод̇аабаннасагад̣̇ааг̇аамивасзна вуд̇д̇ам̣. д̇зсан̃хи д̣̇идтаанусаяо жа вижигижчаанусаяо жа бахийнаад̇и бан̃жзва анусзнд̇и. д̇ад̇т̇а яат̇аа анусаяаваарз ‘‘анусзнд̇ий’’д̇и бад̣̇асса уббаж̇ж̇анд̇ийд̇и ад̇т̇о г̇ахид̇о, звамид̇ха на г̇ахзд̇аб̣б̣о. гасмаа? д̇асмим̣ кан̣з ануббаж̇ж̇анад̇о. гаамад̇хаад̇ум̣ убабаж̇ж̇анд̇асса хи вибаагажид̇д̇ан̃жзва гаммасамудтаанаруубан̃жа уббаж̇ж̇ад̇и, агусалажид̇д̇ам̣ над̇т̇и. анусаяаа жа агусалажид̇д̇агкан̣з уббаж̇ж̇анд̇и, на вибаагажид̇д̇агкан̣зд̇и д̇асмим̣ кан̣з ануббаж̇ж̇анад̇о д̇ат̇аа ад̇т̇о на г̇ахзд̇аб̣б̣о. гат̇ам̣ бана г̇ахзд̇аб̣б̣од̇и? яат̇аа лаб̣бхад̇и д̇ат̇аа г̇ахзд̇аб̣б̣о. гат̇ан̃жа лаб̣бхад̇и? аббахийнадтзна. яат̇аа хи рааг̇ад̣̇осамохаанам̣ аббахийнад̇д̇аа. гусалааб̣яаагад̇ажид̇д̇асаман̇г̇ий буг̇г̇ало ‘‘сарааг̇о сад̣̇осо самохо’’д̇и вужжад̇и, звам̣ маг̇г̇абхааванааяа аббахийнад̇д̇аа бадисанд̇хигкан̣зби д̇асса д̇асса буг̇г̇аласса д̇з д̇з анусаяаа анусзнд̇ийд̇и вужжанд̇и. на гзвалан̃жа вужжанд̇и, аббахийнад̇д̇аа бана д̇з анусзнд̇иязва наамаад̇и взд̣̇ид̇аб̣б̣аа.
341-349. Niddesavāre panassa kassaci satta anusayā anusentīti puthujjanavasena vuttaṃ. Kassaci pañcāti sotāpannasakadāgāmivasena vuttaṃ. Tesañhi diṭṭhānusayo ca vicikicchānusayo ca pahīnāti pañceva anusenti. Tattha yathā anusayavāre ‘‘anusentī’’ti padassa uppajjantīti attho gahito, evamidha na gahetabbo. Kasmā? Tasmiṃ khaṇe anuppajjanato. Kāmadhātuṃ upapajjantassa hi vipākacittañceva kammasamuṭṭhānarūpañca uppajjati, akusalacittaṃ natthi. Anusayā ca akusalacittakkhaṇe uppajjanti, na vipākacittakkhaṇeti tasmiṃ khaṇe anuppajjanato tathā attho na gahetabbo. Kathaṃ pana gahetabboti? Yathā labbhati tathā gahetabbo. Kathañca labbhati? Appahīnaṭṭhena. Yathā hi rāgadosamohānaṃ appahīnattā. Kusalābyākatacittasamaṅgī puggalo ‘‘sarāgo sadoso samoho’’ti vuccati, evaṃ maggabhāvanāya appahīnattā paṭisandhikkhaṇepi tassa tassa puggalassa te te anusayā anusentīti vuccanti. Na kevalañca vuccanti, appahīnattā pana te anusentiyeva nāmāti veditabbā.
анусаяаа бхан̇г̇аа над̇т̇ийд̇и яасса хи яо анусзд̇и, со анусзд̇иязва; яо наанусзд̇и, со наанусзд̇иязва. аяам̣ анусзд̇и жа наанусзд̇и жа, аяам̣ сияаа анусзд̇и сияаа наанусзд̇ийд̇и, звам̣ вибхаж̇ид̇аб̣б̣о анусаяо наама над̇т̇и. руубад̇хаад̇ум̣ убабаж̇ж̇анд̇асса гассажи д̇аяод̇и анааг̇аамивасзна вуд̇д̇ам̣. д̇асса хи гаамарааг̇абадигхад̣̇идтивижигижчаанусаяаа жад̇д̇аароби анавасзсад̇о бахийнаа. ид̇арз д̇аяова аббахийнаа. д̇зна вуд̇д̇ам̣ – ‘‘гассажи д̇аяо анусаяаа анусзнд̇ий’’д̇и.
