| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
โจทนากณฺฑํ
Codanākaṇḍaṃ
อนุวิชฺชกกิจฺจวณฺณนา
Anuvijjakakiccavaṇṇanā
๓๖๐. ปาฬิยํ ยํ โข ตฺวนฺติอาทีสุ ตฺวํ, อาวุโส, ยํ อิมํ ภิกฺขุํ โจเทสิ, ตํ กิมฺหิ โทเส โจเทสิ, กตราย วิปตฺติยา โจเทสีติ อโตฺถฯ เอวํ สพฺพตฺถฯ
360. Pāḷiyaṃ yaṃ kho tvantiādīsu tvaṃ, āvuso, yaṃ imaṃ bhikkhuṃ codesi, taṃ kimhi dose codesi, katarāya vipattiyā codesīti attho. Evaṃ sabbattha.
๓๖๑. อสุทฺธปริสงฺกิโตติ อสุทฺธาย อฎฺฐาเน อุปฺปนฺนาย ปริสงฺกาย ปริสงฺกิโตฯ เตนาห ‘‘อมูลกปริสงฺกิโต’’ติฯ
361.Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tenāha ‘‘amūlakaparisaṅkito’’ti.
๓๖๔. ปาฬิยํ อุโปสโถ สามคฺคตฺถายาติ วิสุทฺธานํ ภิกฺขูนํ อโญฺญญฺญนิรเปโกฺข อหุตฺวา อุโปสโถ อุโปสถฎฺฐานํ สนฺนิปติตฺวา ‘‘ปาริสุทฺธิํ อายสฺมโนฺต อาโรเจถ, ปริสุเทฺธตฺถายสฺมโนฺต, ปริสุโทฺธ อหํ อาวุโส’’ติอาทินา อญฺญมญฺญํ ปริสุทฺธิวีมํสนาโรจนวเสน อยุเตฺต วิวเชฺชตฺวา ยุเตฺตเหว กายจิตฺตสามคฺคีกรณตฺถายฯ
364. Pāḷiyaṃ uposatho sāmaggatthāyāti visuddhānaṃ bhikkhūnaṃ aññoññanirapekkho ahutvā uposatho uposathaṭṭhānaṃ sannipatitvā ‘‘pārisuddhiṃ āyasmanto ārocetha, parisuddhetthāyasmanto, parisuddho ahaṃ āvuso’’tiādinā aññamaññaṃ parisuddhivīmaṃsanārocanavasena ayutte vivajjetvā yutteheva kāyacittasāmaggīkaraṇatthāya.
วิสุทฺธาย ปวารณาติ ทิฎฺฐสุตาทีหิ อญฺญมญฺญํ กถาเปตฺวา วิสุทฺธิสมฺปาทนตฺถายาติ อโตฺถฯ อุโภ เอเตติ อามิสปุคฺคลนิสฺสยเน เอเต อุโภฯ
Visuddhāya pavāraṇāti diṭṭhasutādīhi aññamaññaṃ kathāpetvā visuddhisampādanatthāyāti attho. Ubho eteti āmisapuggalanissayane ete ubho.
อนุวิชฺชกกิจฺจวณฺณนา นิฎฺฐิตาฯ
Anuvijjakakiccavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi
๑. อนุวิชฺชกอนุโยโค • 1. Anuvijjakaanuyogo
๒. โจทกาทิปฎิปตฺติ • 2. Codakādipaṭipatti
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā
อนุวิชฺชกกิจฺจวณฺณนา • Anuvijjakakiccavaṇṇanā
โจทกปุจฺฉาวิสฺสชฺชนาวณฺณนา • Codakapucchāvissajjanāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อนุวิชฺชกกิจฺจวณฺณนา • Anuvijjakakiccavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / อนุวิชฺชกกิจฺจวณฺณนา • Anuvijjakakiccavaṇṇanā
