| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. анусод̇асуд̇д̇аван̣н̣анаа
5. Anusotasuttavaṇṇanā
5. бан̃жамз анусод̇ам̣ г̇ажчад̇ийд̇и анусод̇аг̇аамий. гилзсасод̇асса бажжанийгабадибад̇д̇ияаа бадисод̇ам̣ г̇ажчад̇ийд̇и бадисод̇аг̇аамий. тид̇ад̇д̇од̇и тид̇асабхааво. д̇ин̣н̣од̇и огхам̣ д̇арид̇ваа тид̇о. бааран̇г̇ад̇од̇и барад̇ийрам̣ г̇ад̇о. т̇алз д̇идтад̇ийд̇и ниб̣б̣аанат̇алз д̇идтад̇и. б̣раахман̣од̇и сздто нид̣̇д̣̇осо. ид̇хаад̇и имасмим̣ логз. гаамз жа бадисзвад̇ийд̇и гилзсагаамзхи вад̇т̇угаамз бадисзвад̇и. баабан̃жа гаммам̣ гарод̇ийд̇и баабан̃жа баан̣аад̇ибаад̇аад̣̇игаммам̣ гарод̇и. баабан̃жа гаммам̣ на гарод̇ийд̇и бан̃жавзрагаммам̣ на гарод̇и. аяам̣ вужжад̇и, бхигкавз, тид̇ад̇д̇од̇и аяам̣ анааг̇аамий буг̇г̇ало д̇асмаа логаа буна бадисанд̇хивасзна анааг̇аманад̇о тид̇ад̇д̇о наама.
5. Pañcame anusotaṃ gacchatīti anusotagāmī. Kilesasotassa paccanīkapaṭipattiyā paṭisotaṃ gacchatīti paṭisotagāmī. Ṭhitattoti ṭhitasabhāvo. Tiṇṇoti oghaṃ taritvā ṭhito. Pāraṅgatoti paratīraṃ gato. Thale tiṭṭhatīti nibbānathale tiṭṭhati. Brāhmaṇoti seṭṭho niddoso. Idhāti imasmiṃ loke. Kāme ca paṭisevatīti kilesakāmehi vatthukāme paṭisevati. Pāpañca kammaṃ karotīti pāpañca pāṇātipātādikammaṃ karoti. Pāpañca kammaṃ na karotīti pañcaverakammaṃ na karoti. Ayaṃ vuccati, bhikkhave, ṭhitattoti ayaṃ anāgāmī puggalo tasmā lokā puna paṭisandhivasena anāgamanato ṭhitatto nāma.
д̇ан̣хаад̇хибаннаад̇и д̇ан̣хааяа ад̇хибаннаа аж̇жход̇т̇адаа, д̇ан̣хам̣ ваа ад̇хибаннаа аж̇жхог̇аал̣хаа. барибун̣н̣асзкод̇и сигкаабаарибуурияаа тид̇о. абарихаанад̇хаммод̇и абарихийнасабхааво. жзд̇овасиббад̇д̇од̇и жид̇д̇авасийбхаавам̣ бад̇д̇о. зваруубо кийн̣аасаво ход̇и, ид̇ха бана анааг̇аамий гат̇ид̇о. самаахид̇инд̣̇рияод̇и самаахид̇ачал̣инд̣̇рияо. баробараад̇и баровараа уд̇д̇амалаамагаа, гусалаагусалаад̇и ад̇т̇о. самзжжаад̇и н̃аан̣зна самааг̇анд̇ваа. вид̇хуубид̇аад̇и вид̣̇д̇хам̣сид̇аа жхаабид̇аа ваа. вусид̇аб̣рахмажарияод̇и маг̇г̇аб̣рахмажарияам̣ васид̇ваа тид̇о. логанд̇аг̇ууд̇и д̇ивид̇хассааби логасса анд̇ам̣ г̇ад̇о. баараг̇ад̇од̇и чахаагаарзхи баараг̇ад̇о. ид̇ха кийн̣аасавова гат̇ид̇о. ид̇и суд̇д̇зби г̇аат̇аасуби ваддавиваддамзва гат̇ид̇ам̣.
Taṇhādhipannāti taṇhāya adhipannā ajjhotthaṭā, taṇhaṃ vā adhipannā ajjhogāḷhā. Paripuṇṇasekhoti sikkhāpāripūriyā ṭhito. Aparihānadhammoti aparihīnasabhāvo. Cetovasippattoti cittavasībhāvaṃ patto. Evarūpo khīṇāsavo hoti, idha pana anāgāmī kathito. Samāhitindriyoti samāhitachaḷindriyo. Paroparāti parovarā uttamalāmakā, kusalākusalāti attho. Sameccāti ñāṇena samāgantvā. Vidhūpitāti viddhaṃsitā jhāpitā vā. Vusitabrahmacariyoti maggabrahmacariyaṃ vasitvā ṭhito. Lokantagūti tividhassāpi lokassa antaṃ gato. Pāragatoti chahākārehi pāragato. Idha khīṇāsavova kathito. Iti suttepi gāthāsupi vaṭṭavivaṭṭameva kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. анусод̇асуд̇д̇ам̣ • 5. Anusotasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. анусод̇асуд̇д̇аван̣н̣анаа • 5. Anusotasuttavaṇṇanā
