| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਅਨੁਤ੍ਤਰਿਯਸੁਤ੍ਤવਣ੍ਣਨਾ
10. Anuttariyasuttavaṇṇanā
੩੦. ਦਸਮੇ ਨਿਹੀਨਨ੍ਤਿ ਲਾਮਕਂ, ਕਿਲਿਟ੍ਠਂ વਾ। ਗਾਮવਾਸਿਕਾਨਨ੍ਤਿ ਬਾਲਾਨਂ। ਪੁਥੁਜ੍ਜਨਾਨਂ ਇਦਨ੍ਤਿ ਪੋਥੁਜ੍ਜਨਿਕਂ। ਤੇਨਾਹ ‘‘ਪੁਥੁਜ੍ਜਨਾਨਂ ਸਨ੍ਤਕ’’ਨ੍ਤਿ, ਪੁਥੁਜ੍ਜਨੇਹਿ ਸੇવਿਤਬ੍ਬਤ੍ਤਾ ਤੇਸਂ ਸਨ੍ਤਕਨ੍ਤਿ વੁਤ੍ਤਂ ਹੋਤਿ। ਅਨਰਿਯਨ੍ਤਿ ਨ ਨਿਦ੍ਦੋਸਂ। ਨਿਦ੍ਦੋਸਟ੍ਠੋ ਹਿ ਅਰਿਯਟ੍ਠੋ। ਤੇਨਾਹ ‘‘ਨ ਉਤ੍ਤਮਂ ਨ ਪਰਿਸੁਦ੍ਧ’’ਨ੍ਤਿ। ਅਰਿਯੇਹਿ વਾ ਨ ਸੇવਿਤਬ੍ਬਨ੍ਤਿ ਅਨਰਿਯਂ। ਅਨਤ੍ਥਸਂਹਿਤਨ੍ਤਿ ਦਿਟ੍ਠਧਮ੍ਮਿਕਸਮ੍ਪਰਾਯਿਕਾਦਿવਿવਿਧવਿਪੁਲਾਨਤ੍ਥਸਹਿਤਂ। ਤਾਦਿਸਞ੍ਚ ਅਤ੍ਥਸਨ੍ਨਿਸ੍ਸਿਤਂ ਨ ਹੋਤੀਤਿ ਆਹ ‘‘ਨ ਅਤ੍ਥਸਨ੍ਨਿਸ੍ਸਿਤ’’ਨ੍ਤਿ। ਨ વਟ੍ਟੇ ਨਿਬ੍ਬਿਨ੍ਦਨਤ੍ਥਾਯਾਤਿ ਚਤੁਸਚ੍ਚਕਮ੍ਮਟ੍ਠਾਨਾਭਾવਤੋ। ਅਸਤਿ ਪਨ વਟ੍ਟੇ ਨਿਬ੍ਬਿਦਾਯ વਿਰਾਗਾਦੀਨਂ ਅਸਮ੍ਭવੋਯੇવਾਤਿ ਆਹ ‘‘ਨ વਿਰਾਗਾਯਾ’’ਤਿਆਦਿ।
30. Dasame nihīnanti lāmakaṃ, kiliṭṭhaṃ vā. Gāmavāsikānanti bālānaṃ. Puthujjanānaṃ idanti pothujjanikaṃ. Tenāha ‘‘puthujjanānaṃ santaka’’nti, puthujjanehi sevitabbattā tesaṃ santakanti vuttaṃ hoti. Anariyanti na niddosaṃ. Niddosaṭṭho hi ariyaṭṭho. Tenāha ‘‘na uttamaṃ na parisuddha’’nti. Ariyehi vā na sevitabbanti anariyaṃ. Anatthasaṃhitanti diṭṭhadhammikasamparāyikādivividhavipulānatthasahitaṃ. Tādisañca atthasannissitaṃ na hotīti āha ‘‘na atthasannissita’’nti. Na vaṭṭe nibbindanatthāyāti catusaccakammaṭṭhānābhāvato. Asati pana vaṭṭe nibbidāya virāgādīnaṃ asambhavoyevāti āha ‘‘na virāgāyā’’tiādi.
ਅਨੁਤ੍ਤਮਂ ਅਨੁਤ੍ਤਰਿਯਨ੍ਤਿ ਆਹ ‘‘ਏਤਂ ਅਨੁਤ੍ਤਰ’’ਨ੍ਤਿ। ਹਤ੍ਥਿਸ੍ਮਿਨ੍ਤਿ ਨਿਮਿਤ੍ਤਤ੍ਥੇ ਭੁਮ੍ਮਨ੍ਤਿ ਆਹ ‘‘ਹਤ੍ਥਿਨਿਮਿਤ੍ਤਂ ਸਿਕ੍ਖਿਤਬ੍ਬ’’ਨ੍ਤਿ। ਹਤ੍ਥਿવਿਸਯਤ੍ਤਾ ਹਤ੍ਥਿਸਨ੍ਨਿਸ੍ਸਿਤਤ੍ਤਾ ਚ ਹਤ੍ਥਿਸਿਪ੍ਪਂ ‘‘ਹਤ੍ਥੀ’’ਤਿ ਗਹੇਤ੍વਾ ‘‘ਹਤ੍ਥਿਸ੍ਮਿਮ੍ਪਿ ਸਿਕ੍ਖਤੀ’’ਤਿ વੁਤ੍ਤਂ। ਤਸ੍ਮਾ ਹਤ੍ਥਿਸਿਪ੍ਪੇ ਸਿਕ੍ਖਤੀਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਸੇਸਪਦੇਸੁਪਿ ਏਸੇવ ਨਯੋ।
Anuttamaṃ anuttariyanti āha ‘‘etaṃ anuttara’’nti. Hatthisminti nimittatthe bhummanti āha ‘‘hatthinimittaṃ sikkhitabba’’nti. Hatthivisayattā hatthisannissitattā ca hatthisippaṃ ‘‘hatthī’’ti gahetvā ‘‘hatthismimpi sikkhatī’’ti vuttaṃ. Tasmā hatthisippe sikkhatīti evamettha attho daṭṭhabbo. Sesapadesupi eseva nayo.
ਲਿਙ੍ਗਬ੍ਯਤ੍ਤਯੇਨ વਿਭਤ੍ਤਿਬ੍ਯਤ੍ਤਯੇਨ ਪਾਰਿਚਰਿਯੇਤਿ વੁਤ੍ਤਨ੍ਤਿ ਆਹ ‘‘ਪਾਰਿਚਰਿਯਾਯ ਪਚ੍ਚੁਪਟ੍ਠਿਤਾ’’ਤਿ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
Liṅgabyattayena vibhattibyattayena pāricariyeti vuttanti āha ‘‘pāricariyāya paccupaṭṭhitā’’ti. Sesamettha suviññeyyameva.
ਅਨੁਤ੍ਤਰਿਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Anuttariyasuttavaṇṇanā niṭṭhitā.
ਅਨੁਤ੍ਤਰਿਯવਗ੍ਗવਣ੍ਣਨਾ ਨਿਟ੍ਠਿਤਾ।
Anuttariyavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਅਨੁਤ੍ਤਰਿਯਸੁਤ੍ਤਂ • 10. Anuttariyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਅਨੁਤ੍ਤਰਿਯਸੁਤ੍ਤવਣ੍ਣਨਾ • 10. Anuttariyasuttavaṇṇanā
