| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਅਨੁਤ੍ਤਰਿਯਸੁਤ੍ਤવਣ੍ਣਨਾ
10. Anuttariyasuttavaṇṇanā
੩੦. ਦਸਮੇ ਉਚ੍ਚਾવਚਨ੍ਤਿ ਯਂ ਕਿਞ੍ਚਿ ਮਹਨ੍ਤਖੁਦ੍ਦਕਂ, ਉਚ੍ਚਨੀਚਂ વਾ। ਹੀਨਨ੍ਤਿ ਨਿਹੀਨਂ। ਗਮ੍ਮਨ੍ਤਿ ਗਾਮવਾਸਿਕਾਨਂ ਦਸ੍ਸਨਂ। ਪੋਥੁਜ੍ਜਨਿਕਨ੍ਤਿ ਪੁਥੁਜ੍ਜਨਾਨਂ ਸਨ੍ਤਕਂ। ਅਨਰਿਯਨ੍ਤਿ ਨ ਅਰਿਯਂ ਨ ਉਤ੍ਤਮਂ ਨ ਪਰਿਸੁਦ੍ਧਂ। ਅਨਤ੍ਥਸਂਹਿਤਨ੍ਤਿ ਨ ਅਤ੍ਥਸਨ੍ਨਿਸ੍ਸਿਤਂ। ਨ ਨਿਬ੍ਬਿਦਾਯਾਤਿ ਨ વਟ੍ਟੇ ਨਿਬ੍ਬਿਨ੍ਦਨਤ੍ਥਾਯ। ਨ વਿਰਾਗਾਯਾਤਿ ਨ ਰਾਗਾਦੀਨਂ વਿਰਜ੍ਜਨਤ੍ਥਾਯ। ਨ ਨਿਰੋਧਾਯਾਤਿ ਨ ਰਾਗਾਦੀਨਂ ਅਪ੍ਪવਤ੍ਤਿਨਿਰੋਧਾਯ। ਨ ਉਪਸਮਾਯਾਤਿ ਨ ਰਾਗਾਦੀਨਂ વੂਪਸਮਨਤ੍ਥਾਯ। ਨ ਅਭਿਞ੍ਞਾਯਾਤਿ ਨ ਅਭਿਜਾਨਨਤ੍ਥਾਯ। ਨ ਸਮ੍ਬੋਧਾਯਾਤਿ ਨ ਸਮ੍ਬੋਧਿਸਙ੍ਖਾਤਸ੍ਸ ਚਤੁਮਗ੍ਗਞਾਣਸ੍ਸ ਪਟਿવਿਜ੍ਝਨਤ੍ਥਾਯ। ਨ ਨਿਬ੍ਬਾਨਾਯਾਤਿ ਨ ਨਿਬ੍ਬਾਨਸ੍ਸ ਸਚ੍ਛਿਕਿਰਿਯਾਯ।
30. Dasame uccāvacanti yaṃ kiñci mahantakhuddakaṃ, uccanīcaṃ vā. Hīnanti nihīnaṃ. Gammanti gāmavāsikānaṃ dassanaṃ. Pothujjanikanti puthujjanānaṃ santakaṃ. Anariyanti na ariyaṃ na uttamaṃ na parisuddhaṃ. Anatthasaṃhitanti na atthasannissitaṃ. Na nibbidāyāti na vaṭṭe nibbindanatthāya. Na virāgāyāti na rāgādīnaṃ virajjanatthāya. Na nirodhāyāti na rāgādīnaṃ appavattinirodhāya. Na upasamāyāti na rāgādīnaṃ vūpasamanatthāya. Na abhiññāyāti na abhijānanatthāya. Na sambodhāyāti na sambodhisaṅkhātassa catumaggañāṇassa paṭivijjhanatthāya. Na nibbānāyāti na nibbānassa sacchikiriyāya.
ਨਿવਿਟ੍ਠਸਦ੍ਧੋਤਿ ਪਤਿਟ੍ਠਿਤਸਦ੍ਧੋ। ਨਿવਿਟ੍ਠਪੇਮੋਤਿ ਪਤਿਟ੍ਠਿਤਪੇਮੋ। ਏਕਨ੍ਤਗਤੋਤਿ ਏਕਨ੍ਤਂ ਗਤੋ, ਅਚਲਪ੍ਪਤ੍ਤੋਤਿ ਅਤ੍ਥੋ। ਅਭਿਪ੍ਪਸਨ੍ਨੋਤਿ ਅਤਿવਿਯ ਪਸਨ੍ਨੋ। ਏਤਦਾਨੁਤ੍ਤਰਿਯਨ੍ਤਿ ਏਤਂ ਅਨੁਤ੍ਤਰਂ। ਹਤ੍ਥਿਸ੍ਮਿਮ੍ਪਿ ਸਿਕ੍ਖਤੀਤਿ ਹਤ੍ਥਿਨਿਮਿਤ੍ਤਂ ਸਿਕ੍ਖਿਤਬ੍ਬਂ ਹਤ੍ਥਿਸਿਪ੍ਪਂ ਸਿਕ੍ਖਤਿ। ਸੇਸਪਦੇਸੁਪਿ ਏਸੇવ ਨਯੋ। ਉਚ੍ਚਾવਚਨ੍ਤਿ ਮਹਨ੍ਤਖੁਦ੍ਦਕਂ ਸਿਪ੍ਪਂ ਸਿਕ੍ਖਤਿ।
Niviṭṭhasaddhoti patiṭṭhitasaddho. Niviṭṭhapemoti patiṭṭhitapemo. Ekantagatoti ekantaṃ gato, acalappattoti attho. Abhippasannoti ativiya pasanno. Etadānuttariyanti etaṃ anuttaraṃ. Hatthismimpi sikkhatīti hatthinimittaṃ sikkhitabbaṃ hatthisippaṃ sikkhati. Sesapadesupi eseva nayo. Uccāvacanti mahantakhuddakaṃ sippaṃ sikkhati.
