| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
7. анусаяаяамагам̣
7. Anusayayamakaṃ
барижчзд̣̇абарижчиннуд̣̇д̣̇зсаваараван̣н̣анаа
Paricchedaparicchinnuddesavāravaṇṇanā
1. бажжаяабариг̇г̇ахабарияосаанаа н̃аад̇абарин̃н̃аад̇и бажжаяад̣̇ийбагзна муулаяамагзна н̃аад̇абарин̃н̃ам̣ , канд̇хаад̣̇ийсу д̇ийран̣аб̣аахуллад̇о канд̇хаад̣̇ияамагзхи д̇ийран̣абарин̃н̃ан̃жа вибхаавзд̇ваа анусаяабахаананд̇аа бахаанабарин̃н̃аад̇и бахаад̇аб̣б̣амуд̣̇д̇хабхууд̇зхи анусаязхи бахаанабарин̃н̃ам̣ вибхаавзд̇ум̣ анусаяаяамагам̣ аарад̣̇д̇хам̣. лаб̣бхамаанавасзнаад̇и анусаяабхаавзна лаб̣бхамаанаанам̣ васзнаад̇и ад̇т̇о. д̇ийхаагаарзхи анусаяаанам̣ г̇аахаабанам̣ д̇зсу д̇ат̇аа аг̇г̇ахид̇зсу анусаяаваараад̣̇ибаал̣ияаа д̣̇ураваб̣од̇хад̇д̇аа.
1. Paccayapariggahapariyosānā ñātapariññāti paccayadīpakena mūlayamakena ñātapariññaṃ , khandhādīsu tīraṇabāhullato khandhādiyamakehi tīraṇapariññañca vibhāvetvā anusayapahānantā pahānapariññāti pahātabbamuddhabhūtehi anusayehi pahānapariññaṃ vibhāvetuṃ anusayayamakaṃ āraddhaṃ. Labbhamānavasenāti anusayabhāvena labbhamānānaṃ vasenāti attho. Tīhākārehi anusayānaṃ gāhāpanaṃ tesu tathā aggahitesu anusayavārādipāḷiyā duravabodhattā.
аяам̣ банзд̇т̇а буримзсууд̇и зд̇зсу саанусаяаваараад̣̇ийсу буримзсууд̇и ад̇т̇о. ад̇т̇ависзсаабхаавад̇о ‘‘гаамад̇хаад̇ум̣ ваа бана убабаж̇ж̇анд̇асса гаамад̇хаад̇уяаа жуд̇асса, руубад̇хаад̇ум̣ ваа бана убабаж̇ж̇анд̇асса гаамад̇хаад̇уяаа жуд̇ассаа’’д̇и звамаад̣̇ийхи авужжамаанз гат̇амаяам̣ яамагад̣̇зсанаа сияаад̇и? нааяам̣ яамагад̣̇зсанаа, буримаваарзхи бана яамагавасзна д̣̇зсид̇аанам̣ анусаяаанам̣ жуд̇иубабад̇д̇ивасзна анусаяадтаанабарижчзд̣̇ад̣̇ассанам̣. яамагад̣̇зсанааб̣аахуллад̇о бана саб̣б̣аваарасамуд̣̇ааяасса анусаяаяамаганд̇и наамам̣ д̣̇адтаб̣б̣ам̣. ат̇а ваа бадиломабужчааби ад̇т̇авасзна лаб̣бханд̇и, ад̇т̇ависзсаабхаавад̇о бана на вуд̇д̇аад̇и лаб̣бхамаанад̇аавасзна зд̇иссааби д̣̇зсанааяа яамагад̣̇зсанад̇аа взд̣̇ид̇аб̣б̣аа.
Ayaṃ panettha purimesūti etesu sānusayavārādīsu purimesūti attho. Atthavisesābhāvato ‘‘kāmadhātuṃ vā pana upapajjantassa kāmadhātuyā cutassa, rūpadhātuṃ vā pana upapajjantassa kāmadhātuyā cutassā’’ti evamādīhi avuccamāne kathamayaṃ yamakadesanā siyāti? Nāyaṃ yamakadesanā, purimavārehi pana yamakavasena desitānaṃ anusayānaṃ cutiupapattivasena anusayaṭṭhānaparicchedadassanaṃ. Yamakadesanābāhullato pana sabbavārasamudāyassa anusayayamakanti nāmaṃ daṭṭhabbaṃ. Atha vā paṭilomapucchāpi atthavasena labbhanti, atthavisesābhāvato pana na vuttāti labbhamānatāvasena etissāpi desanāya yamakadesanatā veditabbā.
ануруубам̣ гааран̣ам̣ лабхид̇ваа уббаж̇ж̇анд̇ийд̇и зд̇зна гааран̣алаабхз уббад̇д̇иарахад̇ам̣ д̣̇ассзд̇и. аббахийнаа хи анусаяаа гааран̣алаабхз сад̇и уббаж̇ж̇анд̇и. яаава жа маг̇г̇зна д̇зсам̣ ануббад̇д̇иарахад̇аа на гад̇аа ход̇и, д̇аава д̇з звам̣багаараа зваад̇и ‘‘анусаяаа’’д̇и вужжанд̇и. со звам̣багааро уббаж̇ж̇ад̇и-сад̣̇д̣̇зна г̇ахид̇о, на канд̇хаяамагаад̣̇ийсу вияа уббаж̇ж̇амаанад̇аа. д̇знзва ‘‘яасса гаамарааг̇аанусаяо уббаж̇ж̇ад̇и, д̇асса бадигхаанусаяо уббаж̇ж̇ад̇ийд̇и? ааманд̇аа’’д̇иаад̣̇инаа уббаж̇ж̇анавааро анусаяаваарзна ниннаанаагаран̣о вибхад̇д̇о. ануруубам̣ гааран̣ам̣ бана лабхид̇ваа яз уббаж̇ж̇им̣су уббаж̇ж̇амаанаа жа, д̇зби аббахийнадтзна т̇аамаг̇ад̇аа ахзсум̣ бхаванд̇и жа. уббад̇д̇иарахад̇ааяа зва жа д̇з уббаж̇ж̇им̣су уббаж̇ж̇анд̇и жа, на жа ад̇ийд̇аанааг̇ад̇абажжуббаннад̇о ан̃н̃з уббад̇д̇иарахаа наама ад̇т̇и, д̇асмаа саб̣б̣з ад̇ийд̇аанааг̇ад̇абажжуббаннаа гаамарааг̇аад̣̇аяо ‘‘анусаяаа’’д̇и вужжанд̇и. аббахийнадтзнзва хи анусаяаа, аббахийнаа жа ад̇ийд̇аад̣̇аяо зва, маг̇г̇асса бана д̇аад̣̇исаанам̣ ануббад̇д̇иарахад̇аабаад̣̇анзна анусаяаббахаанам̣ ход̇ийд̇и. аббахийнаагааро наама д̇хаммаагааро, на д̇хаммо, д̇хаммо зва жа уббаж̇ж̇ад̇ийд̇и иминаа ад̇хиббааязнааха ‘‘аббахийнаагааро жа уббаж̇ж̇ад̇ийд̇и вад̇д̇ум̣ на яуж̇ж̇ад̇ий’’д̇и. сад̇д̇аанусаяаад̇и зд̇т̇а яад̣̇и аббахийнадтзна санд̇аанз анусзнд̇ийд̇и анусаяаа, ат̇а гасмаа сад̇д̇зва вуд̇д̇аа, нану сад̇д̇аанусаяад̇о ан̃н̃зсамби гилзсаанам̣ аббахийнад̇д̇аа анусаяабхааво аабаж̇ж̇ад̇ийд̇и жз? наабаж̇ж̇ад̇и, аббахийнамад̇д̇ассзва анусаяабхаавасса авуд̇д̇ад̇д̇аа. вуд̇д̇ан̃хи ‘‘анусаяод̇и бана аббахийнадтзна т̇аамаг̇ад̇агилзсо вужжад̇ий’’д̇и (яама. адта. анусаяаяамага 1), д̇асмаа аббахийнадтзна т̇аамаг̇ад̇о гилзсоязва анусаяо наамаад̇и яуд̇д̇ам̣. т̇аамаг̇ад̇анд̇и жа ан̃н̃зхи асаад̇хааран̣о сабхааво д̣̇адтаб̣б̣о. д̇ат̇аа хи д̇хаммасабхааваб̣од̇хинаа д̇ат̇ааг̇ад̇зна имзязва ‘‘анусаяаа’’д̇и вуд̇д̇аа. т̇аамаг̇ад̇од̇и анусаяасаман̇г̇ийд̇и ад̇т̇о.
