| Library / Tipiṭaka / តិបិដក • Tipiṭaka / បរិវារ-អដ្ឋកថា • Parivāra-aṭṭhakathā |
ចោទនាកណ្ឌំ
Codanākaṇḍaṃ
អនុវិជ្ជកកិច្ចវណ្ណនា
Anuvijjakakiccavaṇṇanā
៣៦០-៣៦១. ឥទានិ ឯវំ ឧប្បន្នាយ ចោទនាយ វិនយធរេន កត្តព្ពកិច្ចំ ទស្សេតុំ អនុវិជ្ជកេនាតិអាទិ អារទ្ធំ។ តត្ថ ទិដ្ឋំ ទិដ្ឋេនាតិ គាថាយ អយមត្ថោ – ឯកេនេកោ មាតុគាមេន សទ្ធិំ ឯកដ្ឋានតោ និក្ខមន្តោ វា បវិសន្តោ វា ទិដ្ឋោ, សោ តំ បារាជិកេន ចោទេតិ, ឥតរោ តស្ស ទស្សនំ អនុជានាតិ។ តំ បន ទស្សនំ បដិច្ច បារាជិកំ ន ឧបេតិ, ន បដិជានាតិ។ ឯវមេត្ថ យំ តេន ទិដ្ឋំ, តំ តស្ស ‘‘ទិដ្ឋោ មយា’’តិ ឥមិនា ទិដ្ឋវចនេន សមេតិ។ យស្មា បន ឥតរោ តំ ទស្សនំ បដិច្ច ទោសំ ន បដិជានាតិ, តស្មា អសុទ្ធបរិសង្កិតោ ហោតិ; អមូលកបរិសង្កិតោតិ អត្ថោ។ តស្ស បុគ្គលស្ស ‘‘សុទ្ធោ អហ’’ន្តិ បដិញ្ញាយ តេន សទ្ធិំ ឧបោសថោ កាតព្ពោ។ សេសគាថាទ្វយេបិ ឯសេវ នយោ។ សេសំ សព្ពត្ថ ឧត្តានមេវាតិ។
360-361. Idāni evaṃ uppannāya codanāya vinayadharena kattabbakiccaṃ dassetuṃ anuvijjakenātiādi āraddhaṃ. Tattha diṭṭhaṃ diṭṭhenāti gāthāya ayamattho – ekeneko mātugāmena saddhiṃ ekaṭṭhānato nikkhamanto vā pavisanto vā diṭṭho, so taṃ pārājikena codeti, itaro tassa dassanaṃ anujānāti. Taṃ pana dassanaṃ paṭicca pārājikaṃ na upeti, na paṭijānāti. Evamettha yaṃ tena diṭṭhaṃ, taṃ tassa ‘‘diṭṭho mayā’’ti iminā diṭṭhavacanena sameti. Yasmā pana itaro taṃ dassanaṃ paṭicca dosaṃ na paṭijānāti, tasmā asuddhaparisaṅkito hoti; amūlakaparisaṅkitoti attho. Tassa puggalassa ‘‘suddho aha’’nti paṭiññāya tena saddhiṃ uposatho kātabbo. Sesagāthādvayepi eseva nayo. Sesaṃ sabbattha uttānamevāti.
អនុវិជ្ជកកិច្ចវណ្ណនា និដ្ឋិតា។
Anuvijjakakiccavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ១. អនុវិជ្ជកអនុយោគោ • 1. Anuvijjakaanuyogo
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អនុវិជ្ជកកិច្ចវណ្ណនា • Anuvijjakakiccavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / អនុវិជ្ជកកិច្ចវណ្ណនា • Anuvijjakakiccavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / អនុវិជ្ជកកិច្ចវណ្ណនា • Anuvijjakakiccavaṇṇanā
