| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
சோத³னாகண்ட³ங்
Codanākaṇḍaṃ
அனுவிஜ்ஜககிச்சவண்ணனா
Anuvijjakakiccavaṇṇanā
360-1. இதா³னி ஆரத்³த⁴ந்தி ஸம்ப³ந்தோ⁴. ஏகோ பி⁴க்கு² ஏகேன மாதுகா³மேனாதி யோஜனா. ஸோதி பஸ்ஸந்தோ பி⁴க்கு². தந்தி நிக்க²மந்தங் பவிஸந்தங் வா பி⁴க்கு²ங். இதரோதி சுதி³தகோ. தஸ்ஸாதி சோத³கஸ்ஸ. ந உபேதீதி ந உபக³ச்ச²தி. ந படிஜானாதீதி ந படிஸ்ஸவங் கரோதி. எத்தா²தி மாதுகா³மேன நிக்க²மந்தபவிஸந்தட்டா²னே. யந்தி கம்மங். தேனாதி சோத³கேன. தஸ்ஸாதி சோத³கஸ்ஸ வசனேனாதி ஸம்ப³ந்தோ⁴. இதரோதி சுதி³தகோ. அஸுத்³த⁴பரிஸங்கிதோதி அஸுத்³தா⁴ய அட்டா²னே உப்பன்னாய பரிஸங்காய பரிஸங்கிதோ. தத³த்த²ங் த³ஸ்ஸேதி ‘‘அமூலகபரிஸங்கிதோ’’தி இமினா. தஸ்ஸ புக்³க³லஸ்ஸாதி சுதி³தகஸ்ஸ படிஞ்ஞாயாதி ஸம்ப³ந்தோ⁴. ஸப்³ப³த்தா²தி ஸப்³பே³ஸு அனுவிஜ்ஜககிச்சேஸு.
360-1. Idāni āraddhanti sambandho. Eko bhikkhu ekena mātugāmenāti yojanā. Soti passanto bhikkhu. Tanti nikkhamantaṃ pavisantaṃ vā bhikkhuṃ. Itaroti cuditako. Tassāti codakassa. Na upetīti na upagacchati. Na paṭijānātīti na paṭissavaṃ karoti. Etthāti mātugāmena nikkhamantapavisantaṭṭhāne. Yanti kammaṃ. Tenāti codakena. Tassāti codakassa vacanenāti sambandho. Itaroti cuditako. Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tadatthaṃ dasseti ‘‘amūlakaparisaṅkito’’ti iminā. Tassa puggalassāti cuditakassa paṭiññāyāti sambandho. Sabbatthāti sabbesu anuvijjakakiccesu.
இதி அனுவிஜ்ஜககிச்சவண்ணனாய யோஜனா ஸமத்தா.
Iti anuvijjakakiccavaṇṇanāya yojanā samattā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 1. அனுவிஜ்ஜகஅனுயோகோ³ • 1. Anuvijjakaanuyogo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / அனுவிஜ்ஜககிச்சவண்ணனா • Anuvijjakakiccavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அனுவிஜ்ஜககிச்சவண்ணனா • Anuvijjakakiccavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அனுவிஜ்ஜககிச்சவண்ணனா • Anuvijjakakiccavaṇṇanā