Anurūpaṃ kāraṇaṃ labhitvā uppajjantīti etena kāraṇalābhe uppattiarahataṃ dasseti. Appahīnā hi anusayā kāraṇalābhe sati uppajjanti. Yāva ca maggena tesaṃ anuppattiarahatā na katā hoti, tāva te evaṃpakārā evāti ‘‘anusayā’’ti vuccanti. So evaṃpakāro uppajjati-saddena gahito, na khandhayamakādīsu viya uppajjamānatā. Teneva ‘‘yassa kāmarāgānusayo uppajjati, tassa paṭighānusayo uppajjatīti? Āmantā’’tiādinā uppajjanavāro anusayavārena ninnānākaraṇo vibhatto. Anurūpaṃ kāraṇaṃ pana labhitvā ye uppajjiṃsu uppajjamānā ca, tepi appahīnaṭṭhena thāmagatā ahesuṃ bhavanti ca. Uppattiarahatāya eva ca te uppajjiṃsu uppajjanti ca, na ca atītānāgatapaccuppannato aññe uppattiarahā nāma atthi, tasmā sabbe atītānāgatapaccuppannā kāmarāgādayo ‘‘anusayā’’ti vuccanti. Appahīnaṭṭheneva hi anusayā, appahīnā ca atītādayo eva, maggassa pana tādisānaṃ anuppattiarahatāpādanena anusayappahānaṃ hotīti. Appahīnākāro nāma dhammākāro, na dhammo, dhammo eva ca uppajjatīti iminā adhippāyenāha ‘‘appahīnākāro ca uppajjatīti vattuṃ na yujjatī’’ti. Sattānusayāti ettha yadi appahīnaṭṭhena santāne anusentīti anusayā, atha kasmā satteva vuttā, nanu sattānusayato aññesampi kilesānaṃ appahīnattā anusayabhāvo āpajjatīti ce? Nāpajjati, appahīnamattasseva anusayabhāvassa avuttattā. Vuttañhi ‘‘anusayoti pana appahīnaṭṭhena thāmagatakileso vuccatī’’ti (yama. aṭṭha. anusayayamaka 1), tasmā appahīnaṭṭhena thāmagato kilesoyeva anusayo nāmāti yuttaṃ. Thāmagatanti ca aññehi asādhāraṇo sabhāvo daṭṭhabbo. Tathā hi dhammasabhāvabodhinā tathāgatena imeyeva ‘‘anusayā’’ti vuttā. Thāmagatoti anusayasamaṅgīti attho.
анусаяауббаж̇ж̇анаваараанам̣ самаанаг̇ад̇игад̇д̇аа яат̇аа ‘‘анусзд̇ий’’д̇и важанам̣ аббахийнаагаарад̣̇ийбагам̣, звам̣ ‘‘уббаж̇ж̇ад̇ий’’д̇и важанам̣ сияаад̇и уббаж̇ж̇анаваарзна ‘‘уббаж̇ж̇ад̇ий’’д̇и важанасса авуд̇д̇ад̇аа саггаа вад̇д̇унд̇и жз? д̇ам̣ на, важанад̇т̇ависзсзна д̇ам̣д̣̇ваяасса вуд̇д̇ад̇д̇аа. ‘‘ануруубам̣ гааран̣ам̣ лабхид̇ваа уббаж̇ж̇ад̇ий’’д̇и хи зд̇асмим̣ ад̇т̇з ависидтзби ‘‘анусзд̇ий’’д̇и важанам̣ санд̇аанз анусаяид̇ад̇ам̣ т̇аамаг̇ад̇абхаавам̣ д̣̇ийбзд̇и. яад̣̇и д̇амзва ‘‘уббаж̇ж̇ад̇ий’’д̇и важанам̣ д̣̇ийбзяяа, гассажи висзсасса абхааваа уббаж̇ж̇анавааро на вад̇д̇аб̣б̣о сияаа, ‘‘уббаж̇ж̇ад̇ий’’д̇и важанам̣ бана уббад̇д̇ияог̇г̇ам̣ д̣̇ийбзд̇и. гасмаа? уббаж̇ж̇анаваарзна уббад̇д̇ияог̇г̇асса д̣̇ассид̇ад̇д̇аа, анусаяасад̣̇д̣̇асса саб̣б̣ад̣̇аа виж̇ж̇амаанаанам̣ абаринибпаннасаяанад̇т̇ад̇ааяа нивааран̣ад̇т̇ам̣ уббад̇д̇иарахад̇ааяа т̇аамаг̇ад̇абхаавасан̇каад̇асса яат̇аад̇хиббзд̇асаяанад̇т̇асса д̣̇ассанад̇т̇ам̣ ‘‘анусзнд̇ийд̇и ануруубам̣ гааран̣ам̣ лабхид̇ваа уббаж̇ж̇анд̇ий’’д̇и яам̣ уббад̇д̇ияог̇г̇аважанам̣ вуд̇д̇ам̣, д̇ам̣ сувуд̇д̇амзваад̇и ад̇хиббааяо. д̇амби сувуд̇д̇амзва иминаа д̇анд̇иббамаан̣знаад̇и самб̣анд̇хо. д̇анд̇ид̇д̇аязнаби хи жид̇д̇асамбаяуд̇д̇ад̇аа д̣̇ийбид̇аа ход̇и.
Anusayauppajjanavārānaṃ samānagatikattā yathā ‘‘anusetī’’ti vacanaṃ appahīnākāradīpakaṃ, evaṃ ‘‘uppajjatī’’ti vacanaṃ siyāti uppajjanavārena ‘‘uppajjatī’’ti vacanassa avuttatā sakkā vattunti ce? Taṃ na, vacanatthavisesena taṃdvayassa vuttattā. ‘‘Anurūpaṃ kāraṇaṃ labhitvā uppajjatī’’ti hi etasmiṃ atthe avisiṭṭhepi ‘‘anusetī’’ti vacanaṃ santāne anusayitataṃ thāmagatabhāvaṃ dīpeti. Yadi tameva ‘‘uppajjatī’’ti vacanaṃ dīpeyya, kassaci visesassa abhāvā uppajjanavāro na vattabbo siyā, ‘‘uppajjatī’’ti vacanaṃ pana uppattiyoggaṃ dīpeti. Kasmā? Uppajjanavārena uppattiyoggassa dassitattā, anusayasaddassa sabbadā vijjamānānaṃ aparinipphannasayanatthatāya nivāraṇatthaṃ uppattiarahatāya thāmagatabhāvasaṅkhātassa yathādhippetasayanatthassa dassanatthaṃ ‘‘anusentīti anurūpaṃ kāraṇaṃ labhitvā uppajjantī’’ti yaṃ uppattiyoggavacanaṃ vuttaṃ, taṃ suvuttamevāti adhippāyo. Tampi suvuttameva iminā tantippamāṇenāti sambandho. Tantittayenapi hi cittasampayuttatā dīpitā hoti.
барижчзд̣̇абарижчиннуд̣̇д̣̇зсаваараван̣н̣анаа нидтид̇аа.
Paricchedaparicchinnuddesavāravaṇṇanā niṭṭhitā.
уббад̇д̇идтаанаваараван̣н̣анаа
Uppattiṭṭhānavāravaṇṇanā
2. гаамад̇хаад̇уяаа д̣̇вийсу взд̣̇анаасууд̇и гаамааважарабхуумияам̣ сукааяа жа убзгкааяа жаад̇и адтагат̇ааяам̣ гаамад̇хаад̇уг̇г̇ахан̣ам̣ д̣̇виннам̣ взд̣̇анаанам̣ висзсанабхаавзна вуд̇д̇ам̣, звам̣ сад̇и гаамад̇хаад̇уяаа гаамарааг̇аанусаяасса анусаяадтаанад̇аа на вуд̇д̇аа ход̇и. д̣̇вийсу бана рааг̇зсу бхаварааг̇асса д̇ийсу д̇хаад̇уусу руубааруубад̇хаад̇уунам̣ анусаяадтаанад̇аа вуд̇д̇аад̇и гаамад̇хаад̇уяаа гаамарааг̇асса анусаяадтаанад̇аа вад̇д̇аб̣б̣аа. д̇хаад̇увзд̣̇анаасаб̣б̣асаггааяабарияаабаннавасзна хи д̇иббагаарам̣ анусаяаанам̣ анусаяадтаанам̣ вуд̇д̇анд̇и. д̇асмаа д̇ийсу д̇хаад̇уусу гаамад̇хаад̇уяаа д̇ийсу взд̣̇анаасу д̣̇вийсу взд̣̇анаасу зд̇т̇а гаамарааг̇аанусаяо анусзд̇ийд̇и висум̣ анусаяадтаанад̇аа д̇хаад̇уяаа взд̣̇анаанан̃жа яож̇зд̇аб̣б̣аа. д̣̇вийсу взд̣̇анаасууд̇и ид̣̇ан̃жа взд̣̇анаасу анусаяамаано гаамарааг̇аанусаяо д̣̇вийсвзва анусзд̇и, на д̇ийсууд̇и д̇ин̣н̣амби таанад̇аанивааран̣ад̇т̇амзва вуд̇д̇анд̇и на саб̣б̣аасу д̣̇вийсу анусаяанаббад̇д̇о ад̇т̇и, д̇зна взд̣̇анаависзсанад̇т̇ам̣ на гаамад̇хаад̇уг̇г̇ахан̣зна гожи ад̇т̇о. бхаварааг̇аанусаяанадтаанан̃хи адтаанан̃жа анусаяаанам̣ абарияаабаннам̣ саггааяз гаамарааг̇аанусаяасса анусаяадтаанам̣ на ход̇ийд̇и баагадамзд̇ам̣. яат̇аа жа ‘‘д̣̇вийсу взд̣̇анаасуу’’д̇и вуд̇д̇з бадигхаанусаяаанусаяадтаанад̇о ан̃н̃аа д̣̇вз взд̣̇анаа г̇аяханд̇и, звам̣ бхаварааг̇аанусаяаанусаяанадтаанад̇о жа ан̃н̃аа д̇аа г̇аяханд̇ийд̇и.
