| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. ануд̇д̇арияасуд̇д̇аван̣н̣анаа
10. Anuttariyasuttavaṇṇanā
30. д̣̇асамз ужжааважанд̇и яам̣ гин̃жи маханд̇акуд̣̇д̣̇агам̣, ужжанийжам̣ ваа. хийнанд̇и нихийнам̣. г̇амманд̇и г̇аамаваасигаанам̣ д̣̇ассанам̣. бот̇уж̇ж̇аниганд̇и бут̇уж̇ж̇анаанам̣ санд̇агам̣. анарияанд̇и на арияам̣ на уд̇д̇амам̣ на барисуд̣̇д̇хам̣. анад̇т̇асам̣хид̇анд̇и на ад̇т̇асанниссид̇ам̣. на ниб̣б̣ид̣̇ааяаад̇и на ваддз ниб̣б̣инд̣̇анад̇т̇ааяа. на вирааг̇ааяаад̇и на рааг̇аад̣̇ийнам̣ вираж̇ж̇анад̇т̇ааяа. на нирод̇хааяаад̇и на рааг̇аад̣̇ийнам̣ аббавад̇д̇инирод̇хааяа. на убасамааяаад̇и на рааг̇аад̣̇ийнам̣ вуубасаманад̇т̇ааяа. на абхин̃н̃ааяаад̇и на абхиж̇аананад̇т̇ааяа. на самб̣од̇хааяаад̇и на самб̣од̇хисан̇каад̇асса жад̇умаг̇г̇ан̃аан̣асса бадивиж̇жханад̇т̇ааяа. на ниб̣б̣аанааяаад̇и на ниб̣б̣аанасса сажчигирияааяа.
30. Dasame uccāvacanti yaṃ kiñci mahantakhuddakaṃ, uccanīcaṃ vā. Hīnanti nihīnaṃ. Gammanti gāmavāsikānaṃ dassanaṃ. Pothujjanikanti puthujjanānaṃ santakaṃ. Anariyanti na ariyaṃ na uttamaṃ na parisuddhaṃ. Anatthasaṃhitanti na atthasannissitaṃ. Na nibbidāyāti na vaṭṭe nibbindanatthāya. Na virāgāyāti na rāgādīnaṃ virajjanatthāya. Na nirodhāyāti na rāgādīnaṃ appavattinirodhāya. Na upasamāyāti na rāgādīnaṃ vūpasamanatthāya. Na abhiññāyāti na abhijānanatthāya. Na sambodhāyāti na sambodhisaṅkhātassa catumaggañāṇassa paṭivijjhanatthāya. Na nibbānāyāti na nibbānassa sacchikiriyāya.
нивидтасад̣̇д̇ход̇и бад̇идтид̇асад̣̇д̇хо. нивидтабзмод̇и бад̇идтид̇абзмо. зганд̇аг̇ад̇од̇и зганд̇ам̣ г̇ад̇о, ажалаббад̇д̇од̇и ад̇т̇о. абхиббасаннод̇и ад̇ивияа басанно. зд̇ад̣̇аануд̇д̇арияанд̇и зд̇ам̣ ануд̇д̇арам̣. хад̇т̇исмимби сигкад̇ийд̇и хад̇т̇инимид̇д̇ам̣ сигкид̇аб̣б̣ам̣ хад̇т̇исиббам̣ сигкад̇и. сзсабад̣̇зсуби зсзва наяо. ужжааважанд̇и маханд̇акуд̣̇д̣̇агам̣ сиббам̣ сигкад̇и.
Niviṭṭhasaddhoti patiṭṭhitasaddho. Niviṭṭhapemoti patiṭṭhitapemo. Ekantagatoti ekantaṃ gato, acalappattoti attho. Abhippasannoti ativiya pasanno. Etadānuttariyanti etaṃ anuttaraṃ. Hatthismimpi sikkhatīti hatthinimittaṃ sikkhitabbaṃ hatthisippaṃ sikkhati. Sesapadesupi eseva nayo. Uccāvacanti mahantakhuddakaṃ sippaṃ sikkhati.
убадтид̇аа баарижариязд̇и баарижарияааяа бажжубадтид̇аа. бхааваяанд̇и ануссад̇инд̇и ануд̇д̇арам̣ ануссад̇им̣ бхаавзнд̇и. вивзгаббадисам̣яуд̇д̇анд̇и ниб̣б̣аананиссид̇ам̣ гад̇ваа. кзманд̇и нирубад̣̇д̣̇авам̣. амад̇аг̇ааминанд̇и ниб̣б̣аанаг̇ааминам̣, арияамаг̇г̇ам̣ бхаавзнд̇ийд̇и ад̇т̇о. аббамаад̣̇з бамод̣̇ид̇аад̇и сад̇ияаа авиббаваасасан̇каад̇з аббамаад̣̇з аамод̣̇ид̇аа бамод̣̇ид̇аа. нибагаад̇и нзбаггзна саманнааг̇ад̇аа. сийласам̣вуд̇аад̇и сийлзна сам̣вуд̇аа бихид̇аа. д̇з вз гаалзна бажжзнд̇ийд̇и д̇з вз яуд̇д̇аббаяуд̇д̇агаалз ж̇аананд̇и. яад̇т̇а д̣̇угкам̣ нируж̇жхад̇ийд̇и яасмим̣ таанз сагалам̣ ваддад̣̇угкам̣ нируж̇жхад̇и, д̇ам̣ амад̇ам̣ махааниб̣б̣аанам̣ д̇з бхигкуу ж̇аананд̇ийд̇и. имасмим̣ суд̇д̇з ча ануд̇д̇арияаани миссагаани гат̇ид̇аанийд̇и.
Upaṭṭhitā pāricariyeti pāricariyāya paccupaṭṭhitā. Bhāvayanti anussatinti anuttaraṃ anussatiṃ bhāventi. Vivekappaṭisaṃyuttanti nibbānanissitaṃ katvā. Khemanti nirupaddavaṃ. Amatagāminanti nibbānagāminaṃ, ariyamaggaṃ bhāventīti attho. Appamāde pamoditāti satiyā avippavāsasaṅkhāte appamāde āmoditā pamoditā. Nipakāti nepakkena samannāgatā. Sīlasaṃvutāti sīlena saṃvutā pihitā. Te ve kālena paccentīti te ve yuttappayuttakāle jānanti. Yattha dukkhaṃ nirujjhatīti yasmiṃ ṭhāne sakalaṃ vaṭṭadukkhaṃ nirujjhati, taṃ amataṃ mahānibbānaṃ te bhikkhū jānantīti. Imasmiṃ sutte cha anuttariyāni missakāni kathitānīti.
ануд̇д̇арияаваг̇г̇о д̇ад̇ияо.
Anuttariyavaggo tatiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. ануд̇д̇арияасуд̇д̇ам̣ • 10. Anuttariyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. ануд̇д̇арияасуд̇д̇аван̣н̣анаа • 10. Anuttariyasuttavaṇṇanā
