Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    10. ануд̇д̇арияасуд̇д̇ам̣

    10. Anuttariyasuttaṃ

    30. ‘‘чаяимаани, бхигкавз, ануд̇д̇арияаани. гад̇амаани ча? д̣̇ассанаануд̇д̇арияам̣, саванаануд̇д̇арияам̣, лаабхаануд̇д̇арияам̣, сигкаануд̇д̇арияам̣, баарижарияаануд̇д̇арияам̣, ануссад̇аануд̇д̇арияанд̇и.

    30. ‘‘Chayimāni, bhikkhave, anuttariyāni. Katamāni cha? Dassanānuttariyaṃ, savanānuttariyaṃ, lābhānuttariyaṃ, sikkhānuttariyaṃ, pāricariyānuttariyaṃ, anussatānuttariyanti.

    ‘‘гад̇аман̃жа , бхигкавз, д̣̇ассанаануд̇д̇арияам̣? ид̇ха, бхигкавз, згажжо хад̇т̇ирад̇анамби д̣̇ассанааяа г̇ажчад̇и, ассарад̇анамби д̣̇ассанааяа г̇ажчад̇и, ман̣ирад̇анамби д̣̇ассанааяа г̇ажчад̇и, ужжааважам̣ ваа бана д̣̇ассанааяа г̇ажчад̇и, саман̣ам̣ ваа б̣раахман̣ам̣ ваа мижчаад̣̇идтигам̣ мижчаабадибаннам̣ д̣̇ассанааяа г̇ажчад̇и. ад̇т̇зд̇ам̣, бхигкавз, д̣̇ассанам̣; нзд̇ам̣ над̇т̇ийд̇и вад̣̇аами. д̇ан̃жа ко зд̇ам̣, бхигкавз, д̣̇ассанам̣ хийнам̣ г̇аммам̣ бот̇уж̇ж̇анигам̣ анарияам̣ анад̇т̇асам̣хид̇ам̣, на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа д̣̇ассанааяа г̇ажчад̇и нивидтасад̣̇д̇хо нивидтабзмо зганд̇аг̇ад̇о абхиббасанно, зд̇ад̣̇аануд̇д̇арияам̣, бхигкавз, д̣̇ассанаанам̣ сад̇д̇аанам̣ висуд̣̇д̇хияаа согабарид̣̇зваанам̣ 1 самад̇иггамааяа д̣̇угкад̣̇оманассаанам̣ ад̇т̇ан̇г̇амааяа 2 н̃ааяасса ад̇хиг̇амааяа ниб̣б̣аанасса сажчигирияааяа, яад̣̇ид̣̇ам̣ д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа д̣̇ассанааяа г̇ажчад̇и нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, д̣̇ассанаануд̇д̇арияам̣. ид̇и д̣̇ассанаануд̇д̇арияам̣.

    ‘‘Katamañca , bhikkhave, dassanānuttariyaṃ? Idha, bhikkhave, ekacco hatthiratanampi dassanāya gacchati, assaratanampi dassanāya gacchati, maṇiratanampi dassanāya gacchati, uccāvacaṃ vā pana dassanāya gacchati, samaṇaṃ vā brāhmaṇaṃ vā micchādiṭṭhikaṃ micchāpaṭipannaṃ dassanāya gacchati. Atthetaṃ, bhikkhave, dassanaṃ; netaṃ natthīti vadāmi. Tañca kho etaṃ, bhikkhave, dassanaṃ hīnaṃ gammaṃ pothujjanikaṃ anariyaṃ anatthasaṃhitaṃ, na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati. Yo ca kho, bhikkhave, tathāgataṃ vā tathāgatasāvakaṃ vā dassanāya gacchati niviṭṭhasaddho niviṭṭhapemo ekantagato abhippasanno, etadānuttariyaṃ, bhikkhave, dassanānaṃ sattānaṃ visuddhiyā sokaparidevānaṃ 3 samatikkamāya dukkhadomanassānaṃ atthaṅgamāya 4 ñāyassa adhigamāya nibbānassa sacchikiriyāya, yadidaṃ tathāgataṃ vā tathāgatasāvakaṃ vā dassanāya gacchati niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, dassanānuttariyaṃ. Iti dassanānuttariyaṃ.

