| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5. அனுஸோதஸுத்தவண்ணனா
5. Anusotasuttavaṇṇanā
5. பஞ்சமே அனுஸோதங் க³ச்ச²தீதி ஸங்ஸாரஸோதஸ்ஸ அனுகூலபா⁴வேன க³ச்ச²தி. பச்சனீகபடிபத்தியாதி ஸங்ஸாரஸோதஸ்ஸ படிகூலவஸேன பவத்தனிப்³பி³தா³னுபஸ்ஸனாதி³படிபத்தியா . டி²தஸபா⁴வோதி அசலப்பஸாதா³தி³ஸமன்னாக³மேன டி²தஸபா⁴வோ. அனாகா³மீ ஹி அஸ்ஸத்³தி⁴யேஹி காமராக³ப்³யாபாதே³ஹி அகம்பனியசித்ததாய தம்ஹா லோகா அனாவத்தித⁴ம்மதாய ச டி²தஸபா⁴வோ நாம. ஓக⁴ங் தரித்வாதி காமோகா⁴தி³சதுப்³பி³த⁴ங் ஓக⁴ங் அதிக்கமித்வா. பரதீரங் க³தோதி நிப்³பா³னபாரங் க³தோ. ப்³ராஹ்மணோதி பா³ஹிதபாபதாய ப்³ராஹ்மணோதி ஸங்க²ங் க³தோ கீ²ணாஸவோ. தேனாஹ ‘‘ஸெட்டோ² நித்³தோ³ஸோ’’தி. பஞ்சவேரகம்மந்தி பாணாதிபாதாதி³பஞ்சது³ச்சரிதங். ஸஹாபி து³க்கே²ன ஸஹாபி தோ³மனஸ்ஸேனாதி கிலேஸபரியுட்டா²னே ஸதி உப்பன்னேன து³க்க²தோ³மனஸ்ஸேன ஸத்³தி⁴ம்பி. பரிபுண்ணந்தி திஸ்ஸன்னங் ஸிக்கா²னங் ஏகாயபி அனூனங். பரிஸுத்³த⁴ந்தி நிருபக்கிலேஸங். ப்³ரஹ்மசரியந்தி ஸெட்ட²சரியங். இமினா வாரேன ஸோதாபன்னஸகதா³கா³மினோ கதி²தா. கிங் பன தே ருத³ந்தா ப்³ரஹ்மசரியங் சரந்தீதி? ஆம, கிலேஸரோத³னேன ரோத³ந்தா சரந்தி நாம, ஸீலஸம்பன்னோ புது²ஜ்ஜனபி⁴க்கு² எத்தே²வ ஸங்க³ஹிதோ.
5. Pañcame anusotaṃ gacchatīti saṃsārasotassa anukūlabhāvena gacchati. Paccanīkapaṭipattiyāti saṃsārasotassa paṭikūlavasena pavattanibbidānupassanādipaṭipattiyā . Ṭhitasabhāvoti acalappasādādisamannāgamena ṭhitasabhāvo. Anāgāmī hi assaddhiyehi kāmarāgabyāpādehi akampaniyacittatāya tamhā lokā anāvattidhammatāya ca ṭhitasabhāvo nāma. Oghaṃ taritvāti kāmoghādicatubbidhaṃ oghaṃ atikkamitvā. Paratīraṃ gatoti nibbānapāraṃ gato. Brāhmaṇoti bāhitapāpatāya brāhmaṇoti saṅkhaṃ gato khīṇāsavo. Tenāha ‘‘seṭṭho niddoso’’ti. Pañcaverakammanti pāṇātipātādipañcaduccaritaṃ. Sahāpi dukkhena sahāpi domanassenāti kilesapariyuṭṭhāne sati uppannena dukkhadomanassena saddhimpi. Paripuṇṇanti tissannaṃ sikkhānaṃ ekāyapi anūnaṃ. Parisuddhanti nirupakkilesaṃ. Brahmacariyanti seṭṭhacariyaṃ. Iminā vārena sotāpannasakadāgāmino kathitā. Kiṃ pana te rudantā brahmacariyaṃ carantīti? Āma, kilesarodanena rodantā caranti nāma, sīlasampanno puthujjanabhikkhu ettheva saṅgahito.
சேதோவிமுத்திந்தி ப²லஸமாதி⁴ங். பஞ்ஞாவிமுத்திந்தி ப²லஞாணங். ச²ஹாகாரேஹி பாரக³தோதி அபி⁴ஞ்ஞாபாரகூ³, பரிஞ்ஞாபாரகூ³, பா⁴வனாபாரகூ³, பஹானபாரகூ³, ஸச்சி²கிரியாபாரகூ³, ஸமாபத்திபாரகூ³தி ஏவங் ச²ஹி ஆகாரேஹி ஸப்³ப³த⁴ம்மானங் பாரங் பரியோஸானங் க³தோ. ஸேஸமெத்த² ஸுவிஞ்ஞெய்யமேவ.
Cetovimuttinti phalasamādhiṃ. Paññāvimuttinti phalañāṇaṃ. Chahākārehi pāragatoti abhiññāpāragū, pariññāpāragū, bhāvanāpāragū, pahānapāragū, sacchikiriyāpāragū, samāpattipāragūti evaṃ chahi ākārehi sabbadhammānaṃ pāraṃ pariyosānaṃ gato. Sesamettha suviññeyyameva.
அனுஸோதஸுத்தவண்ணனா நிட்டி²தா.
Anusotasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. அனுஸோதஸுத்தங் • 5. Anusotasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. அனுஸோதஸுத்தவண்ணனா • 5. Anusotasuttavaṇṇanā
