| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༨. ཨནུཏྟརིཡསུཏྟཝཎྞནཱ
8. Anuttariyasuttavaṇṇanā
༨. ཨཊྛམེ ནཏྠི ཨེཏེསཾ ཨུཏྟརཱནི ཝིསིཊྛཱནཱིཏི ཨནུཏྟརཱནི, ཨནུཏྟརཱནི ཨེཝ ཨནུཏྟརིཡཱནི ཡཐཱ ‘‘ཨནནྟམེཝ ཨནནྟརིཡ’’ནྟི ཨཱཧ ‘‘ནིརུཏྟརཱནཱི’’ཏི། དསྶནཱནུཏྟརིཡཾ ནཱམ ཕལཝིསེསཱཝཧཏྟཱ། ཨེས ནཡོ སེསེསུཔི། སཏྟཝིདྷཨརིཡདྷནལཱབྷོཏི སཏྟཝིདྷསདྡྷཱདིལོཀུཏྟརདྷནལཱབྷོ། སིཀྑཱཏྟཡསྶ པཱུརཎནྟི ཨདྷིསཱིལསིཀྑཱདཱིནཾ ཏིསྶནྣཾ སིཀྑཱནཾ པཱུརཎཾ། ཏཏྠ པཱུརཎཾ ནིཔྤརིཡཱཡཏོ ཨསེཀྑཱནཾ ཝསེན ཝེདིཏབྦཾ། ཀལྱཱཎཔུཐུཛྫནཏོ པཊྛཱཡ ཧི སཏྟ སེཁཱ ཏིསྶོ སིཀྑཱ པཱུརེནྟི ནཱམ, ཨརཧཱ པརིཔུཎྞསིཀྑོཏི། ཨིཏི ཨིམཱནི ཨནུཏྟརིཡཱནི ལོཀིཡལོཀུཏྟརཱནི ཀཐིཏཱནི།
8. Aṭṭhame natthi etesaṃ uttarāni visiṭṭhānīti anuttarāni, anuttarāni eva anuttariyāni yathā ‘‘anantameva anantariya’’nti āha ‘‘niruttarānī’’ti. Dassanānuttariyaṃ nāma phalavisesāvahattā. Esa nayo sesesupi. Sattavidhaariyadhanalābhoti sattavidhasaddhādilokuttaradhanalābho. Sikkhāttayassa pūraṇanti adhisīlasikkhādīnaṃ tissannaṃ sikkhānaṃ pūraṇaṃ. Tattha pūraṇaṃ nippariyāyato asekkhānaṃ vasena veditabbaṃ. Kalyāṇaputhujjanato paṭṭhāya hi satta sekhā tisso sikkhā pūrenti nāma, arahā paripuṇṇasikkhoti. Iti imāni anuttariyāni lokiyalokuttarāni kathitāni.
ཨནུཏྟརིཡསུཏྟཝཎྞནཱ ནིཊྛིཏཱ།
Anuttariyasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༨. ཨནུཏྟརིཡསུཏྟཾ • 8. Anuttariyasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༨-༩. ཨནུཏྟརིཡསུཏྟཱདིཝཎྞནཱ • 8-9. Anuttariyasuttādivaṇṇanā
