| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
චොදනාකණ්‌ඩං
Codanākaṇḍaṃ
අනුවිජ්‌ජකකිච්‌චවණ්‌ණනා
Anuvijjakakiccavaṇṇanā
360-1. ඉදානි ආරද්‌ධන්‌ති සම්‌බන්‌ධො. එකො භික්‌ඛු එකෙන මාතුගාමෙනාති යොජනා. සොති පස්‌සන්‌තො භික්‌ඛු. තන්‌ති නික්‌ඛමන්‌තං පවිසන්‌තං වා භික්‌ඛුං. ඉතරොති චුදිතකො. තස්‌සාති චොදකස්‌ස. න උපෙතීති න උපගච්‌ඡති. න පටිජානාතීති න පටිස්‌සවං කරොති. එත්‌ථාති මාතුගාමෙන නික්‌ඛමන්‌තපවිසන්‌තට්‌ඨානෙ. යන්‌ති කම්‌මං. තෙනාති චොදකෙන. තස්‌සාති චොදකස්‌ස වචනෙනාති සම්‌බන්‌ධො. ඉතරොති චුදිතකො. අසුද්‌ධපරිසඞ්‌කිතොති අසුද්‌ධාය අට්‌ඨානෙ උප්‌පන්‌නාය පරිසඞ්‌කාය පරිසඞ්‌කිතො. තදත්‌ථං දස්‌සෙති ‘‘අමූලකපරිසඞ්‌කිතො’’ති ඉමිනා. තස්‌ස පුග්‌ගලස්‌සාති චුදිතකස්‌ස පටිඤ්‌ඤායාති සම්‌බන්‌ධො. සබ්‌බත්‌ථාති සබ්‌බෙසු අනුවිජ්‌ජකකිච්‌චෙසු.
360-1. Idāni āraddhanti sambandho. Eko bhikkhu ekena mātugāmenāti yojanā. Soti passanto bhikkhu. Tanti nikkhamantaṃ pavisantaṃ vā bhikkhuṃ. Itaroti cuditako. Tassāti codakassa. Na upetīti na upagacchati. Na paṭijānātīti na paṭissavaṃ karoti. Etthāti mātugāmena nikkhamantapavisantaṭṭhāne. Yanti kammaṃ. Tenāti codakena. Tassāti codakassa vacanenāti sambandho. Itaroti cuditako. Asuddhaparisaṅkitoti asuddhāya aṭṭhāne uppannāya parisaṅkāya parisaṅkito. Tadatthaṃ dasseti ‘‘amūlakaparisaṅkito’’ti iminā. Tassa puggalassāti cuditakassa paṭiññāyāti sambandho. Sabbatthāti sabbesu anuvijjakakiccesu.
ඉති අනුවිජ්‌ජකකිච්‌චවණ්‌ණනාය යොජනා සමත්‌තා.
Iti anuvijjakakiccavaṇṇanāya yojanā samattā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 1. අනුවිජ්‌ජකඅනුයොගො • 1. Anuvijjakaanuyogo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / අනුවිජ්‌ජකකිච්‌චවණ්‌ණනා • Anuvijjakakiccavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අනුවිජ්‌ජකකිච්‌චවණ්‌ණනා • Anuvijjakakiccavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අනුවිජ්‌ජකකිච්‌චවණ්‌ණනා • Anuvijjakakiccavaṇṇanā