Anusayā bhaṅgā natthīti yassa hi yo anuseti, so anusetiyeva; yo nānuseti, so nānusetiyeva. Ayaṃ anuseti ca nānuseti ca, ayaṃ siyā anuseti siyā nānusetīti, evaṃ vibhajitabbo anusayo nāma natthi. Rūpadhātuṃ upapajjantassa kassaci tayoti anāgāmivasena vuttaṃ. Tassa hi kāmarāgapaṭighadiṭṭhivicikicchānusayā cattāropi anavasesato pahīnā. Itare tayova appahīnā. Tena vuttaṃ – ‘‘kassaci tayo anusayā anusentī’’ti.
на гаамад̇хаад̇унд̇и гаамад̇хаад̇уяаа бадисид̣̇д̇хад̇д̇аа сзсаа д̣̇вз д̇хаад̇уяо убабаж̇ж̇анд̇ассаад̇и ад̇т̇о. сад̇д̇з ваад̇и яасмаа арияасаавагасса руубад̇хаад̇уяаа жуд̇асса гаамад̇хаад̇уяам̣ убабад̇д̇и наама над̇т̇и, бут̇уж̇ж̇анассзва ход̇и, д̇асмаа сад̇д̇зваад̇и нияамзд̇ваа вуд̇д̇ам̣. ‘‘аруубад̇хаад̇уяаа жуд̇асса гаамад̇хаад̇ум̣ убабаж̇ж̇анд̇асса сад̇д̇зваа’’д̇и зд̇т̇ааби зсзва наяо. руубад̇хаад̇уяаа убабад̇д̇и над̇т̇ийд̇и гасмаа над̇т̇и? убабад̇д̇инибпаад̣̇агасса руубааважараж̇жхаанасса абхааваа. со хи саб̣б̣асо руубасан̃н̃аанам̣ самад̇иггамаа д̇ам̣ д̇хаад̇ум̣ убабаннод̇и наасса д̇ад̇т̇а руубааважараж̇жхаанам̣ ад̇т̇и. д̇ад̣̇абхааваа руубад̇хаад̇уяам̣ убабад̇д̇и над̇т̇ийд̇и взд̣̇ид̇аб̣б̣аа. аруубад̇хаад̇уяаа жуд̇асса на гаамад̇хаад̇унд̇и зд̇т̇а аруубад̇хаад̇уязва ад̇хиббзд̇аа. иминаа наязна саб̣б̣ависсаж̇ж̇анзсу ад̇т̇о взд̣̇ид̇аб̣б̣од̇и.
Nakāmadhātunti kāmadhātuyā paṭisiddhattā sesā dve dhātuyo upapajjantassāti attho. Sattevāti yasmā ariyasāvakassa rūpadhātuyā cutassa kāmadhātuyaṃ upapatti nāma natthi, puthujjanasseva hoti, tasmā sattevāti niyametvā vuttaṃ. ‘‘Arūpadhātuyā cutassa kāmadhātuṃ upapajjantassa sattevā’’ti etthāpi eseva nayo. Rūpadhātuyā upapatti natthīti kasmā natthi? Upapattinipphādakassa rūpāvacarajjhānassa abhāvā. So hi sabbaso rūpasaññānaṃ samatikkamā taṃ dhātuṃ upapannoti nāssa tattha rūpāvacarajjhānaṃ atthi. Tadabhāvā rūpadhātuyaṃ upapatti natthīti veditabbā. Arūpadhātuyā cutassa na kāmadhātunti ettha arūpadhātuyeva adhippetā. Iminā nayena sabbavissajjanesu attho veditabboti.
д̇хаад̇уваараван̣н̣анаа.
Dhātuvāravaṇṇanā.
анусаяаяамагаван̣н̣анаа нидтид̇аа.
Anusayayamakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 7. анусаяаяамагам̣ • 7. Anusayayamakaṃ
