| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. ануссад̇идтаанасуд̇д̇ам̣
5. Anussatiṭṭhānasuttaṃ
25. ‘‘чаяимаани , бхигкавз, ануссад̇идтаанаани. гад̇амаани ча? ид̇ха, бхигкавз, арияасааваго д̇ат̇ааг̇ад̇ам̣ ануссарад̇и – ‘ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. яасмим̣, бхигкавз, самаяз арияасааваго д̇ат̇ааг̇ад̇ам̣ ануссарад̇и, нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и; уж̇уг̇ад̇амзвасса д̇асмим̣ самаяз жид̇д̇ам̣ ход̇и, нигканд̇ам̣ муд̇д̇ам̣ вудтид̇ам̣ г̇зд̇хамхаа. ‘г̇зд̇хо’д̇и ко, бхигкавз, бан̃жаннзд̇ам̣ гаамаг̇ун̣аанам̣ ад̇хиважанам̣. ид̣̇амби ко, бхигкавз, аарамман̣ам̣ гарид̇ваа звамид̇хзгажжз сад̇д̇аа висуж̇жханд̇и.
25. ‘‘Chayimāni , bhikkhave, anussatiṭṭhānāni. Katamāni cha? Idha, bhikkhave, ariyasāvako tathāgataṃ anussarati – ‘itipi so bhagavā…pe… satthā devamanussānaṃ buddho bhagavā’ti. Yasmiṃ, bhikkhave, samaye ariyasāvako tathāgataṃ anussarati, nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti; ujugatamevassa tasmiṃ samaye cittaṃ hoti, nikkhantaṃ muttaṃ vuṭṭhitaṃ gedhamhā. ‘Gedho’ti kho, bhikkhave, pañcannetaṃ kāmaguṇānaṃ adhivacanaṃ. Idampi kho, bhikkhave, ārammaṇaṃ karitvā evamidhekacce sattā visujjhanti.
‘‘буна жабарам̣, бхигкавз, арияасааваго д̇хаммам̣ ануссарад̇и – ‘сваагкаад̇о бхаг̇авад̇аа д̇хаммо…бз… бажжад̇д̇ам̣ взд̣̇ид̇аб̣б̣о вин̃н̃уухий’д̇и. яасмим̣, бхигкавз, самаяз арияасааваго д̇хаммам̣ ануссарад̇и, нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и ; уж̇уг̇ад̇амзвасса д̇асмим̣ самаяз жид̇д̇ам̣ ход̇и, нигканд̇ам̣ муд̇д̇ам̣ вудтид̇ам̣ г̇зд̇хамхаа. ‘г̇зд̇хо’д̇и ко, бхигкавз, бан̃жаннзд̇ам̣ гаамаг̇ун̣аанам̣ ад̇хиважанам̣. ид̣̇амби ко, бхигкавз, аарамман̣ам̣ гарид̇ваа звамид̇хзгажжз сад̇д̇аа висуж̇жханд̇и.
‘‘Puna caparaṃ, bhikkhave, ariyasāvako dhammaṃ anussarati – ‘svākkhāto bhagavatā dhammo…pe… paccattaṃ veditabbo viññūhī’ti. Yasmiṃ, bhikkhave, samaye ariyasāvako dhammaṃ anussarati, nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti ; ujugatamevassa tasmiṃ samaye cittaṃ hoti, nikkhantaṃ muttaṃ vuṭṭhitaṃ gedhamhā. ‘Gedho’ti kho, bhikkhave, pañcannetaṃ kāmaguṇānaṃ adhivacanaṃ. Idampi kho, bhikkhave, ārammaṇaṃ karitvā evamidhekacce sattā visujjhanti.
‘‘буна жабарам̣, бхигкавз, арияасааваго сан̇гхам̣ ануссарад̇и – ‘суббадибанно бхаг̇авад̇о саавагасан̇гхо…бз… ануд̇д̇арам̣ бун̃н̃агкзд̇д̇ам̣ логассаа’д̇и. яасмим̣, бхигкавз, самаяз арияасааваго сан̇гхам̣ ануссарад̇и, нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и; уж̇уг̇ад̇амзвасса д̇асмим̣ самаяз жид̇д̇ам̣ ход̇и, нигканд̇ам̣ муд̇д̇ам̣ вудтид̇ам̣ г̇зд̇хамхаа. ‘г̇зд̇хо’д̇и ко, бхигкавз, бан̃жаннзд̇ам̣ гаамаг̇ун̣аанам̣ ад̇хиважанам̣. ид̣̇амби ко, бхигкавз, аарамман̣ам̣ гарид̇ваа звамид̇хзгажжз сад̇д̇аа висуж̇жханд̇и.
‘‘Puna caparaṃ, bhikkhave, ariyasāvako saṅghaṃ anussarati – ‘suppaṭipanno bhagavato sāvakasaṅgho…pe… anuttaraṃ puññakkhettaṃ lokassā’ti. Yasmiṃ, bhikkhave, samaye ariyasāvako saṅghaṃ anussarati, nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti; ujugatamevassa tasmiṃ samaye cittaṃ hoti, nikkhantaṃ muttaṃ vuṭṭhitaṃ gedhamhā. ‘Gedho’ti kho, bhikkhave, pañcannetaṃ kāmaguṇānaṃ adhivacanaṃ. Idampi kho, bhikkhave, ārammaṇaṃ karitvā evamidhekacce sattā visujjhanti.