2. Kāmadhātuyā dvīsu vedanāsūti kāmāvacarabhūmiyaṃ sukhāya ca upekkhāya cāti aṭṭhakathāyaṃ kāmadhātuggahaṇaṃ dvinnaṃ vedanānaṃ visesanabhāvena vuttaṃ, evaṃ sati kāmadhātuyā kāmarāgānusayassa anusayaṭṭhānatā na vuttā hoti. Dvīsu pana rāgesu bhavarāgassa tīsu dhātūsu rūpārūpadhātūnaṃ anusayaṭṭhānatā vuttāti kāmadhātuyā kāmarāgassa anusayaṭṭhānatā vattabbā. Dhātuvedanāsabbasakkāyapariyāpannavasena hi tippakāraṃ anusayānaṃ anusayaṭṭhānaṃ vuttanti. Tasmā tīsu dhātūsu kāmadhātuyā tīsu vedanāsu dvīsu vedanāsu ettha kāmarāgānusayo anusetīti visuṃ anusayaṭṭhānatā dhātuyā vedanānañca yojetabbā. Dvīsu vedanāsūti idañca vedanāsu anusayamāno kāmarāgānusayo dvīsveva anuseti, na tīsūti tiṇṇampi ṭhānatānivāraṇatthameva vuttanti na sabbāsu dvīsu anusayanappatto atthi, tena vedanāvisesanatthaṃ na kāmadhātuggahaṇena koci attho. Bhavarāgānusayanaṭṭhānañhi aṭṭhānañca anusayānaṃ apariyāpannaṃ sakkāye kāmarāgānusayassa anusayaṭṭhānaṃ na hotīti pākaṭametaṃ. Yathā ca ‘‘dvīsu vedanāsū’’ti vutte paṭighānusayānusayaṭṭhānato aññā dve vedanā gayhanti, evaṃ bhavarāgānusayānusayanaṭṭhānato ca aññā tā gayhantīti.
зд̇т̇а жа д̣̇вийхи взд̣̇анаахи самбаяуд̇д̇зсу ан̃н̃зсу жа бияаруубасаад̇аруубзсу идтаруубаад̣̇ийсу уббаж̇ж̇амаано гаамарааг̇аанусаяо саад̇асанд̇асукаг̇ид̣̇д̇хияаа бавад̇д̇ад̇ийд̇и д̣̇вийсу взд̣̇анаасу д̇асса анусаяанам̣ вуд̇д̇ам̣. ан̃н̃ад̇т̇а уббаж̇ж̇амааноби хи со имаасу д̣̇вийсу взд̣̇анаасу ануг̇ад̇о худ̇ваа сзд̇и сукамижжзва абхилабхад̇ийд̇и. звам̣ бадигхаанусаяо жа д̣̇угкавзд̣̇анаасамбаяуд̇д̇зсу ан̃н̃зсу жа аббияаруубаасаад̇аруубзсу анидтаруубаад̣̇ийсу уббаж̇ж̇амаано д̣̇угкабадигуулад̇о д̣̇угкамижжзва бадихан̃н̃ад̇ийд̇и д̣̇угкавзд̣̇анамзва ануг̇ад̇о худ̇ваа сзд̇и, д̇зна бана д̇асмим̣ анусаяанам̣ вуд̇д̇ам̣. звам̣ гаамарааг̇абадигхаанам̣ д̇ийсу взд̣̇анаасу анусаяаважанзна идтаидтамаж̇жхад̇д̇аанидтзсу аарамман̣абагад̇ияаа вибарийд̇асан̃н̃ааяа жа васзна идтаад̣̇ибхаавзна г̇ахид̇зсу гаамарааг̇абадигхаанам̣ уббад̇д̇и д̣̇ассид̇аа ход̇и. д̇ад̇т̇а уббаж̇ж̇амаанаа хи д̇з д̇ийсу взд̣̇анаасу анусзнд̇и наама. взд̣̇анаад̇д̇аяамукзна ваа зд̇т̇а идтаад̣̇ийнам̣ аарамман̣аанам̣ г̇ахан̣ам̣ взд̣̇ид̇аб̣б̣ам̣, гаамад̇хаад̇уаад̣̇иг̇г̇ахан̣зна гаамассаад̣̇аад̣̇ивад̇т̇убхууд̇аанам̣ гаамабхаваад̣̇ийнам̣. д̇ад̇т̇а гаамарааг̇аанусаяо бхавассаад̣̇авасзна анусаяамаано гаамад̇хаад̇уяаа анусзд̇и, гаамасукассаад̣̇авасзна анусаяамаано сукобзгкаавзд̣̇анаасу. бадигхо д̣̇угкабадигхаад̇авасзнзва бавад̇д̇ад̇ийд̇и яад̇т̇а д̇ад̇т̇а бадихан̃н̃амааноби д̣̇угкавзд̣̇анааяа зва анусзд̇и. руубааруубабхавзсу бана руубааруубааважарад̇хаммзсу жа гаамассаад̣̇асса бавад̇д̇и над̇т̇ийд̇и д̇ад̇т̇а анусаяамаано рааг̇о бхаварааг̇оижжзва взд̣̇ид̇аб̣б̣о. д̇хаад̇уд̇д̇аяавзд̣̇анаад̇д̇аяаг̇г̇ахан̣зна жа саб̣б̣асаггааяабарияаабаннаанам̣ г̇ахид̇ад̇д̇аа ‘‘яад̇т̇а гаамарааг̇аанусаяо наанусзд̇и, д̇ад̇т̇а д̣̇идтаанусаяо наанусзд̇ий’’д̇и (яама. 2.анусаяаяамага.46) звамаад̣̇ийнам̣ виссаж̇ж̇анзсу д̇хаад̇уд̇д̇аяавзд̣̇анаад̇д̇аяавинимуд̇д̇ам̣ д̣̇идтаанусаяаад̣̇ийнам̣ анусаяадтаанам̣ на вуд̇д̇анд̇и д̣̇адтаб̣б̣ам̣. нану жа ануд̇д̇арзсу вимогкзсу бихам̣ убадтаабаяад̇о бихабажжаяаа уббаннад̣̇оманассз бадигхаанусаяо наанусзд̇и, д̇ат̇аа нзгкаммассид̇асоманассубзгкаасу гаамарааг̇зна наанусаяид̇аб̣б̣анд̇и д̇ад̣̇анусаяанадтаанад̇о ан̃н̃ааби д̣̇идтаанусаяаанусаяанадтаанабхууд̇аа гаамааважаравзд̣̇анаа санд̇ийд̇и? хонд̇у, на бана д̇хаад̇уд̇д̇аяавзд̣̇анаад̇д̇аяад̇о ан̃н̃ам̣ д̇ад̣̇анусаяанадтаанам̣ ад̇т̇и, д̇асмаа д̇ам̣ на вуд̇д̇ам̣. яасмаа бана ‘‘яад̇т̇а гаамарааг̇аанусаяо жа бадигхаанусаяо жа маанаанусаяо жа наанусзнд̇и, д̇ад̇т̇а д̣̇идтаанусаяо вижигижчаанусаяо наанусзд̇ийд̇и? ааманд̇аа’’д̇и (яама. 2.анусаяаяамага.52) вуд̇д̇ам̣, д̇асмаа ависзсзна д̣̇угкам̣ бадигхаанусаяасса анусаяанадтаананд̇и самуд̣̇ааяавасзна г̇ахзд̇ваа вуд̇д̇анд̇и взд̣̇ид̇аб̣б̣ам̣. д̇ат̇аа логияасукобзгкаа гаамарааг̇амаанаанусаяанадтаананд̇и.
Ettha ca dvīhi vedanāhi sampayuttesu aññesu ca piyarūpasātarūpesu iṭṭharūpādīsu uppajjamāno kāmarāgānusayo sātasantasukhagiddhiyā pavattatīti dvīsu vedanāsu tassa anusayanaṃ vuttaṃ. Aññattha uppajjamānopi hi so imāsu dvīsu vedanāsu anugato hutvā seti sukhamicceva abhilabhatīti. Evaṃ paṭighānusayo ca dukkhavedanāsampayuttesu aññesu ca appiyarūpāsātarūpesu aniṭṭharūpādīsu uppajjamāno dukkhapaṭikūlato dukkhamicceva paṭihaññatīti dukkhavedanameva anugato hutvā seti, tena pana tasmiṃ anusayanaṃ vuttaṃ. Evaṃ kāmarāgapaṭighānaṃ tīsu vedanāsu anusayavacanena iṭṭhaiṭṭhamajjhattaaniṭṭhesu ārammaṇapakatiyā viparītasaññāya ca vasena iṭṭhādibhāvena gahitesu kāmarāgapaṭighānaṃ uppatti dassitā hoti. Tattha uppajjamānā hi te tīsu vedanāsu anusenti nāma. Vedanāttayamukhena vā ettha iṭṭhādīnaṃ ārammaṇānaṃ gahaṇaṃ veditabbaṃ, kāmadhātuādiggahaṇena kāmassādādivatthubhūtānaṃ kāmabhavādīnaṃ. Tattha kāmarāgānusayo bhavassādavasena anusayamāno kāmadhātuyā anuseti, kāmasukhassādavasena anusayamāno sukhopekkhāvedanāsu. Paṭigho dukkhapaṭighātavaseneva pavattatīti yattha tattha paṭihaññamānopi dukkhavedanāya eva anuseti. Rūpārūpabhavesu pana rūpārūpāvacaradhammesu ca kāmassādassa pavatti natthīti tattha anusayamāno rāgo bhavarāgoicceva veditabbo. Dhātuttayavedanāttayaggahaṇena ca sabbasakkāyapariyāpannānaṃ gahitattā ‘‘yattha kāmarāgānusayo nānuseti, tattha diṭṭhānusayo nānusetī’’ti (yama. 2.anusayayamaka.46) evamādīnaṃ vissajjanesu dhātuttayavedanāttayavinimuttaṃ diṭṭhānusayādīnaṃ anusayaṭṭhānaṃ na vuttanti daṭṭhabbaṃ. Nanu ca anuttaresu vimokkhesu pihaṃ upaṭṭhāpayato pihapaccayā uppannadomanasse paṭighānusayo nānuseti, tathā nekkhammassitasomanassupekkhāsu kāmarāgena nānusayitabbanti tadanusayanaṭṭhānato aññāpi diṭṭhānusayānusayanaṭṭhānabhūtā kāmāvacaravedanā santīti? Hontu, na pana dhātuttayavedanāttayato aññaṃ tadanusayanaṭṭhānaṃ atthi, tasmā taṃ na vuttaṃ. Yasmā pana ‘‘yattha kāmarāgānusayo ca paṭighānusayo ca mānānusayo ca nānusenti, tattha diṭṭhānusayo vicikicchānusayo nānusetīti? Āmantā’’ti (yama. 2.anusayayamaka.52) vuttaṃ, tasmā avisesena dukkhaṃ paṭighānusayassa anusayanaṭṭhānanti samudāyavasena gahetvā vuttanti veditabbaṃ. Tathā lokiyasukhopekkhā kāmarāgamānānusayanaṭṭhānanti.
