| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
চোদনাকণ্ডং
Codanākaṇḍaṃ
অনুৰিজ্জককিচ্চৰণ্ণনা
Anuvijjakakiccavaṇṇanā
৩৬০. পাল়িযং যং খো ত্ৰন্তিআদীসু ত্ৰং, আৰুসো, যং ইমং ভিক্খুং চোদেসি, তং কিম্হি দোসে চোদেসি, কতরায ৰিপত্তিযা চোদেসীতি অত্থো। এৰং সব্বত্থ।
360. Pāḷiyaṃ yaṃ kho tvantiādīsu tvaṃ, āvuso, yaṃ imaṃ bhikkhuṃ codesi, taṃ kimhi dose codesi, katarāya vipattiyā codesīti attho. Evaṃ sabbattha.
৩৬১. অসুদ্ধপরিসঙ্কিতোতি অসুদ্ধায অট্ঠানে উপ্পন্নায পরিসঙ্কায পরিসঙ্কিতো। তেনাহ ‘‘অমূলকপরিসঙ্কিতো’’তি।
361.Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tenāha ‘‘amūlakaparisaṅkito’’ti.
৩৬৪. পাল়িযং উপোসথো সামগ্গত্থাযাতি ৰিসুদ্ধানং ভিক্খূনং অঞ্ঞোঞ্ঞনিরপেক্খো অহুত্ৰা উপোসথো উপোসথট্ঠানং সন্নিপতিত্ৰা ‘‘পারিসুদ্ধিং আযস্মন্তো আরোচেথ, পরিসুদ্ধেত্থাযস্মন্তো, পরিসুদ্ধো অহং আৰুসো’’তিআদিনা অঞ্ঞমঞ্ঞং পরিসুদ্ধিৰীমংসনারোচনৰসেন অযুত্তে ৰিৰজ্জেত্ৰা যুত্তেহেৰ কাযচিত্তসামগ্গীকরণত্থায।
364. Pāḷiyaṃ uposatho sāmaggatthāyāti visuddhānaṃ bhikkhūnaṃ aññoññanirapekkho ahutvā uposatho uposathaṭṭhānaṃ sannipatitvā ‘‘pārisuddhiṃ āyasmanto ārocetha, parisuddhetthāyasmanto, parisuddho ahaṃ āvuso’’tiādinā aññamaññaṃ parisuddhivīmaṃsanārocanavasena ayutte vivajjetvā yutteheva kāyacittasāmaggīkaraṇatthāya.
ৰিসুদ্ধায পৰারণাতি দিট্ঠসুতাদীহি অঞ্ঞমঞ্ঞং কথাপেত্ৰা ৰিসুদ্ধিসম্পাদনত্থাযাতি অত্থো। উভো এতেতি আমিসপুগ্গলনিস্সযনে এতে উভো।
Visuddhāya pavāraṇāti diṭṭhasutādīhi aññamaññaṃ kathāpetvā visuddhisampādanatthāyāti attho. Ubho eteti āmisapuggalanissayane ete ubho.
অনুৰিজ্জককিচ্চৰণ্ণনা নিট্ঠিতা।
Anuvijjakakiccavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
১. অনুৰিজ্জকঅনুযোগো • 1. Anuvijjakaanuyogo
২. চোদকাদিপটিপত্তি • 2. Codakādipaṭipatti
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā
অনুৰিজ্জককিচ্চৰণ্ণনা • Anuvijjakakiccavaṇṇanā
চোদকপুচ্ছাৰিস্সজ্জনাৰণ্ণনা • Codakapucchāvissajjanāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অনুৰিজ্জককিচ্চৰণ্ণনা • Anuvijjakakiccavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / অনুৰিজ্জককিচ্চৰণ্ণনা • Anuvijjakakiccavaṇṇanā
