| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
९. अनुस्सतिट्ठानसुत्तवण्णना
9. Anussatiṭṭhānasuttavaṇṇanā
९. नवमे अनुस्सतियो एव दिट्ठधम्मिकसम्परायिकादिहितसुखानं कारणभावतो ठानानीति अनुस्सतिट्ठानानि। बुद्धगुणारम्मणा सतीति यथा बुद्धानुस्सति विसेसाधिगमस्स ठानं होति, एवं ‘‘इतिपि सो भगवा’’तिआदिना बुद्धगुणे आरब्भे उप्पन्ना सति। एवं अनुस्सरतो हि पीति उप्पज्जति, सो तं पीतिं खयतो वयतो पट्ठपेत्वा अरहत्तं पापुणाति। उपचारकम्मट्ठानं नामेतं गिहीनम्पि लब्भति। उपचारकम्मट्ठानन्ति च पच्चक्खतो उपचारज्झानावहं कम्मट्ठानपरम्पराय सम्मसनं याव अरहत्ता लोकियलोकुत्तरविसेसावहं। एस नयो सब्बत्थ।
9. Navame anussatiyo eva diṭṭhadhammikasamparāyikādihitasukhānaṃ kāraṇabhāvato ṭhānānīti anussatiṭṭhānāni. Buddhaguṇārammaṇā satīti yathā buddhānussati visesādhigamassa ṭhānaṃ hoti, evaṃ ‘‘itipi so bhagavā’’tiādinā buddhaguṇe ārabbhe uppannā sati. Evaṃ anussarato hi pīti uppajjati, so taṃ pītiṃ khayato vayato paṭṭhapetvā arahattaṃ pāpuṇāti. Upacārakammaṭṭhānaṃ nāmetaṃ gihīnampi labbhati. Upacārakammaṭṭhānanti ca paccakkhato upacārajjhānāvahaṃ kammaṭṭhānaparamparāya sammasanaṃ yāva arahattā lokiyalokuttaravisesāvahaṃ. Esa nayo sabbattha.
अनुस्सतिट्ठानसुत्तवण्णना निट्ठिता।
Anussatiṭṭhānasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ९. अनुस्सतिट्ठानसुत्तं • 9. Anussatiṭṭhānasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ८-९. अनुत्तरियसुत्तादिवण्णना • 8-9. Anuttariyasuttādivaṇṇanā
