| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8-9. ануд̇д̇арияасуд̇д̇аад̣̇иван̣н̣анаа
8-9. Anuttariyasuttādivaṇṇanā
8-9. адтамз ануд̇д̇арияаанийд̇и ан̃н̃зна уд̇д̇арид̇арзна рахид̇аани нируд̇д̇араани. д̣̇ассанаануд̇д̇арияанд̇и руубад̣̇ассанзсу ануд̇д̇арам̣. зса наяо саб̣б̣абад̣̇зсу . хад̇т̇ирад̇анаад̣̇ийнан̃хи д̣̇ассанам̣ на д̣̇ассанаануд̇д̇арияам̣, нивидтасад̣̇д̇хасса бана нивидтабзмавасзна д̣̇асаб̣аласса ваа бхигкусан̇гхасса ваа гасин̣аасубханимид̇д̇аад̣̇ийнам̣ ваа ан̃н̃ад̇арасса д̣̇ассанам̣ д̣̇ассанаануд̇д̇арияам̣ наама. кад̇д̇ияаад̣̇ийнам̣ г̇ун̣агат̇аасаванам̣ на саванаануд̇д̇арияам̣, нивидтасад̣̇д̇хасса бана нивидтабзмавасзна д̇ин̣н̣ам̣ ваа рад̇анаанам̣ г̇ун̣агат̇аасаванам̣ д̇збидагаб̣уд̣̇д̇хаважанасаванам̣ ваа саванаануд̇д̇арияам̣ наама. ман̣ирад̇анаад̣̇ийнам̣ лаабхо на лаабхаануд̇д̇арияам̣, сад̇д̇авид̇хаарияад̇ханалаабхо бана лаабхаануд̇д̇арияам̣ наама. хад̇т̇исиббаад̣̇исигканам̣ на сигкаануд̇д̇арияам̣, сигкаад̇д̇аяасса бууран̣ам̣ бана сигкаануд̇д̇арияам̣ наама. кад̇д̇ияаад̣̇ийнам̣ баарижарияаа на баарижарияаануд̇д̇арияам̣, д̇ин̣н̣ам̣ бана рад̇анаанам̣ баарижарияаа баарижарияаануд̇д̇арияам̣ наама. кад̇д̇ияаад̣̇ийнам̣ г̇ун̣аануссаран̣ам̣ на ануссад̇аануд̇д̇арияам̣, д̇ин̣н̣ам̣ бана рад̇анаанам̣ г̇ун̣аануссаран̣ам̣ ануссад̇аануд̇д̇арияам̣ наама. ид̇и имаани ча ануд̇д̇арияаани логияалогуд̇д̇араани гат̇ид̇аани. навамз б̣уд̣̇д̇хаануссад̇ийд̇и б̣уд̣̇д̇хаг̇ун̣аарамман̣аа сад̇и. сзсабад̣̇зсуби зсзва наяо.
8-9. Aṭṭhame anuttariyānīti aññena uttaritarena rahitāni niruttarāni. Dassanānuttariyanti rūpadassanesu anuttaraṃ. Esa nayo sabbapadesu . Hatthiratanādīnañhi dassanaṃ na dassanānuttariyaṃ, niviṭṭhasaddhassa pana niviṭṭhapemavasena dasabalassa vā bhikkhusaṅghassa vā kasiṇaasubhanimittādīnaṃ vā aññatarassa dassanaṃ dassanānuttariyaṃ nāma. Khattiyādīnaṃ guṇakathāsavanaṃ na savanānuttariyaṃ, niviṭṭhasaddhassa pana niviṭṭhapemavasena tiṇṇaṃ vā ratanānaṃ guṇakathāsavanaṃ tepiṭakabuddhavacanasavanaṃ vā savanānuttariyaṃ nāma. Maṇiratanādīnaṃ lābho na lābhānuttariyaṃ, sattavidhaariyadhanalābho pana lābhānuttariyaṃ nāma. Hatthisippādisikkhanaṃ na sikkhānuttariyaṃ, sikkhāttayassa pūraṇaṃ pana sikkhānuttariyaṃ nāma. Khattiyādīnaṃ pāricariyā na pāricariyānuttariyaṃ, tiṇṇaṃ pana ratanānaṃ pāricariyā pāricariyānuttariyaṃ nāma. Khattiyādīnaṃ guṇānussaraṇaṃ na anussatānuttariyaṃ, tiṇṇaṃ pana ratanānaṃ guṇānussaraṇaṃ anussatānuttariyaṃ nāma. Iti imāni cha anuttariyāni lokiyalokuttarāni kathitāni. Navame buddhānussatīti buddhaguṇārammaṇā sati. Sesapadesupi eseva nayo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
8. ануд̇д̇арияасуд̇д̇ам̣ • 8. Anuttariyasuttaṃ
9. ануссад̇идтаанасуд̇д̇ам̣ • 9. Anussatiṭṭhānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā)
8. ануд̇д̇арияасуд̇д̇аван̣н̣анаа • 8. Anuttariyasuttavaṇṇanā
9. ануссад̇идтаанасуд̇д̇аван̣н̣анаа • 9. Anussatiṭṭhānasuttavaṇṇanā
