| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
ចោទនាកណ្ឌំ
Codanākaṇḍaṃ
អនុវិជ្ជកកិច្ចវណ្ណនា
Anuvijjakakiccavaṇṇanā
៣៦០-១. ឥទានិ អារទ្ធន្តិ សម្ពន្ធោ។ ឯកោ ភិក្ខុ ឯកេន មាតុគាមេនាតិ យោជនា។ សោតិ បស្សន្តោ ភិក្ខុ។ តន្តិ និក្ខមន្តំ បវិសន្តំ វា ភិក្ខុំ។ ឥតរោតិ ចុទិតកោ។ តស្សាតិ ចោទកស្ស។ ន ឧបេតីតិ ន ឧបគច្ឆតិ។ ន បដិជានាតីតិ ន បដិស្សវំ ករោតិ។ ឯត្ថាតិ មាតុគាមេន និក្ខមន្តបវិសន្តដ្ឋានេ។ យន្តិ កម្មំ។ តេនាតិ ចោទកេន។ តស្សាតិ ចោទកស្ស វចនេនាតិ សម្ពន្ធោ។ ឥតរោតិ ចុទិតកោ។ អសុទ្ធបរិសង្កិតោតិ អសុទ្ធាយ អដ្ឋានេ ឧប្បន្នាយ បរិសង្កាយ បរិសង្កិតោ។ តទត្ថំ ទស្សេតិ ‘‘អមូលកបរិសង្កិតោ’’តិ ឥមិនា។ តស្ស បុគ្គលស្សាតិ ចុទិតកស្ស បដិញ្ញាយាតិ សម្ពន្ធោ។ សព្ពត្ថាតិ សព្ពេសុ អនុវិជ្ជកកិច្ចេសុ។
360-1. Idāni āraddhanti sambandho. Eko bhikkhu ekena mātugāmenāti yojanā. Soti passanto bhikkhu. Tanti nikkhamantaṃ pavisantaṃ vā bhikkhuṃ. Itaroti cuditako. Tassāti codakassa. Na upetīti na upagacchati. Na paṭijānātīti na paṭissavaṃ karoti. Etthāti mātugāmena nikkhamantapavisantaṭṭhāne. Yanti kammaṃ. Tenāti codakena. Tassāti codakassa vacanenāti sambandho. Itaroti cuditako. Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tadatthaṃ dasseti ‘‘amūlakaparisaṅkito’’ti iminā. Tassa puggalassāti cuditakassa paṭiññāyāti sambandho. Sabbatthāti sabbesu anuvijjakakiccesu.
ឥតិ អនុវិជ្ជកកិច្ចវណ្ណនាយ យោជនា សមត្តា។
Iti anuvijjakakiccavaṇṇanāya yojanā samattā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ១. អនុវិជ្ជកអនុយោគោ • 1. Anuvijjakaanuyogo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / អនុវិជ្ជកកិច្ចវណ្ណនា • Anuvijjakakiccavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អនុវិជ្ជកកិច្ចវណ្ណនា • Anuvijjakakiccavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / អនុវិជ្ជកកិច្ចវណ្ណនា • Anuvijjakakiccavaṇṇanā