‘‘буна жабарам̣, бхигкавз, арияасааваго ад̇д̇ано сийлаани ануссарад̇и акан̣д̣аани…бз… самаад̇хисам̣вад̇д̇анигаани. яасмим̣, бхигкавз, самаяз арияасааваго сийлам̣ ануссарад̇и, нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и; уж̇уг̇ад̇амзвасса д̇асмим̣ самаяз жид̇д̇ам̣ ход̇и, нигканд̇ам̣ муд̇д̇ам̣ вудтид̇ам̣ г̇зд̇хамхаа. ‘г̇зд̇хо’д̇и ко, бхигкавз, бан̃жаннзд̇ам̣ гаамаг̇ун̣аанам̣ ад̇хиважанам̣. ид̣̇амби ко, бхигкавз, аарамман̣ам̣ гарид̇ваа звамид̇хзгажжз сад̇д̇аа висуж̇жханд̇и.
‘‘Puna caparaṃ, bhikkhave, ariyasāvako attano sīlāni anussarati akhaṇḍāni…pe… samādhisaṃvattanikāni. Yasmiṃ, bhikkhave, samaye ariyasāvako sīlaṃ anussarati, nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti; ujugatamevassa tasmiṃ samaye cittaṃ hoti, nikkhantaṃ muttaṃ vuṭṭhitaṃ gedhamhā. ‘Gedho’ti kho, bhikkhave, pañcannetaṃ kāmaguṇānaṃ adhivacanaṃ. Idampi kho, bhikkhave, ārammaṇaṃ karitvā evamidhekacce sattā visujjhanti.
‘‘буна жабарам̣, бхигкавз, арияасааваго ад̇д̇ано жааг̇ам̣ ануссарад̇и – ‘лаабхаа вад̇а мз! сулад̣̇д̇хам̣ вад̇а мз…бз… яаажаяог̇о д̣̇аанасам̣вибхааг̇арад̇о’д̇и. яасмим̣…бз… звамид̇хзгажжз сад̇д̇аа висуж̇жханд̇и.
‘‘Puna caparaṃ, bhikkhave, ariyasāvako attano cāgaṃ anussarati – ‘lābhā vata me! Suladdhaṃ vata me…pe… yācayogo dānasaṃvibhāgarato’ti. Yasmiṃ…pe… evamidhekacce sattā visujjhanti.
‘‘буна жабарам̣, бхигкавз, арияасааваго д̣̇звад̇аа ануссарад̇и – ‘санд̇и д̣̇зваа жаад̇умахаарааж̇игаа , санд̇и д̣̇зваа д̇аавад̇им̣саа, санд̇и д̣̇зваа яаамаа, санд̇и д̣̇зваа д̇усид̇аа, санд̇и д̣̇зваа ниммаанарад̇ино, санд̇и д̣̇зваа бараниммид̇авасавад̇д̇ино, санд̇и д̣̇зваа б̣рахмагааяигаа , санд̇и д̣̇зваа д̇ад̇уд̇д̇ари. яат̇ааруубааяа сад̣̇д̇хааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇а убабаннаа; маяхамби д̇ат̇ааруубаа сад̣̇д̇хаа сам̣виж̇ж̇ад̇и. яат̇ааруубзна сийлзна… суд̇зна… жааг̇зна… бан̃н̃ааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇а убабаннаа; маяхамби д̇ат̇ааруубаа бан̃н̃аа сам̣виж̇ж̇ад̇ий’’’ д̇и.
‘‘Puna caparaṃ, bhikkhave, ariyasāvako devatā anussarati – ‘santi devā cātumahārājikā , santi devā tāvatiṃsā, santi devā yāmā, santi devā tusitā, santi devā nimmānaratino, santi devā paranimmitavasavattino, santi devā brahmakāyikā , santi devā tatuttari. Yathārūpāya saddhāya samannāgatā tā devatā ito cutā tattha upapannā; mayhampi tathārūpā saddhā saṃvijjati. Yathārūpena sīlena… sutena… cāgena… paññāya samannāgatā tā devatā ito cutā tattha upapannā; mayhampi tathārūpā paññā saṃvijjatī’’’ ti.
‘‘яасмим̣ , бхигкавз, самаяз арияасааваго ад̇д̇ано жа д̇аасан̃жа д̣̇звад̇аанам̣ сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссарад̇и нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и; уж̇уг̇ад̇амзвасса д̇асмим̣ самаяз жид̇д̇ам̣ ход̇и, нигканд̇ам̣ муд̇д̇ам̣ вудтид̇ам̣ г̇зд̇хамхаа. ‘г̇зд̇хо’д̇и ко, бхигкавз, бан̃жаннзд̇ам̣ гаамаг̇ун̣аанам̣ ад̇хиважанам̣. ид̣̇амби ко, бхигкавз, аарамман̣ам̣ гарид̇ваа звамид̇хзгажжз сад̇д̇аа висуж̇жханд̇и. имаани ко, бхигкавз, ча ануссад̇идтаанааний’’д̇и. бан̃жамам̣.
‘‘Yasmiṃ , bhikkhave, samaye ariyasāvako attano ca tāsañca devatānaṃ saddhañca sīlañca sutañca cāgañca paññañca anussarati nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti; ujugatamevassa tasmiṃ samaye cittaṃ hoti, nikkhantaṃ muttaṃ vuṭṭhitaṃ gedhamhā. ‘Gedho’ti kho, bhikkhave, pañcannetaṃ kāmaguṇānaṃ adhivacanaṃ. Idampi kho, bhikkhave, ārammaṇaṃ karitvā evamidhekacce sattā visujjhanti. Imāni kho, bhikkhave, cha anussatiṭṭhānānī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. ануссад̇идтаанасуд̇д̇аван̣н̣анаа • 5. Anussatiṭṭhānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. ануссад̇идтаанасуд̇д̇аван̣н̣анаа • 5. Anussatiṭṭhānasuttavaṇṇanā