абижа суд̇д̇з ‘‘ид̇хаавусо висаака, бхигку ид̇и бадисан̃жигкад̇и ‘гуд̣̇аассу наамаахам̣ д̣̇оманассам̣ баж̇ахзяяа’нд̇и, со ид̇и бадисан̃жигкид̇ваа бадигхам̣ д̇зна баж̇ахад̇и, на д̇ад̇т̇а бадигхаанусаяо анусзд̇ий’’д̇и нзгкаммассид̇ам̣ д̣̇оманассам̣ уббаад̣̇зд̇ваа д̇ам̣ вигкамбхзд̇ваа вийрияам̣ гад̇ваа анааг̇аамимаг̇г̇зна бадигхасса самуг̇гхаад̇анам̣ санд̇хааяа вуд̇д̇ам̣. на хи бадигхзнзва бадигхаббахаанам̣, д̣̇оманассзна ваа д̣̇оманассаббахаанам̣ ад̇т̇ийд̇и. бадигхуббад̇д̇ирахадтаанад̇ааяа бана ид̇ха саб̣б̣ам̣ д̣̇угкам̣ ‘‘бадигхаанусаяасса анусаяанадтаана’’нд̇и вуд̇д̇анд̇и д̣̇адтаб̣б̣ам̣. ниббарияааяад̣̇зсанаа хзсаа, саа бана барияааяад̣̇зсанаа. зван̃жа гад̇ваа батамаж̇жхаанавигкамбхид̇ам̣ гаамарааг̇аанусаяам̣ д̇ат̇аа вигкамбхид̇амзва гад̇ваа анааг̇аамимаг̇г̇зна самуг̇гхаад̇анам̣ санд̇хааяа ‘‘вивижжзва…бз… батамам̣ жхаанам̣ убасамбаж̇ж̇а вихарад̇и, рааг̇ам̣ д̇зна баж̇ахад̇и, на д̇ад̇т̇а рааг̇аанусаяо анусзд̇ий’’д̇и вуд̇д̇ам̣. звам̣ жад̇уд̇т̇аж̇жхаанавигкамбхид̇ам̣ авиж̇ж̇аанусаяам̣ д̇ат̇аа вигкамбхид̇амзва гад̇ваа арахад̇д̇амаг̇г̇зна самуг̇гхаад̇анам̣ санд̇хааяа ‘‘сукасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и, авиж̇ж̇ам̣ д̇зна баж̇ахад̇и, на д̇ад̇т̇а авиж̇ж̇аанусаяо анусзд̇ий’’д̇и (ма. ни. 1.465) вуд̇д̇ам̣. на хи логияажад̇уд̇т̇аж̇жхаанубзгкааяа авиж̇ж̇аанусаяо саб̣б̣ат̇аа наанусзд̇ийд̇и саггаа вад̇д̇ум̣ ‘‘саб̣б̣асаггааяабарияаабаннзсу д̇хаммзсу зд̇т̇а авиж̇ж̇аанусаяо анусзд̇ий’’д̇и (яама. адта. анусаяаяамага 2) вуд̇д̇ад̇д̇аа, д̇асмаа авиж̇ж̇аанусаяассзва вад̇т̇у жад̇уд̇т̇аж̇жхаанубзгкаа, нзгкаммассид̇ад̣̇оманассан̃жа бадигхаанусаяасса вад̇т̇у на на ход̇ийд̇и д̇ад̇т̇ааби д̇асса анусаяанам̣ взд̣̇ид̇аб̣б̣ам̣. авад̇т̇убхаавад̇о хи ид̇ха анусаяанам̣ на вужжад̇и, на суд̇д̇анд̇зсу вияа вуд̇д̇анаязна д̇ам̣бадибагкабхаавад̇о д̇ам̣самуг̇гхаад̇агамаг̇г̇асса б̣алавуубаниссаяабхаавад̇о жаад̇и.
Apica sutte ‘‘idhāvuso visākha, bhikkhu iti paṭisañcikkhati ‘kudāssu nāmāhaṃ domanassaṃ pajaheyya’nti, so iti paṭisañcikkhitvā paṭighaṃ tena pajahati, na tattha paṭighānusayo anusetī’’ti nekkhammassitaṃ domanassaṃ uppādetvā taṃ vikkhambhetvā vīriyaṃ katvā anāgāmimaggena paṭighassa samugghātanaṃ sandhāya vuttaṃ. Na hi paṭigheneva paṭighappahānaṃ, domanassena vā domanassappahānaṃ atthīti. Paṭighuppattirahaṭṭhānatāya pana idha sabbaṃ dukkhaṃ ‘‘paṭighānusayassa anusayanaṭṭhāna’’nti vuttanti daṭṭhabbaṃ. Nippariyāyadesanā hesā, sā pana pariyāyadesanā. Evañca katvā paṭhamajjhānavikkhambhitaṃ kāmarāgānusayaṃ tathā vikkhambhitameva katvā anāgāmimaggena samugghātanaṃ sandhāya ‘‘vivicceva…pe… paṭhamaṃ jhānaṃ upasampajja viharati, rāgaṃ tena pajahati, na tattha rāgānusayo anusetī’’ti vuttaṃ. Evaṃ catutthajjhānavikkhambhitaṃ avijjānusayaṃ tathā vikkhambhitameva katvā arahattamaggena samugghātanaṃ sandhāya ‘‘sukhassa ca pahānā…pe… catutthaṃ jhānaṃ upasampajja viharati, avijjaṃ tena pajahati, na tattha avijjānusayo anusetī’’ti (ma. ni. 1.465) vuttaṃ. Na hi lokiyacatutthajjhānupekkhāya avijjānusayo sabbathā nānusetīti sakkā vattuṃ ‘‘sabbasakkāyapariyāpannesu dhammesu ettha avijjānusayo anusetī’’ti (yama. aṭṭha. anusayayamaka 2) vuttattā, tasmā avijjānusayasseva vatthu catutthajjhānupekkhā, nekkhammassitadomanassañca paṭighānusayassa vatthu na na hotīti tatthāpi tassa anusayanaṃ veditabbaṃ. Avatthubhāvato hi idha anusayanaṃ na vuccati, na suttantesu viya vuttanayena taṃpaṭipakkhabhāvato taṃsamugghātakamaggassa balavūpanissayabhāvato cāti.
зд̇т̇а жа аарамман̣з анусаяадтаанз сад̇и бхаварааг̇аваж̇ж̇о саб̣б̣о лобхо гаамарааг̇аанусаяод̇и на саггаа вад̇д̇ум̣. д̣̇угкааяа хи взд̣̇анааяа руубааруубад̇хаад̇уусу жа анусаяамаанзна д̣̇идтаанусаязна самбаяуд̇д̇оби лобхо лобхо зва, на гаамарааг̇аанусаяо. яад̣̇и сияаа, д̣̇идтаанусаяасса вияа зд̇ассаби таанам̣ вад̇д̇аб̣б̣ам̣ сияаад̇и. ат̇а бана аж̇жхаасаяавасзна д̇анниннад̇ааяа анусаяанадтаанам̣ вуд̇д̇ам̣. яат̇аа идтаанам̣ руубаад̣̇ийнам̣ сукааяа жа взд̣̇анааяа аббадилад̣̇д̇хам̣ ваа аббадилаабхад̇о саманубассад̇о, бадилад̣̇д̇хабуб̣б̣ам̣ ваа ад̇ийд̇ам̣ нируд̣̇д̇хам̣ виг̇ад̇ам̣ барин̣ад̇ам̣ саманубассад̇о уббаж̇ж̇амаано бадигхо д̣̇угкз бадихан̃н̃анавасзнзва бавад̇д̇ад̇ийд̇и д̣̇угкамзва д̇асса анусаяанадтаанам̣ вуд̇д̇ам̣, нааламб̣ид̇ам̣, звам̣ д̣̇угкаад̣̇ийсу абхинивзсанавасзна уббаж̇ж̇амаанзна д̣̇идтаанусаязна самбаяуд̇д̇оби лобхо сукаабхисан̇г̇авасзнзва бавад̇д̇ад̇ийд̇и саад̇асанд̇асукад̣̇ваяамзвасса анусаяадтаанам̣ вуд̇д̇анд̇и бхаварааг̇аваж̇ж̇асса саб̣б̣алобхасса гаамарааг̇аанусаяад̇аа на вируж̇жхад̇и, згасмим̣язва жа аарамман̣з раж̇ж̇анд̇и д̣̇уссанд̇и жа. д̇ад̇т̇а рааг̇о сукаж̇жхаасаяо бадигхо д̣̇угкаж̇жхаасаяод̇и д̇зсам̣ наанаанусаяадтаанад̇аа ход̇и.
