| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೧೦. ಅನುತ್ತರಿಯಸುತ್ತವಣ್ಣನಾ
10. Anuttariyasuttavaṇṇanā
೩೦. ದಸಮೇ ನಿಹೀನನ್ತಿ ಲಾಮಕಂ, ಕಿಲಿಟ್ಠಂ ವಾ। ಗಾಮವಾಸಿಕಾನನ್ತಿ ಬಾಲಾನಂ। ಪುಥುಜ್ಜನಾನಂ ಇದನ್ತಿ ಪೋಥುಜ್ಜನಿಕಂ। ತೇನಾಹ ‘‘ಪುಥುಜ್ಜನಾನಂ ಸನ್ತಕ’’ನ್ತಿ, ಪುಥುಜ್ಜನೇಹಿ ಸೇವಿತಬ್ಬತ್ತಾ ತೇಸಂ ಸನ್ತಕನ್ತಿ ವುತ್ತಂ ಹೋತಿ। ಅನರಿಯನ್ತಿ ನ ನಿದ್ದೋಸಂ। ನಿದ್ದೋಸಟ್ಠೋ ಹಿ ಅರಿಯಟ್ಠೋ। ತೇನಾಹ ‘‘ನ ಉತ್ತಮಂ ನ ಪರಿಸುದ್ಧ’’ನ್ತಿ। ಅರಿಯೇಹಿ ವಾ ನ ಸೇವಿತಬ್ಬನ್ತಿ ಅನರಿಯಂ। ಅನತ್ಥಸಂಹಿತನ್ತಿ ದಿಟ್ಠಧಮ್ಮಿಕಸಮ್ಪರಾಯಿಕಾದಿವಿವಿಧವಿಪುಲಾನತ್ಥಸಹಿತಂ। ತಾದಿಸಞ್ಚ ಅತ್ಥಸನ್ನಿಸ್ಸಿತಂ ನ ಹೋತೀತಿ ಆಹ ‘‘ನ ಅತ್ಥಸನ್ನಿಸ್ಸಿತ’’ನ್ತಿ। ನ ವಟ್ಟೇ ನಿಬ್ಬಿನ್ದನತ್ಥಾಯಾತಿ ಚತುಸಚ್ಚಕಮ್ಮಟ್ಠಾನಾಭಾವತೋ। ಅಸತಿ ಪನ ವಟ್ಟೇ ನಿಬ್ಬಿದಾಯ ವಿರಾಗಾದೀನಂ ಅಸಮ್ಭವೋಯೇವಾತಿ ಆಹ ‘‘ನ ವಿರಾಗಾಯಾ’’ತಿಆದಿ।
30. Dasame nihīnanti lāmakaṃ, kiliṭṭhaṃ vā. Gāmavāsikānanti bālānaṃ. Puthujjanānaṃ idanti pothujjanikaṃ. Tenāha ‘‘puthujjanānaṃ santaka’’nti, puthujjanehi sevitabbattā tesaṃ santakanti vuttaṃ hoti. Anariyanti na niddosaṃ. Niddosaṭṭho hi ariyaṭṭho. Tenāha ‘‘na uttamaṃ na parisuddha’’nti. Ariyehi vā na sevitabbanti anariyaṃ. Anatthasaṃhitanti diṭṭhadhammikasamparāyikādivividhavipulānatthasahitaṃ. Tādisañca atthasannissitaṃ na hotīti āha ‘‘na atthasannissita’’nti. Na vaṭṭe nibbindanatthāyāti catusaccakammaṭṭhānābhāvato. Asati pana vaṭṭe nibbidāya virāgādīnaṃ asambhavoyevāti āha ‘‘na virāgāyā’’tiādi.
ಅನುತ್ತಮಂ ಅನುತ್ತರಿಯನ್ತಿ ಆಹ ‘‘ಏತಂ ಅನುತ್ತರ’’ನ್ತಿ। ಹತ್ಥಿಸ್ಮಿನ್ತಿ ನಿಮಿತ್ತತ್ಥೇ ಭುಮ್ಮನ್ತಿ ಆಹ ‘‘ಹತ್ಥಿನಿಮಿತ್ತಂ ಸಿಕ್ಖಿತಬ್ಬ’’ನ್ತಿ। ಹತ್ಥಿವಿಸಯತ್ತಾ ಹತ್ಥಿಸನ್ನಿಸ್ಸಿತತ್ತಾ ಚ ಹತ್ಥಿಸಿಪ್ಪಂ ‘‘ಹತ್ಥೀ’’ತಿ ಗಹೇತ್ವಾ ‘‘ಹತ್ಥಿಸ್ಮಿಮ್ಪಿ ಸಿಕ್ಖತೀ’’ತಿ ವುತ್ತಂ। ತಸ್ಮಾ ಹತ್ಥಿಸಿಪ್ಪೇ ಸಿಕ್ಖತೀತಿ ಏವಮೇತ್ಥ ಅತ್ಥೋ ದಟ್ಠಬ್ಬೋ। ಸೇಸಪದೇಸುಪಿ ಏಸೇವ ನಯೋ।
Anuttamaṃ anuttariyanti āha ‘‘etaṃ anuttara’’nti. Hatthisminti nimittatthe bhummanti āha ‘‘hatthinimittaṃ sikkhitabba’’nti. Hatthivisayattā hatthisannissitattā ca hatthisippaṃ ‘‘hatthī’’ti gahetvā ‘‘hatthismimpi sikkhatī’’ti vuttaṃ. Tasmā hatthisippe sikkhatīti evamettha attho daṭṭhabbo. Sesapadesupi eseva nayo.
ಲಿಙ್ಗಬ್ಯತ್ತಯೇನ ವಿಭತ್ತಿಬ್ಯತ್ತಯೇನ ಪಾರಿಚರಿಯೇತಿ ವುತ್ತನ್ತಿ ಆಹ ‘‘ಪಾರಿಚರಿಯಾಯ ಪಚ್ಚುಪಟ್ಠಿತಾ’’ತಿ। ಸೇಸಮೇತ್ಥ ಸುವಿಞ್ಞೇಯ್ಯಮೇವ।
Liṅgabyattayena vibhattibyattayena pāricariyeti vuttanti āha ‘‘pāricariyāya paccupaṭṭhitā’’ti. Sesamettha suviññeyyameva.
ಅನುತ್ತರಿಯಸುತ್ತವಣ್ಣನಾ ನಿಟ್ಠಿತಾ।
Anuttariyasuttavaṇṇanā niṭṭhitā.
ಅನುತ್ತರಿಯವಗ್ಗವಣ್ಣನಾ ನಿಟ್ಠಿತಾ।
Anuttariyavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧೦. ಅನುತ್ತರಿಯಸುತ್ತಂ • 10. Anuttariyasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೧೦. ಅನುತ್ತರಿಯಸುತ್ತವಣ್ಣನಾ • 10. Anuttariyasuttavaṇṇanā