ਉਪਟ੍ਠਿਤਾ ਪਾਰਿਚਰਿਯੇਤਿ ਪਾਰਿਚਰਿਯਾਯ ਪਚ੍ਚੁਪਟ੍ਠਿਤਾ। ਭਾવਯਨ੍ਤਿ ਅਨੁਸ੍ਸਤਿਨ੍ਤਿ ਅਨੁਤ੍ਤਰਂ ਅਨੁਸ੍ਸਤਿਂ ਭਾવੇਨ੍ਤਿ। વਿવੇਕਪ੍ਪਟਿਸਂਯੁਤ੍ਤਨ੍ਤਿ ਨਿਬ੍ਬਾਨਨਿਸ੍ਸਿਤਂ ਕਤ੍વਾ। ਖੇਮਨ੍ਤਿ ਨਿਰੁਪਦ੍ਦવਂ। ਅਮਤਗਾਮਿਨਨ੍ਤਿ ਨਿਬ੍ਬਾਨਗਾਮਿਨਂ, ਅਰਿਯਮਗ੍ਗਂ ਭਾવੇਨ੍ਤੀਤਿ ਅਤ੍ਥੋ। ਅਪ੍ਪਮਾਦੇ ਪਮੋਦਿਤਾਤਿ ਸਤਿਯਾ ਅવਿਪ੍ਪવਾਸਸਙ੍ਖਾਤੇ ਅਪ੍ਪਮਾਦੇ ਆਮੋਦਿਤਾ ਪਮੋਦਿਤਾ। ਨਿਪਕਾਤਿ ਨੇਪਕ੍ਕੇਨ ਸਮਨ੍ਨਾਗਤਾ। ਸੀਲਸਂવੁਤਾਤਿ ਸੀਲੇਨ ਸਂવੁਤਾ ਪਿਹਿਤਾ। ਤੇ વੇ ਕਾਲੇਨ ਪਚ੍ਚੇਨ੍ਤੀਤਿ ਤੇ વੇ ਯੁਤ੍ਤਪ੍ਪਯੁਤ੍ਤਕਾਲੇ ਜਾਨਨ੍ਤਿ। ਯਤ੍ਥ ਦੁਕ੍ਖਂ ਨਿਰੁਜ੍ਝਤੀਤਿ ਯਸ੍ਮਿਂ ਠਾਨੇ ਸਕਲਂ વਟ੍ਟਦੁਕ੍ਖਂ ਨਿਰੁਜ੍ਝਤਿ, ਤਂ ਅਮਤਂ ਮਹਾਨਿਬ੍ਬਾਨਂ ਤੇ ਭਿਕ੍ਖੂ ਜਾਨਨ੍ਤੀਤਿ। ਇਮਸ੍ਮਿਂ ਸੁਤ੍ਤੇ ਛ ਅਨੁਤ੍ਤਰਿਯਾਨਿ ਮਿਸ੍ਸਕਾਨਿ ਕਥਿਤਾਨੀਤਿ।
Upaṭṭhitā pāricariyeti pāricariyāya paccupaṭṭhitā. Bhāvayanti anussatinti anuttaraṃ anussatiṃ bhāventi. Vivekappaṭisaṃyuttanti nibbānanissitaṃ katvā. Khemanti nirupaddavaṃ. Amatagāminanti nibbānagāminaṃ, ariyamaggaṃ bhāventīti attho. Appamāde pamoditāti satiyā avippavāsasaṅkhāte appamāde āmoditā pamoditā. Nipakāti nepakkena samannāgatā. Sīlasaṃvutāti sīlena saṃvutā pihitā. Te ve kālena paccentīti te ve yuttappayuttakāle jānanti. Yattha dukkhaṃ nirujjhatīti yasmiṃ ṭhāne sakalaṃ vaṭṭadukkhaṃ nirujjhati, taṃ amataṃ mahānibbānaṃ te bhikkhū jānantīti. Imasmiṃ sutte cha anuttariyāni missakāni kathitānīti.
ਅਨੁਤ੍ਤਰਿਯવਗ੍ਗੋ ਤਤਿਯੋ।
Anuttariyavaggo tatiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਅਨੁਤ੍ਤਰਿਯਸੁਤ੍ਤਂ • 10. Anuttariyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਅਨੁਤ੍ਤਰਿਯਸੁਤ੍ਤવਣ੍ਣਨਾ • 10. Anuttariyasuttavaṇṇanā