Ettha ca ārammaṇe anusayaṭṭhāne sati bhavarāgavajjo sabbo lobho kāmarāgānusayoti na sakkā vattuṃ. Dukkhāya hi vedanāya rūpārūpadhātūsu ca anusayamānena diṭṭhānusayena sampayuttopi lobho lobho eva, na kāmarāgānusayo. Yadi siyā, diṭṭhānusayassa viya etassapi ṭhānaṃ vattabbaṃ siyāti. Atha pana ajjhāsayavasena tanninnatāya anusayanaṭṭhānaṃ vuttaṃ. Yathā iṭṭhānaṃ rūpādīnaṃ sukhāya ca vedanāya appaṭiladdhaṃ vā appaṭilābhato samanupassato, paṭiladdhapubbaṃ vā atītaṃ niruddhaṃ vigataṃ pariṇataṃ samanupassato uppajjamāno paṭigho dukkhe paṭihaññanavaseneva pavattatīti dukkhameva tassa anusayanaṭṭhānaṃ vuttaṃ, nālambitaṃ, evaṃ dukkhādīsu abhinivesanavasena uppajjamānena diṭṭhānusayena sampayuttopi lobho sukhābhisaṅgavaseneva pavattatīti sātasantasukhadvayamevassa anusayaṭṭhānaṃ vuttanti bhavarāgavajjassa sabbalobhassa kāmarāgānusayatā na virujjhati, ekasmiṃyeva ca ārammaṇe rajjanti dussanti ca. Tattha rāgo sukhajjhāsayo paṭigho dukkhajjhāsayoti tesaṃ nānānusayaṭṭhānatā hoti.
зван̃жа гад̇ваа ‘‘яад̇т̇а гаамарааг̇аанусаяо анусзд̇и, д̇ад̇т̇а бадигхаанусаяо анусзд̇ийд̇и? но’’д̇и (яама. 2.анусаяаяамага.14) вуд̇д̇анд̇и. адтагат̇ааяам̣ бана д̣̇вийсу взд̣̇анаасу идтаарамман̣з жа д̣̇оманассуббад̇д̇им̣ вад̇ваа ‘‘д̣̇оманассамад̇д̇амзва бана д̇ам̣ ход̇и, на бадигхаанусаяо’’д̇и (яама. адта. анусаяаяамага 2) вуд̇д̇ад̇д̇аа яат̇аа д̇ад̇т̇а бадигхо бадигхаанусаяо на ход̇и, звам̣ д̣̇угкаад̣̇ийсу уббаж̇ж̇амаанзна д̣̇идтаанусаязна сахаж̇аад̇о лобхо гаамарааг̇аанусаяо на ход̇ижжзва вин̃н̃ааяад̇ийд̇и. яам̣ банзд̇ам̣ вуд̇д̇ам̣ ‘‘д̣̇оманассамад̇д̇амзва бана д̇ам̣ ход̇и, на бадигхаанусаяо’’д̇и, зд̇т̇а на бадигхаанусаяод̇и над̇т̇и бадигхаанусаяод̇и ад̇т̇о д̣̇адтаб̣б̣о. на хи д̣̇оманассасса бадигхаанусаяабхааваасан̇гаа ад̇т̇ийд̇и.
Evañca katvā ‘‘yattha kāmarāgānusayo anuseti, tattha paṭighānusayo anusetīti? No’’ti (yama. 2.anusayayamaka.14) vuttanti. Aṭṭhakathāyaṃ pana dvīsu vedanāsu iṭṭhārammaṇe ca domanassuppattiṃ vatvā ‘‘domanassamattameva pana taṃ hoti, na paṭighānusayo’’ti (yama. aṭṭha. anusayayamaka 2) vuttattā yathā tattha paṭigho paṭighānusayo na hoti, evaṃ dukkhādīsu uppajjamānena diṭṭhānusayena sahajāto lobho kāmarāgānusayo na hoticceva viññāyatīti. Yaṃ panetaṃ vuttaṃ ‘‘domanassamattameva pana taṃ hoti, na paṭighānusayo’’ti, ettha na paṭighānusayoti natthi paṭighānusayoti attho daṭṭhabbo. Na hi domanassassa paṭighānusayabhāvāsaṅkā atthīti.
д̣̇зсанаа сам̣гин̣н̣аа вияа бхавзяяаад̇и бхаварааг̇ассаби гаамад̇хаад̇уяаа д̣̇вийсу взд̣̇анаасу аарамман̣агаран̣авасзнзва уббад̇д̇и вуд̇д̇аа вияа бхавзяяа, д̇асмаа аарамман̣ависзсзна висзсад̣̇ассанад̇т̇ам̣ звам̣ д̣̇зсанаа гад̇аа сахаж̇аад̇авзд̣̇анаависзсаабхаавад̇од̇и ад̇хиббааяо.
Desanā saṃkiṇṇā viya bhaveyyāti bhavarāgassapi kāmadhātuyā dvīsu vedanāsu ārammaṇakaraṇavaseneva uppatti vuttā viya bhaveyya, tasmā ārammaṇavisesena visesadassanatthaṃ evaṃ desanā katā sahajātavedanāvisesābhāvatoti adhippāyo.
уббад̇д̇идтаанаваараван̣н̣анаа нидтид̇аа.
Uppattiṭṭhānavāravaṇṇanā niṭṭhitā.
махаавааро
Mahāvāro
1. анусаяаваараван̣н̣анаа
1. Anusayavāravaṇṇanā
3. анусзд̇и уббаж̇ж̇ад̇ийд̇и бажжуббаннавохаараа бавад̇д̇аавираамавасзна взд̣̇ид̇аб̣б̣аа. маг̇г̇знзва хи анусаяаанам̣ вираамо вижчзд̣̇о ход̇и, на д̇ад̇о буб̣б̣зд̇и.
3. Anusetiuppajjatīti paccuppannavohārā pavattāvirāmavasena veditabbā. Maggeneva hi anusayānaṃ virāmo vicchedo hoti, na tato pubbeti.
20. нааби згасмим̣ таанз уббаж̇ж̇анд̇и, на згам̣ д̇хаммам̣ аарамман̣ам̣ гаронд̇ийд̇и зд̇т̇а буримзна згасмим̣ жид̇д̇уббаад̣̇з уббад̇д̇и ниваарид̇аа, бажчимзна згасмим̣ аарамман̣зд̇и аяам̣ висзсо. буг̇г̇алогаасаваарасса бадиломз д̇зсам̣ д̇зсам̣ буг̇г̇алаанам̣ д̇асса д̇асса анусаяасса ананусаяанадтаанам̣ багад̇ияаа бахаанзна жа взд̣̇ид̇аб̣б̣ам̣, ‘‘д̇ин̣н̣ам̣ буг̇г̇алаанам̣ д̣̇угкааяа взд̣̇анааяа д̇зсам̣ д̇ад̇т̇а гаамарааг̇аанусаяо наанусзд̇и, но жа д̇зсам̣ д̇ад̇т̇а бадигхаанусаяо наанусзд̇и, д̇зсан̃н̃зва буг̇г̇алаанам̣ руубад̇хаад̇уяаа аруубад̇хаад̇уяаа абарияаабаннз д̇зсам̣ д̇ад̇т̇а гаамарааг̇аанусаяо жа наанусзд̇и, бадигхаанусаяо жа наанусзд̇ий’’д̇и багад̇ияаа д̣̇угкаад̣̇ийнам̣ гаамарааг̇аад̣̇ийнам̣ ананусаяадтаанад̇ам̣ санд̇хааяа вуд̇д̇ам̣, ‘‘д̣̇виннам̣ буг̇г̇алаанам̣ саб̣б̣ад̇т̇а гаамарааг̇аанусаяо жа наанусзд̇и, бадигхаанусаяо жа наанусзд̇ий’’д̇и (яама. 2.анусаяаяамага.56) анусаяаббахаанзна. зд̇т̇а буриманаязна огаасам̣ авзгкид̇ваа буг̇г̇аласса виж̇ж̇амаанаанам̣ анусаяаанам̣ ананусаяанам̣ вуд̇д̇ам̣, бажчиманаязна буг̇г̇алам̣ авзгкид̇ваа огаасасса гаамад̇хаад̇уаад̣̇игасса аногаасад̇аад̇и.
