| Library / Tipiṭaka / တိပိဋက • Tipiṭaka / ပရိဝာရ-အဋ္ဌကထာ • Parivāra-aṭṭhakathā |
စောဒနာကဏ္ဍံ
Codanākaṇḍaṃ
အနုဝိဇ္ဇကကိစ္စဝဏ္ဏနာ
Anuvijjakakiccavaṇṇanā
၃၆၀-၃၆၁. ဣဒာနိ ဧဝံ ဥပ္ပန္နာယ စောဒနာယ ဝိနယဓရေန ကတ္တဗ္ဗကိစ္စံ ဒသ္သေတုံ အနုဝိဇ္ဇကေနာတိအာဒိ အာရဒ္ဓံ။ တတ္ထ ဒိဋ္ဌံ ဒိဋ္ဌေနာတိ ဂာထာယ အယမတ္ထော – ဧကေနေကော မာတုဂာမေန သဒ္ဓိံ ဧကဋ္ဌာနတော နိက္ခမန္တော ဝာ ပဝိသန္တော ဝာ ဒိဋ္ဌော, သော တံ ပာရာဇိကေန စောဒေတိ, ဣတရော တသ္သ ဒသ္သနံ အနုဇာနာတိ။ တံ ပန ဒသ္သနံ ပဋိစ္စ ပာရာဇိကံ န ဥပေတိ, န ပဋိဇာနာတိ။ ဧဝမေတ္ထ ယံ တေန ဒိဋ္ဌံ, တံ တသ္သ ‘‘ဒိဋ္ဌော မယာ’’တိ ဣမိနာ ဒိဋ္ဌဝစနေန သမေတိ။ ယသ္မာ ပန ဣတရော တံ ဒသ္သနံ ပဋိစ္စ ဒောသံ န ပဋိဇာနာတိ, တသ္မာ အသုဒ္ဓပရိသင္ကိတော ဟောတိ; အမူလကပရိသင္ကိတောတိ အတ္ထော။ တသ္သ ပုဂ္ဂလသ္သ ‘‘သုဒ္ဓော အဟ’’န္တိ ပဋိညာယ တေန သဒ္ဓိံ ဥပောသထော ကာတဗ္ဗော။ သေသဂာထာဒ္ဝယေပိ ဧသေဝ နယော။ သေသံ သဗ္ဗတ္ထ ဥတ္တာနမေဝာတိ။
360-361. Idāni evaṃ uppannāya codanāya vinayadharena kattabbakiccaṃ dassetuṃ anuvijjakenātiādi āraddhaṃ. Tattha diṭṭhaṃ diṭṭhenāti gāthāya ayamattho – ekeneko mātugāmena saddhiṃ ekaṭṭhānato nikkhamanto vā pavisanto vā diṭṭho, so taṃ pārājikena codeti, itaro tassa dassanaṃ anujānāti. Taṃ pana dassanaṃ paṭicca pārājikaṃ na upeti, na paṭijānāti. Evamettha yaṃ tena diṭṭhaṃ, taṃ tassa ‘‘diṭṭho mayā’’ti iminā diṭṭhavacanena sameti. Yasmā pana itaro taṃ dassanaṃ paṭicca dosaṃ na paṭijānāti, tasmā asuddhaparisaṅkito hoti; amūlakaparisaṅkitoti attho. Tassa puggalassa ‘‘suddho aha’’nti paṭiññāya tena saddhiṃ uposatho kātabbo. Sesagāthādvayepi eseva nayo. Sesaṃ sabbattha uttānamevāti.
အနုဝိဇ္ဇကကိစ္စဝဏ္ဏနာ နိဋ္ဌိတာ။
Anuvijjakakiccavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၁. အနုဝိဇ္ဇကအနုယောဂော • 1. Anuvijjakaanuyogo
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အနုဝိဇ္ဇကကိစ္စဝဏ္ဏနာ • Anuvijjakakiccavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အနုဝိဇ္ဇကကိစ္စဝဏ္ဏနာ • Anuvijjakakiccavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / အနုဝိဇ္ဇကကိစ္စဝဏ္ဏနာ • Anuvijjakakiccavaṇṇanā
