சோத³னாகண்ட³ங்

அனுவிஜ்ஜககிச்சவண்ணனா

360. பாளியங் யங் கோ² த்வந்திஆதீ³ஸு த்வங், ஆவுஸோ, யங் இமங் பி⁴க்கு²ங் சோதே³ஸி, தங் கிம்ஹி தோ³ஸே சோதே³ஸி, கதராய விபத்தியா சோதே³ஸீதி அத்தோ². ஏவங் ஸப்³ப³த்த².

361. அஸுத்³த⁴பரிஸங்கிதோதி அஸுத்³தா⁴ய அட்டா²னே உப்பன்னாய பரிஸங்காய பரிஸங்கிதோ. தேனாஹ ‘‘அமூலகபரிஸங்கிதோ’’தி.

364. பாளியங் உபோஸதோ² ஸாமக்³க³த்தா²யாதி விஸுத்³தா⁴னங் பி⁴க்கூ²னங் அஞ்ஞோஞ்ஞனிரபெக்கோ² அஹுத்வா உபோஸதோ² உபோஸத²ட்டா²னங் ஸன்னிபதித்வா ‘‘பாரிஸுத்³தி⁴ங் ஆயஸ்மந்தோ ஆரோசேத², பரிஸுத்³தெ⁴த்தா²யஸ்மந்தோ, பரிஸுத்³தோ⁴ அஹங் ஆவுஸோ’’திஆதி³னா அஞ்ஞமஞ்ஞங் பரிஸுத்³தி⁴வீமங்ஸனாரோசனவஸேன அயுத்தே விவஜ்ஜெத்வா யுத்தேஹேவ காயசித்தஸாமக்³கீ³கரணத்தா²ய.

விஸுத்³தா⁴ய பவாரணாதி தி³ட்ட²ஸுதாதீ³ஹி அஞ்ஞமஞ்ஞங் கதா²பெத்வா விஸுத்³தி⁴ஸம்பாத³னத்தா²யாதி அத்தோ². உபோ⁴ ஏதேதி ஆமிஸபுக்³க³லனிஸ்ஸயனே ஏதே உபோ⁴.

அனுவிஜ்ஜககிச்சவண்ணனா நிட்டி²தா.