20. Nāpi ekasmiṃ ṭhāne uppajjanti, na ekaṃ dhammaṃ ārammaṇaṃ karontīti ettha purimena ekasmiṃ cittuppāde uppatti nivāritā, pacchimena ekasmiṃ ārammaṇeti ayaṃ viseso. Puggalokāsavārassa paṭilome tesaṃ tesaṃ puggalānaṃ tassa tassa anusayassa ananusayanaṭṭhānaṃ pakatiyā pahānena ca veditabbaṃ, ‘‘tiṇṇaṃ puggalānaṃ dukkhāya vedanāya tesaṃ tattha kāmarāgānusayo nānuseti, no ca tesaṃ tattha paṭighānusayo nānuseti, tesaññeva puggalānaṃ rūpadhātuyā arūpadhātuyā apariyāpanne tesaṃ tattha kāmarāgānusayo ca nānuseti, paṭighānusayo ca nānusetī’’ti pakatiyā dukkhādīnaṃ kāmarāgādīnaṃ ananusayaṭṭhānataṃ sandhāya vuttaṃ, ‘‘dvinnaṃ puggalānaṃ sabbattha kāmarāgānusayo ca nānuseti, paṭighānusayo ca nānusetī’’ti (yama. 2.anusayayamaka.56) anusayappahānena. Ettha purimanayena okāsaṃ avekkhitvā puggalassa vijjamānānaṃ anusayānaṃ ananusayanaṃ vuttaṃ, pacchimanayena puggalaṃ avekkhitvā okāsassa kāmadhātuādikassa anokāsatāti.
анусаяаваараван̣н̣анаа нидтид̇аа.
Anusayavāravaṇṇanā niṭṭhitā.
2. саанусаяаваараван̣н̣анаа
2. Sānusayavāravaṇṇanā
66-131. саанусаяабаж̇аханабарин̃н̃ааваарзсу ‘‘саанусаяо, баж̇ахад̇и, бариж̇аанаад̇ий’’д̇и буг̇г̇ало вуд̇д̇о. буг̇г̇аласса жа имасмим̣ бхавз саанусаяод̇и звам̣ бхавависзсзна ваа, имасмим̣ гаамарааг̇аанусаязна саанусаяо имасмим̣ ид̇арзсу гзнажийд̇и звам̣ бхаваанусаяависзсзна ваа саанусаяад̇ааниранусаяад̇аад̣̇игаа над̇т̇и. д̇ат̇аа д̣̇вийсу взд̣̇анаасу гаамарааг̇аанусаязна саанусаяо, д̣̇угкааяа взд̣̇анааяа ниранусаяод̇и ид̣̇амби над̇т̇и. на хи буг̇г̇аласса взд̣̇анаа огаасо, ат̇а ко анусаяаананд̇и. анусаяасса бана д̇асса д̇асса со со анусаяаногаасо буг̇г̇аласса д̇зна д̇зна анусаязна саанусаяад̇ааяа, д̇асса д̇асса баж̇аханабариж̇аананаанан̃жа нимид̇д̇ам̣ ход̇и, ананусаяаногаасо жа ниранусаяад̇аад̣̇ийнам̣, д̇асмаа огаасаваарзсу бхумманид̣̇д̣̇зсам̣ агад̇ваа ‘‘яад̇о д̇ад̇о’’д̇и нимид̇д̇ад̇т̇з ниссаггаважанам̣ гад̇ам̣, баж̇аханабарин̃н̃ааваарзсу абаад̣̇аанад̇т̇з зва ваа. д̇ад̇о д̇ад̇о хи огаасад̇о абаг̇амагаран̣ам̣ винаасанам̣ баж̇аханам̣ бариж̇аананан̃жаад̇и.
66-131. Sānusayapajahanapariññāvāresu ‘‘sānusayo, pajahati, parijānātī’’ti puggalo vutto. Puggalassa ca imasmiṃ bhave sānusayoti evaṃ bhavavisesena vā, imasmiṃ kāmarāgānusayena sānusayo imasmiṃ itaresu kenacīti evaṃ bhavānusayavisesena vā sānusayatāniranusayatādikā natthi. Tathā dvīsu vedanāsu kāmarāgānusayena sānusayo, dukkhāya vedanāya niranusayoti idampi natthi. Na hi puggalassa vedanā okāso, atha kho anusayānanti. Anusayassa pana tassa tassa so so anusayanokāso puggalassa tena tena anusayena sānusayatāya, tassa tassa pajahanaparijānanānañca nimittaṃ hoti, ananusayanokāso ca niranusayatādīnaṃ, tasmā okāsavāresu bhummaniddesaṃ akatvā ‘‘yato tato’’ti nimittatthe nissakkavacanaṃ kataṃ, pajahanapariññāvāresu apādānatthe eva vā. Tato tato hi okāsato apagamakaraṇaṃ vināsanaṃ pajahanaṃ parijānanañcāti.
д̇ад̇т̇а яад̇од̇и яад̇о анусаяадтаанад̇о ануломз, бадиломз ананусаяадтаанад̇од̇и ад̇т̇о. анусаяаанаанусаяассзва хи нимид̇д̇аабаад̣̇аанабхаавад̣̇ассанад̇т̇ам̣ ‘‘руубад̇хаад̇уяаа аруубад̇хаад̇уяаа д̇ад̇о маанаанусаязна саанусаяод̇и (яама.2.анусаяаяамага.77), баж̇ахад̇ий’’д̇и (яама. 2.анусаяаяамага.143) жа ‘‘д̣̇угкааяа взд̣̇анааяа д̇ад̇о гаамарааг̇аанусаязна ниранусаяод̇и (яама. 2.анусаяаяамага.110), на баж̇ахад̇ий’’д̇и (яама. 2.анусаяаяамага.174-176) жа звамаад̣̇ийсу руубад̇хаад̇уаад̣̇аяо зва бхумманид̣̇д̣̇зсзнзва нид̣̇д̣̇идтаад̇и. адтагат̇ааяам̣ бана жад̇уд̇т̇абан̃хависсаж̇ж̇анзна саруубад̇о анусаяанадтаанасса д̣̇ассид̇ад̇д̇аа д̇ад̣̇ад̇т̇з аад̣̇ибан̃хзби ‘‘яад̇о’’д̇и анусаяанадтаанам̣ вуд̇д̇анд̇и имамад̇т̇ам̣ вибхаавзд̇ваа буна ‘‘яад̇о’’д̇и зд̇асса важанад̇т̇ам̣ д̣̇ассзд̇ум̣ ‘‘уббаннзна гаамарааг̇аанусаязна саанусаяо’’д̇и вуд̇д̇ам̣, д̇ам̣ бамаад̣̇аликид̇ам̣ вияа д̣̇иссад̇и. на хи уббаннзнзва анусаязна саанусаяо, уббад̇д̇ирахадтаанад̇ан̃жа санд̇хааязва ниссаггаважанам̣ на саггаа вад̇д̇ум̣. на хи абарияаабаннаанам̣ анусаяуббад̇д̇ирахадтаанад̇аад̇и д̇ам̣ д̇ат̇зва д̣̇иссад̇и. звам̣ банзд̇т̇а ад̇т̇о д̣̇адтаб̣б̣о – яад̇о уббаннзнаад̇и яад̇о уббаннзна бхавид̇аб̣б̣ам̣, д̇знаад̇и уббад̇д̇ирахадтаанз ниссаггаважанам̣ гад̇анд̇и. д̇ат̇аа саб̣б̣ад̇хаммзсу уббаж̇ж̇анагзнаад̇и. уббад̇д̇ибадисзд̇хз агад̇з ануббад̇д̇ияаа анижчид̇ад̇д̇аа саб̣б̣ад̇хаммзсу уббаж̇ж̇анагабхаавам̣ аабаннзна ануббаж̇ж̇анабхаавам̣ абанзд̇и наама. саб̣б̣ад̇т̇аад̇и зд̇асса бана саб̣б̣адтаанад̇од̇и аяамад̇т̇о на на самбхавад̇и. д̇т̇а-гааран̃хи бхуммад̇о ан̃н̃ад̇т̇ааби сад̣̇д̣̇авид̣̇уу ижчанд̇ийд̇и.
Tattha yatoti yato anusayaṭṭhānato anulome, paṭilome ananusayaṭṭhānatoti attho. Anusayānānusayasseva hi nimittāpādānabhāvadassanatthaṃ ‘‘rūpadhātuyā arūpadhātuyā tato mānānusayena sānusayoti (yama.2.anusayayamaka.77), pajahatī’’ti (yama. 2.anusayayamaka.143) ca ‘‘dukkhāya vedanāya tato kāmarāgānusayena niranusayoti (yama. 2.anusayayamaka.110), na pajahatī’’ti (yama. 2.anusayayamaka.174-176) ca evamādīsu rūpadhātuādayo eva bhummaniddeseneva niddiṭṭhāti. Aṭṭhakathāyaṃ pana catutthapañhavissajjanena sarūpato anusayanaṭṭhānassa dassitattā tadatthe ādipañhepi ‘‘yato’’ti anusayanaṭṭhānaṃ vuttanti imamatthaṃ vibhāvetvā puna ‘‘yato’’ti etassa vacanatthaṃ dassetuṃ ‘‘uppannena kāmarāgānusayena sānusayo’’ti vuttaṃ, taṃ pamādalikhitaṃ viya dissati. Na hi uppanneneva anusayena sānusayo, uppattirahaṭṭhānatañca sandhāyeva nissakkavacanaṃ na sakkā vattuṃ. Na hi apariyāpannānaṃ anusayuppattirahaṭṭhānatāti taṃ tatheva dissati. Evaṃ panettha attho daṭṭhabbo – yato uppannenāti yato uppannena bhavitabbaṃ, tenāti uppattirahaṭṭhāne nissakkavacanaṃ katanti. Tathā sabbadhammesu uppajjanakenāti. Uppattipaṭisedhe akate anuppattiyā anicchitattā sabbadhammesu uppajjanakabhāvaṃ āpannena anuppajjanabhāvaṃ apaneti nāma. Sabbatthāti etassa pana sabbaṭṭhānatoti ayamattho na na sambhavati. Ttha-kārañhi bhummato aññatthāpi saddavidū icchantīti.
