| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
8. அனுத்தரியஸுத்தவண்ணனா
8. Anuttariyasuttavaṇṇanā
8. அட்ட²மே நத்தி² ஏதேஸங் உத்தரானி விஸிட்டா²னீதி அனுத்தரானி, அனுத்தரானி ஏவ அனுத்தரியானி யதா² ‘‘அனந்தமேவ அனந்தரிய’’ந்தி ஆஹ ‘‘நிருத்தரானீ’’தி. த³ஸ்ஸனானுத்தரியங் நாம ப²லவிஸேஸாவஹத்தா. ஏஸ நயோ ஸேஸேஸுபி. ஸத்தவித⁴அரியத⁴னலாபோ⁴தி ஸத்தவித⁴ஸத்³தா⁴தி³லோகுத்தரத⁴னலாபோ⁴. ஸிக்கா²த்தயஸ்ஸ பூரணந்தி அதி⁴ஸீலஸிக்கா²தீ³னங் திஸ்ஸன்னங் ஸிக்கா²னங் பூரணங். தத்த² பூரணங் நிப்பரியாயதோ அஸெக்கா²னங் வஸேன வேதி³தப்³ப³ங். கல்யாணபுது²ஜ்ஜனதோ பட்டா²ய ஹி ஸத்த ஸேகா² திஸ்ஸோ ஸிக்கா² பூரெந்தி நாம, அரஹா பரிபுண்ணஸிக்கோ²தி. இதி இமானி அனுத்தரியானி லோகியலோகுத்தரானி கதி²தானி.
8. Aṭṭhame natthi etesaṃ uttarāni visiṭṭhānīti anuttarāni, anuttarāni eva anuttariyāni yathā ‘‘anantameva anantariya’’nti āha ‘‘niruttarānī’’ti. Dassanānuttariyaṃ nāma phalavisesāvahattā. Esa nayo sesesupi. Sattavidhaariyadhanalābhoti sattavidhasaddhādilokuttaradhanalābho. Sikkhāttayassa pūraṇanti adhisīlasikkhādīnaṃ tissannaṃ sikkhānaṃ pūraṇaṃ. Tattha pūraṇaṃ nippariyāyato asekkhānaṃ vasena veditabbaṃ. Kalyāṇaputhujjanato paṭṭhāya hi satta sekhā tisso sikkhā pūrenti nāma, arahā paripuṇṇasikkhoti. Iti imāni anuttariyāni lokiyalokuttarāni kathitāni.
அனுத்தரியஸுத்தவண்ணனா நிட்டி²தா.
Anuttariyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. அனுத்தரியஸுத்தங் • 8. Anuttariyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8-9. அனுத்தரியஸுத்தாதி³வண்ணனா • 8-9. Anuttariyasuttādivaṇṇanā
