| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
9. அனுஸ்ஸதிட்டா²னஸுத்தவண்ணனா
9. Anussatiṭṭhānasuttavaṇṇanā
9. நவமே அனுஸ்ஸதியோ ஏவ தி³ட்ட²த⁴ம்மிகஸம்பராயிகாதி³ஹிதஸுகா²னங் காரணபா⁴வதோ டா²னானீதி அனுஸ்ஸதிட்டா²னானி. பு³த்³த⁴கு³ணாரம்மணா ஸதீதி யதா² பு³த்³தா⁴னுஸ்ஸதி விஸேஸாதி⁴க³மஸ்ஸ டா²னங் ஹோதி, ஏவங் ‘‘இதிபி ஸோ ப⁴க³வா’’திஆதி³னா பு³த்³த⁴கு³ணே ஆரப்³பே⁴ உப்பன்னா ஸதி. ஏவங் அனுஸ்ஸரதோ ஹி பீதி உப்பஜ்ஜதி, ஸோ தங் பீதிங் க²யதோ வயதோ பட்ட²பெத்வா அரஹத்தங் பாபுணாதி. உபசாரகம்மட்டா²னங் நாமேதங் கி³ஹீனம்பி லப்³ப⁴தி. உபசாரகம்மட்டா²னந்தி ச பச்சக்க²தோ உபசாரஜ்ஜா²னாவஹங் கம்மட்டா²னபரம்பராய ஸம்மஸனங் யாவ அரஹத்தா லோகியலோகுத்தரவிஸேஸாவஹங். ஏஸ நயோ ஸப்³ப³த்த².
9. Navame anussatiyo eva diṭṭhadhammikasamparāyikādihitasukhānaṃ kāraṇabhāvato ṭhānānīti anussatiṭṭhānāni. Buddhaguṇārammaṇā satīti yathā buddhānussati visesādhigamassa ṭhānaṃ hoti, evaṃ ‘‘itipi so bhagavā’’tiādinā buddhaguṇe ārabbhe uppannā sati. Evaṃ anussarato hi pīti uppajjati, so taṃ pītiṃ khayato vayato paṭṭhapetvā arahattaṃ pāpuṇāti. Upacārakammaṭṭhānaṃ nāmetaṃ gihīnampi labbhati. Upacārakammaṭṭhānanti ca paccakkhato upacārajjhānāvahaṃ kammaṭṭhānaparamparāya sammasanaṃ yāva arahattā lokiyalokuttaravisesāvahaṃ. Esa nayo sabbattha.
அனுஸ்ஸதிட்டா²னஸுத்தவண்ணனா நிட்டி²தா.
Anussatiṭṭhānasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. அனுஸ்ஸதிட்டா²னஸுத்தங் • 9. Anussatiṭṭhānasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8-9. அனுத்தரியஸுத்தாதி³வண்ணனா • 8-9. Anuttariyasuttādivaṇṇanā