    ‘‘саванаануд̇д̇арияан̃жа гат̇ам̣ ход̇и? ид̇ха, бхигкавз, згажжо бхзрисад̣̇д̣̇амби 5 саванааяа г̇ажчад̇и, вийн̣аасад̣̇д̣̇амби саванааяа г̇ажчад̇и, г̇ийд̇асад̣̇д̣̇амби саванааяа г̇ажчад̇и, ужжааважам̣ ваа бана саванааяа г̇ажчад̇и, саман̣асса ваа б̣раахман̣асса ваа мижчаад̣̇идтигасса мижчаабадибаннасса д̇хаммассаванааяа г̇ажчад̇и. ад̇т̇зд̇ам̣, бхигкавз, саванам̣; нзд̇ам̣ над̇т̇ийд̇и вад̣̇аами. д̇ан̃жа ко зд̇ам̣, бхигкавз, саванам̣ хийнам̣ г̇аммам̣ бот̇уж̇ж̇анигам̣ анарияам̣ анад̇т̇асам̣хид̇ам̣, на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇асса ваа д̇ат̇ааг̇ад̇асаавагасса ваа д̇хаммассаванааяа г̇ажчад̇и нивидтасад̣̇д̇хо нивидтабзмо зганд̇аг̇ад̇о абхиббасанно, зд̇ад̣̇аануд̇д̇арияам̣, бхигкавз, саванаанам̣ сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа, яад̣̇ид̣̇ам̣ д̇ат̇ааг̇ад̇асса ваа д̇ат̇ааг̇ад̇асаавагасса ваа д̇хаммассаванааяа г̇ажчад̇и нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, саванаануд̇д̇арияам̣. ид̇и д̣̇ассанаануд̇д̇арияам̣, саванаануд̇д̇арияам̣.

    ‘‘Savanānuttariyañca kathaṃ hoti? Idha, bhikkhave, ekacco bherisaddampi 6 savanāya gacchati, vīṇāsaddampi savanāya gacchati, gītasaddampi savanāya gacchati, uccāvacaṃ vā pana savanāya gacchati, samaṇassa vā brāhmaṇassa vā micchādiṭṭhikassa micchāpaṭipannassa dhammassavanāya gacchati. Atthetaṃ, bhikkhave, savanaṃ; netaṃ natthīti vadāmi. Tañca kho etaṃ, bhikkhave, savanaṃ hīnaṃ gammaṃ pothujjanikaṃ anariyaṃ anatthasaṃhitaṃ, na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati. Yo ca kho, bhikkhave, tathāgatassa vā tathāgatasāvakassa vā dhammassavanāya gacchati niviṭṭhasaddho niviṭṭhapemo ekantagato abhippasanno, etadānuttariyaṃ, bhikkhave, savanānaṃ sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya, yadidaṃ tathāgatassa vā tathāgatasāvakassa vā dhammassavanāya gacchati niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, savanānuttariyaṃ. Iti dassanānuttariyaṃ, savanānuttariyaṃ.

    ‘‘лаабхаануд̇д̇арияан̃жа гат̇ам̣ ход̇и? ид̇ха, бхигкавз, згажжо буд̇д̇алаабхамби лабхад̇и, д̣̇ааралаабхамби лабхад̇и, д̇ханалаабхамби лабхад̇и, ужжааважам̣ ваа бана лаабхам̣ лабхад̇и, саман̣з ваа б̣раахман̣з ваа мижчаад̣̇идтигз мижчаабадибаннз сад̣̇д̇хам̣ бадилабхад̇и. ад̇т̇зсо, бхигкавз, лаабхо; нзсо над̇т̇ийд̇и вад̣̇аами. со жа ко зсо, бхигкавз, лаабхо хийно г̇аммо бот̇уж̇ж̇аниго анарияо анад̇т̇асам̣хид̇о, на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇з ваа д̇ат̇ааг̇ад̇асаавагз ваа сад̣̇д̇хам̣ бадилабхад̇и нивидтасад̣̇д̇хо нивидтабзмо зганд̇аг̇ад̇о абхиббасанно, зд̇ад̣̇аануд̇д̇арияам̣, бхигкавз, лаабхаанам̣ сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа, яад̣̇ид̣̇ам̣ д̇ат̇ааг̇ад̇з ваа д̇ат̇ааг̇ад̇асаавагз ваа сад̣̇д̇хам̣ бадилабхад̇и нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, лаабхаануд̇д̇арияам̣. ид̇и д̣̇ассанаануд̇д̇арияам̣, саванаануд̇д̇арияам̣, лаабхаануд̇д̇арияам̣.

