Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)

    ੫. ਅਨੁਸੋਤਸੁਤ੍ਤવਣ੍ਣਨਾ

    5. Anusotasuttavaṇṇanā

    . ਪਞ੍ਚਮੇ ਅਨੁਸੋਤਂ ਗਚ੍ਛਤੀਤਿ ਅਨੁਸੋਤਗਾਮੀ। ਕਿਲੇਸਸੋਤਸ੍ਸ ਪਚ੍ਚਨੀਕਪਟਿਪਤ੍ਤਿਯਾ ਪਟਿਸੋਤਂ ਗਚ੍ਛਤੀਤਿ ਪਟਿਸੋਤਗਾਮੀਠਿਤਤ੍ਤੋਤਿ ਠਿਤਸਭਾવੋ। ਤਿਣ੍ਣੋਤਿ ਓਘਂ ਤਰਿਤ੍વਾ ਠਿਤੋ। ਪਾਰਙ੍ਗਤੋਤਿ ਪਰਤੀਰਂ ਗਤੋ। ਥਲੇ ਤਿਟ੍ਠਤੀਤਿ ਨਿਬ੍ਬਾਨਥਲੇ ਤਿਟ੍ਠਤਿ। ਬ੍ਰਾਹ੍ਮਣੋਤਿ ਸੇਟ੍ਠੋ ਨਿਦ੍ਦੋਸੋ। ਇਧਾਤਿ ਇਮਸ੍ਮਿਂ ਲੋਕੇ। ਕਾਮੇ ਚ ਪਟਿਸੇવਤੀਤਿ ਕਿਲੇਸਕਾਮੇਹਿ વਤ੍ਥੁਕਾਮੇ ਪਟਿਸੇવਤਿ। ਪਾਪਞ੍ਚ ਕਮ੍ਮਂ ਕਰੋਤੀਤਿ ਪਾਪਞ੍ਚ ਪਾਣਾਤਿਪਾਤਾਦਿਕਮ੍ਮਂ ਕਰੋਤਿ। ਪਾਪਞ੍ਚ ਕਮ੍ਮਂ ਨ ਕਰੋਤੀਤਿ ਪਞ੍ਚવੇਰਕਮ੍ਮਂ ਨ ਕਰੋਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਠਿਤਤ੍ਤੋਤਿ ਅਯਂ ਅਨਾਗਾਮੀ ਪੁਗ੍ਗਲੋ ਤਸ੍ਮਾ ਲੋਕਾ ਪੁਨ ਪਟਿਸਨ੍ਧਿવਸੇਨ ਅਨਾਗਮਨਤੋ ਠਿਤਤ੍ਤੋ ਨਾਮ।

    5. Pañcame anusotaṃ gacchatīti anusotagāmī. Kilesasotassa paccanīkapaṭipattiyā paṭisotaṃ gacchatīti paṭisotagāmī. Ṭhitattoti ṭhitasabhāvo. Tiṇṇoti oghaṃ taritvā ṭhito. Pāraṅgatoti paratīraṃ gato. Thale tiṭṭhatīti nibbānathale tiṭṭhati. Brāhmaṇoti seṭṭho niddoso. Idhāti imasmiṃ loke. Kāme ca paṭisevatīti kilesakāmehi vatthukāme paṭisevati. Pāpañca kammaṃ karotīti pāpañca pāṇātipātādikammaṃ karoti. Pāpañca kammaṃ na karotīti pañcaverakammaṃ na karoti. Ayaṃ vuccati, bhikkhave, ṭhitattoti ayaṃ anāgāmī puggalo tasmā lokā puna paṭisandhivasena anāgamanato ṭhitatto nāma.

