| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. анусод̇асуд̇д̇ам̣
5. Anusotasuttaṃ
5. ‘‘жад̇д̇ааромз , бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? анусод̇аг̇аамий буг̇г̇ало, бадисод̇аг̇аамий буг̇г̇ало, тид̇ад̇д̇о буг̇г̇ало, д̇ин̣н̣о бааран̇г̇ад̇о 1 т̇алз д̇идтад̇и б̣раахман̣о. гад̇амо жа, бхигкавз, анусод̇аг̇аамий буг̇г̇ало? ид̇ха, бхигкавз, згажжо буг̇г̇ало гаамз жа бадисзвад̇и, баабан̃жа гаммам̣ гарод̇и. аяам̣ вужжад̇и, бхигкавз, анусод̇аг̇аамий буг̇г̇ало.
5. ‘‘Cattārome , bhikkhave, puggalā santo saṃvijjamānā lokasmiṃ. Katame cattāro? Anusotagāmī puggalo, paṭisotagāmī puggalo, ṭhitatto puggalo, tiṇṇo pāraṅgato 2 thale tiṭṭhati brāhmaṇo. Katamo ca, bhikkhave, anusotagāmī puggalo? Idha, bhikkhave, ekacco puggalo kāme ca paṭisevati, pāpañca kammaṃ karoti. Ayaṃ vuccati, bhikkhave, anusotagāmī puggalo.
‘‘гад̇амо жа, бхигкавз, бадисод̇аг̇аамий буг̇г̇ало? ид̇ха, бхигкавз, згажжо буг̇г̇ало гаамз жа наббадисзвад̇и, баабан̃жа гаммам̣ на гарод̇и, сахааби д̣̇угкзна сахааби д̣̇оманассзна ассумукоби руд̣̇амаано барибун̣н̣ам̣ барисуд̣̇д̇хам̣ б̣рахмажарияам̣ жарад̇и. аяам̣ вужжад̇и, бхигкавз, бадисод̇аг̇аамий буг̇г̇ало.
‘‘Katamo ca, bhikkhave, paṭisotagāmī puggalo? Idha, bhikkhave, ekacco puggalo kāme ca nappaṭisevati, pāpañca kammaṃ na karoti, sahāpi dukkhena sahāpi domanassena assumukhopi rudamāno paripuṇṇaṃ parisuddhaṃ brahmacariyaṃ carati. Ayaṃ vuccati, bhikkhave, paṭisotagāmī puggalo.
‘‘гад̇амо жа, бхигкавз, тид̇ад̇д̇о буг̇г̇ало? ид̇ха, бхигкавз, згажжо буг̇г̇ало бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и, д̇ад̇т̇а бариниб̣б̣ааяий, анаавад̇д̇ид̇хаммо д̇асмаа логаа. аяам̣ вужжад̇и, бхигкавз, тид̇ад̇д̇о буг̇г̇ало.
‘‘Katamo ca, bhikkhave, ṭhitatto puggalo? Idha, bhikkhave, ekacco puggalo pañcannaṃ orambhāgiyānaṃ saṃyojanānaṃ parikkhayā opapātiko hoti, tattha parinibbāyī, anāvattidhammo tasmā lokā. Ayaṃ vuccati, bhikkhave, ṭhitatto puggalo.
‘‘гад̇амо жа, бхигкавз, буг̇г̇ало д̇ин̣н̣о бааран̇г̇ад̇о т̇алз д̇идтад̇и б̣раахман̣о? ид̇ха , бхигкавз, згажжо буг̇г̇ало аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. аяам̣ вужжад̇и, бхигкавз, буг̇г̇ало д̇ин̣н̣о бааран̇г̇ад̇о т̇алз д̇идтад̇и б̣раахман̣о. имз ко, бхигкавз, жад̇д̇ааро буг̇г̇алаа санд̇о сам̣виж̇ж̇амаанаа логасми’’нд̇и.
‘‘Katamo ca, bhikkhave, puggalo tiṇṇo pāraṅgato thale tiṭṭhati brāhmaṇo? Idha , bhikkhave, ekacco puggalo āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayaṃ vuccati, bhikkhave, puggalo tiṇṇo pāraṅgato thale tiṭṭhati brāhmaṇo. Ime kho, bhikkhave, cattāro puggalā santo saṃvijjamānā lokasmi’’nti.
‘‘яз гзжи гаамзсу асан̃н̃ад̇аа ж̇анаа,
‘‘Ye keci kāmesu asaññatā janā,
авийд̇арааг̇аа ид̇ха гаамабхог̇ино;
Avītarāgā idha kāmabhogino;
д̇ан̣хаад̇хибаннаа анусод̇аг̇аамино.
Taṇhādhipannā anusotagāmino.
‘‘д̇асмаа хи д̇хийро ид̇хубадтид̇ассад̇ий,
‘‘Tasmā hi dhīro idhupaṭṭhitassatī,
гаамз жа баабз жа асзвамаано;
Kāme ca pāpe ca asevamāno;
сахааби д̣̇угкзна ж̇ахзяяа гаамз,
Sahāpi dukkhena jaheyya kāme,
бадисод̇аг̇аамийд̇и д̇амааху буг̇г̇алам̣.
Paṭisotagāmīti tamāhu puggalaṃ.
‘‘яо вз гилзсаани бахааяа бан̃жа,
‘‘Yo ve kilesāni pahāya pañca,
барибун̣н̣асзко абарихаанад̇хаммо;
Paripuṇṇasekho aparihānadhammo;
жзд̇овасиббад̇д̇о самаахид̇инд̣̇рияо,
Cetovasippatto samāhitindriyo,
са вз тид̇ад̇д̇од̇и наро бавужжад̇и.
Sa ve ṭhitattoti naro pavuccati.
‘‘баробараа яасса самзжжа д̇хаммаа,
‘‘Paroparā yassa samecca dhammā,
вид̇хуубид̇аа ад̇т̇аг̇ад̇аа на санд̇и;
Vidhūpitā atthagatā na santi;
логанд̇аг̇уу баараг̇ад̇од̇и вужжад̇ий’’д̇и. бан̃жамам̣;
Lokantagū pāragatoti vuccatī’’ti. pañcamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. анусод̇асуд̇д̇аван̣н̣анаа • 5. Anusotasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. анусод̇асуд̇д̇аван̣н̣анаа • 5. Anusotasuttavaṇṇanā