    ‘‘Lābhānuttariyañca kathaṃ hoti? Idha, bhikkhave, ekacco puttalābhampi labhati, dāralābhampi labhati, dhanalābhampi labhati, uccāvacaṃ vā pana lābhaṃ labhati, samaṇe vā brāhmaṇe vā micchādiṭṭhike micchāpaṭipanne saddhaṃ paṭilabhati. Attheso, bhikkhave, lābho; neso natthīti vadāmi. So ca kho eso, bhikkhave, lābho hīno gammo pothujjaniko anariyo anatthasaṃhito, na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati. Yo ca kho, bhikkhave, tathāgate vā tathāgatasāvake vā saddhaṃ paṭilabhati niviṭṭhasaddho niviṭṭhapemo ekantagato abhippasanno, etadānuttariyaṃ, bhikkhave, lābhānaṃ sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya, yadidaṃ tathāgate vā tathāgatasāvake vā saddhaṃ paṭilabhati niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, lābhānuttariyaṃ. Iti dassanānuttariyaṃ, savanānuttariyaṃ, lābhānuttariyaṃ.

    ‘‘сигкаануд̇д̇арияан̃жа гат̇ам̣ ход̇и? ид̇ха, бхигкавз, згажжо хад̇т̇исмимби сигкад̇и, ассасмимби сигкад̇и, рат̇асмимби сигкад̇и, д̇ханусмимби сигкад̇и, т̇арусмимби сигкад̇и, ужжааважам̣ ваа бана сигкад̇и, саман̣асса ваа б̣раахман̣асса ваа мижчаад̣̇идтигасса мижчаабадибаннасса 7 сигкад̇и. ад̇т̇зсаа, бхигкавз, сигкаа; нзсаа над̇т̇ийд̇и вад̣̇аами. саа жа ко зсаа, бхигкавз, сигкаа хийнаа г̇аммаа бот̇уж̇ж̇анигаа анарияаа анад̇т̇асам̣хид̇аа, на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇аббавзд̣̇ид̇з д̇хаммавинаяз ад̇хисийламби сигкад̇и, ад̇хижид̇д̇амби сигкад̇и, ад̇хибан̃н̃амби сигкад̇и нивидтасад̣̇д̇хо нивидтабзмо зганд̇аг̇ад̇о абхиббасанно, зд̇ад̣̇аануд̇д̇арияам̣, бхигкавз, сигкаанам̣ сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа , яад̣̇ид̣̇ам̣ д̇ат̇ааг̇ад̇аббавзд̣̇ид̇з д̇хаммавинаяз ад̇хисийламби сигкад̇и, ад̇хижид̇д̇амби сигкад̇и, ад̇хибан̃н̃амби сигкад̇и, нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, сигкаануд̇д̇арияам̣. ид̇и д̣̇ассанаануд̇д̇арияам̣, саванаануд̇д̇арияам̣, лаабхаануд̇д̇арияам̣, сигкаануд̇д̇арияам̣.

    ‘‘Sikkhānuttariyañca kathaṃ hoti? Idha, bhikkhave, ekacco hatthismimpi sikkhati, assasmimpi sikkhati, rathasmimpi sikkhati, dhanusmimpi sikkhati, tharusmimpi sikkhati, uccāvacaṃ vā pana sikkhati, samaṇassa vā brāhmaṇassa vā micchādiṭṭhikassa micchāpaṭipannassa 8 sikkhati. Atthesā, bhikkhave, sikkhā; nesā natthīti vadāmi. Sā ca kho esā, bhikkhave, sikkhā hīnā gammā pothujjanikā anariyā anatthasaṃhitā, na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati. Yo ca kho, bhikkhave, tathāgatappavedite dhammavinaye adhisīlampi sikkhati, adhicittampi sikkhati, adhipaññampi sikkhati niviṭṭhasaddho niviṭṭhapemo ekantagato abhippasanno, etadānuttariyaṃ, bhikkhave, sikkhānaṃ sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya , yadidaṃ tathāgatappavedite dhammavinaye adhisīlampi sikkhati, adhicittampi sikkhati, adhipaññampi sikkhati, niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, sikkhānuttariyaṃ. Iti dassanānuttariyaṃ, savanānuttariyaṃ, lābhānuttariyaṃ, sikkhānuttariyaṃ.