    ਤਣ੍ਹਾਧਿਪਨ੍ਨਾਤਿ ਤਣ੍ਹਾਯ ਅਧਿਪਨ੍ਨਾ ਅਜ੍ਝੋਤ੍ਥਟਾ, ਤਣ੍ਹਂ વਾ ਅਧਿਪਨ੍ਨਾ ਅਜ੍ਝੋਗਾਲ਼੍ਹਾ। ਪਰਿਪੁਣ੍ਣਸੇਖੋਤਿ ਸਿਕ੍ਖਾਪਾਰਿਪੂਰਿਯਾ ਠਿਤੋ। ਅਪਰਿਹਾਨਧਮ੍ਮੋਤਿ ਅਪਰਿਹੀਨਸਭਾવੋ। ਚੇਤੋવਸਿਪ੍ਪਤ੍ਤੋਤਿ ਚਿਤ੍ਤવਸੀਭਾવਂ ਪਤ੍ਤੋ। ਏવਰੂਪੋ ਖੀਣਾਸવੋ ਹੋਤਿ, ਇਧ ਪਨ ਅਨਾਗਾਮੀ ਕਥਿਤੋ। ਸਮਾਹਿਤਿਨ੍ਦ੍ਰਿਯੋਤਿ ਸਮਾਹਿਤਛਲ਼ਿਨ੍ਦ੍ਰਿਯੋ। ਪਰੋਪਰਾਤਿ ਪਰੋવਰਾ ਉਤ੍ਤਮਲਾਮਕਾ, ਕੁਸਲਾਕੁਸਲਾਤਿ ਅਤ੍ਥੋ। ਸਮੇਚ੍ਚਾਤਿ ਞਾਣੇਨ ਸਮਾਗਨ੍ਤ੍વਾ। વਿਧੂਪਿਤਾਤਿ વਿਦ੍ਧਂਸਿਤਾ ਝਾਪਿਤਾ વਾ। વੁਸਿਤਬ੍ਰਹ੍ਮਚਰਿਯੋਤਿ ਮਗ੍ਗਬ੍ਰਹ੍ਮਚਰਿਯਂ વਸਿਤ੍વਾ ਠਿਤੋ। ਲੋਕਨ੍ਤਗੂਤਿ ਤਿવਿਧਸ੍ਸਾਪਿ ਲੋਕਸ੍ਸ ਅਨ੍ਤਂ ਗਤੋ। ਪਾਰਗਤੋਤਿ ਛਹਾਕਾਰੇਹਿ ਪਾਰਗਤੋ। ਇਧ ਖੀਣਾਸવੋવ ਕਥਿਤੋ। ਇਤਿ ਸੁਤ੍ਤੇਪਿ ਗਾਥਾਸੁਪਿ વਟ੍ਟવਿવਟ੍ਟਮੇવ ਕਥਿਤਂ।

    Taṇhādhipannāti taṇhāya adhipannā ajjhotthaṭā, taṇhaṃ vā adhipannā ajjhogāḷhā. Paripuṇṇasekhoti sikkhāpāripūriyā ṭhito. Aparihānadhammoti aparihīnasabhāvo. Cetovasippattoti cittavasībhāvaṃ patto. Evarūpo khīṇāsavo hoti, idha pana anāgāmī kathito. Samāhitindriyoti samāhitachaḷindriyo. Paroparāti parovarā uttamalāmakā, kusalākusalāti attho. Sameccāti ñāṇena samāgantvā. Vidhūpitāti viddhaṃsitā jhāpitā vā. Vusitabrahmacariyoti maggabrahmacariyaṃ vasitvā ṭhito. Lokantagūti tividhassāpi lokassa antaṃ gato. Pāragatoti chahākārehi pāragato. Idha khīṇāsavova kathito. Iti suttepi gāthāsupi vaṭṭavivaṭṭameva kathitaṃ.







    Related texts:



    ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਅਨੁਸੋਤਸੁਤ੍ਤਂ • 5. Anusotasuttaṃ

    ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. ਅਨੁਸੋਤਸੁਤ੍ਤવਣ੍ਣਨਾ • 5. Anusotasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact