| Library / Tipiṭaka / තිපිටක • Tipiṭaka / පරිවාර-අට්‌ඨකථා • Parivāra-aṭṭhakathā |
චොදනාකණ්‌ඩං
Codanākaṇḍaṃ
අනුවිජ්‌ජකකිච්‌චවණ්‌ණනා
Anuvijjakakiccavaṇṇanā
360-361. ඉදානි එවං උප්‌පන්‌නාය චොදනාය විනයධරෙන කත්‌තබ්‌බකිච්‌චං දස්‌සෙතුං අනුවිජ්‌ජකෙනාතිආදි ආරද්‌ධං. තත්‌ථ දිට්‌ඨං දිට්‌ඨෙනාති ගාථාය අයමත්‌ථො – එකෙනෙකො මාතුගාමෙන සද්‌ධිං එකට්‌ඨානතො නික්‌ඛමන්‌තො වා පවිසන්‌තො වා දිට්‌ඨො, සො තං පාරාජිකෙන චොදෙති, ඉතරො තස්‌ස දස්‌සනං අනුජානාති. තං පන දස්‌සනං පටිච්‌ච පාරාජිකං න උපෙති, න පටිජානාති. එවමෙත්‌ථ යං තෙන දිට්‌ඨං, තං තස්‌ස ‘‘දිට්‌ඨො මයා’’ති ඉමිනා දිට්‌ඨවචනෙන සමෙති. යස්‌මා පන ඉතරො තං දස්‌සනං පටිච්‌ච දොසං න පටිජානාති, තස්‌මා අසුද්‌ධපරිසඞ්‌කිතො හොති; අමූලකපරිසඞ්‌කිතොති අත්‌ථො. තස්‌ස පුග්‌ගලස්‌ස ‘‘සුද්‌ධො අහ’’න්‌ති පටිඤ්‌ඤාය තෙන සද්‌ධිං උපොසථො කාතබ්‌බො. සෙසගාථාද්‌වයෙපි එසෙව නයො. සෙසං සබ්‌බත්‌ථ උත්‌තානමෙවාති.
360-361. Idāni evaṃ uppannāya codanāya vinayadharena kattabbakiccaṃ dassetuṃ anuvijjakenātiādi āraddhaṃ. Tattha diṭṭhaṃ diṭṭhenāti gāthāya ayamattho – ekeneko mātugāmena saddhiṃ ekaṭṭhānato nikkhamanto vā pavisanto vā diṭṭho, so taṃ pārājikena codeti, itaro tassa dassanaṃ anujānāti. Taṃ pana dassanaṃ paṭicca pārājikaṃ na upeti, na paṭijānāti. Evamettha yaṃ tena diṭṭhaṃ, taṃ tassa ‘‘diṭṭho mayā’’ti iminā diṭṭhavacanena sameti. Yasmā pana itaro taṃ dassanaṃ paṭicca dosaṃ na paṭijānāti, tasmā asuddhaparisaṅkito hoti; amūlakaparisaṅkitoti attho. Tassa puggalassa ‘‘suddho aha’’nti paṭiññāya tena saddhiṃ uposatho kātabbo. Sesagāthādvayepi eseva nayo. Sesaṃ sabbattha uttānamevāti.
අනුවිජ්‌ජකකිච්‌චවණ්‌ණනා නිට්‌ඨිතා.
Anuvijjakakiccavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 1. අනුවිජ්‌ජකඅනුයොගො • 1. Anuvijjakaanuyogo
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අනුවිජ්‌ජකකිච්‌චවණ්‌ණනා • Anuvijjakakiccavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අනුවිජ්‌ජකකිච්‌චවණ්‌ණනා • Anuvijjakakiccavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / අනුවිජ්‌ජකකිච්‌චවණ්‌ණනා • Anuvijjakakiccavaṇṇanā
