| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
စောဒနာကဏ္ဍံ
Codanākaṇḍaṃ
အနုဝိဇ္ဇကကိစ္စဝဏ္ဏနာ
Anuvijjakakiccavaṇṇanā
၃၆၀. ပာဠိယံ ယံ ခော တ္ဝန္တိအာဒီသု တ္ဝံ, အာဝုသော, ယံ ဣမံ ဘိက္ခုံ စောဒေသိ, တံ ကိမ္ဟိ ဒောသေ စောဒေသိ, ကတရာယ ဝိပတ္တိယာ စောဒေသီတိ အတ္ထော။ ဧဝံ သဗ္ဗတ္ထ။
360. Pāḷiyaṃ yaṃ kho tvantiādīsu tvaṃ, āvuso, yaṃ imaṃ bhikkhuṃ codesi, taṃ kimhi dose codesi, katarāya vipattiyā codesīti attho. Evaṃ sabbattha.
၃၆၁. အသုဒ္ဓပရိသင္ကိတောတိ အသုဒ္ဓာယ အဋ္ဌာနေ ဥပ္ပန္နာယ ပရိသင္ကာယ ပရိသင္ကိတော။ တေနာဟ ‘‘အမူလကပရိသင္ကိတော’’တိ။
361.Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tenāha ‘‘amūlakaparisaṅkito’’ti.
၃၆၄. ပာဠိယံ ဥပောသထော သာမဂ္ဂတ္ထာယာတိ ဝိသုဒ္ဓာနံ ဘိက္ခူနံ အညောညနိရပေက္ခော အဟုတ္ဝာ ဥပောသထော ဥပောသထဋ္ဌာနံ သန္နိပတိတ္ဝာ ‘‘ပာရိသုဒ္ဓိံ အာယသ္မန္တော အာရောစေထ, ပရိသုဒ္ဓေတ္ထာယသ္မန္တော, ပရိသုဒ္ဓော အဟံ အာဝုသော’’တိအာဒိနာ အညမညံ ပရိသုဒ္ဓိဝီမံသနာရောစနဝသေန အယုတ္တေ ဝိဝဇ္ဇေတ္ဝာ ယုတ္တေဟေဝ ကာယစိတ္တသာမဂ္ဂီကရဏတ္ထာယ။
364. Pāḷiyaṃ uposatho sāmaggatthāyāti visuddhānaṃ bhikkhūnaṃ aññoññanirapekkho ahutvā uposatho uposathaṭṭhānaṃ sannipatitvā ‘‘pārisuddhiṃ āyasmanto ārocetha, parisuddhetthāyasmanto, parisuddho ahaṃ āvuso’’tiādinā aññamaññaṃ parisuddhivīmaṃsanārocanavasena ayutte vivajjetvā yutteheva kāyacittasāmaggīkaraṇatthāya.
ဝိသုဒ္ဓာယ ပဝာရဏာတိ ဒိဋ္ဌသုတာဒီဟိ အညမညံ ကထာပေတ္ဝာ ဝိသုဒ္ဓိသမ္ပာဒနတ္ထာယာတိ အတ္ထော။ ဥဘော ဧတေတိ အာမိသပုဂ္ဂလနိသ္သယနေ ဧတေ ဥဘော။
Visuddhāya pavāraṇāti diṭṭhasutādīhi aññamaññaṃ kathāpetvā visuddhisampādanatthāyāti attho. Ubho eteti āmisapuggalanissayane ete ubho.
အနုဝိဇ္ဇကကိစ္စဝဏ္ဏနာ နိဋ္ဌိတာ။
Anuvijjakakiccavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi
၁. အနုဝိဇ္ဇကအနုယောဂော • 1. Anuvijjakaanuyogo
၂. စောဒကာဒိပဋိပတ္တိ • 2. Codakādipaṭipatti
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā
အနုဝိဇ္ဇကကိစ္စဝဏ္ဏနာ • Anuvijjakakiccavaṇṇanā
စောဒကပုစ္ဆာဝိသ္သဇ္ဇနာဝဏ္ဏနာ • Codakapucchāvissajjanāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အနုဝိဇ္ဇကကိစ္စဝဏ္ဏနာ • Anuvijjakakiccavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / အနုဝိဇ္ဇကကိစ္စဝဏ္ဏနာ • Anuvijjakakiccavaṇṇanā