саанусаяаваараван̣н̣анаа нидтид̇аа.
Sānusayavāravaṇṇanā niṭṭhitā.
3. баж̇аханаваараван̣н̣анаа
3. Pajahanavāravaṇṇanā
132-197. баж̇аханаваарз язна гаамарааг̇аанусаяаад̣̇аяо саавасзсаа бахийяанд̇и, со д̇з баж̇ахад̇ийд̇и саннидтаанам̣ гад̇ваа вад̇д̇аб̣б̣о на ход̇и абаж̇аханасаб̣бхааваа, д̇асмаа саннидтаанз ниравасзсаббаж̇аханагоязва баж̇ахад̇ийд̇и вуд̇д̇о, д̇асмаа ‘‘яо ваа бана маанаанусаяам̣ баж̇ахад̇и, со гаамарааг̇аанусаяам̣ баж̇ахад̇ийд̇и? но’’д̇и (яама. 2.анусаяаяамага.132) вуд̇д̇ам̣. яасмаа бана сам̣саяабад̣̇зна бахаанагаран̣амад̇д̇амзва бужчад̇и, на саннидтаанам̣ гарод̇и, д̇асмаа яат̇аавиж̇ж̇амаанам̣ бахаанам̣ санд̇хааяа ‘‘яо гаамарааг̇аанусаяам̣ баж̇ахад̇и, со маанаанусаяам̣ баж̇ахад̇ийд̇и? д̇ад̣̇згадтам̣ баж̇ахад̇ий’’д̇и вуд̇д̇ам̣. бадиломз бана ‘‘наббаж̇ахад̇ий’’д̇и баж̇аханаабхааво зва саннидтаанабад̣̇зна сам̣саяабад̣̇зна жа винижчид̇о бужчид̇о жа, д̇асмаа язсам̣ баж̇аханам̣ над̇т̇и ниравасзсавасзна баж̇аханагаанам̣, д̇з табзд̇ваа авасзсаа аббаж̇аханасаб̣бхаавзнзва наббаж̇аханд̇ийд̇и вуд̇д̇аа, на жа яат̇аавиж̇ж̇амаанзна бахаанзнзва важ̇ж̇ид̇аад̇и д̣̇адтаб̣б̣аад̇и. ‘‘анааг̇аамимаг̇г̇асаман̇г̇ин̃жа адтамаган̃жа табзд̇ваа авасзсаа буг̇г̇алаа гаамарааг̇аанусаяан̃жа наббаж̇аханд̇и вижигижчаанусаяан̃жа наббаж̇аханд̇ий’’д̇и (яама. 2.анусаяаяамага.165) зд̇т̇а адтагат̇ааяам̣ ‘‘бут̇уж̇ж̇ано бахаанабарин̃н̃ааяа абхаавзна наббаж̇ахад̇и, сзсаа д̇зсам̣ анусаяаанам̣ бахийнад̇д̇аа’’д̇и (яама. адта. анусаяаяамага 132-197) вуд̇д̇ам̣.
132-197. Pajahanavāre yena kāmarāgānusayādayo sāvasesā pahīyanti, so te pajahatīti sanniṭṭhānaṃ katvā vattabbo na hoti apajahanasabbhāvā, tasmā sanniṭṭhāne niravasesappajahanakoyeva pajahatīti vutto, tasmā ‘‘yo vā pana mānānusayaṃ pajahati, so kāmarāgānusayaṃ pajahatīti? No’’ti (yama. 2.anusayayamaka.132) vuttaṃ. Yasmā pana saṃsayapadena pahānakaraṇamattameva pucchati, na sanniṭṭhānaṃ karoti, tasmā yathāvijjamānaṃ pahānaṃ sandhāya ‘‘yo kāmarāgānusayaṃ pajahati, so mānānusayaṃ pajahatīti? Tadekaṭṭhaṃ pajahatī’’ti vuttaṃ. Paṭilome pana ‘‘nappajahatī’’ti pajahanābhāvo eva sanniṭṭhānapadena saṃsayapadena ca vinicchito pucchito ca, tasmā yesaṃ pajahanaṃ natthi niravasesavasena pajahanakānaṃ, te ṭhapetvā avasesā appajahanasabbhāveneva nappajahantīti vuttā, na ca yathāvijjamānena pahāneneva vajjitāti daṭṭhabbāti. ‘‘Anāgāmimaggasamaṅgiñca aṭṭhamakañca ṭhapetvā avasesā puggalā kāmarāgānusayañca nappajahanti vicikicchānusayañca nappajahantī’’ti (yama. 2.anusayayamaka.165) ettha aṭṭhakathāyaṃ ‘‘puthujjano pahānapariññāya abhāvena nappajahati, sesā tesaṃ anusayānaṃ pahīnattā’’ti (yama. aṭṭha. anusayayamaka 132-197) vuttaṃ.
д̇ад̇т̇а гин̃жааби гзсан̃жи вижигижчаанусаяо гзсан̃жи убхаяанд̇и сзсаанам̣ д̇зсам̣ бахийнад̇аа ад̇т̇и, д̇ат̇ааби сод̇аабаннаад̣̇ийнам̣ вижигижчаанусаяасса бахийнад̇аа убхаяаабаж̇аханасса гааран̣ам̣ на ход̇ийд̇и д̇зсам̣ бахийнад̇д̇аа ‘‘наббаж̇аханд̇ий’’д̇и на саггаа вад̇д̇ум̣, ат̇а бана гаамарааг̇аанусаяан̃жа наббаж̇аханд̇ийд̇и имам̣ саннидтаанзна д̇зсам̣ буг̇г̇алаанам̣ сан̇г̇ахид̇ад̇аад̣̇ассанад̇т̇ам̣ вуд̇д̇анд̇и на д̇ад̇т̇а гааран̣ам̣ вад̇д̇аб̣б̣ам̣, бужчид̇асса бана сам̣саяад̇т̇асса гааран̣ам̣ вад̇д̇аб̣б̣ам̣. звам̣ сад̇и ‘‘сзсаа д̇асса анусаяасса бахийнад̇д̇аа’’д̇и вад̇д̇аб̣б̣анд̇и? на вад̇д̇аб̣б̣ам̣ ‘‘яо гаамарааг̇аанусаяам̣ наббаж̇ахад̇и, со д̣̇идтаанусаяам̣ вижигижчаанусаяам̣ наббаж̇ахад̇ий’’д̇и бадигкибид̇ваа бужчид̇з сад̣̇исависсаж̇ж̇анагз д̣̇идтивижигижчаанусаяз санд̇хааяа гааран̣асса вад̇д̇аб̣б̣ад̇д̇аа, д̇асмаа д̇зсам̣ анусаяаанам̣ бахийнад̇д̇аад̇и д̇зсам̣ д̣̇идтивижигижчаанусаяаанам̣ бахийнад̇д̇аа д̇з сам̣саяад̇т̇асан̇г̇ахид̇з анусаяз наббаж̇аханд̇ийд̇и ад̇т̇о д̣̇адтаб̣б̣о.
Tattha kiñcāpi kesañci vicikicchānusayo kesañci ubhayanti sesānaṃ tesaṃ pahīnatā atthi, tathāpi sotāpannādīnaṃ vicikicchānusayassa pahīnatā ubhayāpajahanassa kāraṇaṃ na hotīti tesaṃ pahīnattā ‘‘nappajahantī’’ti na sakkā vattuṃ, atha pana kāmarāgānusayañca nappajahantīti imaṃ sanniṭṭhānena tesaṃ puggalānaṃ saṅgahitatādassanatthaṃ vuttanti na tattha kāraṇaṃ vattabbaṃ, pucchitassa pana saṃsayatthassa kāraṇaṃ vattabbaṃ. Evaṃ sati ‘‘sesā tassa anusayassa pahīnattā’’ti vattabbanti? Na vattabbaṃ ‘‘yo kāmarāgānusayaṃ nappajahati, so diṭṭhānusayaṃ vicikicchānusayaṃ nappajahatī’’ti paṭikkhipitvā pucchite sadisavissajjanake diṭṭhivicikicchānusaye sandhāya kāraṇassa vattabbattā, tasmā tesaṃ anusayānaṃ pahīnattāti tesaṃ diṭṭhivicikicchānusayānaṃ pahīnattā te saṃsayatthasaṅgahite anusaye nappajahantīti attho daṭṭhabbo.
баж̇аханаваараван̣н̣анаа нидтид̇аа.
Pajahanavāravaṇṇanā niṭṭhitā.