    ‘‘баарижарияаануд̇д̇арияан̃жа гат̇ам̣ ход̇и? ид̇ха, бхигкавз, згажжо кад̇д̇ияамби барижарад̇и, б̣раахман̣амби барижарад̇и, г̇ахабад̇имби барижарад̇и, ужжааважам̣ ваа бана барижарад̇и, саман̣ам̣ ваа б̣раахман̣ам̣ ваа мижчаад̣̇идтигам̣ мижчаабадибаннам̣ барижарад̇и. ад̇т̇зсаа, бхигкавз, баарижарияаа; нзсаа над̇т̇ийд̇и вад̣̇аами. саа жа ко зсаа, бхигкавз, баарижарияаа хийнаа г̇аммаа бот̇уж̇ж̇анигаа анарияаа анад̇т̇асам̣хид̇аа, на ниб̣б̣ид̣̇ааяа…бз… на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа барижарад̇и нивидтасад̣̇д̇хо нивидтабзмо зганд̇аг̇ад̇о абхиббасанно , зд̇ад̣̇аануд̇д̇арияам̣, бхигкавз, баарижарияаанам̣ сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа, яад̣̇ид̣̇ам̣ д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа барижарад̇и нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, баарижарияаануд̇д̇арияам̣. ид̇и д̣̇ассанаануд̇д̇арияам̣, саванаануд̇д̇арияам̣, лаабхаануд̇д̇арияам̣, сигкаануд̇д̇арияам̣, баарижарияаануд̇д̇арияам̣.

    ‘‘Pāricariyānuttariyañca kathaṃ hoti? Idha, bhikkhave, ekacco khattiyampi paricarati, brāhmaṇampi paricarati, gahapatimpi paricarati, uccāvacaṃ vā pana paricarati, samaṇaṃ vā brāhmaṇaṃ vā micchādiṭṭhikaṃ micchāpaṭipannaṃ paricarati. Atthesā, bhikkhave, pāricariyā; nesā natthīti vadāmi. Sā ca kho esā, bhikkhave, pāricariyā hīnā gammā pothujjanikā anariyā anatthasaṃhitā, na nibbidāya…pe… na nibbānāya saṃvattati. Yo ca kho, bhikkhave, tathāgataṃ vā tathāgatasāvakaṃ vā paricarati niviṭṭhasaddho niviṭṭhapemo ekantagato abhippasanno , etadānuttariyaṃ, bhikkhave, pāricariyānaṃ sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya, yadidaṃ tathāgataṃ vā tathāgatasāvakaṃ vā paricarati niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, pāricariyānuttariyaṃ. Iti dassanānuttariyaṃ, savanānuttariyaṃ, lābhānuttariyaṃ, sikkhānuttariyaṃ, pāricariyānuttariyaṃ.

    ‘‘ануссад̇аануд̇д̇арияан̃жа гат̇ам̣ ход̇и? ид̇ха, бхигкавз, згажжо буд̇д̇алаабхамби ануссарад̇и, д̣̇ааралаабхамби ануссарад̇и, д̇ханалаабхамби ануссарад̇и, ужжааважам̣ ваа бана лаабхам̣ ануссарад̇и, саман̣ам̣ ваа б̣раахман̣ам̣ ваа мижчаад̣̇идтигам̣ мижчаабадибаннам̣ ануссарад̇и. ад̇т̇зсаа, бхигкавз, ануссад̇и; нзсаа над̇т̇ийд̇и вад̣̇аами. саа жа ко зсаа, бхигкавз, ануссад̇и хийнаа г̇аммаа бот̇уж̇ж̇анигаа анарияаа анад̇т̇асам̣хид̇аа, на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и. яо жа ко, бхигкавз, д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа ануссарад̇и нивидтасад̣̇д̇хо нивидтабзмо зганд̇аг̇ад̇о абхиббасанно, зд̇ад̣̇аануд̇д̇арияам̣, бхигкавз, ануссад̇ийнам̣ сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа, яад̣̇ид̣̇ам̣ д̇ат̇ааг̇ад̇ам̣ ваа д̇ат̇ааг̇ад̇асаавагам̣ ваа ануссарад̇и нивидтасад̣̇д̇хо нивидтабзмо зганд̇аг̇ад̇о абхиббасанно. ид̣̇ам̣ вужжад̇и, бхигкавз, ануссад̇аануд̇д̇арияам̣. имаани ко, бхигкавз, ча ануд̇д̇арияааний’’д̇и.

