| Library / Tipiṭaka / திபிடக • Tipiṭaka / பரிவார-அட்ட²கதா² • Parivāra-aṭṭhakathā |
சோத³னாகண்ட³ங்
Codanākaṇḍaṃ
அனுவிஜ்ஜககிச்சவண்ணனா
Anuvijjakakiccavaṇṇanā
360-361. இதா³னி ஏவங் உப்பன்னாய சோத³னாய வினயத⁴ரேன கத்தப்³ப³கிச்சங் த³ஸ்ஸேதுங் அனுவிஜ்ஜகேனாதிஆதி³ ஆரத்³த⁴ங். தத்த² தி³ட்ட²ங் தி³ட்டே²னாதி கா³தா²ய அயமத்தோ² – ஏகேனேகோ மாதுகா³மேன ஸத்³தி⁴ங் ஏகட்டா²னதோ நிக்க²மந்தோ வா பவிஸந்தோ வா தி³ட்டோ², ஸோ தங் பாராஜிகேன சோதே³தி, இதரோ தஸ்ஸ த³ஸ்ஸனங் அனுஜானாதி. தங் பன த³ஸ்ஸனங் படிச்ச பாராஜிகங் ந உபேதி, ந படிஜானாதி. ஏவமெத்த² யங் தேன தி³ட்ட²ங், தங் தஸ்ஸ ‘‘தி³ட்டோ² மயா’’தி இமினா தி³ட்ட²வசனேன ஸமேதி. யஸ்மா பன இதரோ தங் த³ஸ்ஸனங் படிச்ச தோ³ஸங் ந படிஜானாதி, தஸ்மா அஸுத்³த⁴பரிஸங்கிதோ ஹோதி; அமூலகபரிஸங்கிதோதி அத்தோ². தஸ்ஸ புக்³க³லஸ்ஸ ‘‘ஸுத்³தோ⁴ அஹ’’ந்தி படிஞ்ஞாய தேன ஸத்³தி⁴ங் உபோஸதோ² காதப்³போ³. ஸேஸகா³தா²த்³வயேபி ஏஸேவ நயோ. ஸேஸங் ஸப்³ப³த்த² உத்தானமேவாதி.
360-361. Idāni evaṃ uppannāya codanāya vinayadharena kattabbakiccaṃ dassetuṃ anuvijjakenātiādi āraddhaṃ. Tattha diṭṭhaṃ diṭṭhenāti gāthāya ayamattho – ekeneko mātugāmena saddhiṃ ekaṭṭhānato nikkhamanto vā pavisanto vā diṭṭho, so taṃ pārājikena codeti, itaro tassa dassanaṃ anujānāti. Taṃ pana dassanaṃ paṭicca pārājikaṃ na upeti, na paṭijānāti. Evamettha yaṃ tena diṭṭhaṃ, taṃ tassa ‘‘diṭṭho mayā’’ti iminā diṭṭhavacanena sameti. Yasmā pana itaro taṃ dassanaṃ paṭicca dosaṃ na paṭijānāti, tasmā asuddhaparisaṅkito hoti; amūlakaparisaṅkitoti attho. Tassa puggalassa ‘‘suddho aha’’nti paṭiññāya tena saddhiṃ uposatho kātabbo. Sesagāthādvayepi eseva nayo. Sesaṃ sabbattha uttānamevāti.
அனுவிஜ்ஜககிச்சவண்ணனா நிட்டி²தா.
Anuvijjakakiccavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 1. அனுவிஜ்ஜகஅனுயோகோ³ • 1. Anuvijjakaanuyogo
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அனுவிஜ்ஜககிச்சவண்ணனா • Anuvijjakakiccavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அனுவிஜ்ஜககிச்சவண்ணனா • Anuvijjakakiccavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / அனுவிஜ்ஜககிச்சவண்ணனா • Anuvijjakakiccavaṇṇanā