5. бахийнаваараван̣н̣анаа
5. Pahīnavāravaṇṇanā
264-274. бахийнаваарз паладтавасзнзва д̣̇зсанаа аарад̣̇д̇хаад̇и ануломам̣ санд̇хааяа вуд̇д̇ам̣. бадиломз хи бут̇уж̇ж̇анавасзнаби д̣̇зсанаа г̇ахид̇аад̇и. ‘‘паладтавасзнзваа’’д̇и жа саад̇хааран̣аважанзна маг̇г̇асаман̇г̇ийнам̣ аг̇г̇ахид̇ад̇ам̣ д̣̇ийбзд̇и. анусаяажжанд̇абадибагкзгажид̇д̇агкан̣игаанан̃хи маг̇г̇асаман̇г̇ийнам̣ на гожи анусаяо уббад̇д̇ирахо, нааби ануббад̇д̇ирахад̇ам̣ аабаад̣̇ид̇о, д̇асмаа д̇з на анусаяасаанусаяабахийнауббаж̇ж̇анаваарзсу г̇ахид̇аад̇и.
264-274. Pahīnavārephalaṭṭhavaseneva desanā āraddhāti anulomaṃ sandhāya vuttaṃ. Paṭilome hi puthujjanavasenapi desanā gahitāti. ‘‘Phalaṭṭhavasenevā’’ti ca sādhāraṇavacanena maggasamaṅgīnaṃ aggahitataṃ dīpeti. Anusayaccantapaṭipakkhekacittakkhaṇikānañhi maggasamaṅgīnaṃ na koci anusayo uppattiraho, nāpi anuppattirahataṃ āpādito, tasmā te na anusayasānusayapahīnauppajjanavāresu gahitāti.
275-296. огаасаваарз со со анусаяо ад̇д̇ано ад̇д̇ано огаасз зва ануббад̇д̇ид̇хаммад̇ам̣ аабаад̣̇ид̇о бахийно, анаабаад̣̇ид̇о жа аббахийнод̇и бахийнааббахийнаважанаани д̇ад̣̇огаасамзва д̣̇ийбзнд̇и, д̇асмаа аногаасз д̇ад̣̇убхаяаавад̇д̇аб̣б̣ад̇аа вуд̇д̇аад̇и. саад̇хааран̣адтаанз д̇зна сад̣̇д̇хим̣ бахийно наама ход̇ийд̇и д̇зна сад̣̇д̇хим̣ самааногаасз бахийно наамаад̇и ад̇т̇о, на самаанагаалз бахийнод̇и.
275-296. Okāsavāre so so anusayo attano attano okāse eva anuppattidhammataṃ āpādito pahīno, anāpādito ca appahīnoti pahīnāppahīnavacanāni tadokāsameva dīpenti, tasmā anokāse tadubhayāvattabbatā vuttāti. Sādhāraṇaṭṭhāne tena saddhiṃ pahīno nāma hotīti tena saddhiṃ samānokāse pahīno nāmāti attho, na samānakāle pahīnoti.
бахийнаваараван̣н̣анаа нидтид̇аа.
Pahīnavāravaṇṇanā niṭṭhitā.
7. д̇хаад̇уваараван̣н̣анаа
7. Dhātuvāravaṇṇanā
332-340. д̇хаад̇уваарз санд̇аанам̣ ануг̇ад̇аа худ̇ваа саяанд̇ийд̇и яасмим̣ санд̇аанз аббахийнаа, д̇ам̣санд̇аанз аббахийнабхаавзна ануг̇анд̇ваа уббад̇д̇иарахабхаавзна саяанд̇ийд̇и ад̇т̇о. уббад̇д̇ирахад̇аа зва хи ануруубам̣ гааран̣ам̣ лабхид̇ваа уббаж̇ж̇анд̇ийд̇и ид̇хааби яуд̇д̇аад̇и. зд̇т̇а жа на гаамад̇хаад̇уаад̣̇ийни ча бадинисзд̇хаважанаани д̇хаад̇увисзсанид̣̇д̇хааран̣аани на хонд̇ийд̇и ‘‘на гаамад̇хаад̇уяаа жуд̇асса на гаамад̇хаад̇ум̣ убабаж̇ж̇анд̇ассаа’’д̇иаад̣̇имхи вужжамаанз имам̣ наама убабаж̇ж̇анд̇ассаад̇и на вин̃н̃ааязяяа, д̇асмаа д̇ам̣муулигаасу яож̇анаасу ‘‘на гаамад̇хаад̇уяаа жуд̇асса гаамад̇хаад̇ум̣ руубад̇хаад̇ум̣ аруубад̇хаад̇ум̣ убабаж̇ж̇анд̇ассаа’’д̇и батамам̣ яож̇зд̇ваа буна ануггамзна ‘‘на гаамад̇хаад̇ум̣ убабаж̇ж̇анд̇ассаа’’д̇иаад̣̇игаа яож̇анаа гад̇аа. зван̃хи на гаамад̇хаад̇уаад̣̇ибад̣̇зхи яат̇аавуд̇д̇ад̇хаад̇уяоязва г̇ахид̇аа, на ган̃жийд̇и вин̃н̃ааяад̇и. яат̇аа анусаяаваарз ‘‘анусзнд̇ийд̇и бад̣̇асса уббаж̇ж̇анд̇ийд̇и ад̇т̇о г̇ахид̇о’’д̇и вуд̇д̇ам̣, д̇ад̇т̇ааби уббаж̇ж̇амаанамзва санд̇хааяа уббаж̇ж̇анд̇ийд̇и г̇ахзд̇ум̣ на саггаа ‘‘яасса гаамарааг̇аанусаяо анусзд̇и, д̇асса бадигхаанусаяо анусзд̇ийд̇и? ааманд̇аа’’д̇иаад̣̇иважанад̇о. ат̇ааби аббахийнад̇ам̣ санд̇хааяа уббаж̇ж̇анд̇ийд̇и ад̇т̇о д̇ад̇т̇а г̇ахид̇о, ид̇хааби со на на яуж̇ж̇ад̇ийд̇и. бхан̇г̇аад̇и бхан̃ж̇ид̇аб̣б̣аа, д̣̇вид̇хаа гаад̇аб̣б̣аад̇и ад̇т̇о. нану на гожи анусаяо яад̇т̇а уббаж̇ж̇анд̇асса анусзд̇и наанусзд̇и жаад̇и д̣̇вид̇хаа гаад̇аб̣б̣аа, д̇ад̇т̇зва гасмаа ‘‘гад̇и анусаяаа бхан̇г̇аа? анусаяаа бхан̇г̇аа над̇т̇ий’’д̇и бужчаависсаж̇ж̇анаани гад̇аани. на хи багааранд̇араабхаавз сам̣саяо яуд̇д̇од̇и ? на на яуд̇д̇о, ‘‘анусаяаа бхан̇г̇аа над̇т̇ий’’д̇и авуд̇д̇з бхан̇г̇аабхаавасса авин̃н̃аад̇ад̇д̇аад̇и.
332-340. Dhātuvāre santānaṃ anugatā hutvā sayantīti yasmiṃ santāne appahīnā, taṃsantāne appahīnabhāvena anugantvā uppattiarahabhāvena sayantīti attho. Uppattirahatā eva hi anurūpaṃ kāraṇaṃ labhitvā uppajjantīti idhāpi yuttāti. Ettha ca na kāmadhātuādīni cha paṭinisedhavacanāni dhātuvisesaniddhāraṇāni na hontīti ‘‘na kāmadhātuyā cutassa na kāmadhātuṃ upapajjantassā’’tiādimhi vuccamāne imaṃ nāma upapajjantassāti na viññāyeyya, tasmā taṃmūlikāsu yojanāsu ‘‘na kāmadhātuyā cutassa kāmadhātuṃ rūpadhātuṃ arūpadhātuṃ upapajjantassā’’ti paṭhamaṃ yojetvā puna anukkamena ‘‘na kāmadhātuṃ upapajjantassā’’tiādikā yojanā katā. Evañhi na kāmadhātuādipadehi yathāvuttadhātuyoyeva gahitā, na kañcīti viññāyati. Yathā anusayavāre ‘‘anusentīti padassa uppajjantīti attho gahito’’ti vuttaṃ, tatthāpi uppajjamānameva sandhāya uppajjantīti gahetuṃ na sakkā ‘‘yassa kāmarāgānusayo anuseti, tassa paṭighānusayo anusetīti? Āmantā’’tiādivacanato. Athāpi appahīnataṃ sandhāya uppajjantīti attho tattha gahito, idhāpi so na na yujjatīti. Bhaṅgāti bhañjitabbā, dvidhā kātabbāti attho. Nanu na koci anusayo yattha uppajjantassa anuseti nānuseti cāti dvidhā kātabbā, tattheva kasmā ‘‘kati anusayā bhaṅgā? Anusayā bhaṅgā natthī’’ti pucchāvissajjanāni katāni. Na hi pakārantarābhāve saṃsayo yuttoti ? Na na yutto, ‘‘anusayā bhaṅgā natthī’’ti avutte bhaṅgābhāvassa aviññātattāti.
д̇хаад̇уваараван̣н̣анаа нидтид̇аа.
Dhātuvāravaṇṇanā niṭṭhitā.
анусаяаяамагаван̣н̣анаа нидтид̇аа.
Anusayayamakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 6. сан̇каараяамагам̣ • 6. Saṅkhārayamakaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. анусаяаяамагам̣ • 7. Anusayayamakaṃ