    ‘‘Anussatānuttariyañca kathaṃ hoti? Idha, bhikkhave, ekacco puttalābhampi anussarati, dāralābhampi anussarati, dhanalābhampi anussarati, uccāvacaṃ vā pana lābhaṃ anussarati, samaṇaṃ vā brāhmaṇaṃ vā micchādiṭṭhikaṃ micchāpaṭipannaṃ anussarati. Atthesā, bhikkhave, anussati; nesā natthīti vadāmi. Sā ca kho esā, bhikkhave, anussati hīnā gammā pothujjanikā anariyā anatthasaṃhitā, na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati. Yo ca kho, bhikkhave, tathāgataṃ vā tathāgatasāvakaṃ vā anussarati niviṭṭhasaddho niviṭṭhapemo ekantagato abhippasanno, etadānuttariyaṃ, bhikkhave, anussatīnaṃ sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya, yadidaṃ tathāgataṃ vā tathāgatasāvakaṃ vā anussarati niviṭṭhasaddho niviṭṭhapemo ekantagato abhippasanno. Idaṃ vuccati, bhikkhave, anussatānuttariyaṃ. Imāni kho, bhikkhave, cha anuttariyānī’’ti.

    ‘‘яз д̣̇ассанаануд̇д̇арам̣ лад̣̇д̇хаа 9, саванан̃жа ануд̇д̇арам̣;

    ‘‘Ye dassanānuttaraṃ laddhā 10, savanañca anuttaraṃ;

    лаабхаануд̇д̇арияам̣ лад̣̇д̇хаа, сигкаануд̇д̇арияз рад̇аа 11.

    Lābhānuttariyaṃ laddhā, sikkhānuttariye ratā 12.

    ‘‘убадтид̇аа баарижарияаа, бхааваяанд̇и ануссад̇им̣;

    ‘‘Upaṭṭhitā pāricariyā, bhāvayanti anussatiṃ;

    вивзгаббадисам̣яуд̇д̇ам̣, кзмам̣ амад̇аг̇ааминим̣.

    Vivekappaṭisaṃyuttaṃ, khemaṃ amatagāminiṃ.

    ‘‘аббамаад̣̇з бамуд̣̇ид̇аа, нибагаа сийласам̣вуд̇аа;

    ‘‘Appamāde pamuditā, nipakā sīlasaṃvutā;

    д̇з вз гаалзна бажжзнд̇и 13, яад̇т̇а д̣̇угкам̣ нируж̇жхад̇ий’’д̇и. д̣̇асамам̣;

    Te ve kālena paccenti 14, yattha dukkhaṃ nirujjhatī’’ti. dasamaṃ;

    ануд̇д̇арияаваг̇г̇о 15 д̇ад̇ияо.

    Anuttariyavaggo 16 tatiyo.

    д̇ассуд̣̇д̣̇аанам̣ –

    Tassuddānaṃ –

    саамаго абарихаанияо, бхаяам̣ химаваануссад̇и;

    Sāmako aparihāniyo, bhayaṃ himavānussati;

    гажжаано д̣̇вз жа самаяаа, уд̣̇ааяий ануд̇д̇ариязнаад̇и.

    Kaccāno dve ca samayā, udāyī anuttariyenāti.




    Next: 4. д̣̇звад̇ааваг̇г̇о • 4. Devatāvaggo




    Footnotes:
    1. согабарид̣̇д̣̇аваанам̣ (сий.)
    2. ад̇т̇аг̇амааяа (сий.)
    3. sokapariddavānaṃ (sī.)
    4. atthagamāya (sī.)
    5. бхзрисад̣̇д̣̇ассаби (га.) звам̣ вийн̣аасад̣̇д̣̇амбиижжаад̣̇ийсуби
    6. bherisaddassapi (ka.) evaṃ vīṇāsaddampiiccādīsupi
    7. мижчаабадибад̇д̇им̣ (га.)
    8. micchāpaṭipattiṃ (ka.)
    9. яз д̣̇ассанаварам̣ лад̣̇д̇хаа (сий. бий.), д̣̇ассанаануд̇д̇арияам̣ лад̣̇д̇хаа (сяаа. гам̣.)
    10. ye dassanavaraṃ laddhā (sī. pī.), dassanānuttariyaṃ laddhā (syā. kaṃ.)
    11. ануд̇д̇арияам̣ д̇ат̇аа (га.)
    12. anuttariyaṃ tathā (ka.)
    13. бажжанд̇и (сяаа. га.)
    14. paccanti (syā. ka.)
    15. саамагаваг̇г̇о (га.)
    16. sāmakavaggo (ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. ануд̇д̇арияасуд̇д̇аван̣н̣анаа • 10. Anuttariyasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. ануд̇д̇арияасуд̇д̇аван̣н̣анаа • 10. Anuttariyasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact