| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
চোদনাকণ্ডং
Codanākaṇḍaṃ
অনুৰিজ্জককিচ্চৰণ্ণনা
Anuvijjakakiccavaṇṇanā
৩৬০-১. ইদানি আরদ্ধন্তি সম্বন্ধো। একো ভিক্খু একেন মাতুগামেনাতি যোজনা। সোতি পস্সন্তো ভিক্খু। তন্তি নিক্খমন্তং পৰিসন্তং ৰা ভিক্খুং। ইতরোতি চুদিতকো। তস্সাতি চোদকস্স। ন উপেতীতি ন উপগচ্ছতি। ন পটিজানাতীতি ন পটিস্সৰং করোতি। এত্থাতি মাতুগামেন নিক্খমন্তপৰিসন্তট্ঠানে। যন্তি কম্মং। তেনাতি চোদকেন। তস্সাতি চোদকস্স ৰচনেনাতি সম্বন্ধো। ইতরোতি চুদিতকো। অসুদ্ধপরিসঙ্কিতোতি অসুদ্ধায অট্ঠানে উপ্পন্নায পরিসঙ্কায পরিসঙ্কিতো। তদত্থং দস্সেতি ‘‘অমূলকপরিসঙ্কিতো’’তি ইমিনা। তস্স পুগ্গলস্সাতি চুদিতকস্স পটিঞ্ঞাযাতি সম্বন্ধো। সব্বত্থাতি সব্বেসু অনুৰিজ্জককিচ্চেসু।
360-1. Idāni āraddhanti sambandho. Eko bhikkhu ekena mātugāmenāti yojanā. Soti passanto bhikkhu. Tanti nikkhamantaṃ pavisantaṃ vā bhikkhuṃ. Itaroti cuditako. Tassāti codakassa. Na upetīti na upagacchati. Na paṭijānātīti na paṭissavaṃ karoti. Etthāti mātugāmena nikkhamantapavisantaṭṭhāne. Yanti kammaṃ. Tenāti codakena. Tassāti codakassa vacanenāti sambandho. Itaroti cuditako. Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tadatthaṃ dasseti ‘‘amūlakaparisaṅkito’’ti iminā. Tassa puggalassāti cuditakassa paṭiññāyāti sambandho. Sabbatthāti sabbesu anuvijjakakiccesu.
ইতি অনুৰিজ্জককিচ্চৰণ্ণনায যোজনা সমত্তা।
Iti anuvijjakakiccavaṇṇanāya yojanā samattā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ১. অনুৰিজ্জকঅনুযোগো • 1. Anuvijjakaanuyogo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / অনুৰিজ্জককিচ্চৰণ্ণনা • Anuvijjakakiccavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অনুৰিজ্জককিচ্চৰণ্ণনা • Anuvijjakakiccavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অনুৰিজ্জককিচ্চৰণ্ণনা • Anuvijjakakiccavaṇṇanā
